Job in india: ਤੁਸੀਂ ਦੇਸ਼-ਵਿਦੇਸ਼ 'ਚ ਨੌਕਰੀ ਕਰਨਾ ਚਾਹੁੰਦੇ ਹੋ ਤਾਂ 12ਵੀਂ ਤੋਂ ਬਾਅਦ ਹੋਟਲ ਮੈਨੇਜਮੈਂਟ ਦਾ ਵਧੀਆ ਕੋਰਸ ਹੋ ਸਕਦਾ ਹੈ। ਹੋਟਲ ਉਦਯੋਗ ਨਾਲ ਸਬੰਧਤ ਕਿਸੇ ਵੀ ਪ੍ਰਬੰਧਨ ਨੂੰ ਹੋਟਲ ਮੈਨੇਜਮੈਂਟ (Hotel Management) ਕਿਹਾ ਜਾਂਦਾ ਹੈ। ਦੂਜੇ ਸ਼ਬਦਾਂ ਵਿੱਚ ਜੇਕਰ ਅਸੀਂ ਇਸ ਨੂੰ ਸਮਝੀਏ ਤਾਂ ਹੋਟਲ, ਰੈਸਟੋਰੈਂਟ ਦੀ ਸਰਵਿਸ, ਉਤਪਾਦ ਤੇ ਬਿਜਨੈਸ ਨੂੰ ਸਹੀ ਢੰਗ ਨਾਲ ਚਲਾਉਣ ਦੀ ਕਲਾ ਹੈ। ਹੋਟਲ ਪ੍ਰਬੰਧਨ ਯਾਨੀ ਹੋਟਲ ਮੈਨੇਜਮੈਂਟ (HM) ਅੰਦਰ ਅਜਿਹੀਆਂ ਕਈ ਕਲਾਵਾਂ ਸਿਖਾਈਆਂ ਜਾਂਦੀਆਂ ਹਨ, ਜੋ ਨਾ ਸਿਰਫ਼ ਤੁਹਾਡੀ ਸ਼ਖ਼ਸੀਅਤ ਦਾ ਵਿਕਾਸ ਕਰਦੀਆਂ ਹਨ ਸਗੋਂ ਗਾਹਕ ਨਾਲ ਚੰਗੀ ਤਰ੍ਹਾਂ ਗੱਲਬਾਤ ਕਰਨ ਦੀ ਕਲਾ ਵੀ ਸਿਖਾਉਂਦੀਆਂ ਹਨ।
ਹੋਟਲ ਮੈਨੇਜਮੈਂਟ ਕੋਰਸ ਲਈ ਯੋਗਤਾ
ਹੋਟਲ ਮੈਨੇਜਮੈਂਟ ਇੱਕ ਪੇਸ਼ੇਵਰ ਕੋਰਸ ਹੈ। ਇਸ ਵਿੱਚ ਬੈਚਲਰ ਦੀ ਡਿਗਰੀ ਹਾਸਲ ਕਰਨ ਲਈ 55 ਫੀਸਦੀ ਅੰਕਾਂ ਨਾਲ 12ਵੀਂ ਜਮਾਤ ਪਾਸ ਕਰਨੀ ਜ਼ਰੂਰੀ ਹੈ। ਮਾਸਟਰ ਡਿਗਰੀ ਹਾਸਲ ਕਰਨ ਲਈ ਗ੍ਰੈਜੂਏਟ ਹੋਣਾ ਜ਼ਰੂਰੀ ਹੈ। ਕੁਝ ਸੰਸਥਾਵਾਂ ਦਾਖਲਾ ਪ੍ਰੀਖਿਆ ਲੈਂਦੀਆਂ ਹਨ ਜੋ ਦੇਣਾ ਲਾਜ਼ਮੀ ਹੈ।
ਜਿਹੜੇ ਵਿਦਿਆਰਥੀ 12ਵੀਂ ਪਾਸ ਕਰਨ ਤੋਂ ਬਾਅਦ ਹੋਟਲ ਮੈਨੇਜਮੈਂਟ ਕੋਰਸ ਕਰਨਾ ਚਾਹੁੰਦੇ ਹਨ, ਉਹ UG ਲੈਵਲ ਦਾ ਕੋਰਸ ਕਰਨ ਦੇ ਯੋਗ ਹਨ ਤੇ ਜਿਹੜੇ ਵਿਦਿਆਰਥੀ ਗ੍ਰੈਜੂਏਸ਼ਨ ਪੂਰੀ ਕਰਨ ਤੋਂ ਬਾਅਦ ਹੋਟਲ ਮੈਨੇਜਮੈਂਟ ਨਾਲ ਸਬੰਧਤ ਕੋਰਸ ਕਰਨਾ ਚਾਹੁੰਦੇ ਹਨ, ਉਹ ਪੀਜੀ ਪੱਧਰ ਦਾ ਕੋਰਸ ਕਰਦੇ ਹਨ। ਹੋਟਲ ਮੈਨੇਜਮੈਂਟ ਦਾ ਇੱਕ ਡਿਪਲੋਮਾ ਕੋਰਸ ਵੀ ਹੈ ਜੋ 1, 2 ਜਾਂ 3 ਸਾਲਾਂ ਦਾ ਹੈ।
ਕੋਰਸ ਪੂਰਾ ਹੋਣ ਤੋਂ ਬਾਅਦ ਇਨ੍ਹਾਂ ਖੇਤਰਾਂ ਵਿੱਚ ਨੌਕਰੀਆਂ ਉਪਲਬਧ ਹੋਣਗੀਆਂ
ਹੋਟਲ ਦੇ ਮੈਨੇਜਰ
ਰਸੋਈ ਮੈਨੇਜਰ
ਇਵੈਂਟ ਮੈਨੇਜਰ
ਫਰੰਟ ਆਫਿਸ ਮੈਨੇਜਰ
ਬੈਂਕਿਊਟ ਮੈਨੇਜਰ
ਸ਼ੈੱਫ
ਡਾਇਰੈਕਟਰ ਆਫ ਹੋਟਲ ਆਪ੍ਰੇਸ਼ਨ
ਫਲੋਰ ਸੁਪਰਵਾਈਜ਼ਰ
ਹਾਊਸ ਕੀਪਿੰਗ ਮੈਨੇਜਰ
ਗੈਸਟ ਸਰਵਿਸ ਸੁਪਰਵਾਈਜ਼ਰ/ਮੈਨੇਜਰ
ਵੈਡਿੰਗ ਕੋਆਰਡੀਨੇਟਰ
ਰੈਸਟੋਰੈਂਟ ਮੈਨੇਜਰ
ਫੂਡ ਸਰਵਿਸ ਮੈਨੇਜਰ
ਫੂਡ ਐਂਡ ਬੇਵਰੇਜ ਸੁਪਰਵਾਈਜ਼ਰ
ਤਨਖਾਹ ਡਿਟੇਲ ਦੀ ਜਾਂਚ ਕਰੋ
ਹੋਟਲ ਮੈਨੇਜਮੈਂਟ ਦਾ ਕੋਰਸ ਕਰਨ ਤੋਂ ਬਾਅਦ ਤੁਸੀਂ ਕਿਸੇ ਹੋਟਲ ਵਿੱਚ ਮੈਨੇਜਰ ਤੋਂ ਲੈ ਕੇ ਕਈ ਅਹੁਦਿਆਂ 'ਤੇ ਨੌਕਰੀ ਕਰ ਸਕਦੇ ਹੋ। ਸ਼ੁਰੂ ਵਿੱਚ ਤੁਹਾਡਾ ਪੈਕੇਜ 2-3 ਲੱਖ ਦਾ ਹੋ ਸਕਦਾ ਹੈ ਪਰ ਕੁਝ ਤਜਰਬੇ ਤੋਂ ਬਾਅਦ ਹੀ ਤੁਹਾਨੂੰ ਚੰਗਾ ਵਾਧਾ ਮਿਲਦਾ ਹੈ।
ਲਗਭਗ 10 ਸਾਲ ਕੰਮ ਕਰਨ ਤੋਂ ਬਾਅਦ, ਤੁਸੀਂ ਇੱਕ ਚੰਗੇ ਪੈਕੇਜ ਤੱਕ ਪਹੁੰਚ ਸਕਦੇ ਹੋ। ਜੇਕਰ ਤੁਹਾਨੂੰ ਕਿਸੇ ਫਾਈਵ ਜਾਂ ਸੈਵਨ ਸਟਾਰ ਹੋਟਲ ਵਿੱਚ ਨੌਕਰੀ ਮਿਲਦੀ ਹੈ ਤਾਂ ਤੁਹਾਡੀ ਤਨਖਾਹ ਇਸ ਤੋਂ ਕਈ ਗੁਣਾ ਵੱਧ ਹੋ ਸਕਦੀ ਹੈ। ਇਸ ਤੋਂ ਇਲਾਵਾ ਦੇਸ਼-ਵਿਦੇਸ਼ ਦੇ ਵੱਡੇ ਹੋਟਲਾਂ 'ਚ ਕੰਮ ਕਰਨ ਦਾ ਮੌਕਾ ਵੀ ਮਿਲਦਾ ਹੈ।
Education Loan Information:
Calculate Education Loan EMI