ਕੋਰੋਨਾ ਖਿਲਾਫ ਅਜੇ ਲੜਾਈ ਲੰਬੀ, ਜੂਨ-ਜੁਲਾਈ ‘ਚ ਆਏਗਾ ਕੋਰੋਨਾ ਮਾਮਲਿਆਂ ਦਾ ਪੀਕ- ਏਮਸ ਡਾਇਰੈਕਟਰ

ਡਾਕਟਰ ਰਣਦੀਪ ਗੁਲੇਰੀਆ ਨੇ ਦੱਸਿਆ ਕਿ ਕਈ ਦਵਾਈਆਂ ‘ਤੇ ਕੰਮ ਚੱਲ ਰਿਹਾ ਹੈ। ਇਨ੍ਹਾਂ ਚੋਂ ਬਹੁਤ ਸਾਰੇ ਮਾਲੀਕਿਊਰ ਦਵਾਈਆਂ ਹਨ। ਇਸ ਤੋਂ ਇਲਾਵਾ ਟੀਕਿਆਂ ‘ਤੇ ਵੀ ਕੰਮ ਹੋ ਰਿਹਾ ਹੈ।

ਨਵੀਂ ਦਿੱਲੀ: ਆਲ ਇੰਡੀਆ ਇੰਸਟੀਚਿਊਟ ਆਫ਼ ਮੈਡੀਕਲ ਸਾਇੰਸਿਜ਼ (AIIMS) ਦੇ ਡਾਇਰੈਕਟਰ ਡਾ. ਰਣਦੀਪ ਗੁਲੇਰੀਆ (dr randeep guleria) ਨੇ ਕਿਹਾ ਹੈ ਕਿ ਭਾਰਤ ਵਿੱਚ ਮੌਜੂਦਾ ਮੁਲਾਂਕਣ ਮੁਤਾਬਕ, ਕੋਰੋਨਾ ਕੇਸਾਂ ਦਾ ਪੀਕ (coronavirus peak) ਯਾਨੀ ਇਸ ਦਾ ਸਿਖਰ ਜੂਨ ਅਤੇ ਜੁਲਾਈ ਵਿੱਚ ਆਵੇਗਾ। ਇਸ ਸਵਾਲ ਦੇ ਜਵਾਬ ‘ਤੇ ਕਿ ਲੌਕਡਾਊਨ ਹੋਣ ਨਾਲ ਕੀ ਫਾਇਦਾ ਹੋਇਆ, ਉਨ੍ਹਾਂ ਨੇ ਕਿਹਾ ਕਿ ਲੌਕਡਾਊਨ ਦੌਰਾਨ ਦੁਨੀਆ ਦੇ ਹੋਰਨਾਂ ਦੇਸ਼ਾਂ ‘ਚ ਜੋ ਮਾਮਲਿਆਂ ਵਿਚ ਵਾਧਾ ਹੋਇਆ ਹੈ, ਉਹ ਸਾਡੇ ਦੇਸ਼ ਵਿਚ ਨਹੀਂ ਵਧੇ। ਇਸ ਤੋਂ ਇਲਾਵਾ ਦੂਜੇ ਹੋਰ ਫਾਈਦੇ ਗਿਣਦਿਆਂ ਉਨ੍ਹਾਂ ਨੇ ਕਿਹਾ, “ਲੌਕਡਾਊਨ ਨੇ ਸਾਨੂੰ ਸਮਾਂ ਮਿਲਿਆ ਕਿ ਅਸੀਂ ਕਈ ਸਾਰੀਆਂ ਚੀਜ਼ਾਂ ਕਰ ਪਾਏ। ਚਾਹੇ ਇਹ ਬੁਨਿਆਦੀ ਢਾਂਚਾ ਵਿਕਸਤ ਕਰਨਾ ਹੈ, ਇੱਕ ਕੋਵਿਡ ਕੇਅਰ ਹਸਪਤਾਲ ਬਣਾਉਣਾ ਹੈ, ਇੱਕ ਕੋਵਿਡ ਕੇਅਰ ਸਹੂਲਤ ਦਾ ਨਿਰਮਾਣ ਕਰਨਾ, ਇੱਕ ਕੋਵਿਡ ਆਈਸੀਯੂ ਹੋਵੇ ਜਾਂ ਸਿਖਲਾਈ ਬਾਰੇ ਗੱਲ ਕਰਨਾ ਹੋ। ਪਹਿਲਾਂ ਅਸੀਂ ਹਰ ਰੋਜ਼ ਹਜ਼ਾਰ ਦੋ ਹਜ਼ਾਰ ਟੈਸਟ ਕਰ ਰਹੇ ਸੀ ਹੁਣ ਅਸੀਂ 80-90 ਹਜ਼ਾਰ ਟੈਸਟ ਕਰ ਰਹੇ ਹਾਂ ਇਸ ਦੌਰਾਨ ਸਾਨੂੰ ਸਿਹਤ ਸੇਵਾਵਾਂ ਵਿਚ ਸੁਧਾਰ ਕਰਨ ਦੀ ਜ਼ਰੂਰਤ ਹੈ ਸਮਾਂ ਮਿਲਿਆ।" ਦੇਸ਼ ‘ਚ ਕੋਰੋਨਾਵਾਇਰਸ ਦਾ ਸਿਖਰ ਕਦੋਂ ਆਵੇਗਾ? ਉਨ੍ਹਾਂ ਕਿਹਾ ਕਿ ਭਾਰਤੀ ਅਤੇ ਅੰਤਰਰਾਸ਼ਟਰੀ ਮਾਹਰ ਇਸ ਦੇ ਅੰਕੜਿਆਂ ਦਾ ਵਿਸ਼ਲੇਸ਼ਣ ਕਰ ਰਹੇ ਹਨ। ਬਹੁਤਿਆ ਦਾ ਮੰਨਣਾ ਹੈ ਕਿ ਇਸਦਾ ਸਿਖਰ ਜੂਨ-ਜੁਲਾਈ ਵਿੱਚ ਆ ਸਕਦਾ ਹੈ। ਕੁਝ ਲੋਕ ਇਹ ਕਹਿ ਰਹੇ ਹਨ ਕਿ ਅਗਸਤ ਤੋਂ ਪਹਿਲਾਂ ਅਤੇ ਇਸ ਤੋਂ ਪਹਿਲਾਂ ਵੀ, ਪਰ ਉਮੀਦ ਕੀਤੀ ਜਾ ਰਹੀ ਹੈ ਕਿ ਜੂਨ-ਜੁਲਾਈ ‘ਚ ਇਸਦਾ ਸਿਖਰ ਆਵੇਗਾ। ਦੇਸ਼ ਵਿਚ ਕੋਰੋਨਾ ਕੇਸ ਵਧਣ ‘ਤੇ ਉਨ੍ਹਾਂ ਨੇ ਕਿਹਾ ਕਿ ਟੈਸਟ ਅਤੇ ਪੌਜ਼ੇਟਿਵ ਦਾ ਰੈਸ਼ੋ ਅਜੇ ਵੀ ਉਨਾ ਹੀ ਹੈ ਜਿੰਨਾ ਪਹਿਲਾਂ ਸੀ। ਉਨ੍ਹਾਂ ਇਹ ਵੀ ਕਿਹਾ ਕਿ ਜੇਕਰ ਲੌਕਡਾਊਨ ਦੇ ਨਿਯਮਾਂ ਦੀ ਸਹੀ ਪਾਲਣਾ ਕੀਤੀ ਜਾਂਦੀ ਹੈ ਤਾਂ ਕੇਸ ਦਾ ਗ੍ਰਾਫ ਘੱਟ ਕੀਤਾ ਜਾ ਸਕਦਾ ਹੈ।

" ਕੋਰੋਨਾ ਦੇ ਕੇਸ ਜ਼ੀਰੋ ਕਦੋਂ ਆਉਣਗੇ? ਇਹ ਇੱਕ ਲੰਬੀ ਲੜਾਈ ਹੈ। ਅਜਿਹਾ ਨਹੀਂ ਹੈ ਕਿ ਜਦੋਂ ਕੋਰੋਨਾ ਪੀਕ ‘ਤੇ ਆ ਕੇ ਚਲਾ ਜਾਏਗਾ ਤਾਂ ਕੋਰੋਨਾ ਖ਼ਤਮ ਹੋ ਜਾਏਗਾ। ਸਾਡਾ ਜ਼ਿੰਦਗੀ ਜਿਓਣ ਦਾ ਢੰਗ ਲੰਬੇ ਸਮੇਂ ਲਈ ਬਦਲ ਜਾਵੇਗਾ। "

-ਡਾ. ਰਣਦੀਪ ਗੁਲੇਰੀਆ, ਏਮਜ਼