ਪੜਚੋਲ ਕਰੋ
Advertisement
![ABP Premium](https://cdn.abplive.com/imagebank/Premium-ad-Icon.png)
ਔਨਲਾਈਨ ਖ਼ਰੀਦਦਾਰੀ ਵੇਲੇ ਇਨ੍ਹਾਂ ਗੱਲਾਂ ਦਾ ਰੱਖੋ ਧਿਆਨ, ਨਹੀਂ ਤਾਂ ਹੋ ਜਾਓਗੇ ਧੋਖੇ ਦਾ ਸ਼ਿਕਾਰ
ਤਿਉਹਾਰਾਂ ਦੇ ਮੌਸਮ ਵਿੱਚ ਫ਼ੂਡ ਦੀ ਧੋਖਾਧੜੀ ਦੀਆਂ ਘਟਨਾਵਾਂ ਆਮ ਤੌਰ ਤੇ ਵਧ ਜਾਂਦੀਆਂ ਹਨ।
![ਔਨਲਾਈਨ ਖ਼ਰੀਦਦਾਰੀ ਵੇਲੇ ਇਨ੍ਹਾਂ ਗੱਲਾਂ ਦਾ ਰੱਖੋ ਧਿਆਨ, ਨਹੀਂ ਤਾਂ ਹੋ ਜਾਓਗੇ ਧੋਖੇ ਦਾ ਸ਼ਿਕਾਰ Stay Alert while Online Shopping, Else you can also be victim of fraud ਔਨਲਾਈਨ ਖ਼ਰੀਦਦਾਰੀ ਵੇਲੇ ਇਨ੍ਹਾਂ ਗੱਲਾਂ ਦਾ ਰੱਖੋ ਧਿਆਨ, ਨਹੀਂ ਤਾਂ ਹੋ ਜਾਓਗੇ ਧੋਖੇ ਦਾ ਸ਼ਿਕਾਰ](https://static.abplive.com/wp-content/uploads/sites/5/2020/09/01004901/online-shopping.jpg?impolicy=abp_cdn&imwidth=1200&height=675)
ਤਿਉਹਾਰਾਂ ਦੇ ਮੌਸਮ ਵਿੱਚ ਫ਼ੂਡ ਦੀ ਧੋਖਾਧੜੀ ਦੀਆਂ ਘਟਨਾਵਾਂ ਆਮ ਤੌਰ ਤੇ ਵਧ ਜਾਂਦੀਆਂ ਹਨ। ਜਨਤਕ ਸਿਹਤ ਜਾਂ ਫ਼ੂਡ ਧੋਖਾਧੜੀ ਦੇ ਆਰਥਿਕ ਪ੍ਰਭਾਵਾਂ ਦਾ ਮੁਲਾਕਣ ਕਰਨਾ ਬਹੁਤ ਮੁਸ਼ਕਲ ਹੈ। ਫਿਰ ਵੀ, ਧੋਖਾਧੜੀ ਦੀਆਂ ਘਟਨਾਵਾਂ ਦੇ ਅਧਿਐਨ ਦਰਸਾਉਂਦੇ ਹਨ ਕਿ ਇਹ ਰੁਝਾਨ ਵਧ ਰਿਹਾ ਹੈ।
ਮਿਲਾਵਟੀ ਤੇ ਨਕਲੀ ਚੀਜ਼ਾਂ ਖਰੀਦਣ ਤੋਂ ਕਿਵੇਂ ਬਚੀਏ?
ਫੂਡ ਸੇਫਟੀ ਐਂਡ ਸਟੈਂਡਰਡ ਅਥਾਰਟੀ ਆਫ ਇੰਡੀਆ (ਐਫਐਸਐਸਏਆਈ) ਨੇ 2018-2019 ਦੌਰਾਨ ਦੇਸ਼ ਭਰ ਤੋਂ ਪ੍ਰਾਪਤ ਹੋਏ ਇੱਕ ਲੱਖ 6 ਹਜ਼ਾਰ 459 ਨਮੂਨਿਆਂ ਦਾ ਵਿਸ਼ਲੇਸ਼ਣ ਕੀਤਾ। ਉਸ ਨੇ ਪਾਇਆ ਕਿ ਭੋਜਨ ਦੇ ਨਮੂਨੇ ਦਾ 15.8 ਪ੍ਰਤੀਸ਼ਤ ਘਟੀਆ, 3.7 ਪ੍ਰਤੀਸ਼ਤ ਅਸੁਰੱਖਿਅਤ ਤੇ ਨੌਂ ਪ੍ਰਤੀਸ਼ਤ ਖਾਣੇ ਦੇ ਨਮੂਨੇ ਗਲਤ ਲੇਬਲ ਕੀਤੇ ਗਏ ਸਨ। ਇਸ ਲਈ, ਖਰੀਦਦਾਰੀ ਕਰਦਿਆਂ ਤੇ ਪੈਕ ਕੀਤੀਆਂ ਖੁਰਾਕੀ ਵਸਤਾਂ ਦੀ ਵਰਤੋਂ ਕਰਦਿਆਂ ਕੁਝ ਚੀਜ਼ਾਂ ਦਾ ਧਿਆਨ ਰੱਖਣਾ ਚਾਹੀਦਾ ਹੈ।
ਕਿਸੇ ਅਧਿਕਾਰਤ ਵਿਕਰੇਤਾ ਤੋਂ ਚੀਜ਼ਾਂ ਦੀ ਖਰੀਦਾਰੀ ਕਰੋ ਤੇ ਬਿਲ ਲੈਣਾ ਨਾ ਭੁੱਲੋ। ਕਿਸੇ ਅਧਿਕਾਰਤ ਪ੍ਰਚੂਨ ਦੁਕਾਨ ਤੋਂ ਖਰੀਦਣ ਵੇਲੇ, ਇਹ ਉਮੀਦ ਕੀਤੀ ਜਾਂਦੀ ਹੈ ਕਿ ਦੁਕਾਨਦਾਰ ਅਸਲ ਉਤਪਾਦ ਦੇਵੇਗਾ। ਨਵੇਂ ਤੇ ਅਣਜਾਣ ਪਲੇਟਫਾਰਮਸ ਤੋਂ ਇਸ਼ਤਿਹਾਰ ਦੇਖ ਕੇ ਔਨਲਾਈਨ ਡਿਲੀਵਰੀ ਦੇ ਝਾਂਸੇ ਵਿੱਚ ਨਾ ਫਸੋ। ਹਮੇਸ਼ਾ ਸਹੀ ਬਿੱਲ ਲਵੋ। ਵਿਕਰੇਤਾ ਤੋਂ ਗੁੰਮਰਾਹਕੁੰਨ ਸਮੱਗਰੀ ਪ੍ਰਾਪਤ ਕਰਨ 'ਤੇ, ਬਿੱਲ ਦੁਆਰਾ ਦਾਅਵਾ ਕੀਤਾ ਜਾ ਸਕਦਾ ਹੈ।
ਜਾਅਲੀ ਵੈੱਬਸਾਈਟਾਂ ਤੋਂ ਸਾਵਧਾਨ ਰਹੋ
ਔਨਲਾਈਨ ਡਿਲੀਵਰੀ ਸਿਸਟਮ ਦੀ ਵਰਤੋਂ ਕਰਦਿਆਂ ਆਕਰਸ਼ਕ ਕੀਮਤਾਂ ਤੇ ਛੋਟਾਂ ਦਾ ਸ਼ਿਕਾਰ ਨਾ ਬਣੋ। ਵੈਬਸਾਈਟ ਦੀ ਪੁਸ਼ਟੀ ਕਰਨ ਲਈ ਦੁਬਾਰਾ ਔਨਲਾਈਨ ਜਾਓ ਤੇ ਇਹ ਸੁਨਿਸ਼ਚਿਤ ਕਰੋ ਕਿ ਇਹ ਵਿਸ਼ਵਾਸ਼ਯੋਗ ਤੇ ਭਰੋਸੇਮੰਦ ਹੈ।ਨਕਲੀ ਖਰੀਦਦਾਰੀ ਦੀ ਔਨਲਾਈਨ ਵੈਬਸਾਈਟ ਤੁਹਾਨੂੰ ਨਕਲੀ ਚੀਜ਼ਾਂ ਵੇਚ ਸਕਦੀ ਹੈ ਜਾਂ ਤੁਹਾਨੂੰ ਆਰਥਿਕ ਤੌਰ ਤੇ ਨੁਕਸਾਨ ਪਹੁੰਚਾ ਸਕਦੀ ਹੈ।
ਪੋਸ਼ਣ ਲੇਬਲ ਨੂੰ ਚੈੱਕ ਕਰੋ
ਪੋਸ਼ਣ ਦੇ ਲੇਬਲ ਨੂੰ ਹਮੇਸ਼ਾ ਧਿਆਨ ਨਾਲ ਪੜ੍ਹੋ। ਲੇਬਲ ਤੇ ਪੋਸ਼ਣ ਦੀ ਸੱਚਾਈ ਦੀ ਜਾਂਚ ਡਾਈਟ ਅਤੇ ਪੁਰਾਣੀ ਬਿਮਾਰੀ ਦੇ ਵਿਚਕਾਰ ਸਮਝ ਨੂੰ ਦਰਸਾਉਂਦੀ ਹੈ। ਪੋਸ਼ਣ ਲੇਬਲ ਅਸਲ ਚੀਜ਼ਾਂ ਅਤੇ ਨਕਲੀ ਚੀਜ਼ਾਂ ਦੀ ਪਛਾਣ ਕਰਨ ਵਿੱਚ ਸਹਾਇਤਾ ਕਰ ਸਕਦੇ ਹਨ। ਨਕਲੀ ਉਤਪਾਦ ਵਿੱਚ ਕੁਝ ਸਮੱਗਰੀ ਦਰਜ਼ ਹੁੰਦੀ ਹੈ ਜੋ ਅਸਲ ਵਿੱਚ ਅਸਲ ਉਤਪਾਦ ਨਾਲ ਨਹੀਂ ਮਿਲਦੀ ਹੈ।
ਜੇ ਇਸ ਵਿਚ ਕੁਝ ਬਹੁਤ ਜ਼ਿਆਦਾ ਹੈ ਜਾਂ ਕਿਸੇ ਚੀਜ਼ ਦੀ ਘਾਟ ਹੈ, ਤਾਂ ਸਮਝੋ ਉਤਪਾਦ ਨਕਲੀ ਹੈ। ਤੁਸੀਂ 'ਸਮਾਰਟ ਕੰਜ਼ਿਊਮਰ ਐਪ' ਵੀ ਡਾਊਨਲੋਡ ਕਰ ਸਕਦੇ ਹੋ।ਗ੍ਰਾਹਕ ਮੰਤਰਾਲੇ ਅਤੇ ਐਫਐਸਐਸਏਆਈ ਦੁਆਰਾ ਗ੍ਰਾਹਕਾਂ ਦੇ ਖਾਣ ਪੀਣ ਵਾਲੀਆਂ ਵਸਤਾਂ ਬਾਰੇ ਸਹੀ ਜਾਣਕਾਰੀ ਦੇਣ ਲਈ ਐਪ ਲਾਂਚ ਕੀਤੀ ਗਈ ਹੈ।
ਨਿਰਮਾਣ ਤੇ ਸਮਾਪਤੀ ਮਿਤੀ ਜ਼ਰੂਰ ਚੈੱਕ ਕਰੋ
ਖਰੀਦ ਦੇ ਸਮੇਂ ਹਮੇਸ਼ਾਂ ਨਿਰਮਾਣ ਅਤੇ ਸਮਾਪਤੀ ਤਾਰੀਖਾਂ ਚੈੱਕ ਕਰੋ। ਜੇ ਤਾਰੀਖ ਬਹੁਤ ਪਹਿਲੇ ਦੀ ਹੈ, ਇਹ ਰੀਸਾਇਕਲਡ ਉਤਪਾਦ ਹੋ ਸਕਦਾ ਹੈ।ਖਰੀਦਦਾਰੀ 'ਤੇ ਕੁਝ ਮਿੰਟ ਬਿਤਾਉਣਾ ਤੁਹਾਡੀ ਸੁਰੱਖਿਆ ਦੀ ਗਰੰਟੀ ਦੇ ਸਕਦਾ ਹੈ।
Follow ਲਾਈਫਸਟਾਈਲ News on abp LIVE for more latest stories and trending topics. Watch breaking news and top headlines online on abp sanjha LIVE TV Khelo khul ke, sab bhool ke - only on Games Live
ਹੋਰ ਵੇਖੋ
Advertisement
Advertisement
Advertisement
ਟਾਪ ਹੈਡਲਾਈਨ
ਦੇਸ਼
ਤਕਨਾਲੌਜੀ
ਅੰਮ੍ਰਿਤਸਰ
ਬਾਲੀਵੁੱਡ
Advertisement
ਟ੍ਰੈਂਡਿੰਗ ਟੌਪਿਕ
![ABP Premium](https://cdn.abplive.com/imagebank/metaverse-mid.png)