ਕਰਵਾਚੌਥ ਦਾ ਮਹਾਪਾਰਵ ਹਰ ਸਾਲ ਆਪਣੇ ਪਤੀ ਦੀ ਲੰਬੀ ਉਮਰ ਦੀ ਕਾਮਨਾ ਲਈ ਮਨਾਇਆ ਜਾਂਦਾ ਹੈ। ਇਸ ਦਿਨ ਸੁਹਾਗਨ ਔਰਤਾਂ ਨਿਰਜਲਾ ਵਰਤ ਆਪਣੇ ਪਤੀ ਦੀ ਲੰਬੀ ਉਮਰ ਲਈ ਰੱਖਦੀਆਂ ਹਨ। ਇਸ ਦਿਨ ਸ਼ਾਮ ਨੂੰ ਪੂਜਾ ਕੀਤੀ ਜਾਂਦੀ ਹੈ। ਨਾਲ ਹੀ, ਚੰਦ ਨੂੰ ਅਰਗ ਭੇਟ ਕਰਕੇ ਵਰਤ ਨੂੰ ਖੋਲ੍ਹਿਆ ਜਾਂਦਾ ਹੈ। ਇਸ ਦਿਨ ਲਾਲ ਰੰਗ ਦੇ ਕੱਪੜੇ ਜਾਂ ਸਾੜੀ ਪਹਿਨਣਾ ਬਹੁਤ ਸ਼ੁੱਭ ਮੰਨਿਆ ਜਾਂਦਾ ਹੈ। ਪੰਡਿਤ ਅਨੁਸਾਰ, ਕਰਵ ਚੌਥ 'ਤੇ ਔਰਤਾਂ ਦੀ ਰਾਸ਼ੀ ਦੇ ਅਨੁਸਾਰ ਕਪੜੇ ਪਾ ਕੇ ਪੂਜਾ ਕਰਨ ਨਾਲ ਚੰਗਾ ਫਲ ਮਿਲਦਾ ਹੈ।

ਕਰਵਾਚੌਥ ਇਸ ਵਾਰ ਬਹੁਤ ਸਾਰੇ ਚੰਗੇ ਸੰਯੋਗ ਲਿਆ ਰਿਹਾ ਹੈ। ਇਸ ਵਾਰ ਜਿੱਥੇ ਕਰਵਾ ਚੌਥ 'ਤੇ ਸਰਵ ਸਿਧੀ ਯੋਗ ਬਣਨ ਰਿਹਾ ਹੈ, ਉਥੇ ਹੀ ਸ਼ਿਵਯੋਗ, ਬੁਧਾਦਿਤਯ ਯੋਗ, ਸਪਤਕੀਰਤੀ, ਮਹਾਦਰਿਗਾਯੁ ਅਤੇ ਸੌਖਯ ਯੋਗ ਦਾ ਵੀ ਨਿਰਮਾਣ ਹੋ ਰਿਹਾ ਹੈ। ਇਹ ਸਾਰੇ ਯੋਗ ਬਹੁਤ ਮਹੱਤਵਪੂਰਣ ਹਨ ਅਤੇ ਇਸ ਦਿਨ ਦੀ ਮਹੱਤਤਾ ਨੂੰ ਹੋਰ ਵੀ ਵਧਾਉਂਦੇ ਹਨ। ਤੁਹਾਨੂੰ ਦੱਸ ਦੇਈਏ ਕਿ ਇਸ ਵਾਰ ਕਰਵਾ ਚੌਥ ਕਥਾ ਤੇ ਪੂਜਾ ਦਾ ਸ਼ੁਭ ਸਮਾਂ ਸ਼ਾਮ 5:34 ਵਜੇ ਤੋਂ ਸ਼ਾਮ 6:52 ਵਜੇ ਤੱਕ ਹੈ। ਕਰਵਾ ਚੌਥ ਦਾ ਵਰਤ ਹਰ ਸਾਲ ਕਾਰਤਿਕ ਮਹੀਨੇ ਦੇ ਕ੍ਰਿਸ਼ਨਾ ਪੱਖ ਦੀ ਚਤੁਰਥੀ ਤਾਰੀਖ ਨੂੰ ਮਨਾਇਆ ਜਾਂਦਾ ਹੈ। ਇਸ ਸਾਲ ਇਹ 4 ਨਵੰਬਰ ਨੂੰ ਪੈ ਰਿਹਾ ਹੈ।

ਅੱਜ ਰੋਮਾਂਸ ਦੇ ਕਿੰਗ ਸ਼ਾਹਰੁਖ ਖਾਨ ਦਾ ਜਨਮ ਦਿਨ, ਵਰਚੁਅਲ ਹੋਏਗੀ ਸਾਰੀ ਸੈਲੀਬ੍ਰੇਸ਼ਨ

ਚੰਦਨ, ਸ਼ਹਿਦ, ਅਗਰਬੱਤੀ, ਫੁੱਲ, ਕੱਚਾ ਦੁੱਧ, ਚੀਨੀ ਤੇ ਸ਼ੁੱਧ ਘਿਓ ਦੀ ਵਰਤੋਂ ਕਰਵਾ ਚੌਥ ਦੇ ਮੌਕੇ ਵਿਸ਼ੇਸ਼ ਤੌਰ 'ਤੇ ਕੀਤੀ ਜਾਂਦੀ ਹੈ। ਉਥੇ ਹੀ ਦਹੀ, ਮਿਠਾਈਆਂ, ਗੰਗਾਜਲ, ਅਕਸ਼ਤ (ਚਾਵਲ), ਸਿੰਦੂਰ, ਮਹਿੰਦੀ, ਮਹਾਂਵਰ, ਕੰਘੀ, ਬਿੰਦੀ, ਚੁਨਰੀ, ਚੂੜੀਆਂ, ਬਿਛੂਏ ਵੀ ਵਰਤੇ ਜਾਂਦੇ ਹਨ। ਇੰਨਾ ਹੀ ਨਹੀਂ ਦੀਵੇ, ਰੂੰ, ਕਪੂਰ, ਕਣਕ, ਸ਼ੱਕਰ ਦਾ ਬੂਰਾ, ਹਲਦੀ, ਪਾਣੀ ਦਾ ਘੜਾ, ਗੌਰੀ ਬਣਾਉਣ ਲਈ ਪੀਲੀ ਮਿੱਟੀ ਵੀ ਵਰਤੀ ਜਾਂਦੀ ਹੈ। ਇਸ ਮੌਕੇ ਦਾਨ ਵੀ ਕੀਤਾ ਜਾਂਦਾ ਹੈ।
 ਪੰਜਾਬੀ 'ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ