ਡੇਟਿੰਗ ਐਪ 'ਤੇ ਮਹਿਲਾ ਨੂੰ ਮਿਲਿਆ ਇੱਕ ਸ਼ਖਸ , ਜਦੋਂ ਪੜਤਾਲ ਕੀਤੀ ਤਾਂ ਨਿਕਲਿਆ ਭੈਣ ਦਾ ਪਤੀ ,ਔਰਤ ਨੇ ਲੋਕਾਂ ਨੂੰ ਮੰਗੀ ਰਾਏ
ਡੇਟਿੰਗ ਐਪ ਦੇ ਜ਼ਰੀਏ ਔਰਤ ਨੂੰ ਇਕ ਅਜਿਹਾ ਵਿਅਕਤੀ ਮਿਲਿਆ, ਜੋ ਉਸ ਦੀ ਚਚੇਰੀ ਭੈਣ ਦਾ ਪਤੀ ਸੀ। ਹੈਰਾਨੀ ਦੀ ਗੱਲ ਇਹ ਹੈ ਕਿ ਦੋਵਾਂ ਦੀ ਪ੍ਰੋਫਾਈਲ ਵੀ ਮੇਲ ਖਾਂਦੀ ਹੈ
ਦੁਨੀਆ ਭਰ 'ਚ ਕਈ ਡੇਟਿੰਗ ਐਪਸ ਹਨ, ਜਿਨ੍ਹਾਂ ਨੇ ਪਾਰਟਨਰ ਲੱਭਣ ਦੀ ਲੋਕਾਂ ਦੀਆਂ ਮੁਸ਼ਕਿਲਾਂ ਨੂੰ ਕਾਫੀ ਆਸਾਨ ਬਣਾ ਦਿੱਤਾ ਹੈ। ਕਈ ਲੋਕ ਪਾਰਟਨਰ ਲੱਭਣ ਲਈ ਡੇਟਿੰਗ ਐਪਸ ਦਾ ਸਹਾਰਾ ਲੈਂਦੇ ਹਨ ਅਤੇ ਉਨ੍ਹਾਂ ਨੂੰ ਇਸ 'ਚ ਸਫਲਤਾ ਵੀ ਮਿਲਦੀ ਹੈ ਪਰ ਕਈ ਵਾਰ ਇਹ ਡੇਟਿੰਗ ਐਪਸ ਮੁਸੀਬਤ ਦਾ ਕਾਰਨ ਵੀ ਬਣ ਜਾਂਦੇ ਹਨ। ਹਾਲ ਹੀ 'ਚ ਇਕ ਔਰਤ ਨਾਲ ਅਜਿਹਾ ਹੀ ਕੁਝ ਹੋਇਆ।
ਡੇਟਿੰਗ ਐਪ ਦੇ ਜ਼ਰੀਏ ਔਰਤ ਨੂੰ ਇਕ ਅਜਿਹਾ ਵਿਅਕਤੀ ਮਿਲਿਆ, ਜੋ ਉਸ ਦੀ ਚਚੇਰੀ ਭੈਣ ਦਾ ਪਤੀ ਸੀ। ਹੈਰਾਨੀ ਦੀ ਗੱਲ ਇਹ ਹੈ ਕਿ ਦੋਵਾਂ ਦੀ ਪ੍ਰੋਫਾਈਲ ਵੀ ਮੇਲ ਖਾਂਦੀ ਹੈ ਪਰ ਹੁਣ ਔਰਤ ਕਾਫੀ ਤਣਾਅ 'ਚ ਆ ਗਈ ਹੈ ਕਿ ਇਸ ਬਾਰੇ ਆਪਣੀ ਕਾਜਿਨ ਨੂੰ ਕਿਵੇਂ ਦੱਸਿਆ ਜਾਵੇ। ਅਮਰੀਕਾ 'ਚ ਰਹਿਣ ਵਾਲੀ ਇਕ ਔਰਤ ਨੇ ਸੋਸ਼ਲ ਮੀਡੀਆ 'ਤੇ ਦੱਸਿਆ ਕਿ ਡੇਟਿੰਗ ਐਪ 'ਤੇ ਉਸ ਦੀ ਪ੍ਰੋਫਾਈਲ ਉਸ ਦੀ ਕਾਜਿਨ ਦੇ ਪਤੀ ਨਾਲ ਮੇਲ ਖਾਂਦੀ ਹੈ।
ਇਸ ਤੋਂ ਪਹਿਲਾਂ ਉਹ ਕਦੇ ਵੀ ਆਪਣੀ ਕਾਜਿਨ ਦੇ ਪਤੀ ਨੂੰ ਨਹੀਂ ਮਿਲੀ ਸੀ। ਮਾਹਿਲ ਨੇ ਦੱਸਿਆ ਕਿ 'ਮੈਂ ਅਤੇ ਮੇਰੀ ਕਾਜਿਨ ਦੋਵੇਂ ਵੱਖ-ਵੱਖ ਦੇਸ਼ਾਂ 'ਚ ਰਹਿੰਦੇ ਹਾਂ ਅਤੇ ਇਕ ਦੂਜੇ ਨੂੰ ਮਿਲਣਾ ਬਹੁਤ ਮਹਿੰਗਾ ਪੈ ਜਾਂਦਾ ਹੈ।' ਜਿਵੇਂ ਹੀ ਉਸਨੇ ਡੇਟਿੰਗ ਐਪ ਨੂੰ ਡਾਉਨਲੋਡ ਕੀਤਾ, ਉਸਨੇ ਇੱਕ ਵਿਅਕਤੀ ਨੂੰ ਸੱਜੇ ਪਾਸੇ ਸਵਾਈਪ ਕੀਤਾ ਅਤੇ ਪ੍ਰੋਫਾਈਲ ਮੈਚ ਹੋ ਗਿਆ। ਇਸ ਦੇ ਲਈ ਔਰਤ ਨੇ ਆਪਣੀ ਟਰਿੱਪ ਤੱਕ ਰੱਦ ਕਰ ਦਿੱਤੀ।
ਅਜਿਹੇ 'ਚ ਕੁਝ ਲੋਕਾਂ ਨੇ ਔਰਤ ਨੂੰ ਸਲਾਹ ਦਿੱਤੀ ਕਿ ਉਹ ਆਪਣੀ ਕਾਜਿਨ ਨੂੰ ਦੱਸੇ ਕਿ ਉਸ ਦਾ ਪਤੀ ਡੇਟਿੰਗ ਐਪ ਦੀ ਵਰਤੋਂ ਕਰਦਾ ਹੈ। ਇਸ ਦੇ ਨਾਲ ਹੀ ਕੁਝ ਹੋਰ ਲੋਕਾਂ ਨੇ ਸੁਝਾਅ ਦਿੱਤਾ ਕਿ ਅਜਿਹਾ ਕਰਨ ਨਾਲ ਔਰਤ ਉਨ੍ਹਾਂ ਦੇ ਰਿਸ਼ਤੇ ਵਿਚ ਫਸ ਜਾਵੇਗੀ, ਅਜਿਹੇ ਵਿਚ ਚੰਗਾ ਹੋਵੇਗਾ ਜੇਕਰ ਆਪਣੀ ਕਾਜਿਨ ਨੂੰ ਕਿਸੇ ਹੋਰ ਵਿਅਕਤੀ ਤੋਂ ਪਤਾ ਲੱਗ ਜਾਵੇ ਕਿ ਉਸ ਦਾ ਪਤੀ ਡੇਟਿੰਗ ਐਪ ਦਾ ਇਸਤੇਮਾਲ ਕਰ ਰਿਹਾ ਹੈ। ਔਰਤ ਨੇ ਇਹ ਵੀ ਮੰਨਿਆ ਕਿ ਉਹ ਬਹੁਤ ਡਰ ਗਈ ਹੈ ਕਿ ਇਸ ਗੜਬੜ ਕਾਰਨ ਉਸਦੀ ਕਾਜਿਨ ਦਾ ਕੀ ਹੋਵੇਗਾ। ਔਰਤ ਨੇ ਦੱਸਿਆ ਕਿ ਉਸਦੀ ਕਾਜਿਨ ਦਾ ਇੱਕ ਬੱਚਾ ਵੀ ਹੈ।
ਔਰਤ ਨੇ ਕਿਹਾ ਕਿ ਉਸਦੀ ਕਾਜਿਨ ਦੇ ਪਤੀ ਦੇ ਪ੍ਰੋਫਾਈਲ ਦਾ ਸਕ੍ਰੀਨਸ਼ੌਟ ਵੀ ਲਿਆ ਪਰ ਉਸਨੇ ਕੋਈ ਗੱਲਬਾਤ ਸ਼ੁਰੂ ਨਹੀਂ ਕੀਤੀ ਕਿਉਂਕਿ ਉਸਨੂੰ ਪਤਾ ਨਹੀਂ ਸੀ ਕਿ ਕੀ ਕਹਿਣਾ ਹੈ। ਔਰਤ ਨੇ ਕਿਹਾ ਕਿ ਉਹ ਇਨ੍ਹਾਂ ਸਾਰੀਆਂ ਗੱਲਾਂ ਬਾਰੇ ਆਪਣੀ ਕਾਜਿਨ ਨੂੰ ਦੱਸਣਾ ਚਾਹੁੰਦੀ ਹੈ ਪਰ ਉਸ ਨੂੰ ਸਮਝ ਨਹੀਂ ਆ ਰਹੀ ਕਿ ਉਹ ਕਿਵੇਂ ਦੱਸੇ। ਉਸਨੇ ਕਿਹਾ, "ਮੈਨੂੰ ਕੋਈ ਇਤਰਾਜ਼ ਨਹੀਂ ਹੋਵੇਗਾ ਜੇ ਉਹ ਸਭ ਕੁਝ ਦੱਸਣ ਤੋਂ ਬਾਅਦ ਮੇਰੇ ਨਾਲ ਗੁੱਸੇ ਹੋ ਜਾਵੇ।" 'ਮੈਨੂੰ ਪਤਾ ਹੈ ਕਿ ਮੈਂ ਕੁਝ ਗਲਤ ਨਹੀਂ ਕੀਤਾ'।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
