ਇਸ ਏਅਰਪੋਰਟ 'ਤੇ 3 ਮਿੰਟ ਤੋਂ ਜ਼ਿਆਦਾ ਜੱਫ਼ੀ ਪਾਉਣੀ ਖੜ੍ਹੀ ਕਰ ਸਕਦੀ ਮੁਸ਼ਕਿਲ, ਜਾਣੋ ਕੀ ਨੇ ਇਹ ਨਿਯਮ
ਗਲਵੱਕੜੀ ਜਾਂ ਜੱਫੀ ਪਾ ਕੇ ਅਸੀਂ ਆਪਣੇ ਕਿਸੇ ਪਿਆਰੇ ਨੂੰ ਇਜ਼ਹਾਰ ਕਰਦੇ ਹਾਂ । ਪਰ ਇੱਕ ਅਜਿਹਾ ਏਅਰਪੋਰਟ ਹੈ ਜਿੱਥੇ ਜੇਕਰ ਤੁਸੀਂ ਤਿੰਨ ਮਿੰਟ ਤੋਂ ਵੱਧ ਜੱਫੀ ਪਾ ਲਈ ਤਾਂ ਤੁਹਾਨੂੰ ਮੋਟਾ ਜੁਰਮਾਨਾ ਹੋ ਸਕਦਾ ਹੈ। ਆਉ ਜਾਣਦੇ ਹਾਂ ਇਸ ਥਾਂ ਬਾਰੇ...
Hug ਕਰਨਾ ਜਿਸ ਨੂੰ ਪੰਜਾਬੀ ਦੇ ਵਿੱਚ ਜੱਫੀ ਪਾਉਣਾ ਕਿਹਾ ਜਾਂਦਾ ਹੈ। ਜੱਫੀ ਪਾ ਕੇ ਇੱਕ ਦੂਜੇ ਪ੍ਰਤੀ ਪਿਆਰ ਦਾ ਇਜ਼ਹਾਰ ਦੁਨੀਆਂ ਦੇ ਹਰ ਦੇਸ਼ ਵਿੱਚ ਹੁੰਦਾ ਰਿਹਾ ਹੈ। ਕਈ ਵਾਰ, ਜਦੋਂ ਲੋਕ ਲੰਬੇ ਸਮੇਂ ਬਾਅਦ ਆਪਣੇ ਪਿਆਰੇ ਨੂੰ ਮਿਲਦੇ ਹਨ, ਤਾਂ ਉਹ ਤੁਰੰਤ ਉਨ੍ਹਾਂ ਨੂੰ ਗਲੇ ਲਗਾ ਕੇ ਗਲਵੱਕੜੀ ਪਾ ਲੈਂਦੇ ਹਾਂ ਅਤੇ ਕੁੱਝ ਸਮੇਂ ਲਈ ਅਜਿਹੇ ਰਹਿੰਦੇ ਹਨ। ਜਿਸ ਨਾਲ ਇੱਕ ਦੂਜੇ ਪ੍ਰਤੀ ਪਿਆਰ ਦੇ ਮਿੱਠੇ ਨਿੱਘ ਦਾ ਅਹਿਸਾਸ ਹੋ ਸਕੇ। ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਦੁਨੀਆ ਵਿੱਚ ਇੱਕ ਅਜਿਹਾ ਏਅਰਪੋਰਟ ਹੈ ਜਿੱਥੇ ਕੋਈ ਵੀ ਆਪਣੇ ਪਿਆਰੇ ਨੂੰ 3 ਮਿੰਟ ਤੋਂ ਵੱਧ ਗਲੇ ਨਹੀਂ ਲਗਾ ਸਕਦਾ ਹੈ। ਜੀ ਹਾਂ, ਇਹ ਅਜੀਬ ਲੱਗ ਸਕਦਾ ਹੈ ਪਰ ਇਹ ਸੱਚ ਹੈ। ਜੇਕਰ ਕੋਈ ਇਸ ਏਅਰਪੋਰਟ 'ਤੇ ਅਜਿਹਾ ਕਰਦਾ ਹੈ ਤਾਂ ਉਸ ਨੂੰ ਜੁਰਮਾਨਾ ਭਰਨਾ ਪੈ ਸਕਦਾ ਹੈ।
ਜੱਫੀ ਦੀ ਸੀਮਾ ਇੱਥੇ ਨਿਸ਼ਚਿਤ ਹੈ
ਦਰਅਸਲ, ਅਸੀਂ ਗੱਲ ਕਰ ਰਹੇ ਹਾਂ ਨਿਊਜ਼ੀਲੈਂਡ ਦੇ ਡੁਨੇਡਿਨ ਇੰਟਰਨੈਸ਼ਨਲ ਏਅਰਪੋਰਟ ਦੀ, ਜਿਸ ਨੇ ਦੁਨੀਆ ਭਰ ਦੇ ਲੋਕਾਂ ਦਾ ਧਿਆਨ ਆਪਣੇ ਵੱਲ ਖਿੱਚਿਆ ਹੈ। ਇਸ ਹਵਾਈ ਅੱਡੇ ਨੇ ਯਾਤਰੀਆਂ ਲਈ ਜੱਫੀ ਪਾਉਣ ਦਾ ਸਮਾਂ ਸੀਮਤ ਕਰ ਦਿੱਤਾ ਹੈ। ਹੁਣ ਯਾਤਰੀ ਇੱਥੇ ਵੱਧ ਤੋਂ ਵੱਧ 3 ਮਿੰਟ ਲਈ ਇੱਕ ਦੂਜੇ ਨੂੰ ਗਲੇ ਲਗਾ ਸਕਦੇ ਹਨ। ਇਸ ਨਿਯਮ ਨੂੰ ਲੈ ਕੇ ਸੋਸ਼ਲ ਮੀਡੀਆ 'ਤੇ ਕਾਫੀ ਚਰਚਾ ਹੋ ਰਹੀ ਹੈ ਅਤੇ ਲੋਕ ਇਸ 'ਤੇ ਕਈ ਤਰ੍ਹਾਂ ਦੇ ਸਵਾਲ ਉਠਾ ਰਹੇ ਹਨ।
ਇਹ ਨਿਯਮ ਕਿਉਂ ਬਣਾਇਆ ਗਿਆ?
ਇਸ ਨਿਯਮ ਨੂੰ ਬਣਾਉਣ ਪਿੱਛੇ ਕਈ ਕਾਰਨ ਹਨ। ਦਰਅਸਲ ਏਅਰਪੋਰਟ 'ਤੇ ਯਾਤਰੀਆਂ ਦੀ ਭੀੜ ਹੁੰਦੀ ਹੈ। ਇਹ ਨਿਯਮ ਹਵਾਈ ਅੱਡੇ 'ਤੇ ਭੀੜ ਨੂੰ ਘੱਟ ਕਰਨ ਵਿੱਚ ਮਦਦ ਕਰ ਸਕਦਾ ਹੈ ਅਤੇ ਯਾਤਰੀਆਂ ਨੂੰ ਸਮੇਂ ਸਿਰ ਆਪਣੀਆਂ ਉਡਾਣਾਂ ਫੜਨ ਵਿੱਚ ਮਦਦ ਕਰ ਸਕਦਾ ਹੈ। ਨਾਲ ਹੀ ਹਵਾਈ ਅੱਡੇ ਇੱਕ ਸੁਰੱਖਿਆ ਸੰਵੇਦਨਸ਼ੀਲ ਖੇਤਰ ਹਨ। ਇਸ ਨਿਯਮ ਨਾਲ ਸੁਰੱਖਿਆ ਕਰਮਚਾਰੀਆਂ ਲਈ ਯਾਤਰੀਆਂ 'ਤੇ ਨਜ਼ਰ ਰੱਖਣਾ ਆਸਾਨ ਹੋ ਜਾਵੇਗਾ। ਨਾਲ ਹੀ, ਲੰਬੇ ਸਮੇਂ ਤੱਕ ਜੱਫੀ ਪਾਉਣ ਨਾਲ ਦੂਜੇ ਯਾਤਰੀਆਂ ਨੂੰ ਬੇਅਰਾਮੀ ਹੋ ਸਕਦੀ ਹੈ ਕਿਉਂਕਿ ਉਹ ਆਪਣੇ ਅਜ਼ੀਜ਼ਾਂ ਨੂੰ ਮਿਲਣ ਜਾਂ ਛੱਡਣ ਲਈ ਵੀ ਆਉਂਦੇ ਹਨ।
ਹਾਲਾਂਕਿ ਇਹ ਨਿਯਮ ਕੋਵਿਡ-19 ਮਹਾਂਮਾਰੀ ਤੋਂ ਬਾਅਦ ਬਣਾਇਆ ਗਿਆ ਹੈ, ਪਰ ਸੰਭਵ ਹੈ ਕਿ ਮਹਾਂਮਾਰੀ ਦੌਰਾਨ ਲੋਕਾਂ ਵਿੱਚ ਸਮਾਜਿਕ ਦੂਰੀ ਬਣਾਈ ਰੱਖਣ ਦੀ ਆਦਤ ਪੈਦਾ ਹੋ ਗਈ ਹੋਵੇ ਅਤੇ ਇਸੇ ਲਈ ਇਹ ਨਿਯਮ ਬਣਾਇਆ ਗਿਆ ਹੈ। ਹਾਲਾਂਕਿ ਅਜੇ ਤੱਕ ਅਧਿਕਾਰਤ ਤੌਰ 'ਤੇ ਇਹ ਨਹੀਂ ਦੱਸਿਆ ਗਿਆ ਹੈ ਕਿ ਇਹ ਨਿਯਮ ਕਿਉਂ ਬਣਾਇਆ ਗਿਆ ਸੀ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
