Millet Diet Benefits : ਭਾਰਤ ਦੇ ਪ੍ਰਸਤਾਵ ਅਤੇ ਸੰਯੁਕਤ ਰਾਸ਼ਟਰ ਦੇ ਸਮਰਥਨ 'ਤੇ ਅੱਜ ਪੂਰੀ ਦੁਨੀਆ ਸਾਲ 2023 ਨੂੰ ਪੌਸ਼ਟਿਕ ਅਨਾਜ ਦੇ ਅੰਤਰਰਾਸ਼ਟਰੀ ਸਾਲ ਵਜੋਂ ਮਨਾ ਰਹੀ ਹੈ। ਇਸ ਦਾ ਮੁੱਖ ਉਦੇਸ਼ ਮੋਟੇ ਅਨਾਜ ਦੀ ਵਰਤੋਂ ਨੂੰ ਉਤਸ਼ਾਹਿਤ ਕਰਨਾ ਹੈ। ਇਸ ਟੀਚੇ ਨਾਲ ਦੇਸ਼ ਭਰ 'ਚ ਕਈ ਪ੍ਰੋਗਰਾਮ ਆਯੋਜਿਤ ਕੀਤੇ ਜਾ ਰਹੇ ਹਨ। ਲੋਕਾਂ ਨੂੰ ਮੋਟੇ ਅਨਾਜ ਦੇ ਫ਼ਾਇਦਿਆਂ ਬਾਰੇ ਜਾਗਰੂਕ ਕੀਤਾ ਜਾ ਰਿਹਾ ਹੈ। ਮੋਟੇ ਅਨਾਜਾਂ ਤੋਂ ਬਣੇ ਸਿਹਤਮੰਦ ਭੋਜਨ ਉਤਪਾਦ ਅਤੇ ਸਨੈਕਸ ਮਤਲਬ ਸ੍ਰੀ ਅੰਨ ਲੋਕਾਂ 'ਚ ਲਾਂਚ ਕੀਤੇ ਜਾ ਰਹੇ ਹਨ ਤਾਂ ਜੋ ਉਨ੍ਹਾਂ ਨੂੰ ਆਸਾਨੀ ਨਾਲ ਖੁਰਾਕ 'ਚ ਸ਼ਾਮਲ ਕੀਤਾ ਜਾ ਸਕੇ। ਸਰਕਾਰ ਵੀ ਆਪਣੇ ਪੱਧਰ 'ਤੇ ਮੋਟੇ ਅਨਾਜ ਨੂੰ ਉਤਸ਼ਾਹਿਤ ਕਰਨ ਲਈ ਅਹਿਮ ਕਦਮ ਚੁੱਕ ਰਹੀ ਹੈ। ਇਸ ਦੌਰਾਨ ਸਭ ਤੋਂ ਵੱਧ ਚਰਚਾ ਦਾ ਵਿਸ਼ਾ ਭਾਰਤੀ ਫ਼ੌਜ ਦੇ ਜਵਾਨਾਂ ਦਾ ਨਵਾਂ ਡਾਈਟ ਪਲਾਨ ਹੈ।
ਬੁੱਧਵਾਰ ਨੂੰ ਭਾਰਤੀ ਫ਼ੌਜ ਨੇ ਆਪਣਾ ਅਧਿਕਾਰਤ ਬਿਆਨ ਜਾਰੀ ਕਰਦੇ ਹੋਏ ਕਿਹਾ ਕਿ ਹੁਣ ਫ਼ੌਜ ਆਪਣੇ ਜਵਾਨਾਂ ਦੇ ਡਾਈਟ ਪਲਾਨ 'ਚ ਬਾਜਰੇ ਨੂੰ ਸ਼ਾਮਲ ਕਰਨ ਜਾ ਰਹੀ ਹੈ। ਕਰੀਬ ਅੱਧੀ ਸਦੀ ਬਾਅਦ ਕਣਕ ਦੇ ਆਟੇ ਦੀ ਥਾਂ ਹੁਣ ਜਵਾਰ, ਬਾਜਰਾ ਅਤੇ ਰਾਗੀ ਭਾਰਤੀ ਫ਼ੌਜ ਦੇ ਜਵਾਨਾਂ ਦੀ ਸਿਹਤ 'ਚ ਸੁਧਾਰ ਕਰਨਗੇ।
ਇਹ ਮਿਲੇਟ ਡਾਈਟ ਪਲਾਨ ਨੂੰ ਮੁੱਖ ਤੌਰ 'ਤੇ ਚੀਨ ਨਾਲ ਲੱਗਦੀਆਂ ਸਰਹੱਦਾਂ 'ਤੇ ਤਾਇਨਾਤ ਭਾਰਤੀ ਫ਼ੌਜ ਦੇ ਜਵਾਨਾਂ ਲਈ ਪੇਸ਼ ਕੀਤੀ ਜਾ ਰਹੀ ਹੈ। ਇਸ 'ਚ ਬਾਜਰੇ ਤੋਂ ਬਣੇ ਸਨੈਕਸ ਅਤੇ ਖਾਣ-ਪੀਣ ਦੇ ਉਤਪਾਦ ਵੀ ਸ਼ਾਮਲ ਹੋਣਗੇ।
ਬਾਜਰਾ ਇੱਕ ਸਦੀ ਬਾਅਦ ਫ਼ੌਜ ਦੇ ਰਾਸ਼ਨ 'ਚ ਆਇਆ ਵਾਪਸ
'ਦੀ ਪ੍ਰਿੰਟ' ਦੀ ਰਿਪੋਰਟ ਦੇ ਅਨੁਸਾਰ ਭਾਰਤੀ ਫ਼ੌਜ ਨੇ ਆਪਣੇ ਤਾਜ਼ਾ ਬਿਆਨ 'ਚ ਕਿਹਾ ਕਿ 1966 ਤੱਕ ਬਾਜਰੇ ਨੂੰ ਭਾਰਤੀ ਫੌਜ ਦੀ ਖੁਰਾਕ ਯੋਜਨਾ 'ਚ ਸ਼ਾਮਲ ਕੀਤਾ ਗਿਆ ਸੀ, ਪਰ ਕਣਕ ਦੇ ਆਟੇ ਦੀ ਉਪਲੱਬਧਤਾ ਸਥਿਰ ਹੋਣ ਤੋਂ ਬਾਅਦ ਬਾਜਰੇ ਨੂੰ ਹਟਾ ਦਿੱਤਾ ਗਿਆ।
ਫੌਜ ਦੇ ਬਿਆਨ ਅਨੁਸਾਰ ਜੇਕਰ ਫ਼ੌਜੀਆਂ ਲਈ ਰਾਸ਼ਨ ਸਾਲ 2023-24 ਤੋਂ ਅਨਾਜ (ਚੌਲ ਅਤੇ ਕਣਕ ਦਾ ਆਟਾ) ਦੇ ਅਧਿਕਾਰਤ ਹੱਕ ਦੇ 25% ਤੋਂ ਵੱਧ ਨਾ ਹੋਵੇ ਤਾਂ ਬਾਜਰੇ ਦੇ ਆਟੇ ਦੀ ਖਰੀਦ ਲਈ ਸਰਕਾਰ ਤੋਂ ਮਨਜ਼ੂਰੀ ਮੰਗੀ ਗਈ ਹੈ।
'ਦਿ ਪ੍ਰਿੰਟ' ਦੀ ਇਕ ਰਿਪੋਰਟ ਮੁਤਾਬਕ ਭਾਰਤੀ ਫ਼ੌਜ ਵੱਲੋਂ ਜਵਾਨਾਂ ਨੂੰ ਰੋਜ਼ਾਨਾ ਖੁਰਾਕ 'ਚ 650 ਗ੍ਰਾਮ ਚਾਵਲ ਜਾਂ ਆਟਾ ਦਿੱਤਾ ਜਾ ਰਿਹਾ ਹੈ, ਜਦਕਿ ਨਵੇਂ ਡਾਈਟ ਪਲਾਨ 'ਚ 650 ਗ੍ਰਾਮ ਰੋਜ਼ਾਨਾ ਰਾਸ਼ਨ ਦਾ 25 ਫ਼ੀਸਦੀ ਬਾਜਰੇ, ਰਾਗੀ ਅਤੇ ਜਵਾਰ ਵੀ ਸ਼ਾਮਲ ਕੀਤਾ ਜਾ ਸਕਦਾ ਹੈ। ਆਰਮੀ ਕੈਂਟੀਨ 'ਚ ਵੀ ਮਿਲੇਗਾ ਮਿਲੇਟ
ਫ਼ੌਜ ਦੀ ਸੀਏਡੀ (Canteen Stores Department) ਕੈਂਟੀਨਾਂ ਦੇ ਨਾਲ-ਨਾਲ ਛਾਉਣੀਆਂ ਦੇ ਅੰਦਰ ਸ਼ਾਪਿੰਗ ਕੰਪਲੈਕਸਾਂ 'ਚ ਮਿਲੇਟ ਨਾਲ ਸਬੰਧਤ ਫੂਡ ਪ੍ਰੋਡਕਟਸ ਪ੍ਰਦਰਸ਼ਿਤ ਕੀਤੇ ਜਾਣਗੇ। ਹਾਲ ਹੀ 'ਚ ਫੋਰਸ ਨੇ ਫੌਜ ਦੇ ਪ੍ਰੋਗਰਾਮਾਂ, ਵੱਡੀਆਂ ਰਸੋਈਆਂ ਅਤੇ ਘਰੇਲੂ ਰਸੋਈ 'ਚ ਖਾਨਾ ਪਕਾਉਣ 'ਚ ਵੱਡੇ ਪੱਧਰ 'ਤੇ ਵਰਤੋਂ ਕੀਤੇ ਜਾਣ ਵਾਲੇ ਮਿਲੇਟ ਲਈ ਇਕ ਸਲਾਹ ਵੀ ਜਾਰੀ ਕੀਤੀ ਹੈ। ਫ਼ੌਜ ਦਾ ਕਹਿਣਾ ਹੈ ਕਿ ਬਾਜਰੇ ਤੋਂ ਸਵਾਦਿਸ਼ਟ ਅਤੇ ਸਿਹਤਮੰਦ ਪਕਵਾਨ ਬਣਾਉਣ ਲਈ ਸ਼ੈੱਫਾਂ ਤੋਂ ਟ੍ਰੇਨਿੰਗ ਲਈ ਜਾ ਰਹੀ ਹੈ। ਫ਼ੌਜੀਆਂ ਦੀ ਪੋਸ਼ਣ ਸੁਰੱਖਿਆ ਲਈ ਬਾਜਰਾ ਆਪਣੇ ਆਪ 'ਚ ਪ੍ਰੋਟੀਨ, ਸੂਖਮ ਪੌਸ਼ਟਿਕ ਤੱਤਾਂ ਅਤੇ ਫਾਈਟੋਕੈਮੀਕਲਸ ਦਾ ਇੱਕ ਚੰਗਾ ਸਰੋਤ ਹੈ।
ਠੀਕ ਰਹੇਗੀ ਫ਼ੌਜੀਆਂ ਦੀ ਸਿਹਤ
ਫ਼ੌਜ ਦੇ ਅਧਿਕਾਰਤ ਬਿਆਨ ਦੇ ਅਨੁਸਾਰ ਸਾਡੀ ਭੂਗੋਲਿਕ ਅਤੇ ਮੌਸਮੀ ਸਥਿਤੀਆਂ ਦੇ ਅਨੁਕੂਲ ਰਵਾਇਤੀ ਬਾਜਰਾ ਫ਼ੌਜੀਆਂ ਦੀ ਸਿਹਤ ਅਤੇ ਮਨੋਬਲ ਨੂੰ ਵਧਾਉਣ ਲਈ ਇੱਕ ਮਹੱਤਵਪੂਰਨ ਕਦਮ ਸਾਬਤ ਹੋਵੇਗਾ। ਰੋਜ਼ਾਨਾ ਜੀਵਨ ਸ਼ੈਲੀ ਦੀਆਂ ਬਿਮਾਰੀਆਂ ਤੋਂ ਛੁਟਕਾਰਾ ਪਾਉਣ 'ਚ ਬਾਜਰੇ ਦੇ ਗੁਣ ਬਹੁਤ ਮਦਦਗਾਰ ਹੋਣਗੇ।