(Source: ECI/ABP News)
Shocking: ਮਸ਼ਹੂਰ ਹਸਤੀ ਦੀ ਸਟੇਜ 'ਤੇ ਪਰਫਾਰਮ ਕਰਦੇ ਸਮੇਂ ਹੋਈ ਮੌ*ਤ, ਡੂੰਘੇ ਸਦਮੇ 'ਚ ਫੈਨਜ਼
Julien Arnold Dies During Performance: ਸੰਗੀਤ ਜਗਤ ਤੋਂ ਮੰਦਭਾਗੀ ਖਬਰ ਸਾਹਮਣੇ ਆ ਰਹੀ ਹੈ। ਜਿਸ ਨਾਲ ਫਿਲਮੀ ਸਿਤਾਰਿਆਂ ਸਣੇ ਪ੍ਰਸ਼ੰਸਕਾਂ ਨੂੰ ਵੀ ਵੱਡਾ ਝਟਕਾ ਲੱਗਾ ਹੈ। ਦਰਅਸਲ, ਸਿਟਾਡੇਲ ਥੀਏਟਰ 'ਚ 'ਏ ਕ੍ਰਿਸਮਸ ਕੈਰੋਲ'
Julien Arnold Dies During Performance: ਸੰਗੀਤ ਜਗਤ ਤੋਂ ਮੰਦਭਾਗੀ ਖਬਰ ਸਾਹਮਣੇ ਆ ਰਹੀ ਹੈ। ਜਿਸ ਨਾਲ ਫਿਲਮੀ ਸਿਤਾਰਿਆਂ ਸਣੇ ਪ੍ਰਸ਼ੰਸਕਾਂ ਨੂੰ ਵੀ ਵੱਡਾ ਝਟਕਾ ਲੱਗਾ ਹੈ। ਦਰਅਸਲ, ਸਿਟਾਡੇਲ ਥੀਏਟਰ 'ਚ 'ਏ ਕ੍ਰਿਸਮਸ ਕੈਰੋਲ' ਦੇ ਮੰਚਨ ਦੌਰਾਨ ਅਦਾਕਾਰ ਜੂਲੀਅਨ ਆਰਨੋਲਡ ਦੀ ਮੌਤ ਹੋ ਗਈ। ਇਹ ਦਰਦਨਾਕ ਘਟਨਾ ਬੀਤੇ ਐਤਵਾਰ ਉਸ ਸਮੇਂ ਵਾਪਰੀ ਜਦੋਂ ਆਰਨੋਲਡ ਸਟੇਜ 'ਤੇ ਪਰਫਾਰਮ ਕਰ ਰਹੇ ਸਨ। ਸੂਤਰਾਂ ਮੁਤਾਬਕ ਇਸ ਪਰਫਾਰਮੈਂਸ 'ਚ ਉਹ ਐਕਟਿੰਗ ਕਰ ਰਹੇ ਸੀ। ਉਨ੍ਹਾਂ 59 ਸਾਲ ਦੀ ਉਮਰ ਵਿੱਚ ਦਮ ਤੋੜਿਆ। ਇਸ ਰੋਲ ਤੋਂ ਇਲਾਵਾ ਉਹ ਕਈ ਹੋਰ ਅਹਿਮ ਭੂਮਿਕਾਵਾਂ 'ਚ ਵੀ ਨਜ਼ਰ ਆਏ ਸੀ।
ਅਦਾਕਾਰ ਦੀ ਮੌਤ ਤੋਂ ਸਦਮੇ 'ਚ ਪ੍ਰਸ਼ੰਸਕ
ਸਿਟਾਡੇਲ ਥੀਏਟਰ ਦੇ ਅਨੁਸਾਰ, ਮੈਡੀਕਲ ਟੀਮ ਨੂੰ ਤੁਰੰਤ ਮੌਕੇ 'ਤੇ ਬੁਲਾਇਆ ਗਿਆ ਅਤੇ ਉਨ੍ਹਾਂ ਨੇ ਅਦਾਕਾਰ ਦੀ ਜਾਨ ਬਚਾਉਣ ਦੀ ਪੂਰੀ ਕੋਸ਼ਿਸ਼ ਕੀਤੀ, ਪਰ ਉਹ ਉਨ੍ਹਾਂ ਦੀ ਜਾਨ ਨਹੀਂ ਬਚਾ ਸਕੇ। ਸਿਟਾਡੇਲ ਥੀਏਟਰ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ 'ਤੇ ਅਭਿਨੇਤਾ ਦੀ ਮੌਤ ਦੀ ਪੁਸ਼ਟੀ ਕੀਤੀ, ਹਾਲਾਂਕਿ ਕਾਰਨ ਦਾ ਖੁਲਾਸਾ ਨਹੀਂ ਕੀਤਾ ਗਿਆ ਸੀ।
ਸਿਟਾਡੇਲ ਥਿਏਟਰ ਨੇ ਲਿਖਿਆ, 'ਅਸੀ ਬਹੁਤ ਭਾਰੇ ਮਨ ਨਾਲ ਇਹ ਦੁਖਦ ਖ਼ਬਰ ਸਾਂਝੀ ਕਰ ਰਹੇ ਹਾਂ ਕਿ ਸਾਡੇ ਪਿਆਰੇ ਅਦਾਕਾਰ ਅਤੇ ਥੀਏਟਰ ਪਰਿਵਾਰ ਦੇ ਮੈਂਬਰ ਜੂਲੀਅਨ ਆਰਨੋਲਡ ਦਾ ਅਚਾਨਕ ਦੇਹਾਂਤ ਹੋ ਗਿਆ ਹੈ। ਉਹ ਐਡਮੰਟਨ ਥੀਏਟਰ ਕਮਿਊਨਿਟੀ ਦਾ ਇੱਕ ਮਹੱਤਵਪੂਰਣ ਮੈਂਬਰ ਸੀ, ਜਿਸਦੀ ਪ੍ਰਤਿਭਾ ਅਤੇ ਸੁਹਜ ਨੇ ਬਹੁਤ ਸਾਰੇ ਸ਼ਾਨਦਾਰ ਪ੍ਰਦਰਸ਼ਨਾਂ ਨਾਲ ਸਾਡੇ ਪੜਾਅ ਨੂੰ ਪ੍ਰਭਾਵਿਤ ਕੀਤਾ। ਜੂਲੀਅਨ ਦਾ ਜਾਣਾ ਸਾਡੇ ਲਈ ਡੂੰਘਾ ਘਾਟਾ ਹੈ।
ਇਨ੍ਹਾਂ ਨਾਟਕਾਂ ਲਈ ਜਾਣੇ ਜਾਂਦੇ ਸੀ ਅਦਾਕਾਰ
ਜੂਲੀਅਨ ਆਰਨੋਲਡ ਨੂੰ ਥੀਏਟਰ ਜਗਤ ਵਿੱਚ ਉਨ੍ਹਾਂ ਦੀ ਤਸਵੀਰ ਅਤੇ ਕਈ ਯਾਦਗਾਰ ਭੂਮਿਕਾਵਾਂ ਲਈ ਜਾਣਿਆ ਜਾਂਦਾ ਸੀ। ਉਸ ਦੀ ਅਦਾਕਾਰੀ ਵਿੱਚ ਡੂੰਘੀ ਸੰਵੇਦਨਸ਼ੀਲਤਾ ਅਤੇ ਹਾਸਰਸ ਦਾ ਅਨੋਖਾ ਸੰਤੁਲਨ ਸੀ। 'ਏ ਕ੍ਰਿਸਮਸ ਕੈਰਲ' ਦੇ ਮੰਚਨ ਤੋਂ ਇਲਾਵਾ ਉਨ੍ਹਾਂ ਨੇ 'ਟਵੈਲਥ ਨਾਈਟ', 'ਦਿ ਵਿਜ਼ਾਰਡ ਆਫ਼ ਓਜ਼', 'ਬਿਟੀ ਐਂਡ ਦਾ ਬੀਸਟ', 'ਏ ਮਿਡਸਮਰ ਨਾਈਟਸ ਡ੍ਰੀਮ' ਵਰਗੇ ਕਈ ਵੱਡੇ ਨਾਟਕਾਂ ਵਿੱਚ ਵੀ ਅਹਿਮ ਭੂਮਿਕਾਵਾਂ ਨਿਭਾਈਆਂ ਸੀ।
ਉਨ੍ਹਾਂ ਦੇ ਯੋਗਦਾਨ ਦੀ ਨਾ ਸਿਰਫ਼ ਸਿਟਾਡੇਲ ਥੀਏਟਰ ਦੁਆਰਾ, ਸਗੋਂ ਐਡਮਿੰਟਨ ਦੇ ਥੀਏਟਰ ਭਾਈਚਾਰੇ ਦੁਆਰਾ ਵੀ ਸ਼ਲਾਘਾ ਕੀਤੀ ਗਈ ਸੀ। ਅਭਿਨੇਤਾ ਦੀ ਮੌਤ ਤੋਂ ਬਾਅਦ, ਸਿਟਾਡੇਲ ਥੀਏਟਰ ਨੇ ਘੋਸ਼ਣਾ ਕੀਤੀ ਕਿ 'ਏ ਕ੍ਰਿਸਮਸ ਕੈਰੋਲ' ਦਾ ਇਸ ਸੀਜ਼ਨ ਦਾ ਸ਼ੋਅ ਜੂਲੀਅਨ ਅਰਨੋਲਡ ਦੀ ਯਾਦ ਨੂੰ ਸਮਰਪਿਤ ਕੀਤਾ ਜਾਵੇਗਾ। ਇੱਕ Go-FundMe ਪੇਜ ਵੀ ਸ਼ੁਰੂ ਕੀਤਾ ਗਿਆ ਹੈ, ਤਾਂ ਜੋ ਉਸ ਦੇ ਪਰਿਵਾਰ ਨੂੰ ਇਸ ਮੁਸ਼ਕਲ ਸਮੇਂ ਵਿੱਚ ਮਦਦ ਮਿਲ ਸਕੇ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
