ਅਕਸਰ ਰਨਵੇ 'ਤੇ ਕਿਉਂ ਤਿਲਕ ਜਾਂਦੇ ਨੇ ਹਵਾਈ ਜਹਾਜ਼ ? ਖਰਾਬ ਸੜਕ ਜਾਂ ਜਹਾਜ਼ ਦੇ ਪਹੀਏ ਕੀ ਹੈ ਅਸਲ ਵਜ੍ਹਾ
ਦੱਖਣੀ ਕੋਰੀਆ ਵਿੱਚ ਇੱਕ ਵੱਡਾ ਜਹਾਜ਼ ਹਾਦਸਾ ਹੋਇਆ ਹੈ, ਜਿਸ ਵਿੱਚ 85 ਲੋਕਾਂ ਦੇ ਮਾਰੇ ਜਾਣ ਦੀ ਖ਼ਬਰ ਹੈ ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਜਹਾਜ਼ ਕਿਵੇਂ ਤਿਲਕਦਾ ਹੈ ਤੇ ਇਸ ਦੇ ਪਿੱਛੇ ਕੀ ਤਕਨੀਕੀ ਸਮੱਸਿਆ ਹੈ ?
ਇੱਕ ਵਾਰ ਫਿਰ ਜਹਾਜ਼ ਹਾਦਸੇ ਨੇ ਪੂਰੀ ਦੁਨੀਆ ਨੂੰ ਝੰਜੋੜ ਕੇ ਰੱਖ ਦਿੱਤਾ ਹੈ। ਦਰਅਸਲ, ਦੱਖਣੀ ਕੋਰੀਆ ਵਿੱਚ ਇੱਕ ਵੱਡਾ ਜਹਾਜ਼ ਹਾਦਸਾ ਵਾਪਰਿਆ ਹੈ। ਉਥੇ ਹੀ ਜੇਜੂ ਏਅਰ ਦਾ ਜਹਾਜ਼ ਮੁਆਨ ਅੰਤਰਰਾਸ਼ਟਰੀ ਹਵਾਈ ਅੱਡੇ 'ਤੇ ਕ੍ਰੈਸ਼ ਹੋ ਗਿਆ ਹੈ। ਦੱਸ ਦਈਏ ਕਿ ਇਸ ਹਾਦਸੇ 'ਚ 181 ਲੋਕਾਂ ਨੂੰ ਲੈ ਕੇ ਜਾ ਰਹੀ ਫਲਾਈਟ ਲੈਂਡਿੰਗ ਦੌਰਾਨ ਰਨਵੇ 'ਤੇ ਫਿਸਲ ਗਈ ਅਤੇ ਰਨਵੇਅ ਤੋਂ ਉਤਰ ਕੇ ਦੂਜੇ ਪਾਸੇ ਚਲੀ ਗਈ। ਹੁਣ ਸਵਾਲ ਇਹ ਹੈ ਕਿ ਹਵਾਈ ਜਹਾਜ਼ ਰਨਵੇ 'ਤੇ ਕਿਵੇਂ ਫਿਸਲਦਾ ਹੈ ਤੇ ਕੀ ਇਸ ਦੇ ਪਿੱਛੇ ਜਹਾਜ਼ ਦੇ ਪਹੀਆਂ 'ਚ ਕੋਈ ਸਮੱਸਿਆ ਹੈ?
ਦੱਖਣੀ ਕੋਰੀਆ 'ਚ ਵੱਡਾ ਹਾਦਸਾ
ਤੁਹਾਨੂੰ ਦੱਸ ਦੇਈਏ ਕਿ ਦੱਖਣੀ ਕੋਰੀਆ ਦੀ ਜੇਜੂ ਏਅਰ ਦੀ ਫਲਾਈਟ ਮੁਆਨ ਇੰਟਰਨੈਸ਼ਨਲ ਏਅਰਪੋਰਟ 'ਤੇ ਕ੍ਰੈਸ਼ ਹੋ ਗਈ ਹੈ। ਦਰਅਸਲ, 181 ਯਾਤਰੀਆਂ ਨੂੰ ਲੈ ਕੇ ਜਾ ਰਹੀ ਫਲਾਈਟ ਲੈਂਡਿੰਗ ਦੌਰਾਨ ਰਨਵੇ 'ਤੇ ਫਿਸਲ ਗਈ ਸੀ ਤੇ ਰਨਵੇ ਤੋਂ ਦੂਜੇ ਪਾਸੇ ਚਲੀ ਗਈ ਸੀ ਜਿਸ ਕਾਰਨ ਜਹਾਜ਼ 'ਚ ਜ਼ਬਰਦਸਤ ਧਮਾਕਾ ਹੋਇਆ। ਜਹਾਜ਼ ਹਾਦਸੇ 'ਚ 85 ਲੋਕਾਂ ਦੀ ਮੌਤ ਹੋ ਗਈ ਹੈ, ਜਿਸ ਤੋਂ ਬਾਅਦ ਹਵਾਈ ਅੱਡੇ 'ਤੇ ਹਫੜਾ-ਦਫੜੀ ਮਚ ਗਈ ਹੈ। ਮੁਆਨ ਹਵਾਈ ਅੱਡੇ 'ਤੇ ਬਚਾਅ ਕਾਰਜ ਜਾਰੀ ਹੈ। ਦੱਸ ਦਈਏ ਕਿ ਜਹਾਜ਼ 'ਚ ਅੱਗ ਲੱਗਣ ਤੋਂ ਬਾਅਦ ਅਸਮਾਨ ਧੂੰਏਂ ਨਾਲ ਭਰ ਗਿਆ ਸੀ, ਜਿਸ ਸਮੇਂ ਜਹਾਜ਼ 'ਚ ਚਾਲਕ ਦਲ ਦੇ 6 ਮੈਂਬਰ ਅਤੇ 175 ਯਾਤਰੀ ਸਵਾਰ ਸਨ।
ਯੋਨਹਾਪ ਨਿਊਜ਼ ਏਜੰਸੀ ਮੁਤਾਬਕ, ਜਹਾਜ਼ ਦੇ ਲੈਂਡਿੰਗ ਗੀਅਰ 'ਚ ਖਰਾਬੀ ਆ ਗਈ, ਜਿਸ ਕਾਰਨ ਲੈਂਡਿੰਗ ਗੀਅਰ ਖੁੱਲ੍ਹ ਨਹੀਂ ਸਕਿਆ ਤੇ ਜਿਵੇਂ ਹੀ ਜਹਾਜ਼ ਰਨਵੇਅ 'ਤੇ ਉਤਰਿਆ, ਤਿਲਕਣ ਲੱਗਾ। ਤੁਹਾਨੂੰ ਦੱਸ ਦੇਈਏ ਕਿ ਜਹਾਜ਼ ਦਾ ਲੈਂਡਿੰਗ ਗੀਅਰ ਸਟ੍ਰਕਚਰਲ ਪਾਰਟਸ, ਹਾਈਡ੍ਰੌਲਿਕਸ, ਊਰਜਾ ਸੋਖਣ ਵਾਲੇ ਕੰਪੋਨੈਂਟਸ, ਬ੍ਰੇਕ, ਪਹੀਏ ਤੇ ਟਾਇਰਾਂ ਦਾ ਬਣਿਆ ਸਿਸਟਮ ਹੁੰਦਾ ਹੈ। ਲੈਂਡਿੰਗ ਗੀਅਰ ਦਾ ਕੰਮ ਰਨਵੇ 'ਤੇ ਜਹਾਜ਼ ਨੂੰ ਲੈਂਡ ਕਰਦੇ ਸਮੇਂ ਦਬਾਅ ਨੂੰ ਜਜ਼ਬ ਕਰਨਾ ਹੈ। ਇਹੀ ਕਾਰਨ ਹੈ ਕਿ ਦੱਖਣੀ ਕੋਰੀਆ 'ਚ ਵਾਪਰੇ ਇਸ ਹਾਦਸੇ 'ਚ ਜਹਾਜ਼ ਰਨਵੇ 'ਤੇ ਕੰਟਰੋਲ ਨਹੀਂ ਕਰ ਸਕਿਆ।
ਤੁਹਾਨੂੰ ਦੱਸ ਦੇਈਏ ਕਿ ਜਹਾਜ਼ ਵਿੱਚ ਛੋਟੀ ਜਿਹੀ ਗਲਤੀ ਜਾਂ ਤਕਨੀਕੀ ਖਰਾਬੀ ਕਾਰਨ ਜਹਾਜ਼ ਦੀ ਲੈਂਡਿੰਗ ਜ਼ੋਖ਼ਮ ਭਰੀ ਹੋ ਸਕਦੀ ਹੈ। ਕਈ ਵਾਰ ਹਵਾ ਵੀ ਇਸ ਦਾ ਕਾਰਨ ਬਣ ਜਾਂਦੀ ਹੈ ਕਿਉਂਕਿ ਕਈ ਵਾਰ ਤੇਜ਼ ਹਵਾ, ਤੂਫਾਨ ਜਾਂ ਮੌਸਮ ਦੇ ਕਾਰਨ ਜਹਾਜ਼ ਦੀ ਲੈਂਡਿੰਗ ਜ਼ੋਖ਼ਮ ਭਰੀ ਹੋ ਸਕਦੀ ਹੈ। ਬ੍ਰੇਕ, ਇੰਜਣ ਜਾਂ ਹੋਰ ਤਕਨੀਕੀ ਸਮੱਸਿਆਵਾਂ ਕਾਰਨ ਲੈਂਡਿੰਗ ਵੀ ਜ਼ੋਖ਼ਮ ਭਰੀ ਹੋ ਸਕਦੀ ਹੈ। ਖ਼ਾਸ ਤੌਰ 'ਤੇ ਜੇ ਰਨਵੇਅ ਬਰਫ ਜਾਂ ਧੁੰਦ ਨਾਲ ਢੱਕਿਆ ਹੋਇਆ ਹੈ ਤਾਂ ਇਸ ਸਥਿਤੀ 'ਚ ਲੈਂਡਿੰਗ ਕਰਨਾ ਜੋਖਮ ਭਰਿਆ ਹੋ ਸਕਦਾ ਹੈ।
Before You Go
Explosion in Pakistan Railway Station: Pak ਕਵੇਟਾ ਰੇਲਵੇ ਸਟੇਸ਼ਨ 'ਤੇ ਧਮਾਕਾ, 25 ਮੌਤਾਂ, ਦਰਜਨਾਂ ਜ਼ਖ਼ਮੀ!
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
