ਆਖਰ ਬਾਦਸ਼ਾਹ ਤੇ ਬੇਗਮ ਉੱਪਰ ਵੀ ਕਿਉਂ ਭਾਰੀ ਪੈਂਦਾ ਯੱਕਾ? ਫਰਾਂਸ ਦੀ ਕ੍ਰਾਂਤੀ ਨਾਲ ਜੁੜਿਆ ਸਬੰਧ?
Card Game: ਇਤਿਹਾਸਕਾਰਾਂ ਦਾ ਮੰਨਣਾ ਹੈ ਕਿ ਤਾਸ਼ ਖੇਡਣ ਦੀ ਸ਼ੁਰੂਆਤ ਚੀਨ ਤੋਂ ਹੋਈ, ਜਿੱਥੇ ਉਨ੍ਹਾਂ ਦੇ ਲੋਕਧਾਰਾ ਦੇ ਪਾਤਰਾਂ ਦੇ ਕਾਰਡ ਬਣਾ ਕੇ ਖੇਡਾਂ ਖੇਡੀਆਂ ਜਾਂਦੀਆਂ ਸਨ।
Why is ace heavier on the king-begum in cards?: ਕੰਪਿਊਟਰ ਤੇ ਮੋਬਾਈਲ ਗੇਮਾਂ ਦੇ ਯੁੱਗ ਵਿੱਚ ਵੀ ਟਾਈਮ-ਪਾਸ ਲਈ ਤਾਸ਼ ਖੇਡਣਾ ਭਾਰਤੀਆਂ ਵਿੱਚ ਬਹੁਤ ਮਸ਼ਹੂਰ ਹੈ। ਤਾਸ਼ ਖੇਡਣ ਦੇ ਸ਼ੌਕੀਨ ਇਸ ਲਈ ਟਾਈਣ ਕੱਢ ਹੀ ਲੈਂਦੇ ਹਨ। ਇਸ ਦੀ ਮਕਬਲੀਅਤ ਦਾ ਅੰਦਾਜ਼ਾ ਇਸ ਗੱਲ ਤੋਂ ਲਾਇਆ ਜਾ ਸਕਦਾ ਹੈ ਕਿ ਮੋਬਾਈਲ ਗੇਮਾਂ ਵਿੱਚ ਤਾਸ਼ ਗੇਮਾਂ ਨੂੰ ਵਿਕਸਿਤ ਕੀਤਾ ਜਾ ਰਿਹਾ ਹੈ।
ਹਜ਼ਾਰਾਂ ਸਾਲਾਂ ਤੋਂ ਖੇਡੀ ਜਾ ਰਹੀ ਤਾਸ਼
ਭਾਰਤ ਵਿੱਚ ਤਾਸ਼ ਖੇਡਣ ਦਾ ਇਤਿਹਾਸ ਬਹੁਤ ਪੁਰਾਣਾ ਹੈ। ਮਨੁੱਖ ਹਜ਼ਾਰਾਂ ਸਾਲ ਪਹਿਲਾਂ ਤੋਂ ਤਾਸ਼ ਖੇਡਦਾ ਆ ਰਿਹਾ ਹੈ। ਕਿਸੇ ਸਮੇਂ ਇਹ ਸ਼ਾਹੀ ਘਰਾਣਿਆਂ ਦੀ ਖੇਡ ਹੁੰਦੀ ਸੀ। ਸਮੇਂ ਦੇ ਨਾਲ ਇਹ ਮੇਲਿਆਂ ਤੇ ਤਿਉਹਾਰਾਂ 'ਤੇ ਖੇਡੀ ਜਾਣ ਲੱਗੀ। ਇਤਿਹਾਸਕਾਰਾਂ ਦਾ ਮੰਨਣਾ ਹੈ ਕਿ ਤਾਸ਼ ਖੇਡਣ ਦੀ ਸ਼ੁਰੂਆਤ ਚੀਨ ਤੋਂ ਹੋਈ, ਜਿੱਥੇ ਉਨ੍ਹਾਂ ਦੇ ਲੋਕਧਾਰਾ ਦੇ ਪਾਤਰਾਂ ਦੇ ਕਾਰਡ ਬਣਾ ਕੇ ਖੇਡਾਂ ਖੇਡੀਆਂ ਜਾਂਦੀਆਂ ਸਨ।
20ਵੀਂ ਸਦੀ ਦੇ ਭਾਰਤ ਵਿੱਚ ਵੱਖ-ਵੱਖ ਤਰ੍ਹਾਂ ਦੇ ਕਾਰਡ ਡਿਜ਼ਾਈਨ ਆਏ। ਜਦੋਂਕਿ ਪੁਣੇ ਸਥਿਤ ਚਿੱਤਰਕਲਾ ਪ੍ਰੈਸ ਨੇ ਰਵੀ ਵਰਮਾ ਦੇ ਪ੍ਰਿੰਟ ਤੇ ਵਰਣਮਾਲਾ ਦੇ ਕਾਰਡ ਛਾਪੇ, ਕਮਲਾ ਸੋਪ ਫੈਕਟਰੀ ਦੇ ਬ੍ਰਾਂਡ ਵਾਲੇ ਦਿਲਕੁਸ਼ ਪਲੇਅ ਕਾਰਡ ਤੇ ਏਅਰ ਇੰਡੀਆ ਦੇ ਸੰਗ੍ਰਹਿਯੋਗ ਕਾਰਡ ਪ੍ਰਸਿੱਧ ਹੋਏ।
ਭਾਰਤ ਵਿੱਚ ਕਾਰਡ ਕਿੱਥੋਂ ਆਏ?
ਭਾਰਤ ਵਿੱਚ ਤਾਸ਼ ਖੇਡਣ ਦਾ ਇਤਿਹਾਸ ਸਰਕੂਲਰ ਗੰਜੀਫਾ/ਗੰਜੱਪਾ ਤਾਸ਼ ਨਾਲ ਸ਼ੁਰੂ ਹੁੰਦਾ ਹੈ। ਇਨ੍ਹਾਂ ਦਾ ਪਹਿਲਾ ਜ਼ਿਕਰ ਮੁਗਲ ਬਾਦਸ਼ਾਹ ਬਾਬਰ ਦੀਆਂ ਯਾਦਾਂ ਤੋਂ ਮਿਲਦਾ ਹੈ। ਸੰਨ 1527 ਵਿੱਚ, ਮੁਗਲ ਬਾਦਸ਼ਾਹ ਬਾਬਰ ਨੇ ਸਿੰਧ ਵਿੱਚ ਆਪਣੇ ਦੋਸਤ ਸ਼ਾਹ ਹੁਸੈਨ ਨੂੰ ਗੰਜੀਫਾ ਦਾ ਇੱਕ ਸੈੱਟ ਭੇਟ ਕੀਤਾ। ਇਤਿਹਾਸਕਾਰਾਂ ਦਾ ਮੰਨਣਾ ਹੈ ਕਿ ਗੰਜੀਫਾ ਪਾਰਸੀ ਸੱਭਿਆਚਾਰ ਤੋਂ ਪ੍ਰੇਰਿਤ ਸੀ।
ਬਾਦਸ਼ਾਹ-ਬੇਗਮ 'ਤੇ ਇੱਕਾ ਕਿਉਂ ਭਾਰੀ
ਤਾਸ਼ ਖੇਡਣ ਦੇ ਇਤਿਹਾਸਕਾਰ ਸੈਮੂਅਲ ਸਿੰਗਰ ਦੇ ਅਨੁਸਾਰ, ਤਾਸ਼ ਖੇਡਣ ਦੀ ਆਧੁਨਿਕ ਤਾਰੀਖ ਫਰਾਂਸੀਸੀ ਸਮਾਜਿਕ ਸਥਿਤੀ ਨੂੰ ਦਰਸਾਉਂਦੀ ਹੈ। ਇੱਥੇ 4 ਕਿਸਮਾਂ ਦੇ ਕਾਰਡ ਹਨ - ਹੁਕਮ (spades), ਪਾਨ (hearts), ਇੱਟ (diamond) ਤੇ ਚਿੜੀਆ (Clubs)। ਫ੍ਰੈਂਚ ਡੇਕ ਵਿੱਚ ਰਾਇਲਟੀ ਦੇ ਪ੍ਰਤੀਕ ਕੁੰਡੇ, ਪਾਦਰੀਆਂ ਲਈ ਪਾਨ (ਦਿਲ), ਵਪਾਰੀਆਂ ਲਈ ਇੱਟ ਜਾਂ ਹੀਰਾ, ਤੇ ਕਿਸਾਨਾਂ ਤੇ ਮਜ਼ਦੂਰਾਂ ਲਈ ਚਿੜੀ (ਕਲੱਬ) ਸਨ।
ਦਿਲਚਸਪ ਗੱਲ ਇਹ ਹੈ ਕਿ ਇਸ ਕਾਰਨ ਕਰਕੇ, ਇੱਕਾ ਭਾਵ Ace (A) ਫਰਾਂਸੀਸੀ ਕ੍ਰਾਂਤੀ ਤੋਂ ਬਾਅਦ ਡੈੱਕ ਦਾ ਸਿਖਰਲਾ ਕਾਰਡ ਬਣ ਗਿਆ। ਇਹ ਦਰਸਾਉਂਦਾ ਹੈ ਕਿ ਕਿਵੇਂ ਆਮ ਲੋਕਾਂ ਨੇ ਰਾਜਸ਼ਾਹੀ ਦਾ ਤਖਤਾ ਪਲਟ ਦਿੱਤਾ। ਇਸ ਲਈ, ਤਾਸ਼ ਦੀ ਖੇਡ ਵਿੱਚ, ਰਾਜੇ ਨਾਲੋਂ ਵਧੇਰੇ ਸ਼ਕਤੀਸ਼ਾਲੀ ਇੱਕਾ ਹੁੰਦਾ ਹੈ, ਜੋ ਆਮ ਆਦਮੀ ਜਾਂ ਕ੍ਰਾਂਤੀਕਾਰੀਆਂ ਦਾ ਪ੍ਰਤੀਕ ਹੁੰਦਾ ਹੈ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ।ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ ABP ਸਾਂਝਾ ਦੇ YouTube ਚੈਨਲ ਨੂੰ Subscribe ਕਰ ਲਵੋ। ABP ਸਾਂਝਾ ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੇ ਉਪਲੱਬਧ ਹੈ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ, ਕੂ, ਸ਼ੇਅਰਚੈੱਟ ਅਤੇ ਡੇਲੀਹੰਟ 'ਤੇ ਵੀ ਫੋਲੋ ਕਰ ਸਕਦੇ ਹੋ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
