Punjab State Power Corporation Jobs: ਪੰਜਾਬ ਬਿਜਲੀ ਵਿਭਾਗ ਵਿੱਚ ਨਿਕਲੀਆਂ ਬੰਪਰ ਨੌਕਰੀਆਂ, ਜਾਣੋ ਅਰਜ਼ੀ ਦੇਣ ਦੀ ਸਾਰੀ ਜਾਣਕਾਰੀ

ਪੰਜਾਬ ਰਾਜ ਪਾਵਰ ਕਾਰਪੋਰੇਸ਼ਨ ਲਿਮਟਡ (PSPCL) ਨੇ 2632 ਅਸਾਮੀਆਂ ਲਈ ਅਰਜ਼ੀਆਂ ਮੰਗੀਆਂ ਹਨ। ਬਿਨੈ ਪੱਤਰ ਅਤੇ ਫੀਸ ਜਮ੍ਹਾ ਕਰਨ ਦੀ ਆਖ਼ਰੀ ਤਰੀਕ 28 ਜੁਲਾਈ 2021 ਹੈ।

PSPCL_Jobs

ਚੰਡੀਗੜ੍ਹ: ਪੰਜਾਬ ਸਰਕਾਰ ਦੇ ਬਿਜਲੀ ਵਿਭਾਗ ਵਿੱਚ ਵੱਡੀ ਗਿਣਤੀ ਵਿੱਚ ਨੌਕਰੀਆਂ ਸਾਹਮਣੇ ਆਈਆਂ ਹਨ। ਪੰਜਾਬ ਰਾਜ ਪਾਵਰ ਕਾਰਪੋਰੇਸ਼ਨ ਲਿਮਟਡ (PSPCL) ਨੇ 2632 ਅਸਾਮੀਆਂ ਲਈ ਅਰਜ਼ੀਆਂ ਮੰਗੀਆਂ ਹਨ। ਜੇ ਤੁਸੀਂ ਅਜੇ ਅਰਜ਼ੀ ਨਹੀਂ ਦਿੱਤੀ ਹੈ, ਤਾਂ ਜਲਦੀ ਕਰੋ।

ਪੀਐਸਪੀਸੀਐਲ ਭਰਤੀ ਲਈ ਨੋਟੀਫਿਕੇਸ਼ਨ 21 ਮਈ 2021 ਨੂੰ ਜਾਰੀ ਕੀਤਾ ਗਿਆ ਸੀ। 11 ਜੂਨ 2021 ਨੂੰ ਆਨਲਾਈਨ ਅਰਜ਼ੀਆਂ ਦੀ ਸ਼ੁਰੂਆਤ ਕੀਤੀ ਗਈ ਸੀ। ਬਿਨੈ ਪੱਤਰ ਅਤੇ ਫੀਸ ਜਮ੍ਹਾ ਕਰਨ ਦੀ ਆਖ਼ਰੀ ਤਰੀਕ 28 ਜੁਲਾਈ 2021 ਹੈ। ਨਾਲ ਹੀ ਦੱਸ ਦਈਏ ਕਿ ਆਨਲਾਈਨ ਪ੍ਰੀਖਿਆ ਦੀ ਤਰੀਕ ਜਲਦੀ ਜਾਰੀ ਕੀਤੀ ਜਾਏਗੀ।

ਕਿੰਨੀਆਂ ਆਸਾਮੀਆਂ ਦੀ ਭਰਤੀ:

ਖਾਲੀ ਅਸਾਮੀਆਂ ਦੀ ਕੁੱਲ ਗਿਣਤੀ - 2632 ਪੋਸਟ

ਕਲਰਕ - 549 ਪੋਸਟ

ਮਾਲੀਆ ਲੇਖਾਕਾਰ - 18 ਪੋਸਟ

ਜੂਨੀਅਰ ਇੰਜੀਨੀਅਰ (ਇਲੈਕਟ੍ਰੀਕਲ) - 75 ਪੋਸਟ

ਸਹਾਇਕ ਲਾਈਨਮੈਨ (ਏਐਲਐਮ) - 1700 ਪੋਸਟ

ਸਹਾਇਕ ਸਬ ਸਟੇਸ਼ਨ ਅਟੈਂਡੈਂਟ (ਏਐੱਸਐੱਸਏ) - 290 ਪੋਸਟ

ਕਿੱਥੇ ਕਰਨਾ ਹੈ ਅਪਲਾਈ:

ਪੰਜਾਬ ਬਿਜਲੀ ਵਿਭਾਗ ਦੀ ਅਧਿਕਾਰਤ ਵੈੱਬਸਾਈਟ 'ਤੇ ਜਾ ਕੇ ਆਨਲਾਈਨ ਅਰਜ਼ੀ ਦਿੱਤੀ ਜਾ ਸਕਦੀ ਹੈ।

ਅਰਜ਼ੀ ਦੇਣ ਤੋਂ ਪਹਿਲਾਂ ਸਾਰੀ ਜਾਣਕਾਰੀ ਨੂੰ ਧਿਆਨ ਨਾਲ ਪੜ੍ਹੋ:

ਆਨਲਾਈਨ ਐਪਲੀਕੇਸ਼ਨ ਲਿੰਕ

ਸੂਚਨਾ ਲਿੰਕ

ਸਿੱਖਿਆ ਯੋਗਤਾ

ਜੂਨੀਅਰ ਇੰਜੀਨੀਅਰ ਜਾਂ ਇਲੈਕਟ੍ਰੀਕਲ

ਇਲੈਕਟ੍ਰਿਕਲ ਜਾਂ ਇਲੈਕਟ੍ਰੀਕਲ ਅਤੇ ਇਲੈਕਟ੍ਰਾਨਿਕਸ ਜਾਂ ਕੰਪਿਊਟਰ ਸਾਇੰਸ ਜਾਂ ਆਈਟੀ ਇੰਜੀਨੀਅਰਿੰਗ ਵਿਚ ਨਿਯਮਤ 3 ਜਾਂ 4 ਸਾਲ ਦਾ ਡਿਪਲੋਮਾ ਘੱਟੋ ਘੱਟ 60% ਅੰਕਾਂ ਨਾਲ।

ਕਲਰਕ

ਕਿਸੇ ਵੀ ਮਾਨਤਾ ਪ੍ਰਾਪਤ ਯੂਨੀਵਰਸਿਟੀ ਤੋਂ ਕਿਸੇ ਵੀ ਅਨੁਸ਼ਾਸ਼ਨ ਵਿਚ ਗ੍ਰੈਜੂਏਸ਼ਨ। ਕੰਪਿਊਟਰ ਨੋਲਜ ਕੋਰਸ ਸਰਟੀਫਿਕੇਟ।

ਸਹਾਇਕ ਸਬ ਸਟੇਸ਼ਨ ਅਟੈਂਡੈਂਟ

ਆਈਟੀਆਈ ਘੱਟੋ ਘੱਟ 60% ਅੰਕਾਂ ਵਾਲਾ ਜਾਂ ਇਲੈਕਟ੍ਰੀਕਲ ਜਾਂ ਇਲੈਕਟ੍ਰੀਸ਼ੀਅਨ ਜਾਂ ਵਾਇਰਮੈਨ ਅਤੇ ਪੀਐਸਈਬੀ ਵਿੱਚ 2 ਸਾਲਾਂ ਦਾ ਸਿਖਲਾਈ ਦਾ ਤਜਰਬਾ ਜਾਂ ਇਲੈਕਟ੍ਰੀਕਲ ਇੰਜੀਨੀਅਰਿੰਗ / ਇਲੈਕਟ੍ਰਾਨਿਕਸ ਅਤੇ ਕਮਿਊਨੀਕੇਸ਼ਨ / ਇੰਸਟ੍ਰੂਮੈਂਟੇਸ਼ਨ ਅਤੇ ਪ੍ਰਕਿਰਿਆ ਨਿਯੰਤਰਣ ਵਿੱਚ ਪੂਰਾ ਸਮਾਂ ਨਿਯਮਤ ਡਿਪਲੋਮਾ 60% ਅੰਕਾਂ ਨਾਲ।

ਮਾਲੀਆ ਲੇਖਾਕਾਰ

ਬੀ.ਕਾਮ ਵਿਚ ਰੈਗੂਲਰ ਡਿਗਰੀ 60% ਕੁਲ ਅੰਕ ਦੇ ਨਾਲ ਜਾਂ ਐਮਕਾਮ ਵਿਚ ਨਿਯਮਤ ਡਿਗਰੀ 50% ਕੁਲ ਅੰਕ ਜਾਂ ਸੀਏ ਇੰਟਰ ਜਾਂ ਆਈਸੀਡਬਲਯੂਆਈ ਇੰਟਰ।

ਸਹਾਇਕ ਲਾਈਨਮੈਨ

ਲਾਈਨਮੈਨ ਦੀ 10ਵੀਂ ਪਾਸ ਹੋਣੀ ਚਾਹੀਦੀ ਹੈ।

ਸਾਰੀਆਂ ਅਸਾਮੀਆਂ ਲਈ ਪੰਜਾਬੀ ਭਾਸ਼ਾ ਦੀ ਯੋਗਤਾ ਲਾਜ਼ਮੀ ਹੈ। 10ਵੀਂ ਜਮਾਤ ਵਿੱਚ ਪੰਜਾਬੀ ਪਾਸ ਹੋਣਾ ਲਾਜ਼ਮੀ ਹੈ।

ਉਮਰ ਦੀ ਸੀਮਾ:

ਉਮੀਦਵਾਰਾਂ ਦੀ ਉਮਰ 18 ਸਾਲ ਤੋਂ ਘੱਟ ਨਹੀਂ ਅਤੇ 37 ਸਾਲ ਤੋਂ ਵੱਧ ਨਹੀਂ ਹੋਣੀ ਚਾਹੀਦੀ।

ਵਧੇਰੇ ਜਾਣਕਾਰੀ ਲਈ ਵੇਖੋ ਨੋਟੀਫਿਕੇਸ਼ਨ

ਭਰਤੀ ਪ੍ਰਕਿਰਿਆ

ਯੋਗਤਾ ਪੂਰੀ ਕਰਨ ਵਾਲੇ ਉਮੀਦਵਾਰਾਂ ਨੂੰ ਕਈ ਪੜਾਵਾਂ ਦੀ ਪ੍ਰੀਖਿਆ ਵਿਚ ਸ਼ਾਮਲ ਹੋਣਾ ਪਏਗਾ।

ਅੰਤਮ ਮੈਰਿਟ ਸੂਚੀ ਪ੍ਰੀਲਿਮਜ਼ ਪ੍ਰੀਖਿਆ ਅਤੇ ਮੁੱਖ ਪ੍ਰੀਖਿਆ ਦੇ ਅਧਾਰ ਤੇ ਤਿਆਰ ਕੀਤੀ ਜਾਏਗੀ।

ਅੰਤਮ ਸੂਚੀ ਤਿਆਰ ਹੋਣ ਤੋਂ ਬਾਅਦ ਉਮੀਦਵਾਰਾਂ ਨੂੰ ਦਸਤਾਵੇਜ਼ਾਂ ਦੀ ਤਸਦੀਕ ਲਈ ਬੁਲਾਇਆ ਜਾਵੇਗਾ।

ਇਹ ਵੀ ਪੜ੍ਹੋ: Tokyo Olympics Updates: ਮੈਰੀ ਕੌਮ ਅਤੇ ਮਨਪ੍ਰੀਤ ਸਿੰਘ ਉਦਘਾਟਨੀ ਸਮਾਰੋਹ 'ਚ ਨਿਭਾਉਣਗੇ ਅਹਿਮ ਭੂਮਿਕਾ, ਹੋਣਗੇ ਭਾਰਤੀ ਝੰਡਾ ਧਾਰਕ

ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:

https://play.google.com/store/apps/details?id=com.winit.starnews.hin

https://apps.apple.com/in/app/abp-live-news/id811114904