ਮੋਟਾਪਾ ਹੱਡੀਆਂ ਲਈ ਵੀ ਨੁਕਸਾਨਦੇਹ

ਬੋਸਟਨ : ਜੀਵਨ ਸ਼ੈਲੀ 'ਚ ਤਬਦੀਲੀ ਕਾਰਨ ਮੋਟਾਪੇ ਤੋਂ ਬਾਅਦ ਵਜ਼ਨ ਘੱਟ ਕਰਨ ਦਾ ਚਲਣ ਆਮ ਹੋ ਚੁੱਕਾ ਹੈ। ਦੋਵੇਂ ਹਲਾਤਾਂ 'ਚ ਹੱਡੀਆਂ ਨੂੰ ਸਥਾਈ ਨੁਕਸਾਨ ਪੁੱਜਦਾ ਹੈ। ਹਾਰਵਰਡ ਮੈਡੀਕਲ ਸਕੂਲ, ਬੋਸਟਨ ਦੇ ਵਿਗਿਆਨੀਆਂ ਦੀ ਖੋਜ 'ਚ ਇਹ ਗੱਲ ਸਾਹਮਣੇ ਆਈ ਹੈ। ਮਾਹਰਾਂ ਨੇ ਦੱਸਿਆ ਕਿ ਮੋਟਾਪੇ ਨੂੰ ਹੱਡੀਆਂ ਲਈ ਬਿਹਤਰ ਮੰਨਿਆ ਜਾਂਦਾ ਹੈ ਪਰ ਤਾਜ਼ਾ ਖੋਜ ਦੇ ਨਤੀਜੇ ਇਸ ਦੇ ਉਲਟ ਆਏ ਹਨ। ਮੋਟਾਪੇ ਦੇ ਸ਼ਿਕਾਰ ਨੌਜਵਾਨਾਂ 'ਚ ਹੱਥਾਂ ਦੀਆਂ ਹੱਡੀਆਂ ਟੁੱਟਣ ਦੇ ਮਾਮਲੇ ਜ਼ਿਆਦਾ ਸਾਹਮਣੇ ਆਏ ਹਨ। ਖਾਸ ਕਰ ਕੇ ਨੌਜਵਾਨ ਇਸ ਦੇ ਘੇਰੇ 'ਚ ਜ਼ਿਆਦਾ ਆਉਂਦੇ ਹਨ। ਉਨ੍ਹਾਂ ਮੁਤਾਬਕ ਫੈਟ (ਖਾਸ ਕਰ ਕੇ ਅੰਤੜੀ 'ਚ) ਦੀ ਉੱਚ ਮਾਤਰਾ ਅਤੇ ਮਾਸ-ਪੇਸ਼ੀਆਂ ਦੇ ਕਮਜ਼ੋਰ ਪੱਧਰ ਕਾਰਨ ਹੱਡੀਆਂ ਕਮਜ਼ੋਰ ਹੋ ਜਾਂਦੀਆਂ ਹਨ। ਬਚਪਨ ਜਾਂ ਅੱਲ੍ਹੜਪੁਣੇ 'ਚ ਮੋਟਾਪੇ ਦੀ ਸਮੱਸਿਆ ਉਭਰਨ ਨਾਲ ਹੱਡੀਆਂ ਦੇ ਢਾਂਚੇ 'ਚ ਗੜਬੜੀ ਆ ਜਾਂਦੀ ਹੈ। ਇਸ ਨਾਲ ਬੋਨ ਲਾਸ ਜਾਂ ਹੱਡੀਆਂ ਦੇ ਖੇਤਰ ਦੀ ਸਮੱਸਿਆ ਸਾਹਮਣੇ ਆਉਂਦੀ ਹੈ। ਜ਼ਰੂਰਤ ਤੋਂ ਜ਼ਿਆਦਾ ਵਜਨ ਘੱਟ ਹੋਣ ਨਾਲ ਵੀ ਹੱਡੀਆਂ ਨੂੰ ਸਥਾਈ ਨੁਕਸਾਨ ਪਹੁੰਚਦਾ ਹੈ।