ਹਿਮਾਚਲ 'ਚ ਮੁੜ ਮੌਨਸੂਨ ਦਾ ਕਹਿਰ, ਐਨਐਚ-70 ਚਾਰ ਘੰਟੇ ਰਿਹਾ ਬੰਦ

ਸ਼ਿਮਲਾ ‘ਚ ਬਾਰਸ਼ ਤੇ ਧੁੰਦ ਨੇ ਲੋਕਾਂ ਦੀ ਪ੍ਰੇਸ਼ਾਨੀ ਵਧਾ ਦਿੱਤੀ ਹੈ ਜਿਸ ਨੂੰ ਦੇਖ ਮੌਸਮ ਵਿਭਾਗ ਨੇ ਅਲਰਟ ਜਾਰੀ ਕੀਤਾ ਹੈ।

ਸੜਕਾਂ ‘ਤੇ ਪਿਆ ਮਲਬਾ ਹਟਾਉਣ ਲਈ ਜੇਸੀਬੀ ਮਸ਼ੀਨਾਂ ਮੌਕੇ ‘ਤੇ ਪਹੁੰਚੀਆਂ ਹਨ। ਇਸ ਦੇ ਨਾਲ ਹੀ ਹਿਮਾਚਲ ‘ਚ ਮੌਨਸੂਨ ਹੁਣ ਕਹਿਰ ਬਣ ਵਰ੍ਹ ਰਿਹਾ ਹੈ।

ਦੋਵੇਂ ਪਾਸੇ ਵਾਹਨਾਂ ਦੀ ਲੰਬੀਆਂ ਲਾਈਨਾਂ ਲੱਗ ਗਈਆਂ। ਇਸ ਦੇ ਚੱਲਦੇ ਯਾਤਰੀਆਂ ਨਾਲ ਭਰੀ ਬੱਸ ਮਲਬੇ ਦੀ ਚਪੇਟ ‘ਚ ਆਉਣ ਤੋਂ ਬਚੀ।

ਇਸ ਦੇ ਨਾਲ ਹੀ ਲੋਕਾਂ ਨੂੰ ਆਵਾਜਾਈ ‘ਚ ਵੀ ਭਾਰੀ ਪ੍ਰੇਸ਼ਾਨੀ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਮੰਡੀ ‘ਚ ਹੋਈ ਭਾਰੀ ਬਾਰਸ਼ ਦੇ ਨਾਲ ਐਨਐਚ-70 ਕਰੀਬ ਚਾਰ ਘੰਟੇ ਬੰਦ ਰਿਹਾ।

ਪਹਾੜਾਂ ‘ਚ ਲਗਾਤਾਰ ਬਾਰਸ਼ ਹੋ ਰਹੀ ਹੈ ਜਿਸ ਕਰਕੇ ਲਗਾਤਾਰ ਲੈਂਡ ਸਲਾਈਡਿੰਗ ਹੋ ਰਹੀ ਹੈ ਤੇ ਹਾਦਸੇ ਵਾਪਰ ਸਕਦੇ ਹਨ।