ਜੇਕਰ 10 ਦਿਨਾਂ ਬਾਅਦ ਮੂੰਹ 'ਚ ਹੋ ਰਹੇ ਛਾਲੇ ਤਾਂ ਹੋ ਜਾਓ ਸਾਵਧਾਨ! ਇਨ੍ਹਾਂ ਮੁਸ਼ਕਿਲਾਂ ਦਾ ਕਰਨਾ ਪੈ ਸਕਦਾ ਸਾਹਮਣਾ

ਮੂੰਹ ਦੇ ਛਾਲੇ ਮੂੰਹ ਦੀ ਸਿਹਤ ਲਈ ਬੇਹੱਦ ਖਤਰਨਾਕ ਸਾਬਤ ਹੋ ਸਕਦੇ ਹਨ।

Mouth ulcer cause

Health tips: ਮੂੰਹ 'ਚ ਛਾਲੇ ਹੋਣਾ ਆਮ ਗੱਲ ਹੈ ਪਰ ਜੇਕਰ ਇਹ ਹਮੇਸ਼ਾ ਕੁਝ ਦਿਨਾਂ ਦੇ ਵਕਫੇ 'ਤੇ ਹੋਣ ਲੱਗੇ ਤਾਂ ਇਹ ਵੱਡੀ ਸਮੱਸਿਆ ਸਾਬਤ ਹੋ ਸਕਦੀ ਹੈ। ਇਹ ਤੁਹਾਡੀ ਮੂੰਹ ਦੀ ਸਿਹਤ ਲਈ ਬੇਹੱਦ ਖਤਰਨਾਕ ਸਾਬਤ ਹੋ ਸਕਦਾ ਹੈ। ਦਰਅਸਲ, ਅੱਜਕੱਲ੍ਹ ਲੋਕਾਂ ਦੇ ਮੂੰਹ ਵਿੱਚ ਛਾਲਿਆਂ ਦੀ ਸਮੱਸਿਆ ਆਮ ਹੋ ਗਈ ਹੈ। ਕੁਝ ਲੋਕ ਅਜਿਹੇ ਹਨ ਜਿਨ੍ਹਾਂ ਦੇ ਮੂੰਹ ਵਿੱਚ ਹਰ 15 ਦਿਨਾਂ ਵਿੱਚ ਛਾਲੇ ਪੈ ਜਾਂਦੇ ਹਨ। ਇਸ ਲਈ ਇਸਨੂੰ ਕਦੇ ਵੀ ਹਲਕੇ ਵਿੱਚ ਨਹੀਂ ਲੈਣਾ ਚਾਹੀਦਾ। ਅਜਿਹਾ ਇਸ ਲਈ ਵੀ ਹੋ ਸਕਦਾ ਹੈ ਕਿਉਂਕਿ ਸਰੀਰ ਵਿੱਚ ਵਿਟਾਮਿਨਾਂ ਦੀ ਕਮੀ ਹੋ ਜਾਂਦੀ ਹੈ। ਇਸ ਦੇ ਹੋਰ ਵੀ ਕਈ ਕਾਰਨ ਹੁੰਦੇ ਹਨ, ਜਿਸ ਕਰਕੇ ਤੁਹਾਨੂੰ ਛਾਲਿਆਂ ਦੀ ਪਰੇਸ਼ਾਨੀ ਦਾ ਸਾਹਮਣਾ ਕਰਨਾ ਪੈਂਦਾ ਹੈ। ਹੇਠਾਂ ਇਸ ਦੇ ਕਾਰਨਾਂ ਬਾਰੇ ਦੱਸਿਆ ਗਿਆ ਹੈ।  

ਹਾਰਮੋਨਲ ਦੇ ਅਸੰਤੁਲਨ ਹੋਣ ਕਾਰਨ ਵੀ ਛਾਲੇ ਹੋ ਸਕਦੇ ਹਨ। ਮਹਾਂਵਾਰੀ ਦੇ ਦੌਰਾਨ ਬਹੁਤ ਸਾਰੇ ਹਾਰਮੋਨਲ ਦੇ ਬਦਲਾਅ ਹੁੰਦੇ ਹਨ। ਪ੍ਰੋਜੇਸਟ੍ਰੋਨ ਵਧਣ ਨਾਲ ਮੂੰਹ 'ਚ ਛਾਲਿਆਂ ਦੀ ਸਮੱਸਿਆ ਹੋ ਜਾਂਦੀ ਹੈ।

ਹਰਪੀਜ਼ ਦੇ ਕਾਰਨ

ਓਰਲ ਹਰਪੀਜ਼, ਹਰਪੀਜ਼ ਸਿੰਪਲੈਕਸ ਵਾਇਰਸ ਦੇ ਕਾਰਨ, ਮੂੰਹ ਵਿੱਚ ਛਾਲੇ ਹੋ ਜਾਂਦੇ ਹਨ। ਇਹ ਵਾਇਰਲ ਇਨਫੈਕਸ਼ਨ ਵੀ ਹੋ ਸਕਦਾ ਹੈ। ਮੂੰਹ ਵਿੱਚ ਛਾਲੇ ਅਤੇ ਦਰਦ ਵੀ ਹੋ ਸਕਦਾ ਹੈ। ਇਹ ਲੱਛਣ ਹਰਪੀਜ਼ ਲੇਬੀਲਿਸ ਕਾਰਨ ਵੀ ਹੋ ਸਕਦੇ ਹਨ।

ਪੇਟ ਦੀਆਂ ਬਿਮਾਰੀਆਂ ਦੇ ਕਾਰਨ 

ਪੇਟ ਦੀਆਂ ਬਿਮਾਰੀਆਂ ਕਾਰਨ ਵੀ ਮੂੰਹ ਵਿੱਚ ਛਾਲੇ ਪੈ ਸਕਦੇ ਹਨ। ਜੇਕਰ ਤੁਹਾਡਾ ਪੇਟ ਠੀਕ ਨਹੀਂ ਹੈ ਤਾਂ ਮੂੰਹ ਵਿੱਚ ਛਾਲੇ ਹੋ ਸਕਦੇ ਹਨ। ਪੇਟ ਵਿਚ ਗੜਬੜੀ ਕਾਰਨ ਸਰੀਰ ਵਿਚ ਜ਼ਿਆਦਾ ਵੇਸਟ ਅਤੇ ਐਸਿਡ ਪੈਦਾ ਹੁੰਦਾ ਹੈ, ਜਿਸ ਕਾਰਨ ਮੂੰਹ ਵਿਚ ਛਾਲੇ ਹੋ ਸਕਦੇ ਹਨ। 

ਸਰੀਰ ਵਿੱਚ ਵਿਟਾਮਿਨ ਬੀ ਅਤੇ ਸੀ ਦੀ ਘਾਟ

ਸਰੀਰ ਵਿੱਚ ਵਿਟਾਮਿਨ ਬੀ ਅਤੇ ਸੀ ਦੀ ਘਾਟ ਕਰਕੇ ਮੂੰਹ ਵਿੱਚ ਛਾਲੇ ਹੁੰਦੇ ਹਨ ਜਿਸ ਦੀ ਦਵਾਈ ਛੇਤੀ ਹੀ ਡਾਕਟਰ ਦੀ ਸਲਾਹ ਤੋਂ ਲੈ ਲੈਣੀ ਚਾਹੀਦੀ ਹੈ ਤਾਂ ਕਿ ਛੇਤੀ ਹੀ ਛਾਲਿਆਂ ਨੂੰ ਠੀਕ ਕੀਤਾ ਜਾ ਸਕੇ।

ਇਹ ਵੀ ਪੜ੍ਹੋ: ਜੇਕਰ ਝੁਰੜੀਆਂ ਤੇ ਮੁਹਾਸਿਆਂ ਦੀ ਮੁਸ਼ਕਿਲ ਤੋਂ ਹੋ ਪਰੇਸ਼ਾਨ, ਤਾਂ ਇਦਾਂ ਕਰੋ ਤ੍ਰਿਫਲਾ ਪਾਊਡਰ ਦੀ ਵਰਤੋਂ