Long Nails Side Effect : ਲੰਬੇ ਅਤੇ ਖ਼ੂਬਸੂਰਤ ਨਹੁੰ ਪਹੁੰਚਾ ਸਕਦੇ ਹਨ ਸਿਹਤ ਨੂੰ ਨੁਕਸਾਨ, ਖੋਜ 'ਚ ਸਾਹਮਣੇ ਆਈ ਇਹ ਗੱਲ

ਔਰਤਾਂ ਨੂੰ ਅਕਸਰ ਦੇਖਿਆ ਗਿਆ ਹੈ ਕਿ ਉਹ ਆਪਣੇ ਨਹੁੰ ਵਧਾਉਣ ਦੀ ਸ਼ੌਕੀਨ ਹੁੰਦੀਆਂ ਹਨ। ਤੁਹਾਡੇ ਇਹ ਖੂਬਸੂਰਤ ਨਹੁੰ ਤੁਹਾਡੀ ਸਿਹਤ ਨੂੰ ਕਈ ਤਰੀਕਿਆਂ ਨਾਲ ਨੁਕਸਾਨ ਪਹੁੰਚਾ ਸਕਦੇ ਹਨ।

Nails

Nail Hygiene Tips : ਔਰਤਾਂ ਨੂੰ ਅਕਸਰ ਦੇਖਿਆ ਗਿਆ ਹੈ ਕਿ ਉਹ ਆਪਣੇ ਨਹੁੰ ਵਧਾਉਣ (Nails Growing) ਦੀ ਸ਼ੌਕੀਨ ਹੁੰਦੀਆਂ ਹਨ। ਤੁਹਾਡੇ ਇਹ ਖੂਬਸੂਰਤ ਨਹੁੰ ਤੁਹਾਡੀ ਸਿਹਤ ਨੂੰ ਕਈ ਤਰੀਕਿਆਂ ਨਾਲ ਨੁਕਸਾਨ (Side Effect) ਪਹੁੰਚਾ ਸਕਦੇ ਹਨ। ਜੀ ਹਾਂ, ਬਿਲਕੁਲ ਇਹ ਗੱਲ ਇੱਕ ਖੋਜ ਵਿੱਚ ਸਾਹਮਣੇ ਆਈ ਹੈ। ਹੱਥਾਂ ਦੀ ਸਫ਼ਾਈ ਅਤੇ ਲੰਬੇ ਨਹੁੰ ਨਾ ਕੱਟਣ ਕਾਰਨ ਬਾਹਰਲੀ ਗੰਦਗੀ ਅਤੇ ਕੀਟਾਣੂ ਪਿੰਨਵਰਮ ਵਰਗੀਆਂ ਕਈ ਖ਼ਤਰਨਾਕ ਬਿਮਾਰੀਆਂ ਫੈਲਾ ਸਕਦੇ ਹਨ।

ਪਿੰਨਵਾਰਮ ਇਕ ਕਿਸਮ ਦਾ ਇੰਟੇਟਿਨਲ ਵਾਰਮ ਇੰਫੈਕਸ਼ਨ ਹੈ। ਇਹ ਬਹੁਤ ਹੀ ਪਤਲੇ ਅਤੇ ਚਿੱਟੇ ਰੰਗ ਦੇ ਕੀੜੇ ਹੁੰਦੇ ਹਨ ਜੋ ਇੱਕ ਇੰਚ ਤੋਂ ਵੀ ਛੋਟੇ ਹੁੰਦੇ ਹਨ। ਕਈ ਲੋਕਾਂ ਨੂੰ ਇਸ ਦੇ ਇਨਫੈਕਸ਼ਨ ਬਾਰੇ ਵੀ ਪਤਾ ਨਹੀਂ ਹੁੰਦਾ, ਜਦੋਂ ਕਿ ਕਈ ਲੋਕਾਂ ਨੂੰ ਖੁਜਲੀ ਅਤੇ ਨੀਂਦ ਨਾ ਆਉਣ ਵਰਗੀਆਂ ਸਮੱਸਿਆਵਾਂ ਦਾ ਸਾਹਮਣਾ ਕਰਨਾ ਪੈਂਦਾ ਹੈ। ਇਹ ਤੁਹਾਡੇ ਨਹੁੰਆਂ ਦੀ ਮਦਦ ਨਾਲ ਸਰੀਰ ਵਿੱਚ ਦਾਖਲ ਹੋ ਕੇ ਤੁਹਾਨੂੰ ਨੁਕਸਾਨ ਪਹੁੰਚਾਉਂਦਾ ਹੈ।

ਨਹੁੰ ਹੁੰਦੇ ਹਨ ਬੈਕਟੀਰੀਆ ਦਾ ਘਰ

ਜਿਨ੍ਹਾਂ ਦੇ ਨਹੁੰ ਉਂਗਲਾਂ ਦੇ ਸਿਰੇ ਤੋਂ 3 ਮਿਲੀਮੀਟਰ ਤੱਕ ਲੰਬੇ ਹੁੰਦੇ ਹਨ, ਉਨ੍ਹਾਂ ਵਿੱਚ ਇਹ ਖਤਰਨਾਕ ਬੈਕਟੀਰੀਆ ਅਤੇ ਕੀਟਾਣੂ ਹੁੰਦੇ ਹਨ। ਜਿਸ ਕਾਰਨ ਪਿੰਨਵਰਮ ਅਤੇ ਹੋਰ ਬਿਮਾਰੀਆਂ ਲੱਗਣ ਦਾ ਖਤਰਾ ਵੱਧ ਜਾਂਦਾ ਹੈ। ਹੱਥਾਂ ਨੂੰ ਚੰਗੀ ਤਰ੍ਹਾਂ ਨਾ ਧੋਣ ਕਾਰਨ ਇਹ ਬੈਕਟੀਰੀਆ ਹੱਥਾਂ 'ਚੋਂ ਨਹੀਂ ਨਿਕਲ ਪਾਉਂਦੇ।

ਉਦੋਂ ਪਤਾ ਚਲਦਾ ਹੈ ਇਨਫੈਕਸ਼ਨ

ਨਹੁੰਆਂ ਦੇ ਆਲੇ ਦੁਆਲੇ ਸੋਜ ਅਤੇ ਦਰਦ ਹੋਣ 'ਤੇ ਇਨਫੈਕਸ਼ਨ ਦਾ ਪਤਾ ਲੱਗਦਾ ਹੈ। ਜੇਕਰ ਤੁਹਾਡੇ ਨਹੁੰ ਲੰਬੇ ਹਨ ਤਾਂ ਇਸ ਸਮੱਸਿਆ ਦਾ ਠੀਕ ਤਰ੍ਹਾਂ ਨਾਲ ਪਤਾ ਨਹੀਂ ਚੱਲ ਪਾਉਂਦਾ ਹੈ, ਜਿਸ ਕਾਰਨ ਇਹ ਸਮੱਸਿਆ ਗੰਭੀਰ ਵੀ ਹੋ ਸਕਦੀ ਹੈ।

ਇਸ ਤਰ੍ਹਾਂ ਕਰੋ ਦੇਖਭਾਲ

• ਨਹੁੰ ਸਮੇਂ-ਸਮੇਂ 'ਤੇ ਕੱਟਦੇ ਰਹੋ।
• ਨਹੁੰ ਨਾ ਚਬਾਓ।
• ਵਰਤੋਂ ਤੋਂ ਪਹਿਲਾਂ ਅਤੇ ਬਾਅਦ ਵਿੱਚ ਨੇਲ ਗਰੂਮਿੰਗ ਟੂਲ ਨੂੰ ਚੰਗੀ ਤਰ੍ਹਾਂ ਸਾਫ਼ ਕਰੋ।
• ਨਹੁੰ ਦੇ ਅੰਦਰ ਤੱਕ ਸਾਫ਼ ਕਰੋ।
• ਆਰਟੀਫਿਸ਼ੀਅਲ ਨੇਲ (Artificial Nail) ਦੀ ਵਰਤੋਂ ਲੰਬੇ ਸਮੇਂ ਤਕ ਨਾ ਕਰੋ।