CBSE Board 12th Result : ਕੀ ਅੱਜ ਜਾਰੀ ਹੋਵੇਗਾ 12ਵੀਂ ਜਮਾਤ ਦਾ ਰਿਜ਼ਲਟ ? ਕਿਵੇਂ ਚੈੱਕ ਕਰ ਸਕਦੇ ਹੋ ਨਤੀਜਾ
CBSE Board 12th Result : ਕੇਂਦਰੀ ਮਾਧਿਮਕ ਸਿੱਖਿਆ ਬੋਰਡ (CBSE) ਜਲਦੀ ਹੀ 12ਵੀਂ ਜਮਾਤ ਦੀ ਬੋਰਡ ਪ੍ਰੀਖਿਆ 2026 ਦਾ ਨਤੀਜਾ ਐਲਾਨਣ ਵਾਲਾ ਹੈ। ਇਹ ਨਤੀਜਾ ਵਿਦਿਆਰਥੀਆਂ ਲਈ ਬਹੁਤ ਮਹੱਤਵਪੂਰਨ ਹੈ
CBSE Board 12th Result : ਕੇਂਦਰੀ ਮਾਧਿਮਕ ਸਿੱਖਿਆ ਬੋਰਡ (CBSE) ਜਲਦੀ ਹੀ 12ਵੀਂ ਜਮਾਤ ਦੀ ਬੋਰਡ ਪ੍ਰੀਖਿਆ 2026 ਦਾ ਨਤੀਜਾ ਐਲਾਨਣ ਵਾਲਾ ਹੈ। ਇਹ ਨਤੀਜਾ ਵਿਦਿਆਰਥੀਆਂ ਲਈ ਬਹੁਤ ਮਹੱਤਵਪੂਰਨ ਹੈ ਕਿਉਂਕਿ ਇਹ ਉਨ੍ਹਾਂ ਦੀ ਅਗਲੀ ਪੜ੍ਹਾਈ ਅਤੇ ਕਰੀਅਰ ਦਾ ਰਾਹ ਤੈਅ ਕਰਦਾ ਹੈ। ਡਿਜੀਲੌਕਰ ਪੋਰਟਲ 'ਤੇ ਹਾਲ ਹੀ ਵਿੱਚ ਇੱਕ ਅਪਡੇਟ ਆਇਆ ਹੈ, ਜਿਸ ਵਿੱਚ 'Coming Soon' ਲਿਖਿਆ ਦਿਖਾਈ ਦੇ ਰਿਹਾ ਹੈ। ਇਸਦਾ ਮਤਲਬ ਹੈ ਕਿ CBSE ਨਤੀਜੇ ਜਾਰੀ ਕਰਨ ਦੀ ਪ੍ਰਕਿਰਿਆ ਸ਼ੁਰੂ ਹੋ ਚੁੱਕੀ ਹੈ।
ਕੀ ਅੱਜ ਜਾਰੀ ਹੋਵੇਗਾ ਨਤੀਜਾ?
ਕਈ ਰਿਪੋਰਟਾਂ ਵਿੱਚ ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਨਤੀਜੇ ਅੱਜ ਸ਼ਾਮ 4-5 ਵਜੇ ਤੱਕ ਆ ਸਕਦੇ ਹਨ ਪਰ ਬੋਰਡ ਦੇ ਮਾਹਿਰਾਂ ਅਤੇ ਪ੍ਰੀਖਿਅਕਾਂ (Examiners) ਅਨੁਸਾਰ ਕੁਝ ਕਾਪੀਆਂ ਦੀ ਮੁੜ-ਜਾਂਚ (Re-scan) ਦਾ ਕੰਮ ਅਜੇ ਜਾਰੀ ਹੈ। ਤਕਨੀਕੀ ਖਾਮੀਆਂ ਕਾਰਨ ਇਸ ਕੰਮ ਵਿੱਚ ਥੋੜ੍ਹੀ ਦੇਰੀ ਹੋ ਰਹੀ ਹੈ।
ਇਸ ਦਿਨ ਜਾਰੀ ਹੋ ਸਕਦਾ ਹੈ ਨਤੀਜਾ
2017 ਅਤੇ 2018 ਤੋਂ ਬਾਅਦ CBSE ਦੇ ਨਤੀਜੇ ਸ਼ਨੀਵਾਰ ਜਾਂ ਐਤਵਾਰ ਨੂੰ ਨਹੀਂ ਆਏ ਹਨ। ਇਸ ਲਈ ਅੱਜ ਨਤੀਜੇ ਆਉਣ ਦੀ ਸੰਭਾਵਨਾ ਘੱਟ ਹੈ। ਪਿਛਲੇ ਸਾਲਾਂ ਦੇ ਰੁਝਾਨਾਂ ਨੂੰ ਦੇਖਦੇ ਹੋਏ ਅੰਦਾਜ਼ਾ ਲਗਾਇਆ ਜਾ ਰਿਹਾ ਹੈ ਕਿ ਰਿਜ਼ਲਟ 12 ਜਾਂ 13 ਮਈ 2026 ਨੂੰ ਆ ਸਕਦਾ ਹੈ। ਹਾਲਾਂਕਿ, ਬੋਰਡ ਨੇ ਅਜੇ ਤੱਕ ਕੋਈ ਅਧਿਕਾਰਤ ਤਾਰੀਖ਼ ਨਹੀਂ ਦੱਸੀ ਹੈ।
ਨਤੀਜਾ ਕਿੱਥੇ ਦੇਖਿਆ ਜਾ ਸਕਦਾ ਹੈ?
ਵੈੱਬਸਾਈਟ: cbse.gov.in, results.cbse.nic.in ਅਤੇ results.cbse.gov.in
ਡਿਜੀਲੌਕਰ (DigiLocker): ਇੱਥੇ ਨਤੀਜੇ ਦੇ ਨਾਲ ਮਾਰਕਸ਼ੀਟ ਦੀ ਡਿਜੀਟਲ ਕਾਪੀ ਵੀ ਮਿਲੇਗੀ।
UMANG ਐਪ: ਇਸ ਰਾਹੀਂ ਵੀ ਨਤੀਜਾ ਚੈੱਕ ਕੀਤਾ ਜਾ ਸਕਦਾ ਹੈ।
ਨਤੀਜਾ ਚੈੱਕ ਕਰਨ ਦਾ ਤਰੀਕਾ :
ਬੋਰਡ ਦੀ ਅਧਿਕਾਰਤ ਵੈੱਬਸਾਈਟ 'ਤੇ ਜਾਓ।
CBSE 12th Result 2026 ਲਿੰਕ 'ਤੇ ਕਲਿੱਕ ਕਰੋ।
ਆਪਣਾ ਰੋਲ ਨੰਬਰ, ਸਕੂਲ ਨੰਬਰ ਅਤੇ ਐਡਮਿਟ ਕਾਰਡ ਆਈਡੀ (ID) ਦਰਜ ਕਰੋ।
ਸਬਮਿਟ ਕਰਦੇ ਹੀ ਨਤੀਜਾ ਸਕ੍ਰੀਨ 'ਤੇ ਦਿਖਾਈ ਦੇਵੇਗਾ।
ਡਿਜੀਲੌਕਰ 'ਤੇ ਨਤੀਜਾ ਕਿਵੇਂ ਦੇਖੀਏ?
results.digilocker.gov.in 'ਤੇ ਜਾਓ।
ਆਪਣੇ ਰਜਿਸਟਰਡ ਮੋਬਾਈਲ ਨੰਬਰ ਜਾਂ ਸਰਕਾਰੀ ਪਛਾਣ ਪੱਤਰ (ਜਿਵੇਂ ਕਿ ਅਧਾਰ ਕਾਰਡ) ਨਾਲ ਜੁੜੇ ਵੇਰਵਿਆਂ ਰਾਹੀਂ ਲੋਗਿਨ ਕਰੋ।
ਰੋਲ ਨੰਬਰ ਅਤੇ ਹੋਰ ਜਾਣਕਾਰੀ ਭਰ ਕੇ ਆਪਣਾ ਡਿਜੀਟਲ ਨਤੀਜਾ ਡਾਊਨਲੋਡ ਕਰੋ।
ਜੇਕਰ ਵਿਦਿਆਰਥੀ ਫੇਲ੍ਹ ਹੋ ਜਾਵੇ ਤਾਂ ਕੀ ਕਰੀਏ?
ਪਾਸ ਹੋਣ ਲਈ ਥਿਊਰੀ ਅਤੇ ਪ੍ਰੈਕਟੀਕਲ ਦੋਵਾਂ ਵਿੱਚ ਘੱਟੋ-ਘੱਟ 33 ਫੀਸਦੀ ਅੰਕ ਚਾਹੀਦੇ ਹਨ। ਜੇਕਰ ਕੋਈ ਵਿਦਿਆਰਥੀ ਫੇਲ੍ਹ ਹੋ ਜਾਂਦਾ ਹੈ ਤਾਂ ਘਬਰਾਉਣ ਦੀ ਲੋੜ ਨਹੀਂ ਹੈ। ਬੋਰਡ ਵੱਲੋਂ ਕੰਪਾਰਟਮੈਂਟ ਪ੍ਰੀਖਿਆ (ਜੁਲਾਈ ਵਿੱਚ) ਅਤੇ ਇੰਪਰੂਵਮੈਂਟ ਪ੍ਰੀਖਿਆ ਦੇ ਵਿਕਲਪ ਦਿੱਤੇ ਜਾਂਦੇ ਹਨ ਤਾਂ ਜੋ ਵਿਦਿਆਰਥੀ ਆਪਣੇ ਅੰਕ ਸੁਧਾਰ ਸਕਣ।
Education Loan Information:
Calculate Education Loan EMI
Before You Go
ਪੰਜਾਬ ਬੰਦ ਦਾ ਵੱਡਾ ਅਸਰ! ਹੁਸ਼ਿਆਰਪੁਰ 'ਚ 9 ਤੋਂ 5 ਵਜੇ ਤੱਕ ਸਭ ਕੁਝ ਬੰਦ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
