Egg For Heart : ਕੀ ਆਂਡਾ ਖਾਣ ਨਾਲ ਦਿਲ ਦੇ ਮਰੀਜ਼ ਨੂੰ ਹੋ ਸਕਦੈ ਨੁਕਸਾਨ, ਜਾਣੋ ਕੀ ਆਂਡਾ ਵਧਾਉਂਦਾ ਹੈ ਕੋਲੈਸਟ੍ਰੋਲ?
ਰੋਜ਼ ਆਂਡੇ ਖਾਣਾ ਦਿਲ ਲਈ ਚੰਗਾ ਹੈ? ਕੀ ਆਂਡੇ ਖਾਣ ਨਾਲ ਦਿਲ ਦੀਆਂ ਸਮੱਸਿਆਵਾਂ ਦਾ ਖਤਰਾ ਵਧ ਜਾਂਦਾ ਹੈ ? ਆਓ ਜਾਣੀਏ ਦਿਲ ਦੇ ਮਰੀਜ਼ ਨੂੰ ਦਿਨ 'ਚ ਕਿਵੇਂ ਤੇ ਕਿੰਨੇ ਆਂਡੇ ਖਾਣੇ ਚਾਹੀਦੇ ਹਨ...
Truth About Eggs And Cholesterol : ਜ਼ਿਆਦਾਤਰ ਘਰਾਂ ਵਿੱਚ, ਨਾਸ਼ਤੇ ਵਿੱਚ ਆਂਡੇ ਸ਼ਾਮਲ ਕੀਤੇ ਜਾਂਦੇ ਹਨ। ਆਂਡੇ ਤੋਂ ਕਈ ਸਵਾਦਿਸ਼ਟ ਪਕਵਾਨ ਤਿਆਰ ਕੀਤੇ ਜਾਂਦੇ ਹਨ। ਖਾਸ ਕਰਕੇ ਸਰਦੀਆਂ ਵਿੱਚ ਲੋਕ ਆਂਡੇ ਬੜੇ ਚਾਅ ਨਾਲ ਖਾਂਦੇ ਹਨ। ਇਸ ਲਈ ਕਿਹਾ ਜਾਂਦਾ ਹੈ ਕਿ ਸੰਡੇ ਹੋ ਜਾਂ ਮੰਡੇ ਰੋਜ਼ ਖਾਓ ਆਂਡੇ। ਤੁਹਾਨੂੰ ਰੋਜ਼ਾਨਾ 1-2 ਆਂਡੇ ਖਾਣੇ ਚਾਹੀਦੇ ਹਨ। ਪਰ ਕੀ ਹਰ ਰੋਜ਼ ਆਂਡੇ ਖਾਣਾ ਦਿਲ ਲਈ ਚੰਗਾ ਹੈ? ਕੀ ਆਂਡੇ ਖਾਣ ਨਾਲ ਦਿਲ ਦੀਆਂ ਸਮੱਸਿਆਵਾਂ ਦਾ ਖਤਰਾ ਵਧ ਜਾਂਦਾ ਹੈ ? ਜੇਕਰ ਤੁਸੀਂ ਦਿਲ ਦੇ ਮਰੀਜ਼ ਹੋ ਤਾਂ ਤੁਹਾਨੂੰ ਦਿਨ 'ਚ ਕਿਵੇਂ ਅਤੇ ਕਿੰਨੇ ਆਂਡੇ ਖਾਣੇ ਚਾਹੀਦੇ ਹਨ। ਆਓ ਜਾਣਦੇ ਹਾਂ...
NCBI ਦੀ ਰਿਪੋਰਟ ਮੁਤਾਬਕ ਦਿਨ 'ਚ 2 ਆਂਡੇ ਖਾਣ ਨਾਲ ਮੋਟਾਪਾ ਘੱਟ ਹੁੰਦਾ ਹੈ। ਰੋਜ਼ਾਨਾ ਆਂਡੇ ਖਾਣ ਨਾਲ ਸਰੀਰ 'ਚ ਲਾਲ ਖੂਨ ਦੇ ਸੈੱਲ ਵਧਦੇ ਹਨ। ਆਂਡੇ ਖਾਣ ਨਾਲ ਸਰੀਰ ਨੂੰ ਪ੍ਰੋਟੀਨ ਅਤੇ ਵਿਟਾਮਿਨ ਮਿਲਦਾ ਹੈ। ਇਸ ਨਾਲ ਲੰਬੇ ਸਮੇਂ ਤਕ ਭੁੱਖ ਨਹੀਂ ਲੱਗਦੀ। ਕਈ ਖੋਜਾਂ ਵਿੱਚ ਇਹ ਕਿਹਾ ਗਿਆ ਹੈ ਕਿ ਇੱਕ ਸਿਹਤਮੰਦ ਵਿਅਕਤੀ ਨੂੰ ਰੋਜ਼ਾਨਾ 2 ਆਂਡੇ ਖਾਣੇ ਚਾਹੀਦੇ ਹਨ। ਹਾਲਾਂਕਿ, ਕਈ ਰਿਪੋਰਟਾਂ ਇਹ ਵੀ ਕਹਿੰਦੀਆਂ ਹਨ ਕਿ ਆਂਡੇ ਵਿੱਚ ਹੋਰ ਭੋਜਨਾਂ ਦੇ ਮੁਕਾਬਲੇ ਜ਼ਿਆਦਾ ਕੋਲੈਸਟ੍ਰੋਲ ਹੁੰਦਾ ਹੈ।
ਆਂਡੇ ਵਿੱਚ ਕਿਹੜੇ ਪੋਸ਼ਕ ਤੱਤ ਪਾਏ ਜਾਂਦੇ ਹਨ
1 ਆਂਡੇ ਵਿੱਚ ਲਗਭਗ 75 ਕੈਲੋਰੀ(Calories) , 5 ਗ੍ਰਾਮ ਚਰਬੀ(Fat), 6 ਗ੍ਰਾਮ ਪ੍ਰੋਟੀਨ (Protein) , 0 ਕਾਰਬੋਹਾਈਡਰੇਟ(Carbohydrates), 70 ਗ੍ਰਾਮ ਸੋਡੀਅਮ, 67 ਮਿਲੀਗ੍ਰਾਮ ਪੋਟਾਸ਼ੀਅਮ ਅਤੇ 210 ਮਿਲੀਗ੍ਰਾਮ ਕੋਲੈਸਟ੍ਰੋਲ ਪਾਇਆ ਜਾਂਦਾ ਹੈ। ਆਂਡੇ ਵਿਟਾਮਿਨ ਏ, ਵਿਟਾਮਿਨ ਡੀ ਅਤੇ ਵਿਟਾਮਿਨ ਬੀ 12 ਦਾ ਵਧੀਆ ਸਰੋਤ ਹਨ। ਆਂਡੇ ਵਿੱਚ ਕੋਲੀਨ ਵੀ ਪਾਇਆ ਜਾਂਦਾ ਹੈ, ਜੋ ਮੇਟਾਬੋਲਿਜ਼ਮ ਵਿੱਚ ਮਦਦ ਕਰਦਾ ਹੈ।
ਕੀ ਆਂਡਾ ਖਾਣ ਨਾਲ ਵਧਦਾ ਹੈ ਕੋਲੈਸਟ੍ਰੋਲ?
ਉੱਚ ਕੋਲੇਸਟ੍ਰੋਲ (ਹਾਈ ਕੋਲੈਸਟ੍ਰੋਲ) ਹੋਣ ਨਾਲ ਦਿਲ ਦੀਆਂ ਸਮੱਸਿਆਵਾਂ ਦਾ ਖ਼ਤਰਾ ਵੱਧ ਜਾਂਦਾ ਹੈ, ਜੋ ਤੁਹਾਡੀ ਜ਼ਿੰਦਗੀ ਨੂੰ ਖ਼ਤਰੇ ਵਿੱਚ ਪਾ ਸਕਦਾ ਹੈ। ਹਾਲਾਂਕਿ, ਕਈ ਖੋਜਾਂ ਵਿੱਚ ਇਹ ਪਾਇਆ ਗਿਆ ਹੈ ਕਿ ਆਂਡੇ ਵਿੱਚ ਪਾਇਆ ਜਾਣ ਵਾਲਾ ਕੋਲੈਸਟ੍ਰੋਲ ਸਰੀਰ 'ਤੇ ਨਕਾਰਾਤਮਕ ਪ੍ਰਭਾਵ ਨਹੀਂ ਪਾਉਂਦਾ ਹੈ। ਹਾਂ, ਧਿਆਨ ਦੇਣ ਵਾਲੀ ਗੱਲ ਹੈ ਕਿ ਤੁਸੀਂ ਆਂਡਾ ਕਿਵੇਂ ਖਾ ਰਹੇ ਹੋ। ਜੇਕਰ ਤੁਸੀਂ ਇਸ ਨੂੰ ਜ਼ਿਆਦਾ ਤੇਲ ਜਾਂ ਮੱਖਣ 'ਚ ਮਿਲਾ ਕੇ ਖਾ ਰਹੇ ਹੋ ਤਾਂ ਇਹ ਦੋਵੇਂ ਚੀਜ਼ਾਂ ਮਿਲ ਕੇ ਨੁਕਸਾਨ ਕਰ ਸਕਦੀਆਂ ਹਨ।
ਦਿਲ ਦੇ ਮਰੀਜ਼ ਕਿਵੇਂ ਅਤੇ ਕਿੰਨੇ ਆਂਡੇ ਖਾਣ
ਦਿਲ ਦੇ ਮਰੀਜ਼ ਇੱਕ ਹਫ਼ਤੇ ਵਿੱਚ 7 ਆਂਡੇ ਖਾ ਸਕਦੇ ਹਨ ਯਾਨੀ ਹਰ ਰੋਜ਼ ਇੱਕ ਆਂਡਾ। ਆਂਡੇ ਦਾ ਸਫ਼ੈਦ ਹਿੱਸਾ ਹੀ ਖਾਣ ਦੀ ਕੋਸ਼ਿਸ਼ ਕਰੋ। ਇਸ ਨਾਲ ਕੋਲੈਸਟ੍ਰੋਲ ਤੋਂ ਬਚਿਆ ਜਾਵੇਗਾ ਅਤੇ ਸਰੀਰ ਨੂੰ ਪ੍ਰੋਟੀਨ ਮਿਲੇਗਾ। ਜੇਕਰ ਤੁਸੀਂ ਜ਼ਿਆਦਾ ਮਾਤਰਾ 'ਚ ਆਂਡੇ ਖਾਂਦੇ ਹੋ ਤਾਂ ਆਂਡੇ ਦੀ ਜ਼ਰਦੀ ਨਾ ਖਾਓ। ਅੰਡੇ ਨੂੰ ਉਬਾਲ ਕੇ ਜਾਂ ਬਹੁਤ ਘੱਟ ਮੱਖਣ ਵਿੱਚ ਬਣਾ ਕੇ ਖਾਣ ਦੀ ਕੋਸ਼ਿਸ਼ ਕਰੋ। ਇਹ ਗਲਤ ਧਾਰਨਾ ਹੈ ਕਿ ਆਂਡੇ ਦਿਲ ਲਈ ਹਾਨੀਕਾਰਕ ਹਨ।
Check out below Health Tools-
Calculate Your Body Mass Index ( BMI )
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
