ਕੋਰੋਨਾਵਾਇਰਸ ਦੇ ਸੂਬੇ ‘ਚ 313 ਕੇਸ ਪੌਜ਼ੇਟਿਵ , ਜਲੰਧਰ ਨਵੇਂ ਕੇਸਾਂ ਨਾਲ ਪਹੁੰਚਿਆ ਟੌਪ ‘ਤੇ

ਜਾਬ 'ਚ ਕੋਰੋਨਾਵਾਇਰਸ ਦੇ ਮਰੀਜ਼ਾਂ ਦੀ ਗਿਣਤੀ ਵੱਧ ਕੇ 313 ਹੋ ਗਈ ਹੈ। ਸ਼ਨੀਵਾਰ ਨੂੰ ਇੱਥੇ 15 ਨਵੇਂ ਕੇਸ ਦਰਜ ਹੋਏ ਹਨ। ਜਲੰਧਰ ਅਤੇ ਪਟਿਆਲਾ ‘ਚ 6-6, ਲੁਧਿਆਣਾ, ਨਵਾਂ ਸ਼ਹਿਰ ਅਤੇ ਪਠਾਨਕੋਟ ‘ਚ 1-1 ਕੇਸ ਦਰਜ ਹੋਏ। ਇਸ ਨਾਲ ਜਲੰਧਰ ਹੁਣ ਸੂਬੇ ‘ਚ ਸਿਖਰ 'ਤੇ ਪਹੁੰਚ ਗਿਆ ਹੈ।

ਚੰਡੀਗੜ੍ਹ: ਪੰਜਾਬ 'ਚ ਕੋਰੋਨਾਵਾਇਰਸ ਦੇ ਮਰੀਜ਼ਾਂ ਦੀ ਗਿਣਤੀ ਵੱਧ ਕੇ 313 ਹੋ ਗਈ ਹੈ। ਸ਼ਨੀਵਾਰ ਨੂੰ ਇੱਥੇ 15 ਨਵੇਂ ਕੇਸ ਦਰਜ ਹੋਏ ਹਨ। ਜਲੰਧਰ ਅਤੇ ਪਟਿਆਲਾ ‘ਚ 6-6, ਲੁਧਿਆਣਾ, ਨਵਾਂ ਸ਼ਹਿਰ ਅਤੇ ਪਠਾਨਕੋਟ ‘ਚ 1-1 ਕੇਸ ਦਰਜ ਹੋਏ। ਇਸ ਨਾਲ ਜਲੰਧਰ ਹੁਣ ਸੂਬੇ ‘ਚ ਸਿਖਰ 'ਤੇ ਪਹੁੰਚ ਗਿਆ ਹੈ। ਇੱਥੇ ਮਰੀਜ਼ਾਂ ਦੀ ਗਿਣਤੀ 69 ਹੈ। ਮੋਹਾਲੀ 63 ਕੇਸਾਂ ਨਾਲ ਦੂਜੇ ਨੰਬਰ 'ਤੇ ਹੈ, ਜਦਕਿ 61 ਕੇਸਾਂ ਨਾਲ ਪਟਿਆਲਾ ਤੀਸਰੇ 'ਤੇ ਹੈ। ਸੂਬੇ ‘ਚ ਕੋਰੋਨਾ ਨਾਲ ਜਲੰਧਰ ‘ਚ ਇੱਕ 42 ਸਾਲਾ ਵਿਅਕਤੀ ਦੀ ਮੌਤ ਹੋ ਗਈ। ਹਰਦੇਵ ਨਗਰ ਨਿਵਾਸੀ ਸਹਿਦੇਵ ਨੂੰ ਉਸਦੇ ਸਰੀਰ ‘ਚ ਖੂਨ ਦੀ ਘਾਟ ਹੋਣ ਕਰਕੇ ਦਾਖਲ ਕਰਵਾਇਆ ਗਿਆ ਸੀ। ਮੌਤ ਤੋਂ ਬਾਅਦ ਉਸਦੀ ਰਿਪੋਰਟ ਪੌਜ਼ੇਟਿਵ ਆਈ। ਇਹ ਜਲੰਧਰ ‘ਚ ਤੀਸਰਾ ਮੌਤ ਦਾ ਕੇਸ ਹੈ ਅਤੇ ਸੂਬੇ ‘ਚ ਹੁਣ ਤਕ 18 ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ। ਪੰਜਾਬ ‘ਚ ਹੁਣ ਤੱਕ 13270 ਸ਼ੱਕੀ ਵਿਅਕਤੀਆਂ ਦੇ ਨਮੂਨੇ ਲਏ ਜਾ ਚੁੱਕੇ ਹਨ। ਇਸ ਦੀਆਂ 9392 ਰਿਪੋਰਟਾਂ ਨਕਾਰਾਤਮਕ ਅਤੇ 3569 ਬਕਾਇਆ ਹਨ। ਜਲੰਧਰ 'ਚ 10 ਦਿਨਾਂ' ਚ 44 ਲੋਕ ਸੰਕਰਮਿਤ: ਜ਼ਿਲੇ ‘ਚ ਹੌਟ ਸਪਾਟ ਦੇ 17 ਤੋਂ ਵੱਧ ਖੇਤਰ ਹਨ। ਸ਼ਨੀਵਾਰ ਨੂੰ 6 ਰਿਪੋਰਟ ਕੀਤੇ ਗਏ ਪੌਜ਼ੇਟਿਵ ਮਰੀਜ਼ ‘ਚੋਂ, 4 ਬਸਤੀ ਗੁਜਾਂ ਦੇ ਪੌਜ਼ੇਟਿਵ ਮਰੀਜ਼ ਰੁਪੇਸ਼ ਦੇ ਪਰਿਵਾਰਕ ਮੈਂਬਰ ਹਨ. ਸ਼ਹੀਦ ਭਗਤ ਸਿੰਘ ਨਗਰ ‘ਚ ਇੱਕ 60 ਸਾਲਾ ਵਿਅਕਤੀ ਪੌਜ਼ੇਟਿਵ ਪਾਇਆ ਗਿਆ। ਪਿਛਲੇ 10 ਦਿਨਾਂ ‘ਚ ਜ਼ਿਲ੍ਹੇ ‘ਚ 44 ਸੰਕਰਮਿਤ ਹੋਏ ਹਨ।

ਇਹ ਵੀ ਪੜ੍ਹੋ :