ਨਵੀਂ ਦਿੱਲੀ: ਕੋਰੋਨਾਵਾਇਰਸ ਕਾਰਨ ਦੁਨੀਆ 'ਚ ਹਫੜਾ-ਦਫੜੀ ਮੱਚ ਰਹੀ ਹੈ। ਭਾਰਤ ‘ਚ ਇਸ ਦੀ ਗੰਭੀਰਤਾ ਕਾਰਨ ਵੱਖ-ਵੱਖ ਸੂਬਿਆਂ ‘ਚ ਲੌਕਡਾਊਨ ਤੇ ਕਰਫਿਊ ਲਾ ਦਿੱਤਾ ਗਿਆ ਹੈ। ਇਸ ਮਾਰੂ ਵਾਇਰਸ ਤੋਂ ਬਚਾਅ ਲਈ ਬਾਜ਼ਾਰ ‘ਚ ਕੋਈ ਦਵਾਈ ਜਾਂ ਟੀਕਾ ਮੌਜੂਦ ਨਹੀਂ। ਲੋਕ ਇਸ ਖ਼ਤਰਨਾਕ ਵਾਇਰਸ ਤੋਂ ਬਚਣ ਲਈ ਮਾਸਕ, ਦਸਤਾਨੇ ਤੇ ਸੈਨੀਟਾਈਜ਼ਰ ਵਰਗੇ ਢੰਗ ਅਪਣਾ ਰਹੇ ਹਨ। ਅੱਜ ਤੁਹਾਨੂੰ ਸੈਨੀਟਾਈਜ਼ਰ ਬਾਰੇ ਹਰ ਜਾਣਕਾਰੀ ਦੱਸਦੇ ਹਾਂ।
ਹੈਂਡ ਸੈਨੀਟਾਈਜ਼ਰ 54 ਸਾਲ ਪਹਿਲਾਂ ਆਇਆ ਸੀ, ਹੁਣ ਹਰ ਘਰ ‘ਚ ਇਸ ਦੀ ਮੌਜੂਦਗੀ ਹੈ:
ਸੈਨੀਟਾਈਜ਼ਰ ਇੱਕ ਖਾਸ ਕਿਸਮ ਦਾ ਤਰਲ ਹੁੰਦਾ ਹੈ ਜੋ ਤੁਹਾਡੇ ਹੱਥਾਂ ‘ਤੇ ਮੌਜੂਦ ਬੈਕਟੀਰੀਆ ਨੂੰ ਤੁਰੰਤ ਪ੍ਰਭਾਵ ਨਾਲ ਮਾਰ ਦਿੰਦਾ ਹੈ। ਹੈਂਡ ਸੈਨੀਟਾਈਜ਼ਰ ਦੀ ਵਰਤੋਂ ਨਾਲ ਤੁਹਾਡੇ ਹੱਥ ਸਾਫ਼ ਹੋ ਜਾਂਦੇ ਹਨ। ਅੱਜ ਕੱਲ੍ਹ ਹਰ ਕੋਈ ਕੋਰੋਨਾ ਦੀ ਤਬਾਹੀ ਤੋਂ ਬਚਣ ਲਈ ਹੈਂਡ ਸੈਨੀਟਾਈਜ਼ਰ ਦੀ ਵਰਤੋਂ ਕਰ ਰਿਹਾ ਹੈ। ਇਸ ਤੋਂ ਪਹਿਲਾਂ ਵੀ ਡਾਕਟਰੀ ਪੇਸ਼ੇਵਰ ਤੇ ਦਫਤਰਾਂ ‘ਚ ਕੰਮ ਕਰਦੇ ਲੋਕ ਇਸ ਦੀ ਵਰਤੋਂ ਕਰਦੇ ਸੀ। ਕੋਰੋਨਾ ਦੇ ਫੈਲਣ ਤੋਂ ਬਾਅਦ ਦੇਸ਼ ‘ਚ ਹੈਂਡ ਸੈਨੀਟਾਈਜ਼ਰ ਦੀ ਵਿਕਰੀ ‘ਚ ਵੀ ਕਾਫੀ ਉਛਾਲ ਆਇਆ ਹੈ।
ਹੈਂਡ ਸੈਨੀਟਾਈਜ਼ਰ ਬਣਾਉਣ ਦਾ ਸਿਹਰਾ ਅਮਰੀਕੀ ਔਰਤ ਨੂੰ ਜਾਂਦਾ ਹੈ। ਇਸ ਔਰਤ ਦਾ ਨਾਂ ਲਿਊਪ ਹਰਨੌਡਿਜ਼ ਹੈ। 1966 ‘ਚ ਹੈਂਡ ਸੈਨੀਟਾਈਜ਼ਰ ਦੀ ਖੋਜ ਲਿਊਪ ਨੇ ਕੀਤੀ ਸੀ। ਉਹ ਉਦੋਂ ਨਰਸਿੰਗ ਦੀ ਪੜ੍ਹਾਈ ਕਰ ਰਹੀ ਸੀ। ਦਰਅਸਲ, ਉਸ ਨੇ ਇਸ ਵਿਚਾਰ ‘ਤੇ ਕੰਮ ਕਰਨਾ ਉਦੋਂ ਸ਼ੁਰੂ ਕੀਤਾ ਜਦੋਂ ਉਸ ਨੇ ਮਹਿਸੂਸ ਕੀਤਾ ਕਿ ਮਰੀਜ਼ ਦਾ ਇਲਾਜ ਕਰਨ ਤੋਂ ਬਾਅਦ ਜੇ ਸਾਬਣ ਤੇ ਪਾਣੀ ਨਾ ਮਿਲੇ ਤਾਂ ਉਹ ਸੰਕਰਮਣ ਨੂੰ ਰੋਕਣ ਲਈ ਆਪਣੇ ਹੱਥਾਂ ਨੂੰ ਕਿਵੇਂ ਸਾਫ ਕਰੇਗੀ।
ਲਿਊਪ ਨੇ ਸ਼ਰਾਬ ਦੇ ਅਧਾਰ ਨਾਲ ਇੱਕ ਜੈੱਲ ਬਣਾਈ। ਜਦੋਂ ਇਸ ਦੀ ਜਾਂਚ ਕੀਤੀ ਗਈ ਤਾਂ ਇਹ ਬੈਕਟੀਰੀਆ ਖ਼ਤਮ ਕਰਨ ‘ਚ ਕਾਮਯਾਬ ਰਹੀ। ਅੱਜ ਕੱਲ੍ਹ ਉਸ ਦੀ ਕਾਢ ਲੋਕਾਂ ਨੂੰ ਜ਼ਰੂਰ ਲਾਭ ਪਹੁੰਚਾ ਰਹੀ ਹੈ। ਕੋਰੋਨਾ ਦੇ ਦੌਰਾਨ ਲੋਕ ਹੱਥਾਂ ਨੂੰ ਸੈਨੀਟਾਈਜ਼ ਕਰਨ ਲਈ ਵਰਤ ਕਰ ਰਹੇ ਹਨ। ਅਜਿਹੀ ਸਥਿਤੀ ਵਿੱਚ, ਲੋਕ ਸੈਨੀਟਾਈਜ਼ਰ ਦੀ ਭਾਲ ਕਰਨ ਵਾਲੇ ਲਿਊਪ ਨੂੰ ਨਹੀਂ ਭੁੱਲਦੇ ਤੇ ਟਵਿੱਟਰ ‘ਤੇ ਉਹ ਇਸ ਕਾਢ ਲਈ ਉਨ੍ਹਾਂ ਦਾ ਧੰਨਵਾਦ ਕਰ ਰਹੇ ਹਨ