Effects of dietary intake of potatoes: ਆਲੂ ਜੋ ਕਿ ਜ਼ਮੀਨ ਦੇ ਹੇਠਾਂ ਉੱਗਦਾ ਹੈ। ਜੋਕਿ ਵਧੀਆ ਪੌਸ਼ਕ ਤੱਤਾਂ ਅਤੇ ਸਟਾਰਚ ਭਰਭੂਰ ਹੁੰਦਾ ਹੈ। ਇਸ ਦੀ ਵਰਤੋਂ ਲਗਭਗ ਹਰੇ ਸਬਜ਼ੀ ਦੇ ਵਿੱਚ ਕੀਤੀ ਜਾਂਦੀ ਹੈ। ਪੰਜਾਬ ਦੇ ਵਿੱਚ ਤਾਂ ਆਲੂ ਦੇ ਪਰਾਂਠੇ ਸਭ ਤੋਂ ਵੱਧ ਪਸੰਦ ਕੀਤੇ ਜਾਂਦੇ ਹਨ। ਛੁੱਟੀ ਵਾਲੇ ਦਿਨ ਤਾਂ ਲਗਭਗ ਹਰ ਘਰ ਦੇ ਵਿੱਚ ਆਲੂ ਵਾਲੇ ਪਰਾਂਠੇ ਜ਼ਰੂਰ ਬਣਦੇ ਹਨ। ਬਹੁਤ ਸਾਰੀਆਂ ਸਰਜ਼ੀਆਂ ਆਲੂ ਤੋਂ ਬਿਨ੍ਹਾਂ ਅਧੂਰੀਆਂ ਹੀ ਲੱਗਦੀਆਂ ਹਨ, ਜਿਵੇਂ ਆਲੂ-ਗੋਭੀ,ਆਲੂ-ਮਟਰ, ਆਲੂ-ਮੇਥੀ,ਆਲੂ-ਗੋਸ਼ਤ, ਆਦਿ।
ਆਲੂ ਦੁਨੀਆ ਭਰ ਵਿੱਚ ਖਾਧੇ ਜਾਂਦੇ ਹਨ। ਇਸ ਨੂੰ ਕਈ ਤਰੀਕਿਆਂ ਨਾਲ ਤਲ ਕੇ, ਗਰਿੱਲ ਕਰਕੇ ਜਾਂ ਉਬਾਲ ਕੇ ਤਿਆਰ ਕੀਤਾ ਜਾ ਸਕਦਾ ਹੈ। ਆਲੂ ਬਾਰੇ ਕਿਹਾ ਜਾਂਦਾ ਹੈ ਕਿ ਇਸ ਨੂੰ ਖਾਣ ਨਾਲ ਮੋਟਾਪਾ ਵਧਦਾ ਹੈ, ਪਰ ਕੀ ਇਹ ਸੱਚ ਹੈ? ਕੀ ਆਲੂ ਅਸਲ ਵਿੱਚ ਭਾਰ ਅਤੇ ਮੋਟਾਪਾ ਵਧਾਉਂਦਾ ਹੈ? ਆਓ ਜਾਣਦੇ ਹਾਂ ਇਸ ਤੱਥ ਵਿੱਚ ਕਿੰਨੀ ਸੱਚਾਈ ਹੈ।
ਨਿਊਟ੍ਰੀਸ਼ਨਿਸਟ ਪੂਜਾ ਮਲਹੋਤਰਾ ਨੇ ਆਪਣੀ ਇਕ ਇੰਸਟਾਗ੍ਰਾਮ ਪੋਸਟ 'ਚ ਆਲੂਆਂ ਦੇ ਪੋਸ਼ਣ ਬਾਰੇ ਦੱਸਿਆ ਹੈ। ਪੂਜਾ ਦਾ ਕਹਿਣਾ ਹੈ ਕਿ ਆਲੂਆਂ ਵਿੱਚ ਹੋਰ ਸਬਜ਼ੀਆਂ ਦੇ ਮੁਕਾਬਲੇ ਜ਼ਿਆਦਾ ਕਾਰਬੋਹਾਈਡ੍ਰੇਟ ਅਤੇ ਕੈਲੋਰੀ ਹੁੰਦੀ ਹੈ। ਹਾਲਾਂਕਿ ਇਸ 'ਚ ਜ਼ਰੂਰੀ ਪੋਸ਼ਕ ਤੱਤ ਜਿਵੇਂ ਫਾਈਬਰ, ਪੋਟਾਸ਼ੀਅਮ, ਵਿਟਾਮਿਨ ਸੀ, ਵਿਟਾਮਿਨ ਬੀ6, ਮੈਂਗਨੀਜ਼ ਅਤੇ ਐਂਟੀਆਕਸੀਡੈਂਟ ਵੀ ਮੌਜੂਦ ਹੁੰਦੇ ਹਨ। ਇੰਨਾ ਹੀ ਨਹੀਂ, ਆਲੂ 'ਚ ਮੌਜੂਦ ਸਟਾਰਚ ਵੀ ਰੋਧਕ ਕਿਸਮ ਦਾ ਹੁੰਦਾ ਹੈ, ਜੋ ਤੁਹਾਡੀਆਂ ਅੰਤੜੀਆਂ ਨੂੰ ਸਿਹਤਮੰਦ ਰੱਖਣ 'ਚ ਮਦਦ ਕਰਦਾ ਹੈ।
ਆਲੂ ਦੇ ਮਾੜੇ ਪ੍ਰਭਾਵਾਂ ਬਾਰੇ (About negative effects of potatoes)
ਹੁਣ ਆਓ ਜਾਣਦੇ ਹਾਂ ਆਲੂ ਨੂੰ ਕਦੋਂ ਮਾੜਾ ਮੰਨਿਆ ਜਾਂਦਾ ਹੈ। ਜੇਕਰ ਤੁਸੀਂ ਕਦੇ ਨੂਡਲਜ਼ ਵਰਗੇ ਪ੍ਰੋਸੈਸਡ ਫੂਡ ਨਾਲ ਘਰ ਵਿੱਚ ਬਣੀ ਆਲੂ ਦੀ ਕਰੀ ਨੂੰ ਬਦਲਿਆ ਹੈ, ਤਾਂ ਤੁਹਾਨੂੰ ਕੁਝ ਖਾਸ ਗੱਲਾਂ ਦਾ ਪਤਾ ਹੋਣਾ ਚਾਹੀਦਾ ਹੈ। ਨਿਊਟ੍ਰੀਸ਼ਨਿਸਟ ਨੇ ਕਿਹਾ ਕਿ ਜ਼ਿਆਦਾਤਰ ਪ੍ਰੋਸੈਸਡ ਫੂਡ ਗੈਰ-ਸਿਹਤਮੰਦ ਹੁੰਦੇ ਹਨ, ਭਾਵੇਂ ਕਿ ਉਨ੍ਹਾਂ ਵਿਚ ਕੁੱਝ ਸਿਹਤਮੰਦ ਭੋਜਨ ਪਦਾਰਥ ਸ਼ਾਮਲ ਕੀਤੇ ਜਾਣ।
ਇੰਸਟੈਂਟ ਨੂਡਲਜ਼ ਨਾਲ ਵੀ ਕੁਝ ਅਜਿਹਾ ਹੀ ਹੁੰਦਾ ਹੈ। ਇੰਸਟੈਂਟ ਨੂਡਲਜ਼ 'ਚ 950 ਗ੍ਰਾਮ ਸੋਡੀਅਮ ਹੁੰਦਾ ਹੈ, ਜੋ ਕਾਫੀ ਜ਼ਿਆਦਾ ਹੁੰਦਾ ਹੈ। ਇਸ ਤੋਂ ਇਲਾਵਾ ਇਸ ਵਿੱਚ ਕਈ ਰਸਾਇਣ, ਐਸੀਡਿਟੀ ਰੈਗੂਲੇਟਰ, ਗਾੜ੍ਹਾ ਕਰਨ ਵਾਲੇ, ਪ੍ਰੀਜ਼ਰਵੇਟਿਵ, ਐਂਟੀ-ਕੇਕਿੰਗ ਏਜੰਟ, ਆਰਟੀਫੀਸ਼ੀਅਲ ਕਲਰ ਅਤੇ ਹਿਊਮੈਕਟੈਂਟ ਹੁੰਦੇ ਹਨ।
ਹੁਣ ਤੁਸੀਂ ਫੈਸਲਾ ਕਰ ਸਕਦੇ ਹੋ ਕਿ ਤੁਸੀਂ ਕੀ ਚੁਣਨਾ ਚਾਹੁੰਦੇ ਹੋ। ਤੁਹਾਨੂੰ ਘਰ ਵਿੱਚ ਬਣੀ ਆਲੂ ਕਰੀ ਦੀ ਚੋਣ ਕਰਨੀ ਪਵੇਗੀ ਜਾਂ ਇਸਨੂੰ ਪ੍ਰੋਸੈਸਡ ਭੋਜਨ ਵਿੱਚ ਬਦਲਣਾ ਹੋਵੇਗਾ। ਨਿਊਟ੍ਰੀਸ਼ਨਿਸਟ ਪੂਜਾ ਮਲਹੋਤਰਾ ਦਾ ਸੁਝਾਅ ਹੈ ਕਿ ਆਲੂ ਨੂੰ ਦੂਜੀਆਂ ਸਬਜ਼ੀਆਂ ਦੇ ਨਾਲ ਮਿਲਾਉਂਦੇ ਸਮੇਂ ਹਮੇਸ਼ਾ ਇਹ ਯਕੀਨੀ ਬਣਾਓ ਕਿ ਖੁਰਾਕ ਵਿੱਚ ਪ੍ਰੋਟੀਨ ਦੀ ਮਾਤਰਾ ਜ਼ਰੂਰ ਹੋਣੀ ਚਾਹੀਦੀ ਹੈ।
Disclaimer: ਇਸ ਲੇਖ ਵਿਚ ਦੱਸੇ ਗਏ ਤਰੀਕਿਆਂ ਅਤੇ ਸੁਝਾਵਾਂ ਨੂੰ ਅਪਣਾਉਣ ਤੋਂ ਪਹਿਲਾਂ,ਕਿਸੇ ਡਾਕਟਰ ਜਾਂ ਸਬੰਧਤ ਮਾਹਰ ਦੀ ਸਲਾਹ ਜ਼ਰੂਰ ਲਓ।