PM Kisan Yojana 21st Status: : 21ਵੀਂ ਕਿਸ਼ਤ 19 ਨਵੰਬਰ ਨੂੰ ਆ ਰਹੀ, ਪਰ ਕੀ ਤੁਹਾਨੂੰ ਮਿਲੇਗੀ? ਤੁਰੰਤ ਚੈੱਕ ਕਰੋ ਆਪਣਾ ਸਟੇਟਸ!
ਕਿਸਾਨ ਬਹੁਤ ਹੀ ਬੇਸਬਰੀ ਦੇ ਨਾਲ ਕਿਸਾਨ ਸਨਮਾਨ ਨਿਧੀ ਦੀ 21ਵੀਂ ਕਿਸਤਦੀ ਉਡੀਕ ਕਰ ਰਹੇ ਹਨ। ਆਉ ਜਾਣਦੇ ਹਾਂ ਇਸ ਬਾਰੇ ਨਵੀਂ ਅਪਡੇਟ ਅਤੇ ਕਿਵੇਂ ਤੁਸੀਂ ਆਪਣਾ ਸਟੇਟੇਸ ਚੈੱਕ ਕਰ ਸਕਦੇ ਹੋ ਨਹੀਂ ਤਾਂ ਪੈਸੇ ਖਾਤੇ 'ਚ ਨਹੀਂ ਆਉਣਗੇ।
ਸਰਕਾਰ ਦੇਸ਼ ਦੇ ਕਿਸਾਨਾਂ ਲਈ ਕਈ ਯੋਜਨਾਵਾਂ ਚਲਾਉਂਦੀ ਹੈ, ਜਿਨ੍ਹਾਂ ਦਾ ਮਕਸਦ ਉਨ੍ਹਾਂ ਨੂੰ ਆਰਥਿਕ ਰੂਪ ਵਿੱਚ ਮਜ਼ਬੂਤ ਬਣਾਉਣਾ ਹੈ। ਇਨ੍ਹਾਂ ਯੋਜਨਾਵਾਂ ਵਿੱਚੋਂ ਇੱਕ ਹੈ ਪੀਐਮ ਕਿਸਾਨ ਸਨਮਾਨ ਨਿਧੀ (PM Kisan Samman Nidhi)। ਪਿਛਲੇ ਕੁਝ ਸਾਲਾਂ ਵਿੱਚ ਇਹ ਯੋਜਨਾ ਕਿਸਾਨਾਂ ਲਈ ਵੱਡੀ ਮਦਦ ਸਾਬਤ ਹੋਈ ਹੈ। ਇਸ ਯੋਜਨਾ ਦੇ ਤਹਿਤ ਦੇਸ਼ ਦੇ ਕਰੋੜਾਂ ਕਿਸਾਨਾਂ ਨੂੰ ਹਰ ਸਾਲ ਤਿੰਨ ਕਿਸ਼ਤਾਂ ਵਿੱਚ 6 ਹਜ਼ਾਰ ਰੁਪਏ ਮਿਲਦੇ ਹਨ। ਹੁਣ ਤੱਕ ਇਸ ਦੀ 20 ਕਿਸ਼ਤਾਂ ਜਾਰੀ ਹੋ ਚੁੱਕੀਆਂ ਹਨ। ਹੁਣ 21ਵੀਂ ਕਿਸ਼ਤ ਬਾਰੇ ਵੀ ਅੱਪਡੇਟ ਸਾਹਮਣੇ ਆ ਚੁੱਕਾ ਹੈ।
ਸਰਕਾਰ ਵੱਲੋਂ ਜਾਰੀ ਜਾਣਕਾਰੀ ਮੁਤਾਬਕ, 19 ਨਵੰਬਰ ਨੂੰ ਕਿਸਾਨਾਂ ਦੇ ਖਾਤੇ ਵਿੱਚ 21ਵੀਂ ਕਿਸ਼ਤ ਭੇਜੀ ਜਾਵੇਗੀ। ਪਰ ਇਹ ਕਿਸ਼ਤ ਹਰ ਕਿਸਾਨ ਨੂੰ ਨਹੀਂ ਮਿਲੇਗੀ। ਕਈ ਕਿਸਾਨਾਂ ਦੇ ਖਾਤੇ ਵਿੱਚ ਪੈਸਾ ਰੁਕ ਸਕਦਾ ਹੈ। ਜੇ ਤੁਸੀਂ ਵੀ ਜਾਣਨਾ ਚਾਹੁੰਦੇ ਹੋ ਕਿ ਤੁਸੀਂ ਇਸ ਲਿਸਟ ਵਿੱਚ ਤਾਂ ਸ਼ਾਮਲ ਨਹੀਂ, ਤਾਂ ਜਾਣੋ ਕਿ ਆਪਣੇ ਸਟੇਟਸ ਨੂੰ ਕਿਵੇਂ ਚੈੱਕ ਕਰ ਸਕਦੇ ਹੋ।
ਇਨ੍ਹਾਂ ਕਿਸਾਨਾਂ ਨੂੰ 21ਵੀਂ ਕਿਸ਼ਤ ਨਹੀਂ ਮਿਲੇਗੀ
ਭਾਰਤ ਸਰਕਾਰ ਵੱਲੋਂ ਪ੍ਰਧਾਨਮੰਤਰੀ ਕਿਸਾਨ ਸਨਮਾਨ ਨਿਧੀ ਯੋਜਨਾ ਦੀ 21ਵੀਂ ਕਿਸ਼ਤ ਬਾਰੇ ਜਾਣਕਾਰੀ ਜਾਰੀ ਕਰ ਦਿੱਤੀ ਹੈ। ਹੁਣੋਂ ਸਿਰਫ਼ 2 ਦਿਨ ਬਾਅਦ, 19 ਨਵੰਬਰ ਨੂੰ 21ਵੀਂ ਕਿਸ਼ਤ ਜਾਰੀ ਕੀਤੀ ਜਾਵੇਗੀ। ਪਰ ਕਈ ਕਿਸਾਨਾਂ ਦੇ ਖਾਤਿਆਂ ਵਿੱਚ ਕਿਸ਼ਤ ਦੇ ਪੈਸੇ ਨਹੀਂ ਪਹੁੰਚਣਗੇ।
ਤੁਹਾਨੂੰ ਦੱਸ ਦਈਏ ਕਿ ਜਿਹੜੇ ਕਿਸਾਨਾਂ ਨੇ ਹੁਣ ਤੱਕ ਆਪਣੀ eKYC ਪੂਰੀ ਨਹੀਂ ਕਰਵਾਈ, ਉਨ੍ਹਾਂ ਨੂੰ ਕਿਸ਼ਤ ਨਹੀਂ ਮਿਲੇਗੀ। ਉਸੇ ਤਰ੍ਹਾਂ ਜੇ ਭੂ-ਤਸਦੀਕ ਅਧੂਰੀ ਹੈ ਤਾਂ ਵੀ ਕਿਸ਼ਤ ਰੁਕ ਜਾਂਦੀ ਹੈ। ਇਸਦੇ ਇਲਾਵਾ, ਜੇ ਬੈਂਕ ਖਾਤਿਆਂ ਵਿੱਚ ਗਲਤ ਜਾਣਕਾਰੀ, IFSC ਕੋਡ ਵਿੱਚ ਗਲਤੀ, ਨਾਂ ਦੀ ਸਪੈਲਿੰਗ ਗਲਤ ਹੋਣਾ ਜਾਂ ਆਧਾਰ ਨੰਬਰ ਗਲਤ ਦਰਜ ਹੋਣਾ ਵਰਗੀਆਂ ਗਲਤੀਆਂ ਹਨ, ਤਾਂ ਵੀ ਕਿਸ਼ਤ ਅਟਕ ਜਾਵੇਗੀ।
ਇਸ ਤਰ੍ਹਾਂ ਚੈੱਕ ਕਰੋ ਆਪਣਾ ਸਟੇਟਸ
ਪੀਐਮ ਕਿਸਾਨ ਯੋਜਨਾ ਨਾਲ ਜੁੜੇ ਕਿਸਾਨ ਆਪਣੇ ਘਰ ਬੈਠੇ ਆਪਣੀ ਕਿਸ਼ਤ ਦਾ ਸਟੇਟਸ ਚੈੱਕ ਕਰ ਸਕਦੇ ਹਨ। ਇਸ ਲਈ ਸਭ ਤੋਂ ਪਹਿਲਾਂ ਪੀਐਮ ਕਿਸਾਨ ਦੀ ਅਧਿਕਾਰਿਕ ਵੈੱਬਸਾਈਟ https://pmkisan.gov.in/ ਤੇ ਜਾਓ। ਓਥੇ ਹੋਮਪੇਜ ‘ਤੇ Know Your Status ਦਾ ਓਪਸ਼ਨ ਮਿਲੇਗਾ। ਉਸ 'ਤੇ ਕਲਿੱਕ ਕਰੋ। ਹੁਣ ਇੱਕ ਨਵਾਂ ਪੇਜ ਖੁਲਿਆ ਜਾਵੇਗਾ, ਜਿੱਥੇ ਤੁਹਾਡੇ ਤੋਂ ਦੋ ਜਾਣਕਾਰੀਆਂ ਮੰਗੀਆਂ ਜਾਣਗੀਆਂ।
ਰਜਿਸਟਰਡ ਮੋਬਾਈਲ ਨੰਬਰ ਜਾਂ ਰਜਿਸਟਰਡ ਆਧਾਰ ਨੰਬਰ – ਜਿਸਨੂੰ ਤੁਸੀਂ ਅਰਜ਼ੀ ਦੇ ਸਮੇਂ ਦਿੱਤਾ ਸੀ, ਉਹ ਦਰਜ ਕਰੋ। ਇਸਦੇ ਬਾਅਦ ਹੇਠਾਂ ਦਿੱਤੇ Get Data ਬਟਨ 'ਤੇ ਕਲਿੱਕ ਕਰੋ। ਕੁਝ ਹੀ ਸਕਿੰਟਾਂ ਵਿੱਚ ਸਕ੍ਰੀਨ 'ਤੇ ਤੁਹਾਡਾ ਪੂਰਾ ਸਟੇਟਸ ਦਿਖਾਈ ਦੇਵੇਗਾ। ਇਸ ਵਿੱਚ ਪਿਛਲੀਆਂ ਕਿਸ਼ਤਾਂ ਕਦੋਂ ਆਈਆਂ, ਅਗਲੀ ਕਿਸ਼ਤ ਦਾ ਸਟੇਟਸ ਕੀ ਹੈ, ਇਹ ਸਭ ਵੇਰਵਾ ਮਿਲੇਗਾ।
Before You Go
Congress Protest 'ਇਹ ਗੰਦਾ ਪਾਣੀ ਪੀ ਕੇ ਦਿਖਾਉਣ' ਹਰਦਿਆਲ ਕੰਬੋਜ ਦਾ ਤਿੱਖਾ ਵਾਰ!
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
