ਮੈਰਿਜ ਪੈਲੇਸ ਦੀ ਕੰਧ ਡਿੱਗੀ, 25 ਲੋਕਾਂ ਦੀ ਮੌਤ

ਕੰਧ ਤੇ ਟੀਨ ਸ਼ੈੱਡ ਡਿੱਗਣ ਤੋਂ ਕਰੀਬ 50-60 ਲੋਕ ਦੱਬ ਗਏ। ਖ਼ਬਰ ਮਿਲਣ ਉੱਤੇ ਬਚਾਅ ਦਲ ਮੌਕੇ ਉੱਤੇ ਪਹੁੰਚਿਆ। ਜ਼ਖ਼ਮੀਆਂ ਤੇ ਮ੍ਰਿਤਕਾਂ ਨੂੰ ਆਰਬੀਐਮ ਹਸਪਤਾਲ ਲਿਆਂਦਾ ਗਿਆ। ਉੱਥੇ ਚਸ਼ਮਦੀਦ ਲਕਸ਼ਮਣ ਪ੍ਰਸਾਦ ਮੁਤਾਬਕ ਇੱਕ ਧਮਾਕਾ ਹੋਇਆ। ਇਹ ਕੰਧ ਡਿੱਗਣ ਦੀ ਆਵਾਜ਼ ਸੀ। ਲੋਕਾਂ ਵਿੱਚ ਹਲਚਲ ਮੱਚ ਗਈ। ਕਈ ਲੋਕ ਡਿੱਗ ਗਏ ਤੇ ਭੱਜਦੇ ਲੋਕ ਉਨ੍ਹਾਂ ਦੇ ਉੱਪਰ ਦੌੜਦੇ ਰਹੇ। ਕਿਸੇ ਨੂੰ ਕੁਝ ਖ਼ਾਸ ਸਮਝ ਨਹੀਂ ਆ ਰਹੀ ਸੀ। ਚਾਰ-ਚੁਫੇਰੇ ਚੀਕ ਪੁਕਾਰ ਮੱਚੀ ਹੋਈ ਸੀ।