Black Chicken: ਕਿਵੇਂ ਦਾ ਹੁੰਦੈ ਬਲੈਕ ਚਿਕਨ, ਜਿਸਦਾ ਚਿਕਨ ਅਤੇ ਅੰਡਾ ਦੋਵੇਂ ਸਭ ਤੋਂ ਮਹਿੰਗੇ, ਇੱਕ ਮੁਰਗੇ ਦੀ ਕੀਮਤ 2 ਲੱਖ ਰੁਪਏ ਤੋਂ ਵੀ ਵੱਧ
Chicken: ਦੁਨੀਆ ਦਾ ਸਭ ਤੋਂ ਮਹਿੰਗਾ ਚਿਕਨ 'ਅਯਾਮ ਸੇਮਾਨੀ' ਹੈ। ਇੱਕ ਮੁਰਗੇ ਦੀ ਕੀਮਤ 2 ਲੱਖ 8 ਹਜ਼ਾਰ ਰੁਪਏ ਤੋਂ ਵੱਧ ਹੈ। ਇਸ ਦੇ ਵਿੱਚ ਚੰਗੀ ਮਾਤਰਾ ਦੇ ਵਿੱਚ ਪ੍ਰੋਟੀਨ ਪਾਇਆ ਜਾਂਦਾ ਹੈ। ਇਸ ਲਈ ਇਸ ਦਾ ਮੀਟ ਅਤੇ ਅੰਡਾ ਦੋਵੇਂ ਹੀ ਮਹਿੰਗੇ ਹਨ
Most Expensive Chicken: ਅੰਡੇ ਅਜਿਹੀ ਫੂਡ ਆਈਟਮ ਹੈ ਜਿਸ ਦੀ ਵਰਤੋਂ ਅਤੇ ਮੰਗ ਗਰਮੀਆਂ ਅਤੇ ਸਰਦੀਆਂ ਦੋਵਾਂ ਵਿੱਚ ਸਭ ਤੋਂ ਵੱਧ ਹੁੰਦੀ ਹੈ। ਇਸੇ ਤਰ੍ਹਾਂ ਨਾਨ-ਵੈਜ ਪ੍ਰੇਮੀ ਵੀ ਗਰਮੀਆਂ ਅਤੇ ਸਰਦੀਆਂ ਦੋਵਾਂ 'ਚ ਚਿਕਨ ਖਾਣਾ ਪਸੰਦ ਕਰਦੇ ਹਨ। ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਸਭ ਤੋਂ ਮਹਿੰਗਾ ਚਿਕਨ ਕਿਹੜਾ ਹੈ? ਜ਼ਿਆਦਾਤਰ ਲੋਕ ਇਸ ਸਵਾਲ ਦਾ ਜਵਾਬ ਕਾਲਾ ਚਿਕਨ ਯਾਨੀ ਕੜਕਨਾਥ ਦੇਣਗੇ। ਪਰ ਅੱਜ ਅਸੀਂ ਤੁਹਾਨੂੰ ਇੱਕ ਹੋਰ ਬਲੈਕ ਚਿਕਨ ਦੀ ਕਿਸਮ ਬਾਰੇ ਦੱਸਣ ਜਾ ਰਹੇ ਹਾਂ ਜਿਸਦੀ ਕੀਮਤ ਲੱਖਾਂ ਵਿੱਚ ਹੈ। ਜੀ ਹਾਂ, ਇਸ ਚਿਕਨ ਦੀ ਕੀਮਤ ਲੱਖਾਂ ਵਿੱਚ ਹੈ। ਜਾਣੋ ਕਿੱਥੇ ਮਿਲਦਾ ਹੈ ਇਹ ਚਿਕਨ।
ਕੜਕਨਾਥ ਬਲੈਕ ਚਿਕਨ
ਭਾਰਤ ਵਿੱਚ ਜਦੋਂ ਲੋਕ ਕਾਲੇ ਮੁਰਗੇ ਦਾ ਨਾਮ ਲੈਂਦੇ ਹਨ ਤਾਂ ਉਹ ਇਸਨੂੰ ਕੜਕਨਾਥ ਸਮਝਦੇ ਹਨ। ਕਿਉਂਕਿ ਭਾਰਤ ਵਿੱਚ ਕਾਲੇ ਮੁਰਗੇ ਦੇ ਰੂਪ ਵਿੱਚ ਸਿਰਫ਼ ਕੜਕਨਾਥ ਹੀ ਮਿਲਦਾ ਹੈ ਅਤੇ ਇਹ ਭਾਰਤ ਵਿੱਚ ਸਭ ਤੋਂ ਮਹਿੰਗਾ ਚਿਕਨ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਕੜਕਨਾਥ ਚਿਕਨ ਇੱਕ ਅਜਿਹੀ ਪ੍ਰਜਾਤੀ ਹੈ, ਜਿਸ ਦੇ ਮੀਟ ਦੇ ਨਾਲ-ਨਾਲ ਅੰਡੇ ਦੀ ਕੀਮਤ ਬਹੁਤ ਜ਼ਿਆਦਾ ਹੈ। ਇੱਕ ਅੰਡੇ ਦੀ ਕੀਮਤ 30 ਤੋਂ 35 ਰੁਪਏ ਹੈ।
ਭਾਰਤ ਦੇ ਵਿੱਚ ਇਸ ਮੀਟ ਦਾ ਰੇਟ 1000 ਤੋਂ 1500 ਰੁਪਏ ਪ੍ਰਤੀ ਕਿਲੋ
ਮੰਡੀ ਵਿੱਚ ਕੜਕਨਾਥ ਮੀਟ ਦਾ ਰੇਟ 1000 ਤੋਂ 1500 ਰੁਪਏ ਪ੍ਰਤੀ ਕਿਲੋ ਹੈ। ਭਾਰਤ ਵਿੱਚ ਇਸ ਨੂੰ ਬਹੁਤ ਮਹਿੰਗਾ ਚਿਕਨ ਮੰਨਿਆ ਜਾਂਦਾ ਹੈ। ਕੜਕਨਾਥ ਚਿਕਨ ਦੀ ਖਾਸੀਅਤ ਇਹ ਹੈ ਕਿ ਇਹ ਦੇਖਣ 'ਚ ਪੂਰੀ ਤਰ੍ਹਾਂ ਕਾਲਾ ਹੁੰਦਾ ਹੈ। ਇਸ ਦੇ ਖੰਭ, ਲਹੂ ਅਤੇ ਮਾਸ ਵੀ ਕਾਲੇ ਰੰਗ ਦੇ ਹੁੰਦੇ ਹਨ। ਇਸ ਦਾ ਭਾਰ ਲਗਭਗ 5 ਕਿਲੋ ਹੈ। ਕਈ ਰਾਜਾਂ ਵਿੱਚ, ਸਰਕਾਰ ਕੜਕਨਾਥ ਦਾ ਪਾਲਣ ਕਰਨ ਲਈ ਕਿਸਾਨਾਂ ਨੂੰ ਸਬਸਿਡੀ ਦੇ ਰਹੀ ਹੈ।
ਸਭ ਤੋਂ ਮਹਿੰਗਾ ਕਾਲਾ ਚਿਕਨ
ਕੜਕਨਾਥ ਤੋਂ ਬਾਅਦ ਦੁਨੀਆ ਦਾ ਸਭ ਤੋਂ ਮਹਿੰਗਾ ਚਿਕਨ 'ਅਯਾਮ ਸੇਮਾਨੀ' ਹੈ। ਤੁਹਾਨੂੰ ਦੱਸ ਦੇਈਏ ਕਿ ਇਹ ਕੁੱਕੜ ਜਾਵਾ, ਇੰਡੋਨੇਸ਼ੀਆ ਵਿੱਚ ਪਾਇਆ ਜਾਂਦਾ ਹੈ। ਇਸ ਪ੍ਰਜਾਤੀ ਦੇ ਇੱਕ ਮੁਰਗੇ ਦੀ ਕੀਮਤ 2500 ਡਾਲਰ ਦੇ ਕਰੀਬ ਹੈ ਭਾਵ ਮੌਜੂਦਾ ਮੁਦਰਾ ਦਰ ਅਨੁਸਾਰ 2 ਲੱਖ 8 ਹਜ਼ਾਰ ਰੁਪਏ ਤੋਂ ਵੱਧ ਹੈ। ਇਸ ਨੂੰ 'ਲੈਂਬੋਰਗਿਨੀ ਚਿਕਨ' ਵੀ ਕਿਹਾ ਜਾਂਦਾ ਹੈ। ਇਹ ਚਿਕਨ ਨਾ ਸਿਰਫ ਸਭ ਤੋਂ ਮਹਿੰਗਾ ਹੈ, ਸਗੋਂ ਇਸ ਵਿਚ ਕਈ ਖਾਸ ਗੁਣ ਵੀ ਹਨ।
ਏ ਟੂ ਜ਼ੈੱਡ ਐਨੀਮਲ ਰਿਪੋਰਟ ਦੇ ਅਨੁਸਾਰ, ਅਯਾਮ ਸੇਮਾਨੀ ਮੁਰਗੀਆਂ ਵਿੱਚ ਫਾਈਬਰੋਮੇਲਾਨੋਸਿਸ ਕਾਰਨ ਡਾਰਕ ਪਿਗਮੈਂਟ ਹੁੰਦਾ ਹੈ। ਇਹ ਇੱਕ ਦੁਰਲੱਭ ਸਥਿਤੀ ਹੈ, ਜਿਸ ਕਾਰਨ ਇਸ ਮੁਰਗੀ ਦਾ ਮਾਸ, ਖੰਭ ਅਤੇ ਹੱਡੀਆਂ ਵੀ ਪੂਰੀ ਤਰ੍ਹਾਂ ਕਾਲੀਆਂ ਦਿਖਾਈ ਦਿੰਦੀਆਂ ਹਨ। ਇਸ ਕਾਰਨ ਇਸ ਨੂੰ 'ਲੈਂਬੋਰਗਿਨੀ ਚਿਕਨ' ਵੀ ਕਿਹਾ ਜਾਂਦਾ ਹੈ। ਇਹ ਮੁਰਗੇ ਬਹੁਤ ਤੇਜ਼ੀ ਨਾਲ ਵਧਦੇ ਹਨ, ਇਸ ਲਈ ਉਹਨਾਂ ਨੂੰ ਹੋਰ ਮੁਰਗੀਆਂ ਦੀਆਂ ਨਸਲਾਂ ਨਾਲੋਂ ਉੱਚ ਪ੍ਰੋਟੀਨ ਖੁਰਾਕ ਦੀ ਲੋੜ ਹੁੰਦੀ ਹੈ।
ਅੰਡਾ ਮਹਿੰਗਾ
ਅਯਾਮ ਸੇਮਾਨੀ ਮੁਰਗੀਆਂ ਦਾ ਮੀਟ ਹੋਰ ਮੁਰਗੀਆਂ ਦੀਆਂ ਨਸਲਾਂ ਦੇ ਮੁਕਾਬਲੇ ਪ੍ਰੋਟੀਨ ਨਾਲ ਭਰਪੂਰ ਹੁੰਦਾ ਹੈ। ਇਹ ਉਹਨਾਂ ਲੋਕਾਂ ਲਈ ਇੱਕ ਚੰਗਾ ਵਿਕਲਪ ਹੈ ਜਿਨ੍ਹਾਂ ਨੂੰ ਪ੍ਰੋਟੀਨ ਦੀ ਲੋੜ ਹੁੰਦੀ ਹੈ। ਇਨ੍ਹਾਂ ਮੁਰਗੀਆਂ ਦੇ ਅੰਡੇ ਵੀ ਬਹੁਤ ਫਾਇਦੇਮੰਦ ਹੁੰਦੇ ਹਨ। ਇਨ੍ਹਾਂ ਅੰਡੇ 'ਚ ਕਈ ਗੁਣ ਪਾਏ ਜਾਂਦੇ ਹਨ। ਹਾਲਾਂਕਿ, ਕੁੱਝ ਰਿਪੋਰਟਾਂ ਦੇ ਅਨੁਸਾਰ, ਉਨ੍ਹਾਂ ਦੇ ਅੰਡੇ 1500 ਤੋਂ 2000 ਰੁਪਏ ਪ੍ਰਤੀ ਪੀਸ ਵਿੱਚ ਉਪਲਬਧ ਹਨ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
