CBSE Board Result 2021: ਇੰਝ ਜਾਣੋ 10ਵੀਂ-12ਵੀਂ ਦੇ ਨਤੀਜੇ, ਬਿਨਾ ਰੋਲ ਨੰਬਰ ਕਰੋ ਰਿਜ਼ਲਟ ਚੈੱਕ

ਭਾਵੇਂ ਇਹ ਵੀ ਕਿਹਾ ਜਾ ਰਿਹਾ ਹੈ ਕਿ ਸੀਬੀਐਸਈ ਦਾ 10ਵੀਂ ਜਮਾਤ ਦਾ ਨਤੀਜਾ 20 ਜੁਲਾਈ ਨੂੰ ਜਾਰੀ ਕੀਤਾ ਜਾਵੇਗਾ, ਪਰ ਸੰਭਾਵਨਾ ਹੈ ਕਿ ਨਤੀਜੇ ਐਲਾਨਣ ਵਿਚ ਦੇਰੀ ਹੋ ਸਕਦੀ ਹੈ।

ਨਵੀਂ ਦਿੱਲੀ: ਕੇਂਦਰੀ ਸੈਕੰਡਰੀ ਸਿੱਖਿਆ ਬੋਰਡ (ਸੀਬੀਐਸਈ) ਛੇਤੀ ਹੀ 10ਵੀਂ ਕਲਾਸ ਦਾ ਨਤੀਜਾ ਐਲਾਨੇਗਾ। ਭਾਵੇਂ ਇਹ ਵੀ ਕਿਹਾ ਜਾ ਰਿਹਾ ਹੈ ਕਿ ਸੀਬੀਐਸਈ ਦਾ 10ਵੀਂ ਜਮਾਤ ਦਾ ਨਤੀਜਾ 20 ਜੁਲਾਈ ਨੂੰ ਜਾਰੀ ਕੀਤਾ ਜਾਵੇਗਾ, ਪਰ ਸੰਭਾਵਨਾ ਹੈ ਕਿ ਨਤੀਜੇ ਐਲਾਨਣ ਵਿਚ ਦੇਰੀ ਹੋ ਸਕਦੀ ਹੈ। ਇਸ ਸਮੇਂ ਸੀਬੀਐਸਈ 10ਵੀਂ ਕਲਾਸ ਦੇ ਵਿਦਿਆਰਥੀ ਇਕ ਗੱਲ ਬਾਰੇ ਚਿੰਤਤ ਹਨ ਕਿ ਸੀਬੀਐਸਈ ਦੀ ਅਧਿਕਾਰਤ ਵੈੱਬਸਾਈਟ cbseresults.nic.in ‘ਤੇ ਬਿਨਾਂ ਰੋਲ ਨੰਬਰ ਦੇ 10ਵੀਂ ਦੇ ਨਤੀਜੇ 2021 ਦੀ ਕਿਵੇਂ ਜਾਂਚ ਕੀਤੀ ਜਾਏ।

 

ਇਸ ਸਾਲ ਰੱਦ ਕੀਤੀ ਗਈ ਸੀ ਸੀਬੀਐਸਈ ਦੀ 10ਵੀਂ ਦੀ ਪ੍ਰੀਖਿਆ

ਦਰਅਸਲ ਸੀਬੀਐਸਈ ਬੋਰਡ ਪ੍ਰੀਖਿਆ ਦੇ ਨਤੀਜੇ ਔਲਾਈਨ ਜਾਰੀ ਕਰਦਾ ਹੈ ਤੇ ਵਿਦਿਆਰਥੀ ਦਾਖਲਾ ਕਾਰਡ 'ਤੇ ਦਿੱਤੇ ਗਏ ਰੋਲ ਨੰਬਰ ਅਤੇ ਹੋਰ ਵੇਰਵਿਆਂ ਦੀ ਵਰਤੋਂ ਕਰਕੇ ਆਪਣੀਆਂ ਮਾਰਕਸ਼ੀਟਾਂ ਨੂੰ ਪ੍ਰਾਪਤ ਕਰਨ ਦੇ ਯੋਗ ਹੁੰਦੇ ਹਨ। ਬਾਰ੍ਹਵੀਂ ਕਲਾਸ ਦੇ ਵਿਦਿਆਰਥੀਆਂ ਦਾ ਵੀ ਇਹੀ ਹਾਲ ਹੈ। ਹੁਣ, ਸਕੂਲ ਸੀਬੀਐਸਈ ਤੋਂ ਨਿਰਦੇਸ਼ਾਂ ਦਾ ਇੰਤਜ਼ਾਰ ਕਰ ਰਹੇ ਹਨ ਕਿ ਕਿਸ ਤਰ੍ਹਾਂ ਸੀਬੀਐਸਈ ਕਲਾਸ 10 ਬੋਰਡ ਦੀ ਪ੍ਰੀਖਿਆ 2021 ਦਾ ਨਤੀਜਾ ਬਿਨਾਂ ਰੋਲ ਨੰਬਰ ਤੋਂ ਪ੍ਰਾਪਤ ਕੀਤਾ ਜਾ ਸਕੇ।

 

ਕਿੱਥੋਂ ਲੈਣਾ ਸੀਬੀਐਸਈ ਕਲਾਸ 10 ਰੋਲ ਨੰਬਰ

ਇਹ ਵਰਣਨਯੋਗ ਹੈ ਕਿ ਸਕੂਲਾਂ ਵਿੱਚ ਉਨ੍ਹਾਂ ਵਿਦਿਆਰਥੀਆਂ ਦੇ ਰੋਲ ਨੰਬਰ ਹਨ ਜਿਨ੍ਹਾਂ ਨੇ ਸੀਬੀਐਸਈ ਕਲਾਸ 10 ਬੋਰਡ ਦੀ ਪ੍ਰੀਖਿਆ 2021 ਲਈ ਰਜਿਸਟ੍ਰੇਸ਼ਨ ਕੀਤੀ ਸੀ। ਰੋਲ ਨੰਬਰ ਸੀਬੀਐਸਈ ਦੁਆਰਾ ਸਕੂਲਾਂ ਨਾਲ ਸਾਂਝੇ ਕੀਤੇ ਜਾਂਦੇ ਹਨ ਜਦੋਂ ਬੋਰਡ ਅੰਦਰੂਨੀ ਮੁਲਾਂਕਣ ਤੋਂ ਪਹਿਲਾਂ ਸਕੂਲਾਂ ਨਾਲ ਐਲਓਸੀ ਸਾਂਝਾ ਕਰਦਾ ਹੈ। ਵਿਦਿਆਰਥੀ ਆਪਣੇ ਰੋਲ ਨੰਬਰ ਆਪਣੇ ਆਪਣੇ ਸਕੂਲ ਤੋਂ ਪ੍ਰਾਪਤ ਕਰ ਸਕਦੇ ਹਨ।

 

ਸੀਬੀਐਸਈ ਕਲਾਸ 10 ਦਾ ਨਤੀਜਾ ਇੰਝ ਚੈੱਕ ਕਰੋ ਬਿਨਾਂ ਰੋਲ ਨੰਬਰ ਦੇ

ਸੀਬੀਐਸਈ ਦੁਆਰਾ ਅਧਿਕਾਰਤ ਵੈੱਬਸਾਈਟ cbseresults.nic.in ਤੇ ਔਨਲਾਈਨ ਰਿਲੀਜ਼ ਜਾਰੀ ਕਰਨ ਦੇ ਨਾਲ, ਵਿਦਿਆਰਥੀਆਂ ਦੀ ਮਾਰਕਸ਼ੀਟ ਵੀ ਡਿਜੀਲੋਕਰ 'ਤੇ ਸਾਂਝੀ ਕੀਤੀ ਗਈ ਹੈ। ਡਿਜੀਲੋਕਰ ਐਪ ਨੂੰ ਵਰਤਣ ਲਈ ਵਿਦਿਆਰਥੀਆਂ ਨੂੰ ਸੀਬੀਐਸਈ ਰੋਲ ਨੰਬਰ ਦੀ ਜ਼ਰੂਰਤ ਨਹੀਂ। ਦਰਅਸਲ ਵਿਦਿਆਰਥੀ ਆਪਣੇ ਅਧਾਰ ਕਾਰਡ ਨੰਬਰ ਤੇ ਮੋਬਾਈਲ ਨੰਬਰ ਦੀ ਵਰਤੋਂ ਕਰਕੇ ਨਤੀਜਾ ਔਨਲਾਈਨ ਚੈੱਕ ਕਰ ਸਕਦੇ ਹਨ।