Brass Utensils: ਜੇ ਪਿੱਤਲ ਦੇ ਭਾਂਡਿਆ ਨੂੰ ਸਾਫ਼ ਕਰਨ 'ਚ ਆ ਰਹੀ ਦਿੱਕਤ ਤਾਂ ਮੰਨ ਲਓ ਆਹ ਗੱਲਾਂ, ਚਮਕ ਜਾਣਗੇ
Brass Utensils Cleaning Tips: ਜ਼ਿਆਦਾਤਰ ਔਰਤਾਂ ਨੂੰ ਸ਼ਿਕਾਇਤ ਹੁੰਦੀ ਹੈ ਕਿ ਉਨ੍ਹਾਂ ਦੀ ਰਸੋਈ ਵਿੱਚ ਰੱਖੇ ਪਿੱਤਲ ਦੇ ਬਰਤਨ ਕਾਲੇ ਹੋਣ ਲੱਗਦੇ ਹਨ ਅਤੇ ਉਨ੍ਹਾਂ ਨੂੰ ਸਾਫ਼ ਕਰਨਾ ਬਹੁਤ ਮੁਸ਼ਕਲ ਹੋ ਜਾਂਦਾ ਹੈ।
ਘਰ ਦੀ ਸੁੰਦਰਤਾ ਬਣਾਈ ਰੱਖਣ ਲਈ ਹਰ ਛੋਟੀ-ਛੋਟੀ ਗੱਲ ਦਾ ਧਿਆਨ ਰੱਖਣਾ ਜ਼ਰੂਰੀ ਹੈ। ਲਿਵਿੰਗ ਰੂਮ ਤੋਂ ਲੈ ਕੇ ਰਸੋਈ ਤੱਕ ਹਰ ਚੀਜ਼ ਨੂੰ ਖੂਬਸੂਰਤੀ ਨਾਲ ਸਟੋਰ ਕਰਨਾ ਹੁੰਦਾ ਹੈ ਤਾਂ ਹੀ ਘਰ ਦੀ ਖੂਬਸੂਰਤੀ ਬਰਕਰਾਰ ਰਹਿੰਦੀ ਹੈ। ਅਜਿਹੇ 'ਚ ਜ਼ਿਆਦਾਤਰ ਔਰਤਾਂ ਨੂੰ ਸ਼ਿਕਾਇਤ ਹੁੰਦੀ ਹੈ ਕਿ ਉਨ੍ਹਾਂ ਦੀ ਰਸੋਈ 'ਚ ਰੱਖੇ ਪਿੱਤਲ ਦੇ ਭਾਂਡੇ ਕਾਲੇ ਹੋਣ ਲੱਗ ਜਾਂਦੇ ਹਨ ਅਤੇ ਉਨ੍ਹਾਂ ਨੂੰ ਸਾਫ ਕਰਨਾ ਬਹੁਤ ਮੁਸ਼ਕਿਲ ਹੋ ਜਾਂਦਾ ਹੈ।
ਜੇ ਤੁਸੀਂ ਵੀ ਪਿੱਤਲ ਦੇ ਇਨ੍ਹਾਂ ਭਾਂਡਿਆਂ ਨੂੰ ਸਾਫ਼ ਨਹੀਂ ਕਰ ਪਾ ਰਹੇ ਹੋ ਤਾਂ ਇਹ ਖ਼ਬਰ ਤੁਹਾਡੇ ਲਈ ਹੈ। ਅੱਜ ਅਸੀਂ ਤੁਹਾਨੂੰ ਕੁਝ ਅਜਿਹੇ ਘਰੇਲੂ ਉਪਾਅ ਦੱਸਾਂਗੇ, ਜਿਨ੍ਹਾਂ ਦੀ ਮਦਦ ਨਾਲ ਤੁਸੀਂ ਪਿੱਤਲ ਦੇ ਭਾਂਡਿਆਂ ਨੂੰ ਨਵੇਂ ਵਾਂਗ ਚਮਕਦਾਰ ਬਣਾ ਸਕਦੇ ਹੋ, ਉਹ ਵੀ ਘੱਟ ਸਮੇਂ 'ਚ। ਆਓ ਜਾਣਦੇ ਹਾਂ ਉਨ੍ਹਾਂ ਉਪਾਅ ਬਾਰੇ।
ਨਿੰਬੂ ਅਤੇ ਨਮਕ ਦੀ ਵਰਤੋਂ
ਪਿੱਤਲ ਦੇ ਭਾਂਡਿਆਂ ਨੂੰ ਨਵੇਂ ਵਾਂਗ ਚਮਕਾਉਣ ਲਈ ਤੁਸੀਂ ਨਿੰਬੂ ਤੇ ਨਮਕ ਦੀ ਵਰਤੋਂ ਕਰ ਸਕਦੇ ਹੋ। ਨਿੰਬੂ ਦਾ ਰਸ ਅਤੇ ਨਮਕ ਮਿਲਾ ਕੇ ਘੋਲ ਤਿਆਰ ਕਰੋ, ਫਿਰ ਇਸ ਨੂੰ ਪਿੱਤਲ ਦੇ ਭਾਂਡੇ 'ਤੇ ਲਗਾਓ ਅਤੇ ਭਾਂਡੇ ਨੂੰ ਰਗੜੋ। ਇਸ ਨਾਲ ਕਾਲੀ ਪਰਤ ਹਟ ਜਾਵੇਗੀ ਅਤੇ ਤਾਂਬਾ ਫਿਰ ਤੋਂ ਚਮਕਦਾਰ ਹੋ ਜਾਵੇਗਾ।
ਬੇਕਿੰਗ ਸੋਡਾ ਦੀ ਵਰਤੋਂ
ਇਸ ਤੋਂ ਇਲਾਵਾ ਬੇਕਿੰਗ ਸੋਡੇ 'ਚ ਪਾਣੀ ਮਿਲਾ ਕੇ ਪੇਸਟ ਬਣਾ ਲਓ ਅਤੇ ਇਸ ਨਾਲ ਭਾਂਡੇ ਨੂੰ ਚੰਗੀ ਤਰ੍ਹਾਂ ਰਗੜੋ। ਅਜਿਹਾ ਕਰਨ ਨਾਲ ਭਾਂਡੇ ਦਾ ਕਾਲਾਪਨ ਦੂਰ ਹੋ ਜਾਂਦਾ ਹੈ। ਤੁਸੀਂ ਦਹੀਂ ਤੇ ਹਲਦੀ ਦਾ ਪੇਸਟ ਵੀ ਬਣਾ ਸਕਦੇ ਹੋ। ਦੋਵਾਂ ਨੂੰ ਮਿਲਾਓ ਤੇ ਥੋੜ੍ਹਾ ਜਿਹਾ ਪਾਣੀ ਪਾ ਕੇ ਪੇਸਟ ਬਣਾ ਲਓ। ਇਸ ਨੂੰ ਕੁਝ ਦੇਰ ਭਾਂਡੇ 'ਤੇ ਲਗਾ ਕੇ ਰੱਖੋ, ਫਿਰ ਹੱਥਾਂ ਨਾਲ ਰਗੜ ਕੇ ਧੋ ਲਓ। ਇਸ ਨਾਲ ਭਾਂਡੇ ਵੀ ਚਮਕਦਾਰ ਹੋ ਜਾਣਗੇ।
ਸਿਰਕੇ ਅਤੇ ਨਮਕ ਦੀ ਵਰਤੋਂ
ਤੁਸੀਂ ਤਾਂਬੇ ਦੇ ਭਾਂਡਿਆਂ ਨੂੰ ਸਾਫ਼ ਕਰਨ ਲਈ ਸਿਰਕੇ ਅਤੇ ਨਮਕ ਦੀ ਵਰਤੋਂ ਕਰ ਸਕਦੇ ਹੋ। ਤੁਹਾਨੂੰ ਸਿਰਕੇ ਅਤੇ ਨਮਕ ਵਿਚ ਥੋੜ੍ਹਾ ਜਿਹਾ ਪਾਣੀ ਮਿਲਾ ਕੇ ਇਸ ਪੇਸਟ ਨੂੰ ਪਿੱਤਲ ਦੇ ਭਾਂਡੇ 'ਤੇ ਲਗਾਓ, ਫਿਰ ਇਸ ਨੂੰ ਨਰਮ ਕੱਪੜੇ ਨਾਲ ਰਗੜੋ। ਇਸ ਨਾਲ ਤੁਹਾਡੇ ਬਰਤਨ ਚਮਕਦਾਰ ਹੋ ਜਾਣਗੇ।
ਨਰਮ ਕੱਪੜੇ ਜਾਂ ਉੱਨ ਦੀ ਵਰਤੋਂ
ਜਦੋਂ ਵੀ ਤੁਸੀਂ ਪਿੱਤਲ ਦੇ ਭਾਂਡਿਆਂ ਨੂੰ ਸਾਫ਼ ਕਰੋ ਤਾਂ ਨਰਮ ਕੱਪੜੇ ਜਾਂ ਉੱਨ ਦੀ ਵਰਤੋਂ ਕਰੋ, ਨਹੀਂ ਤਾਂ ਭਾਂਡੇ ਖੁਰਕ ਸਕਦੇ ਹਨ। ਧਿਆਨ ਰਹੇ ਕਿ ਪਿੱਤਲ ਦੇ ਭਾਂਡਿਆਂ ਨੂੰ ਧੁੱਪ 'ਚ ਰੱਖਣ ਨਾਲ ਉਹ ਜਲਦੀ ਕਾਲੇ ਹੋ ਜਾਂਦੇ ਹਨ। ਇਨ੍ਹਾਂ ਸਾਰੇ ਟਿਪਸ ਨੂੰ ਅਪਣਾ ਕੇ ਤੁਸੀਂ ਪਿੱਤਲ ਦੇ ਭਾਂਡਿਆਂ ਨੂੰ ਚਮਕਦਾਰ ਬਣਾ ਸਕਦੇ ਹੋ।
Before You Go
ਪੰਜਾਬ ਸਰਕਾਰ ਦਾ ਵੱਡਾ ਐਕਸ਼ਨ, 8 ਦਵਾਈਆਂ ਦੇ ਇਸਤੇਮਾਲ ਤੇ ਖਰੀਦ ‘ਤੇ ਰੋਕ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
