5 ਨੂੰ ਆਮ ਲੋਕਾਂ ਲਈ ਖੁੱਲ੍ਹੇਗਾ ਦਿੱਲੀ ਦਾ 1,131 ਕਰੋੜੀ ਸਿਗਨੇਚਰ ਪੁਲ਼

ਜਦੋਂ ਦਿੱਲੀ ਸਰਕਾਰ ਨੇ ਸਾਲ 1997 ਵਿੱਚ ਇਸ ਪੁਲ਼ ਨੂੰ ਬਣਾਉਣ ਦਾ ਫੈਸਲਾ ਲਿਆ ਸੀ ਤਾਂ ਉਸ ਸਮੇਂ ਇਸ ਦੀ ਲਾਗਤ ਲਈ 464 ਕਰੋੜ ਰੁਪਏ ਦਾ ਅਨੁਮਾਨ ਲਾਇਆ ਗਿਆ ਸੀ ਪਰ ਮੌਜੂਦਾ ਇਸ ਪੁਲ਼ ਦੇ ਨਿਰਮਾਣ ’ਤੇ 1,131 ਕਰੋੜ ਰੁਪਏ ਦੀ ਲਾਗਤ ਆਈ ਹੈ।

ਸਿਗਨੇਚਰ ਪੁਲ਼ ਦੀ ਮੁੱਖ ਕੇਂਦਰ ਉਸਦਾ ਪਿੱਲਰ ਹੈ ਜਿਸਦੀ ਉਚਾਈ 154 ਮੀਟਰ ਹੈ। ਪਿੱਲਰ ਦੇ ਉੱਪਰੀ ਹਿੱਸੇ ’ਤੇ ਚਾਰੇ ਪਾਸੇ ਸ਼ੀਸ਼ੇ ਲਾਏ ਗਏ ਹਨ। ਲੋਕ ਲਿਫਟ ਜ਼ਰੀਏ ਇੱਥੋਂ ਤਕ ਪਹੁੰਚ ਸਕਦੇ ਹਨ। ਇੱਥੋਂ ਦਿੱਲੀ ਦਾ ਨਜ਼ਾਰਾ ਵੇਖਦਿਆਂ ਹੀ ਬਣੇਗਾ। ਦਿੱਲੀ ਵਿੱਚ ਇਹ ਸਭਤੋਂ ਉੱਚਾਈ ਵਾਲੀ ਜਗ੍ਹਾ ਹੋਏਗੀ।