Wheat Price: ਸਰਕਾਰ ਨੇ ਚੁੱਕਿਆ ਅਹਿਮ ਕਦਮ ਜਿਸ ਨਾਲ ਘਟਣਗੇ ਕਣਕ ਦੇ ਭਾਅ, ਆਏ ਨਵੇਂ ਰੇਟ ਸਾਹਮਣੇ, ਮਿਲੇਗਾ ਸਸਤਾ ਆਟਾ

Wheat & Atta Prices: ਆਟੇ ਦੀਆਂ ਲਗਾਤਾਰ ਵਧ ਰਹੀਆਂ ਕੀਮਤਾਂ ਨੂੰ ਲੈ ਕੇ ਸਰਕਾਰ ਹਰਕਤ 'ਚ ਆਈ ਹੈ ਤੇ ਅਜਿਹਾ ਕਦਮ ਚੁੱਕਿਆ ਹੈ ਕਿ ਕਣਕ ਅਤੇ ਆਟੇ ਦੀਆਂ ਵਧਦੀਆਂ ਕੀਮਤਾਂ 'ਤੇ ਕਾਬੂ ਪਾਇਆ ਜਾ ਸਕੇ। ਜਾਣੋ ਤੁਹਾਡੇ ਲਈ ਕਿਹੜੀ ਖਬਰ ਆਈ ਹੈ।

ਕਣਕ

Wheat & Atta Prices: ਭਾਰਤੀ ਖੁਰਾਕ ਨਿਗਮ (FCI) ਨੇ ਸ਼ੁੱਕਰਵਾਰ ਨੂੰ ਕਿਹਾ ਕਿ ਉਹ 1 ਫਰਵਰੀ ਤੋਂ 2,350 ਰੁਪਏ ਪ੍ਰਤੀ ਕੁਇੰਟਲ ਦੀ ਰਾਖਵੀਂ ਕੀਮਤ ਅਤੇ ਆਵਾਜਾਈ ਲਾਗਤ ਨਾਲ ਹਫਤਾਵਾਰੀ ਈ-ਨਿਲਾਮੀ ਸ਼ੁਰੂ ਕਰੇਗੀ। ਇਸ ਤਹਿਤ ਐਫਸੀਆਈ ਵੱਲੋਂ ਥੋਕ ਖਪਤਕਾਰਾਂ ਨੂੰ 25 ਲੱਖ ਟਨ ਕਣਕ ਵੇਚਣ ਦੀ ਯੋਜਨਾ ਹੈ। ਸਰਕਾਰ ਨੇ ਬੁੱਧਵਾਰ ਨੂੰ ਕਣਕ ਅਤੇ ਕਣਕ ਦੇ ਆਟੇ ਦੀਆਂ ਵਧਦੀਆਂ ਕੀਮਤਾਂ ਨੂੰ ਰੋਕਣ ਲਈ ਓਪਨ ਮਾਰਕੀਟ ਸੇਲ ਸਕੀਮ (ਓਐਮਐਸਐਸ) ਦੇ ਤਹਿਤ ਆਪਣੇ ਬਫਰ ਸਟਾਕ ਤੋਂ 30 ਲੱਖ ਟਨ ਕਣਕ ਓਪਨ ਮਾਰਕੀਟ ਵਿੱਚ ਵੇਚਣ ਦੀ ਯੋਜਨਾ ਦਾ ਐਲਾਨ ਕੀਤਾ। ਇਸ ਕਣਕ ਤੋਂ ਬਣਿਆ ਆਟਾ 29.50-30 ਰੁਪਏ ਪ੍ਰਤੀ ਕਿਲੋ ਤੋਂ ਵੱਧ ਨਹੀਂ ਵੇਚਿਆ ਜਾਵੇਗਾ। ਆਟੇ ਦੀਆਂ ਮੌਜੂਦਾ ਕੀਮਤਾਂ 36-38 ਰੁਪਏ ਪ੍ਰਤੀ ਕਿਲੋ ਦੇ ਹਿਸਾਬ ਨਾਲ ਹਨ। ਇਸ ਨਜ਼ਰੀਏ ਤੋਂ ਆਟਾ 6 ਤੋਂ 8 ਰੁਪਏ ਸਸਤਾ ਹੋ ਸਕਦਾ ਹੈ।

ਰਿਆਇਤੀ ਦਰ 'ਤੇ ਦਿੱਤੀ ਜਾਵੇਗੀ ਕਣਕ 

ਐਫਸੀਆਈ ਇਸ 30 ਲੱਖ ਟਨ ਵਿੱਚੋਂ ਈ-ਨਿਲਾਮੀ ਰਾਹੀਂ ਆਟਾ ਮਿੱਲਾਂ ਵਰਗੇ ਥੋਕ ਖਪਤਕਾਰਾਂ ਨੂੰ 25 ਲੱਖ ਟਨ ਕਣਕ ਵੇਚੇਗਾ। ਜਦੋਂ ਕਿ 2 ਲੱਖ ਟਨ ਰਾਜਾਂ/ਕੇਂਦਰ ਸ਼ਾਸਿਤ ਪ੍ਰਦੇਸ਼ਾਂ ਨੂੰ ਅਤੇ 3 ਲੱਖ ਟਨ ਹੋਰ ਸੰਸਥਾਵਾਂ ਅਤੇ ਰਾਜ PSUs ਨੂੰ ਕਣਕ ਨੂੰ ਰਿਆਇਤੀ ਦਰ 'ਤੇ ਆਟੇ ਵਿੱਚ ਬਦਲਣ ਲਈ ਦਿੱਤਾ ਜਾਵੇਗਾ। ਇਸ ਨੂੰ 29.50 ਰੁਪਏ ਪ੍ਰਤੀ ਕਿਲੋਗ੍ਰਾਮ ਤੋਂ ਵੱਧ ਰੇਟ 'ਤੇ ਵੇਚਣ ਦੀ ਇਜਾਜ਼ਤ ਨਹੀਂ ਦਿੱਤੀ ਜਾਵੇਗੀ।

ਐਫਸੀਆਈ ਦੇ ਚੇਅਰਮੈਨ ਅਸ਼ੋਕ ਕੇ ਮੀਨਾ ਨੇ ਦਿੱਤੀ ਜਾਣਕਾਰੀ

ਐਫਸੀਆਈ ਦੇ ਚੇਅਰਮੈਨ ਅਸ਼ੋਕ ਕੇ ਮੀਨਾ ਨੇ ਕਿਹਾ, "ਟੈਂਡਰ ਅੱਜ ਪੂਰੇ ਹੋ ਜਾਣਗੇ ਅਤੇ ਬੁੱਧਵਾਰ ਨੂੰ ਈ-ਨਿਲਾਮੀ ਹੋਵੇਗੀ।" ਹਰ ਬੁੱਧਵਾਰ ਨੂੰ ਹਫਤਾਵਾਰੀ ਆਧਾਰ 'ਤੇ ਨਿਲਾਮੀ ਹੋਵੇਗੀ। ਉਨ੍ਹਾਂ ਦੱਸਿਆ ਕਿ ਪਹਿਲੀ ਨਿਲਾਮੀ 1 ਫਰਵਰੀ ਨੂੰ ਹੋਵੇਗੀ, ਜੋ 15 ਮਾਰਚ ਤੱਕ ਚੱਲੇਗੀ। ਕਣਕ ਦੀ ਰਿਜ਼ਰਵ ਕੀਮਤ 2,350 ਰੁਪਏ ਪ੍ਰਤੀ ਕੁਇੰਟਲ ਅਤੇ ਭਾੜੇ ਦੇ ਖਰਚਿਆਂ ਨਾਲ ਪੇਸ਼ ਕੀਤੀ ਜਾਵੇਗੀ। ਉਨ੍ਹਾਂ ਕਿਹਾ ਕਿ ਖਰੀਦਦਾਰ ਵੱਧ ਤੋਂ ਵੱਧ 3,000 ਟਨ ਅਤੇ ਘੱਟੋ-ਘੱਟ 10 ਟਨ ਦੀ ਬੋਲੀ ਲਗਾ ਸਕਦਾ ਹੈ। ਉਨ੍ਹਾਂ ਕਿਹਾ, "ਸਾਨੂੰ ਉਮੀਦ ਹੈ ਕਿ ਛੋਟੇ ਵਪਾਰੀ ਅਤੇ ਛੋਟੇ ਆਟਾ ਮਿੱਲ ਮਾਲਕ ਇਸ ਮੌਕੇ ਦਾ ਲਾਭ ਉਠਾਉਣਗੇ।"

ਦੇਸ਼ ਭਰ 'ਚ ਕਣਕ ਦਾ ਸਟਾਕ ਉਪਲਬਧ 

ਐਫਸੀਆਈ ਦੇ ਚੇਅਰਮੈਨ ਨੇ ਕਿਹਾ ਕਿ ਖੇਤਰੀ ਦਫ਼ਤਰਾਂ ਨੂੰ ਕਣਕ ਦੀ ਈ-ਨਿਲਾਮੀ ਲਈ ਟੈਂਡਰ ਜਾਰੀ ਕਰਨ ਲਈ ਹੀ ਨਹੀਂ, ਸਗੋਂ ਸਥਾਨਕ ਆਟਾ ਮਿੱਲਾਂ, ਵਪਾਰੀਆਂ ਅਤੇ ਕਣਕ ਉਤਪਾਦਾਂ ਦੇ ਨਿਰਮਾਤਾਵਾਂ ਨੂੰ ਵੀ ਐਫ.ਸੀ.ਆਈ ਪਲੇਟਫਾਰਮ 'ਤੇ ਆਪਣੇ ਆਪ ਨੂੰ ਰਜਿਸਟਰ ਕਰਨ ਲਈ ਕਿਹਾ ਗਿਆ ਹੈ ਅਤੇ ਉਨ੍ਹਾਂ ਨੂੰ ਇਸ ਵਿੱਚ ਹਿੱਸਾ ਲੈਣ ਲਈ ਉਤਸ਼ਾਹਿਤ ਕਰਨ ਲਈ ਕਿਹਾ ਗਿਆ ਹੈ। ਈ-ਨਿਲਾਮੀ ਐਫਸੀਆਈ ਮੁਖੀ ਅਨੁਸਾਰ ਪੂਰੇ ਦੇਸ਼ ਵਿੱਚ ਕਣਕ ਦਾ ਸਟਾਕ ਉਪਲਬਧ ਹੈ ਅਤੇ ਸਾਰੇ ਰਾਜ ਇਸ ਸਟਾਕ ਨੂੰ ਮੁਹੱਈਆ ਕਰਵਾਉਣ ਦੇ ਯੋਗ ਹੋਣਗੇ।