ਸੰਨੀ ਲਿਓਨੀ ਨੇ ਦਿੱਤਾ ਇੰਜਨੀਅਰ ਦਾ ਪਰਚਾ, ਮੈਰਿਟ ਸੂਚੀ 'ਚ ਆਈ ਅੱਵਲ

ਨਵੀਂ ਦਿੱਲੀ: ਬਿਹਾਰ ਵਿੱਚ ਸੰਨੀ ਲਿਓਨੀ (Sunny Leone) ਜੂਨੀਅਰ ਇੰਜਨੀਅਰ ਦੀ ਪ੍ਰੀਖਿਆ ਵਿੱਚ ਟੌਪ ਕੀਤਾ ਹੈ ਪਰ ਇਹ ਉਹ ਸੰਨੀ ਲਿਓਨੀ ਨਹੀਂ ਹੈ ਜੋ ਫ਼ਿਲਮਾਂ ਵਿੱਚ ਆਉਂਦੀ ਹੈ। ਪ੍ਰੀਖਿਆ ਵਿੱਚ ਬੈਠੀ ਸੰਨੀ ਲਿਓਨੀ ਹਾਲੇ 27 ਸਾਲ ਹੈ ਤੇ ਉਸ ਦਾ ਉਮੀਦਵਾਰ ਨੰਬਰ JEC/0031211 ਲਿਖਿਆ ਗਇਆ ਹੈ। ਸੰਨੀ ਲਿਓਨੀ ਦਾ ਨਾਂ ਕੁੱਲ 214 ਪੋਸਟਾਂ ਲਈ ਖੁੱਲ੍ਹੀ ਭਰਤੀ ਵਿੱਚੋਂ ਸਭ ਤੋਂ ਪਹਿਲੇ ਸਥਾਨ 'ਤੇ ਦਰਜ ਹੈ। ਦਰਅਸਲ, ਜਨਤਕ ਸਿਹਤ ਇੰਜਨੀਅਰਿੰਗ ਵਿਭਾਗ ਵਿੱਚ ਜੂਨੀਅਰ ਇੰਜਨੀਅਰਿੰਗ ਦੇ ਅਹੁਦੇ ਲਈ ਭਰਤੀ ਕੀਤੀ ਜਾ ਰਹੀ ਹੈ। ਇਸ ਪੋਸਟ ਲਈ ਲਏ ਗਏ ਲਿਖਤੀ ਪਰਚੇ ਵਿੱਚ ਪਹਿਲਾ ਸਥਾਨ ਹਾਸਲ ਕਰਨ ਵਾਲੀ ਉਮੀਦਵਾਰ ਸੰਨੀ ਲਿਓਨੀ ਹੈ। ਉਸ ਦੇ ਪਿਤਾ ਦਾ ਨਾਂ ਲਿਓਨਾ ਲਿਓਨੀ ਲਿਖਿਆ ਗਿਆ ਹੈ। ਅਧਿਕਾਰਤ ਵੈੱਬਸਾਈਟ ਵੱਲੋਂ ਜਾਰੀ ਮੈਰਿਟ ਲਿਸਟ ਮੁਤਾਬਕ ਪਹਿਲਾ ਥਾਂ ਹਾਸਲ ਕਰਨ ਵਾਲੀ ਸੰਨੀ ਲਿਓਨੀ ਨੇ 98.50 ਫ਼ੀਸਦ ਅੰਕ ਹਾਸਲ ਕੀਤੇ ਹਨ। ਸਕੋਰ ਕਾਰਡ ਮੁਤਾਬਕ ਸੰਨੀ ਲਿਓਨੀ ਨੇ 73.50 ਅੰਕ ਵਿੱਦਿਅਕ ਯੋਗਤਾ ਤੇ 25.00 ਅੰਕ ਤਜ਼ਰਬੇ ਦੇ ਹਾਸਲ ਹੋਏ ਹਨ।