Electricity Bill In Summer: ਗਰਮੀਆਂ 'ਚ ਤੇਜ਼ੀ ਨਾਲ ਭੱਜਦਾ ਬਿਜਲੀ ਦੇ ਬਿੱਲ ਦਾ ਮੀਟਰ? ਅੱਜ ਹੀ ਬਦਲੋ ਇਹ 5 ਆਦਤਾਂ, ਹੋਵੇਗੀ ਬੱਚਤ

Electricity Bill:ਅੱਜ ਕੱਲ੍ਹ ਗਰਮੀ ਅੱਤ ਦੀ ਪੈ ਰਹੀ ਹੈ। ਜਿਸ ਕਰਕੇ AC, ਕੂਲਰ ਅਤੇ ਪੱਖਿਆਂ ਦੀ ਜ਼ਿਆਦਾ ਵਰਤੋਂ ਵੱਧ ਗਈ ਹੈ। ਅਜਿਹੇ ਦੇ ਵਿੱਚ ਬਿਜਲੀ ਵਾਲਾ ਮੀਟਰ ਤੇਜ਼ੀ ਦੇ ਨਾਲ ਘੁੰਮਦਾ ਹੈ ਅਤੇ ਮੋਟਾ ਬਿਜਲੀ ਬਿੱਲ ਆਉਂਦਾ ਹੈ। ਪਰ ਕੁੱਝ ਟਿਪਸ

( Image Source : Freepik )

Electricity Bill In Summer: ਗਰਮੀ ਆਪਣੇ ਚਰਮ ਸੀਮਾ ਉੱਤੇ ਚੱਲ ਰਹੀ ਹੈ ਜਿਸ ਕਰਕੇ ਪਾਰਾ ਲਗਾਤਾਰ 45 ਡਿਗਰੀ ਤੋਂ ਵੱਧ ਹੀ ਚੱਲ ਰਿਹਾ ਹੈ। ਗਰਮੀ ਵਧਣ ਦੇ ਨਾਲ ਹੀ ਜ਼ਿਆਦਾਤਰ ਘਰਾਂ ਵਿੱਚ ਏ.ਸੀ., ਕੂਲਰ ਅਤੇ ਪੱਖੇ ਜ਼ਿਆਦਾ ਵਰਤੇ ਜਾਣ ਲੱਗਦੇ ਹਨ। ਅਜਿਹੇ 'ਚ ਤੇਜ਼ ਮੀਟਰ ਚੱਲਣ ਅਤੇ ਯੂਨਿਟ ਦੇ ਵੱਧ ਬਿੱਲ ਆਉਣ ਕਾਰਨ ਲੋਕ ਪ੍ਰੇਸ਼ਾਨ ਰਹਿੰਦੇ ਹਨ। ਸਵਾਲ ਇਹ ਹੈ ਕਿ ਅਜਿਹੇ 'ਚ ਤੁਸੀਂ ਆਪਣੇ ਘਰ 'ਚ ਬਿਜਲੀ ਦੇ ਬਿੱਲ ਦੀ ਖਪਤ () ਨੂੰ ਕਿਵੇਂ ਘੱਟ ਕਰ ਸਕਦੇ ਹੋ। ਜਾਣੋ ਕਿਹੜੇ-ਕਿਹੜੇ ਤਰੀਕਿਆਂ ਦੀ ਵਰਤੋਂ ਕਰਕੇ ਤੁਸੀਂ ਘਰ ਦੀ ਪਾਵਰ ਯੂਨਿਟ ਘੱਟ ਕਰ ਸਕਦੇ ਹੋ।

ਬਿਜਲੀ ਦਾ ਬਿੱਲ ਇੰਨਾ ਜ਼ਿਆਦਾ ਕਿਉਂ?

ਜ਼ਿਆਦਾਤਰ ਲੋਕ ਪੁੱਛਦੇ ਹਨ ਕਿ ਬਿਜਲੀ ਦਾ ਬਿੱਲ ਜ਼ਿਆਦਾ ਕਿਉਂ ਹੈ? ਤੁਹਾਨੂੰ ਦੱਸ ਦੇਈਏ ਕਿ ਇਸ ਦੇ ਪਿੱਛੇ ਦੋ ਅਹਿਮ ਕਾਰਨ ਹਨ। ਪਹਿਲੇ ਮੀਟਰ ਵਿੱਚ ਕੁਝ ਸਮੱਸਿਆ ਹੈ। ਦੂਜਾ, ਘਰ ਵਿੱਚ ਬਿਜਲੀ ਦੀ ਖਪਤ ਵੱਧ ਰਹੀ ਹੈ। ਅਜਿਹੀ ਸਥਿਤੀ ਵਿੱਚ ਜੇਕਰ ਕੋਈ ਖਪਤਕਾਰ ਚਾਹੇ ਤਾਂ ਉਹ ਨਿਰਧਾਰਤ ਫੀਸ ਦਾ ਭੁਗਤਾਨ ਕਰਕੇ ਚੈੱਕ ਮੀਟਰ ਲਗਵਾ ਸਕਦਾ ਹੈ। 07-15 ਦਿਨਾਂ ਤੱਕ ਘਰ ਵਿੱਚ ਲਗਾਏ ਗਏ ਚੈਕ ਮੀਟਰ ਤੋਂ ਰੀਡਿੰਗ ਲਈ ਜਾਵੇਗੀ। ਜਿਸ ਤੋਂ ਬਾਅਦ ਪਤਾ ਲੱਗੇਗਾ ਕਿ ਮੀਟਰ ਖਰਾਬ ਹੈ ਜਾਂ ਸਹੀ ਰੀਡਿੰਗ ਲੈ ਰਿਹਾ ਹੈ।

ਏਸੀ ਦੀ ਵਰਤੋਂ

ਗਰਮੀਆਂ ਵਿੱਚ ਏਸੀ ਦੀ ਸਭ ਤੋਂ ਵੱਧ ਵਰਤੋਂ ਕੀਤੀ ਜਾਂਦੀ ਹੈ। ਕਈ ਘਰਾਂ ਵਿੱਚ ਏਸੀ ਘੰਟਿਆਂਬੱਧੀ ਚੱਲਦਾ ਹੈ। ਪਰ ਕੀ ਤੁਸੀਂ ਜਾਣਦੇ ਹੋ ਕਿ AC ਦੀ ਲਗਾਤਾਰ ਵਰਤੋਂ ਨਹੀਂ ਕਰਨੀ ਚਾਹੀਦੀ। ਦਰਅਸਲ ਏਸੀ ਨੂੰ ਲਗਾਤਾਰ ਚਲਾਉਣ ਨਾਲ ਬਿਜਲੀ ਦਾ ਬਿੱਲ ਵਧਦਾ ਹੈ ਅਤੇ ਏਸੀ 'ਤੇ ਲੋਡ ਵੀ ਵਧਦਾ ਹੈ। ਮਾਹਿਰਾਂ ਅਨੁਸਾਰ ਜੇਕਰ ਤੁਸੀਂ ਸਾਰੀ ਰਾਤ ਏਸੀ ਚਲਾਉਂਦੇ ਹੋ ਤਾਂ ਸਵੇਰੇ ਉੱਠਣ ਤੋਂ ਬਾਅਦ ਏਸੀ ਨੂੰ ਕੁਝ ਘੰਟਿਆਂ ਲਈ ਬੰਦ ਕਰ ਦੇਣਾ ਚਾਹੀਦਾ ਹੈ।

ਬਿਜਲੀ ਬਿੱਲ ਘਟਾਉਣ ਦਾ ਤਰੀਕਾ

1. ਬਿਜਲੀ ਦੇ ਬਿੱਲ ਨੂੰ ਘਟਾਉਣ ਲਈ, ਘਰ ਜਾਂ ਸੰਸਥਾ ਵਿੱਚ ਬਿਜਲੀ ਦੇ ਉਪਕਰਨਾਂ ਨੂੰ ਉਦੋਂ ਬੰਦ ਰੱਖਣਾ ਚਾਹੀਦਾ ਹੈ ਜਦੋਂ ਉਹ ਵਰਤੋਂ ਵਿੱਚ ਨਾ ਹੋਣ।
2. ਇਸ ਤੋਂ ਇਲਾਵਾ ਏ.ਸੀ., ਮੋਟਰ, ਵਾਸ਼ਿੰਗ ਮਸ਼ੀਨ ਜਾਂ ਹੋਰ ਭਾਰੀ ਉਪਕਰਨਾਂ ਨੂੰ ਨਾਲੋ-ਨਾਲ ਨਹੀਂ ਚਲਾਉਣਾ ਚਾਹੀਦਾ |
3. ਘਰਾਂ ਵਿੱਚ ਰੋਸ਼ਨੀ ਲਈ CFL ਜਾਂ LED ਬਲਬਾਂ ਦੀ ਵਰਤੋਂ ਕਰਨੀ ਚਾਹੀਦੀ ਹੈ, ਇਹ ਘੱਟ ਵਾਟ ਵਿੱਚ ਜ਼ਿਆਦਾ ਰੋਸ਼ਨੀ ਦਿੰਦੇ ਹਨ। ਇਸ ਤੋਂ ਇਲਾਵਾ ਉਹ ਹੋਰ ਬਲਬਾਂ ਨਾਲੋਂ ਘੱਟ ਬਿਜਲੀ ਦੀ ਖਪਤ ਕਰਦੇ ਹਨ। 
4. ਠੰਡੇ ਮੌਸਮ ਵਿੱਚ, ਘਰ ਵਿੱਚ ਪਾਣੀ ਗਰਮ ਕਰਨ ਵਾਲੇ ਜਾਂ ਕਿਸੇ ਹੋਰ ਕਿਸਮ ਦੇ ਹੀਟਰ ਨੂੰ ਜ਼ਿਆਦਾ ਦੇਰ ਤੱਕ ਨਹੀਂ ਛੱਡਣਾ ਚਾਹੀਦਾ ਹੈ।
5. ਇਸ ਤੋਂ ਇਲਾਵਾ ਸਮੇਂ-ਸਮੇਂ 'ਤੇ ਆਪਣੇ ਬਿਜਲੀ ਦੇ ਉਪਕਰਨਾਂ ਦੀ ਜਾਂਚ ਕੀਤੀ ਜਾਵੇ। ਕਿਉਂਕਿ ਖਰਾਬ ਉਪਕਰਨ ਵੀ ਬਿਜਲੀ ਦੀ ਜ਼ਿਆਦਾ ਖਪਤ ਕਰਦੇ ਹਨ।
6. ਜਿੰਨੀ ਘਰਾਂ ਵਿੱਚ ਲੋੜ ਹੁੰਦੀ ਹੈ। ਜਿੰਨੀਆਂ ਲਾਈਟਾਂ ਅਤੇ ਪੱਖੇ ਲਗਾਏ ਜਾਣ, ਉਨ੍ਹਾਂ ਦੀ ਹੀ ਵਰਤੋਂ ਕੀਤੀ ਜਾਵੇ। ਜਿੱਥੇ ਲੋੜ ਨਾ ਹੋਵੇ, ਲਾਈਟਾਂ ਅਤੇ ਪੱਖੇ ਬੰਦ ਰੱਖੇ ਜਾਣ।