ਪੰਜਾਬ 'ਚ ਸ਼ਰਾਬ ਦੇ ਠੇਕਿਆਂ 'ਤੇ ਪਿਆ ਰੌਲਾ, ਸਿੰਡੀਕੇਟ ਦਾ ਸਰਕਾਰ ਨੂੰ ਝਟਕਾ

ਇੱਕ ਪਾਸੇ ਸੂਬਾ ਸਰਕਾਰ ਸ਼ਰਾਬ ਦੇ ਠੇਕੇ ਖੋਲ੍ਹਣ ਦੀ ਤਿਆਰੀ ਕਰ ਰਹੀ ਹੈ। ਦੂਜੇ ਪਾਸੇ ਸਿੰਡੀਕੇਟ ਸੂਬਾ ਸਰਕਾਰ ਨੂੰ ਝਟਕਾ ਦੇਣ ਦੀ ਤਿਆਰੀ 'ਚ ਹੈ। ਸਿੰਡੀਕੇਟ ਦਾ ਕਹਿਣਾ ਹੈ ਕਿ ਜੇ ਸਰਕਾਰ 4 ਘੰਟੇ ਠੇਕੇ ਖੋਲ੍ਹਣ ਦੀ ਆਗਿਆ ਦਿੰਦੀ ਹੈ ਤਾਂ ਲਾਇਸੈਂਸ ਫੀਸ ਵੀ ਉਸ ਅਨੁਸਾਰ ਹੀ ਵਸੂਲ ਕੀਤੀ ਜਾਣੀ ਚਾਹੀਦੀ ਹੈ।

ਚੰਡੀਗੜ੍ਹ: ਇੱਕ ਪਾਸੇ ਸੂਬਾ ਸਰਕਾਰ ਸ਼ਰਾਬ ਦੇ ਠੇਕੇ ਖੋਲ੍ਹਣ ਦੀ ਤਿਆਰੀ ਕਰ ਰਹੀ ਹੈ। ਦੂਜੇ ਪਾਸੇ ਸਿੰਡੀਕੇਟ ਸੂਬਾ ਸਰਕਾਰ ਨੂੰ ਝਟਕਾ ਦੇਣ ਦੀ ਤਿਆਰੀ 'ਚ ਹੈ। ਸਿੰਡੀਕੇਟ ਦਾ ਕਹਿਣਾ ਹੈ ਕਿ ਜੇ ਸਰਕਾਰ 4 ਘੰਟੇ ਠੇਕੇ ਖੋਲ੍ਹਣ ਦੀ ਆਗਿਆ ਦਿੰਦੀ ਹੈ ਤਾਂ ਲਾਇਸੈਂਸ ਫੀਸ ਵੀ ਉਸ ਅਨੁਸਾਰ ਹੀ ਵਸੂਲ ਕੀਤੀ ਜਾਣੀ ਚਾਹੀਦੀ ਹੈ। ਸ਼ਰਾਬ ਦੇ ਠੇਕੇਦਾਰਾਂ ਦੇ ਸਿੰਡੀਕੇਟ ਨੇ ਸਰਕਾਰ ਨੂੰ ਹਰ ਮਹੀਨੇ ਅਦਾ ਕੀਤੀ ਜਾਂਦੀ ਫੀਸ ਦਾ ਮੁੱਦਾ ਬਣਾ ਕੇ ਠੇਕੇ ਖੋਲ੍ਹਣ ਤੋਂ ਇਨਕਾਰ ਕਰ ਦਿੱਤਾ ਹੈ।

ਸਿੰਡੀਕੇਟ ਦੇ ਮੈਂਬਰਾਂ ਨੇ ਮੰਗਲਵਾਰ ਨੂੰ ਇਸ ਵਿਸ਼ੇ 'ਤੇ ਮੀਟਿੰਗ ਵੀ ਸੱਦੀ, ਜਿਸ ਦੇ ਅਧਾਰ ‘ਤੇ ਸਰਕਾਰ ਨੂੰ ਮੰਗ ਪੱਤਰ ਸੌਂਪਿਆ ਜਾਵੇਗਾ। ਸਿੰਡੀਕੇਟ ਦੇ ਇਕ ਮੈਂਬਰ ਨੇ ਦੱਸਿਆ ਕਿ ਆਮ ਤੌਰ 'ਤੇ ਦਸੰਬਰ, ਜਨਵਰੀ, ਫਰਵਰੀ ‘ਚ ਹਰ ਸਾਲ ਸੂਬੇ ‘ਚ ਦੇਸੀ ਸ਼ਰਾਬ ਦੀ ਬਹੁਤ ਜ਼ਿਆਦਾ ਵਿਕਰੀ ਹੁੰਦੀ ਹੈ ਪਰ ਇਸ ਵਾਰ ਲੌਕਡਾਊਨ ਕਾਰਨ ਸ਼ਰਾਬ ਦੇ ਠੇਕੇਦਾਰਾਂ ਦੀ ਵਿਕਰੀ ‘ਚ ਭਾਰੀ ਕਮੀ ਆਈ ਹੈ ਤੇ ਹੁਣ ਸੂਬੇ ਤੋਂ ਪਰਵਾਸੀ ਮਜ਼ਦੂਰਾਂ ਦੀ ਵਾਪਸੀ ਹੋ ਰਹੀ ਹੈ।

ਉਨ੍ਹਾਂ ਕਿਹਾ ਕਿ ਅੰਗਰੇਜ਼ੀ ਸ਼ਰਾਬ ਦਾ ਗਾਹਕ ਗਿਣਤੀ ‘ਚ ਸੀਮਤ ਹੈ ਤੇ ਇਸ ਦੀ ਵਿਕਰੀ ਵੀ ਦੇਸੀ ਸ਼ਰਾਬ ਦੇ ਮੁਕਾਬਲੇ ਘੱਟ ਹੈ। ਆਮ ਦਿਨਾਂ ‘ਚ 14 ਘੰਟੇ ਠੇਕੇ ਖੁੱਲ੍ਹਦੇ ਹਨ, ਪਰ ਹੁਣ ਕਰਫਿਊ 'ਚ ਢਿੱਲ ਦੇ ਬਾਵਜੂਦ ਸੂਬਾ ਸਰਕਾਰ ਮਹੀਨਾਵਾਰ ਫੀਸਾਂ ਬਾਰੇ ਗੱਲ ਨਾ ਕਰਦਿਆਂ ਸਿਰਫ 4 ਘੰਟੇ ਲਈ ਠੇਕੇ ਖੋਲ੍ਹਣ ਦੀ ਇਜਾਜ਼ਤ ਦੇਣ ਲਈ ਤਿਆਰ ਹੈ। ਸਿੰਡੀਕੇਟ ਦਾ ਕਹਿਣਾ ਹੈ ਕਿ ਜਦ ਸ਼ਰਾਬ ਦੇ ਠੇਕੇ ਪੂਰੇ ਸਮੇਂ ਨਹੀਂ ਖੁੱਲ੍ਹਦੇ, ਤਾਂ ਉਨ੍ਹਾਂ ਦੀ ਫੀਸ ਵੀ ਚਾਰ ਘੰਟਿਆਂ 'ਤੇ ਤੈਅ ਕੀਤੀ ਜਾਣੀ ਚਾਹੀਦੀ ਹੈ।

ਇਹ ਵੀ ਪੜ੍ਹੋ :