ਬ੍ਰੈਸਟਫੀਡਿੰਗ ਹਫ਼ਤਾ: ਮਾਂ ਦਾ ਦੁੱਧ ਬੱਚੇ ਲਈ ਹੀ ਨਹੀਂ ਬਲਕਿ ਔਰਤਾਂ ਲਈ ਵੀ ਲਾਹੇਵੰਦ

ਬ੍ਰੈਸਟਫੀਡਿੰਗ ਦੇ ਫਾਈਦੇ ਸਿਰਫ ਬੱਚੇ ਨੂੰ ਹੀ ਨਹੀਂ ਸਗੋਂ ਮਾਂ ਨੂੰ ਵੀ ਹੁੰਦੇ ਹਨ। ਡਬਲਿਊ.ਐਚ.ਓ ਮੁਤਾਬਕ ਬੱਚੇ ਨੂੰ ਘੱਟ ਤੋਂ ਘੱਟ ਛੇ ਮਹੀਨੇ ਤਕ ਸਿਰਫ ਅਤੇ ਸਿਰਫ ਮਾਂ ਦਾ ਦੁੱਧ ਪਿਲਾਉਣਾ ਚਾਹੀਦਾ ਹੈ।

ਇਸ ਨਾਲ ਮਾਂ ਦੀਆਂ ਹੱਡੀਆਂ ਮਜ਼ਬੂਤ ਹੁੰਦੀਆਂ ਹਨ ਅਤੇ ਉਸ ਨੂੰ ਡਿਪਰੈਸ਼ਨ ਦੀ ਸ਼ਿਕਾਇਤ ਨਹੀਂ ਹੁੰਦੀ।

ਇਸ ਲਈ ਬਾਲੀਵੁੱਡ ਜਗਤ ਦੀਆਂ ਹੁਣੇ-ਹੁਣੇ ਬਣੀਆਂ ਮਾਵਾਂ ਨੇਹਾ ਧੂਪੀਆ ਤੇ ਸਮੀਰਾ ਰੈੱਡੀ ਨੇ ਵੀ Breastfeeding Week ਦੌਰਾਨ ਆਪਣੀਆਂ ਤਸਵੀਰਾਂ ਸਾਂਝੀਆਂ ਕੀਤੀਆਂ ਹਨ। 

ਬ੍ਰੈਸਟ ਕੈਂਸਰ ਅਤੇ ਡਾਈਬੀਟੀਜ਼ ਜਿਹੀਆਂ ਬਿਮਾਰੀਆਂ ਤੋਂ ਮਾਂ ਦਾ ਬਚਾਅ ਹੁੰਦਾ ਹੈ।

ਹੁਣ ਤੁਹਾਨੂੰ ਦੱਸਦੇ ਹਾਂ ਮਾਂ ਲਈ ਬੱਚੇ ਨੂੰ ਬ੍ਰੈਸਟਫੀਡਿੰਗ ਦੇ ਫਾਈਦੇ ‘ਚ ਸਭ ਤੋਂ ਅਹਿਮ ਹੈ ਕਿ ਗਰਭ ਅਵਸਥਾ ਕਾਰਨ ਮਾਂ ਦਾ ਵਧੀਆ ਹੋਇਆ ਵਜ਼ਨ ਬੱਚੇ ਨੂੰ ਦੁੱਧ ਚੁੰਘਾਉਣ ਨਾਲ ਛੇਤੀ ਘੱਟ ਹੁੰਦਾ ਹੈ।

ਬੱਚੇ ਦਾ ਸਰੀਰਕ ਅਤੇ ਮਾਨਸਿਕ ਵਿਕਾਸ ਵਧੀਆ ਹੁੰਦਾ ਹੈ ਇਸ ਦੇ ਨਾਲ ਹੀ ਮਾਂ-ਬੱਚੇ ਦੀ ਬਾਊਂਡਿੰਗ ਵੀ ਵਧੀਆ ਹੁੰਦੀ ਹੈ।

ਮਾਂ ਦੇ ਦੁੱਧ ਦੇ ਬੱਚੇ ਲਈ ਫਾਈਦਿਆਂ ‘ਚ ਸਭ ਤੋਂ ਅਹਿਮ ਹੈ ਕਿ ਇਸ ਨਾਲ ਬੱਚੇ ਦਾ ਇਮਿਊਨ ਸਿਸਟਮ ਯਾਨੀ ਕਿ ਰੋਗਾਂ ਨਾਲ ਲੜਨ ਦੀ ਸਮਰੱਥਾ ਮਜ਼ਬੂਤ ਹੁੰਦਾ ਹੈ। ਬੱਚੇ ਨੂੰ ਇਨਫੈਕਸ਼ਨ ਅਤੇ ਅਲਰਜਿਕ ਬਿਮਾਰੀਆਂ ਦੀ ਸੰਭਾਵਨਾ ਘੱਟ ਹੁੰਦੀ ਹੈ।

ਜਦ ਵੀ ਕੋਈ ਬੱਚਾ ਇਸ ਦੁਨੀਆ ‘ਚ ਆਉਂਦਾ ਹੈ ਤਾਂ ਉਹ ਬੇਹੱਦ ਨਾਜ਼ੁਕ ਹੁੰਦਾ ਹੈ ਅਤੇ ਉਸ ਨੂੰ ਸਭ ਤੋਂ ਜ਼ਿਆਦਾ ਸੰਪੂਰਣ ਆਹਾਰ ਆਪਣੀ ਮਾਂ ਦੇ ਦੁੱਧ ਤੋਂ ਹੀ ਮਿਲਦਾ ਹੈ। ਮਾਂ ਦਾ ਦੁੱਧ ਬੱਚੇ ਲਈ ਕਿਸੇ ਵਰਦਾਨ ਤੋਂ ਘੱਟ ਨਹੀ ਹੁੰਦਾ।