Lata Mangeshkar: ਜਦੋਂ ਦਿਲੀਪ ਕੁਮਾਰ ਨੇ ਲਤਾ ਮੰਗੇਸ਼ਕਰ ਨੂੰ ਕਿਹਾ ਸੀ 'ਤੁਹਾਨੂੰ ਹਿੰਦੀ ਨਹੀਂ ਆਉਂਦੀ', ਲਤਾ ਨੇ ਇੰਜ ਦਿੱਤਾ ਸੀ ਜਵਾਬ

Dilip Kumar Lata Mangeshkar: ਇਹ ਗੱਲ ਉਦੋਂ ਦੀ ਹੈ, ਜਦੋਂ ਲਤਾ ਦੀਦੀ ਨੇ ਬਾਲੀਵੁੱਡ ਦੀ ਦੁਨੀਆ 'ਚ ਕਦਮ ਰੱਖਿਆ ਹੀ ਸੀ। ਇੱਕ ਵਾਰ ਲਤਾ ਸਫਰ ਕਰ ਰਹੇ ਸੀ ਅਤੇ ਇਸ ਦੌਰਾਨ ਬਾਲੀਵੁੱਡ ਲੈਜੇਂਡ ਦਿਲੀਪ ਕੁਮਾਰ ਵੀ ਉਨ੍ਹਾਂ ਦੇ ਨਾਲ ਸੀ

ਲਤਾ ਮੰਗੇਸ਼ਕਰ, ਦਲੀਪ ਕੁਮਾਰ

Lata Mangeshkar Dilip Kumar: ਲਤਾ ਮੰਗੇਸ਼ਕਰ ਨੂੰ ਸੁਰਾਂ ਦੀ ਕੋਇਲ ਕਿਹਾ ਜਾਂਦਾ ਹੈ। ਉਨ੍ਹਾਂ ਦੀ ਗਾਇਕੀ ਦੀ ਪੂਰੀ ਦੁਨੀਆ ਦੀਵਾਨੀ ਹੈ। ਇਹੀ ਨਹੀਂ ਲਤਾ ਦੀਦੀ ਨੂੰ ਬਾਲੀਵੁੱਡ 'ਚ ਅਣਮੁੱਲੇ ਯੋਗਦਾਨ ਲਈ ਭਾਰਤ ਰਤਨ ਦਾ ਸਨਮਾਨ ਵੀ ਮਿਲ ਚੁੱਕਿਆ ਹੈ। ਅੱਜ ਅਸੀਂ ਤੁਹਾਨੂੰ ਲਤਾ ਮੰਗੇਸ਼ਕਰ ਨਾਲ ਜੁੜਿਆ ਇੱਕ ਅਜਿਹਾ ਕਿੱਸਾ ਦੱਸਣ ਜਾ ਰਹੇ ਹਾਂ, ਜਿਸ ਨੂੰ ਸੁਣ ਕੇ ਤੁਸੀਂ ਵੀ ਹੈਰਾਨ ਰਹਿ ਜਾਓਗੇ।

ਇਹ ਗੱਲ ਉਦੋਂ ਦੀ ਹੈ, ਜਦੋਂ ਲਤਾ ਦੀਦੀ ਨੇ ਬਾਲੀਵੁੱਡ ਦੀ ਦੁਨੀਆ 'ਚ ਕਦਮ ਰੱਖਿਆ ਹੀ ਸੀ। ਇੱਕ ਵਾਰ ਲਤਾ ਸਫਰ ਕਰ ਰਹੇ ਸੀ ਅਤੇ ਇਸ ਦੌਰਾਨ ਬਾਲੀਵੁੱਡ ਲੈਜੇਂਡ ਦਿਲੀਪ ਕੁਮਾਰ ਵੀ ਉਨ੍ਹਾਂ ਦੇ ਨਾਲ ਸੀ। ਇਸ ਦੌਰਾਨ ਗੱਲਾਂ ਗੱਲਾਂ 'ਚ ਦਿਲੀਪ ਨੇ ਲਤਾ ਦੀਦੀ ਨੂੰ ਕਹਿ ਦਿੱਤਾ ਕਿ ਤੁਹਾਡੀ ਹਿੰਦੀ ਸਹੀ ਨਹੀਂ ਹੈ, ਤੁਹਾਡੇ ਗੀਤਾਂ 'ਚ ਮਰਾਠੀ ਭਾਸ਼ਾ ਦਾ ਟੱਚ ਆਉਂਦਾ ਹੈ। ਇਹ ਗੱਲ ਲਤਾ ਮੰਗੇਸ਼ਕਰ ਦੇ ਦਿਲ 'ਤੇ ਲੱਗ ਗਈ।

ਇਸ ਤੋਂ ਬਾਅਦ ਹੀ ਲਤਾ ਨੇ ਠਾਣ ਲਿਆ ਸੀ ਕਿ ਉਹ ਇਸ ਗੱਲ ਦਾ ਜਵਾਬ ਦਿਲੀਪ ਨੂੰ ਆਪਣੇ ਕੰਮ ਨਾਲ ਦੇਵੇਗੀ। ਇਸ ਤੋਂ ਬਾਅਦ ਲਤਾ ਨੇ ਉਰਦੂ ਟੀਚਰ ਰੱਖਿਆ ਅਤੇ ਉਰਦੂ ਭਾਸ਼ਾ ਦੀ ਤਾਲੀਮ ਹਾਸਲ ਕੀਤੀ। ਇਸ ਤੋਂ ਬਾਅਦ ਲਤਾ ਨੇ ਕਦੇ ਪਿੱਛੇ ਮੁੜ ਕੇ ਨਹੀਂ ਦੇਖਿਆ। ਦੱਸ ਦਈਏ ਕਿ ਇਸ ਕਿੱਸੇ ਨੂੰ ਬਾਲੀਵੁੱਡ ਗਾਇਕਾ ਸ਼ਰੇਆ ਘੋਸ਼ਾਲ ਨੇ ਸਾਂਝਾ ਕੀਤਾ ਹੈ। ਉਹ ਇੱਕ ਸਿੰਗਿੰਗ ਰੀਐਲਟੀ ਸ਼ੋਅ ਦੇ ਜੱਜ ਦੇ ਰੂਪ 'ਚ ਨਜ਼ਰ ਆ ਰਹੀ ਹੈ। ਉਸ ਨੇ ਲਤਾ ਨਾਲ ਜੁੜਿਆ ਇਹ ਕਿੱਸਾ ਸੁਣਾਇਆ ਤਾਂ ਸਭ ਹੈਰਾਨ ਰਹਿ ਗਏ। ਤੁਸੀਂ ਵੀ ਦੇਖੋ ਇਹ ਵੀਡੀਓ:

 

 

 

 

 

View this post on Instagram

 

 

 

 

 

 

 

 

 

 

 

A post shared by Harshal Bobade (@harshal2909)

ਕਾਬਿਲੇਗ਼ੌਰ ਹੈ ਕਿ ਭਾਰਤ ਰਤਨ ਲਤਾ ਮੰਗੇਸ਼ਕਰ ਦੀ ਹਾਲ ਹੀ 'ਚ ਪਹਿਲੀ ਬਰਸੀ ਸੀ। ਉਨ੍ਹਾਂ ਨੇ 6 ਫਰਵਰੀ 2022 ਨੂੰ ਦੁਨੀਆ ਨੂੰ ਅਲਵਿਦਾ ਕਹਿ ਦਿੱੱਤਾ ਸੀ। ਉਨ੍ਹਾਂ ਨੇ ਆਪਣੇ ਗਾਇਕੀ ਦੇ ਕਰੀਅਰ ;ਚ ਇੰਡਸਟਰੀ ਨੂੰ ਬੇਸ਼ੁਮਾਰ ਹਿੱਟ ਗਾਣੇ ਦਿੱਤੇ। ਕਿਹਾ ਜਾਂਦਾ ਹੈ ਕਿ ਲਤਾ ਨੇ ਅਨੇਕਾਂ ਭਾਸ਼ਾਵਾਂ 'ਚ ਹਜ਼ਾਰਾਂ ਗਾਣੇ ਗਾਏ ਹਨ।