Personal Hygiene Tips : ਪ੍ਰਾਈਵੇਟ ਪਾਰਟ ਅਤੇ ਪਰਸਨਲ ਹਾਈਜੀਨ ਦਾ ਰੱਖੋ ਖਾਸ ਧਿਆਨ, ਇਨ੍ਹਾਂ ਗੱਲਾਂ ਨੂੰ ਨਾ ਕਰੋ ਨਜ਼ਰਅੰਦਾਜ਼
Personal Hygiene Tips : ਜਦੋਂ ਗਰੂਮਿੰਗ ਜਾਂ ਸਕਿਨ ਕੇਅਰ ਦੀ ਗੱਲ ਆਉਂਦੀ ਹੈ ਤਾਂ ਅਸੀਂ ਸਾਰੇ ਆਪਣੀ ਗਰੂਮਿੰਗ ਅਤੇ ਚਿਹਰੇ ਲਈ ਕਾਫ਼ੀ ਪੈਸਾ ਖਰਚ ਕਰਦੇ ਹਾਂ ਅਤੇ ਕਈ ਤਰ੍ਹਾਂ ਦੇ ਪ੍ਰੋਡਕਟਸ ਦੀ ਵਰਤੋਂ ਵੀ ਕਰਦੇ ਹਾਂ। ਪਰ ਜਿੰਨਾ ਜ਼ਰੂਰੀ ਅਸੀਂ ਆਪ
Personal Hygiene Tips : ਜਦੋਂ ਗਰੂਮਿੰਗ ਜਾਂ ਸਕਿਨ ਕੇਅਰ ਦੀ ਗੱਲ ਆਉਂਦੀ ਹੈ ਤਾਂ ਅਸੀਂ ਸਾਰੇ ਆਪਣੀ ਗਰੂਮਿੰਗ ਅਤੇ ਚਿਹਰੇ ਲਈ ਕਾਫ਼ੀ ਪੈਸਾ ਖਰਚ ਕਰਦੇ ਹਾਂ ਅਤੇ ਕਈ ਤਰ੍ਹਾਂ ਦੇ ਪ੍ਰੋਡਕਟਸ ਦੀ ਵਰਤੋਂ ਵੀ ਕਰਦੇ ਹਾਂ। ਪਰ ਜਿੰਨਾ ਜ਼ਰੂਰੀ ਅਸੀਂ ਆਪਣੀ ਸਕਿਨ ਦੇ ਬਾਕੀ ਹਿੱਸਿਆਂ ਦਾ ਧਿਆਨ ਰੱਖਣਾ ਸਮਝਦੇ ਹਾਂ, ਉਨਾ ਹੀ ਜ਼ਰੂਰੀ ਹੈ ਕਿ ਪ੍ਰਾਈਵੇਟ ਪਾਰਟ ਅਤੇ ਪਰਸਨਲ ਹਾਈਜੀਨ ਦਾ ਵੀ ਖਾਸ ਧਿਆਨ ਰੱਖਿਆ ਜਾਵੇ। ਇਸ ਨਾਲ ਪਸੀਨਾ, ਗੰਦਗੀ ਅਤੇ ਬੈਕਟੀਰੀਆ ਜਮ੍ਹਾ ਹੋਣ ਤੋਂ ਰੋਕਣ ਵਿੱਚ ਮਦਦ ਮਿਲਦੀ ਹੈ।
ਪਰਸਨਲ ਹਾਈਜੀਨ ਦਾ ਧਿਆਨ ਰੱਖਣਾ ਕਿਉਂ ਜ਼ਰੂਰੀ ਹੈ?
ਪਰਸਨਲ ਹਾਈਜੀਨ ਦਾ ਧਿਆਨ ਰੱਖਣਾ ਸਿਹਤ ਲਈ ਬਹੁਤ ਜ਼ਰੂਰੀ ਹੈ। ਸਹੀ ਸਫ਼ਾਈ ਨਾ ਰੱਖਣ ਕਾਰਨ ਇਨਫੈਕਸ਼ਨ, ਜਲਣ, ਬਦਬੂ ਅਤੇ ਕਈ ਤਰ੍ਹਾਂ ਦੀਆਂ ਪਰੇਸ਼ਾਨੀਆਂ ਹੋ ਸਕਦੀਆਂ ਹਨ। ਖਾਸ ਕਰਕੇ ਔਰਤਾਂ ਵਿੱਚ ਗਲਤ ਤਰੀਕੇ ਨਾਲ ਸਫ਼ਾਈ ਕਰਨ, ਜਿਵੇਂ ਵੈਜਾਈਨਲ ਡੂਸ਼ਿੰਗ ਜਾਂ ਕੈਮੀਕਲ ਵਾਲੇ ਸਾਬਣ ਦੀ ਵਰਤੋਂ ਕਰਨ ਨਾਲ ਕੁਦਰਤੀ pH ਸੰਤੁਲਨ ਵਿਗੜ ਸਕਦਾ ਹੈ। ਇਸ ਨਾਲ ਵਾਰ-ਵਾਰ ਇਨਫੈਕਸ਼ਨ ਹੋਣ ਦਾ ਖ਼ਤਰਾ ਵੱਧ ਸਕਦਾ ਹੈ।
ਉੱਥੇ ਹੀ, ਮਰਦਾਂ ਵਿੱਚ ਜੇਕਰ ਫੋਰਸਕਿਨ ਦੇ ਹੇਠਾਂ ਸਫ਼ਾਈ ਨਾ ਕੀਤੀ ਜਾਵੇ ਤਾਂ ਉੱਥੇ ਗੰਦਗੀ ਜਮ੍ਹਾ ਹੋ ਕੇ ਇਨਫੈਕਸ਼ਨ ਦਾ ਕਾਰਨ ਬਣ ਸਕਦੀ ਹੈ। ਇਸ ਤੋਂ ਇਲਾਵਾ ਸਹੀ ਹਾਈਜੀਨ ਨਾ ਰੱਖਣ ਨਾਲ ਯੂਰੀਨਰੀ ਟ੍ਰੈਕਟ ਇਨਫੈਕਸ਼ਨ (UTI) ਵਰਗੀਆਂ ਸਮੱਸਿਆਵਾਂ ਵੀ ਹੋ ਸਕਦੀਆਂ ਹਨ। ਇਹ ਦਰਦਨਾਕ ਹੋਣ ਦੇ ਨਾਲ-ਨਾਲ ਵਾਰ-ਵਾਰ ਵੀ ਹੋ ਸਕਦੀਆਂ ਹਨ।
ਪ੍ਰਾਈਵੇਟ ਪਾਰਟ ਅਤੇ ਪਰਸਨਲ ਹਾਈਜੀਨ ਦਾ ਕਿਵੇਂ ਰੱਖੀਏ ਧਿਆਨ?
ਔਰਤਾਂ ਨੂੰ ਮੁੱਖ ਤੌਰ ’ਤੇ ਬਾਹਰੀ ਹਿੱਸੇ ਦੀ ਸਫ਼ਾਈ ਕਰਨੀ ਚਾਹੀਦੀ ਹੈ। ਹਾਈਜੀਨ ਲਈ ਵਲਵਾ (ਬਾਹਰੀ ਹਿੱਸਾ) ਨੂੰ ਗੁੰਮਗੁੰਮੇ ਪਾਣੀ ਜਾਂ ਹਲਕੇ, ਬਿਨਾਂ ਖੁਸ਼ਬੂ ਵਾਲੇ ਸਾਬਣ ਨਾਲ ਸਾਫ਼ ਕੀਤਾ ਜਾ ਸਕਦਾ ਹੈ। ਜੇਕਰ ਤੁਸੀਂ ਟਿਸ਼ੂ ਪੇਪਰ ਦੀ ਵਰਤੋਂ ਕਰਦੇ ਹੋ ਤਾਂ ਟਾਇਲਟ ਤੋਂ ਬਾਅਦ ਹਮੇਸ਼ਾ ਅੱਗੇ ਤੋਂ ਪਿੱਛੇ ਵੱਲ ਸਾਫ਼ ਕਰਨਾ ਚਾਹੀਦਾ ਹੈ।
ਪੀਰੀਅਡਜ਼ ਦੌਰਾਨ ਪੈਡ ਨੂੰ ਹਰ 4 ਤੋਂ 6 ਘੰਟਿਆਂ ਵਿੱਚ ਬਦਲਣਾ ਚਾਹੀਦਾ ਹੈ। ਟੈਂਪੋਨ ਜਾਂ ਮੈਨਸਟਰੂਅਲ ਕੱਪ ਨੂੰ ਵੀ ਉਤਪਾਦ ’ਤੇ ਦਿੱਤੀਆਂ ਹਦਾਇਤਾਂ ਅਨੁਸਾਰ ਬਦਲਣਾ ਜਾਂ ਸਾਫ਼ ਕਰਨਾ ਚਾਹੀਦਾ ਹੈ। ਇਸ ਨਾਲ ਇਨਫੈਕਸ਼ਨ ਦੇ ਖ਼ਤਰੇ ਨੂੰ ਘਟਾਉਣ ਵਿੱਚ ਮਦਦ ਮਿਲ ਸਕਦੀ ਹੈ।
ਮਰਦਾਂ ਨੂੰ ਵੀ ਰੋਜ਼ਾਨਾ ਪ੍ਰਾਈਵੇਟ ਪਾਰਟ ਦੀ ਸਫ਼ਾਈ ਕਰਨੀ ਚਾਹੀਦੀ ਹੈ। ਫੋਰਸਕਿਨ ਨੂੰ ਹੌਲੀ-ਹੌਲੀ ਪਿੱਛੇ ਕਰਕੇ ਅੰਦਰਲੇ ਹਿੱਸੇ ਨੂੰ ਸਾਫ਼ ਕਰਨ ਤੋਂ ਬਾਅਦ ਚੰਗੀ ਤਰ੍ਹਾਂ ਸੁਕਾਉਣਾ ਚਾਹੀਦਾ ਹੈ।
ਦੋਵਾਂ ਨੂੰ ਹੀ ਸੂਤੀ ਅੰਡਰਵੀਅਰ ਪਹਿਨਣੇ ਅਤੇ ਹਰ ਰੋਜ਼ ਬਦਲਣੇ ਚਾਹੀਦੇ ਹਨ। ਵਰਕਆਊਟ ਜਾਂ ਤੈਰਾਕੀ ਤੋਂ ਬਾਅਦ ਗਿੱਲੇ ਕੱਪੜਿਆਂ ਵਿੱਚ ਜ਼ਿਆਦਾ ਦੇਰ ਤੱਕ ਨਹੀਂ ਰਹਿਣਾ ਚਾਹੀਦਾ, ਕਿਉਂਕਿ ਇਸ ਨਾਲ ਰੈਸ਼ ਅਤੇ ਹੋਰ ਸਮੱਸਿਆਵਾਂ ਹੋਣ ਦੀ ਸੰਭਾਵਨਾ ਵੱਧ ਸਕਦੀ ਹੈ।
ਸਰੀਰਕ ਸੰਬੰਧ ਬਣਾਉਣ ਤੋਂ ਬਾਅਦ ਪੇਸ਼ਾਬ ਕਰਨਾ ਵੀ UTI ਦੇ ਖ਼ਤਰੇ ਨੂੰ ਘਟਾਉਣ ਵਿੱਚ ਮਦਦ ਕਰ ਸਕਦਾ ਹੈ। ਜੇਕਰ ਇਸ ਦੇ ਬਾਵਜੂਦ ਕੋਈ ਅਸਧਾਰਨ ਲੱਛਣ ਨਜ਼ਰ ਆਉਣ ਤਾਂ ਤੁਰੰਤ ਡਾਕਟਰ ਨਾਲ ਸਲਾਹ ਕਰਨੀ ਚਾਹੀਦੀ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
