ਦੇਰ ਰਾਤ ਤੱਕ ਜਾਗੇ ਰਹਿਣ ਤੁਹਾਡੇ ਲਈ ਸਭ ਤੋਂ ਖਤਰਨਾਕ ਹੋ ਸਕਦਾ ਹੈ। ਇਸ ਵਿੱਚ ਮੌਤ ਆਉਣ ਦੀ ਸੰਭਾਵਨਾ ਵੀ ਵੱਧ ਜਾਂਦੀ ਹੈ। ਰਾਤਾਂ ਨੂੰ ਜਾਗਦੇ ਰਹਿਣ ਜਾਂ ਮੋਬਾਇਲ 'ਤੇ ਲੱਗੇ ਰਹਿਣ ਕਿੰਨਾ ਕੁ ਸਿਹਤ 'ਤੇ ਅਸਰ ਕਰਦਾ ਹੈ ਇਸ ਦੇ ਲਈ ਇੱਕ ਰਿਸਰਚ ਕੀਤੀ ਗਈ। ਇਹ ਖੋਜ 24 ਹਜ਼ਾਰ ਜੁੜਵਾਂ ਵਿਅਕਤੀਆਂ 'ਤੇ ਹੋਈ ਹੈ। ਰਿਸਰਚ ਵਿੱਚ ਸਾਹਮਣੇ ਆਇਆ ਹੈ ਕਿ ਜੋ ਲੋਕ ਦੇਰ ਰਾਤ ਤੱਕ ਜਾਗਦੇ ਰਹਿੰਦੇ ਹਨ, ਉਹ ਗਲਤ ਚੀਜ਼ਾਂ ਦੇ ਆਦੀ ਹੋ ਜਾਂਦੇ ਹਨ। ਇਨ੍ਹਾਂ ਬੁਰੀਆਂ ਆਦਤਾਂ ਕਾਰਨ ਜਲਦੀ ਮੌਤ ਦੀ ਸੰਭਾਵਨਾ 9% ਵੱਧ ਜਾਂਦੀ ਹੈ।
ਫਿਨਲੈਂਡ ਵਿੱਚ ਕੀਤੀ ਗਈ ਇੱਕ ਖੋਜ ਵਿੱਚ ਕਿਹਾ ਗਿਆ ਕਿ ਦਿਨ ਵਿੱਚ ਜਾਗਦੇ ਲੋਕਾਂ ਦੇ ਮੁਕਾਬਲੇ ਰਾਤ ਨੂੰ ਜਾਗਦੇ ਰਹਿਣ ਵਾਲੇ ਲੋਕ ਤੰਬਾਕੂ, ਸ਼ਰਾਬ ਦਾ ਸੇਵਨ ਕਰਦੇ ਹਨ। ਉਹ ਨਸ਼ੇ ਦੇ ਆਦੀ ਹੋ ਜਾਂਦੇ ਹਨ, ਜੋ ਜੀਵਨ ਲਈ ਖਤਰਨਾਕ ਹੈ।
ਨੀਂਦ ਕਿਵੇਂ ਆਉਂਦੀ ਹੈ ?
ਖੋਜਕਾਰਾਂ ਮੁਤਾਬਕ ਦੇਰ ਨਾਲ ਸੌਣ ਵਾਲਿਆਂ ਦੇ ਸਰੀਰ 'ਚ ਮੇਲਾਟੋਨਿਨ ਹਾਰਮੋਨ ਦਾ ਨਿਕਾਸ ਹੁੰਦਾ ਹੈ। ਨੀਂਦ ਆਉਣ ਵਿੱਚ ਇਸ ਹਾਰਮੋਨ ਦੀ ਅਹਿਮ ਭੂਮਿਕਾ ਹੁੰਦੀ ਹੈ। ਹਰੇਕ ਵਿਅਕਤੀ ਦੀ ਇੱਕ ਅੰਦਰੂਨੀ 24 ਘੰਟੇ ਦੀ ਬਾਡੀ ਕਲਾਕ ਜਾਂ ਸਰਕੇਡੀਅਨ ਰਿਦਮ ਹੁੰਦੀ ਹੈ। ਇਹ ਨੀਂਦ ਲਿਆਉਣ ਲਈ ਹਾਰਮੋਨ ਮੇਲੇਟੋਨਿਨ ਨੂੰ ਛੱਡੀ ਹੈ।
ਜੋ ਲੋਕ ਦੇਰ ਨਾਲ ਸੌਂਦੇ ਹਨ, ਉਨ੍ਹਾਂ ਵਿਚ ਇਹ ਦੇਰ ਨਾਲ ਨਿਕਲਦਾ ਹੈ, ਜਿਸ ਕਾਰਨ ਨੀਂਦ ਦੇਰ ਨਾਲ ਆਉਂਦੀ ਹੈ ਅਤੇ ਲੋਕ ਸਵੇਰੇ ਜਲਦੀ ਨਹੀਂ ਉਠ ਪਾਉਂਦੇ ਹਨ। ਇਸ ਕਾਰਨ ਜੇਕਰ ਉਹ ਦੇਰ ਨਾਲ ਸੌਣ ਤੋਂ ਬਾਅਦ ਜਲਦੀ ਉੱਠਦੇ ਹਨ ਤਾਂ ਵੀ ਉਹ ਐਕਟਿਵ ਨਹੀਂ ਰਹਿ ਪਾਉਂਦੇ ਹਨ। ਇਨ੍ਹਾਂ ਵਿਚ ਦੁਪਹਿਰ-ਸ਼ਾਮ ਤੱਕ ਊਰਜਾ ਆਉਂਦੀ ਹੈ।
24 ਹਜ਼ਾਰ ਜੁੜਵਾਂ ਵਿਅਕਤੀਆਂ ਬੱਚਿਆਂ 'ਤੇ ਖੋਜ
ਇਹ ਖੋਜ ਕ੍ਰੋਨੋਬਾਇਓਲੋਜੀ ਇੰਟਰਨੈਸ਼ਨਲ ਵਿੱਚ ਪ੍ਰਕਾਸ਼ਿਤ ਹੋਈ ਹੈ। ਇਸ ਦੇ ਲਈ 1981 ਤੋਂ 2018 ਦਰਮਿਆਨ 24 ਹਜ਼ਾਰ ਜੁੜਵਾਂ ਵਿਅਕਤੀਆਂ ਬੱਚਿਆਂ ਦੇ ਸਿਹਤ ਸੰਬੰਧੀ ਵਿਵਹਾਰ ਅਤੇ ਬਿਮਾਰੀਆਂ 'ਤੇ ਅਧਿਐਨ ਕੀਤਾ ਗਿਆ। ਇਨ੍ਹਾਂ ਲੋਕਾਂ ਤੋਂ ਉਨ੍ਹਾਂ ਦੇ ਨੀਂਦ ਦੇ ਚੱਕਰ ਬਾਰੇ ਸਵਾਲ ਪੁੱਛੇ ਗਏ।
ਅਧਿਐਨ ਵਿੱਚ ਪਾਇਆ ਗਿਆ ਕਿ 10% ਲੋਕਾਂ ਨੇ ਜਵਾਬ ਦਿੱਤਾ ਕਿ ਉਹ ਦੇਰ ਰਾਤ ਤੱਕ ਜਾਗਦੇ ਰਹਿੰਦੇ ਹਨ। 33% ਲੋਕਾਂ ਨੇ ਕਿਹਾ ਕਿ ਉਹ ਦੇਰ ਰਾਤ ਤੱਕ ਜਾਗਣਾ ਪਸੰਦ ਕਰਦੇ ਹਨ। 29% ਲੋਕਾਂ ਨੇ ਕਿਹਾ ਕਿ ਉਹ ਰਾਤ ਨੂੰ ਜਲਦੀ ਸੌਂਦੇ ਹਨ ਅਤੇ ਸਵੇਰੇ ਜਲਦੀ ਉੱਠਦੇ ਹਨ। ਜਦੋਂ ਕਿ 27.7% ਲੋਕ ਸਵੇਰੇ ਉੱਠਣਾ ਪਸੰਦ ਕਰਦੇ ਹਨ।