Jammu Kashmir:ਕਸ਼ਮੀਰ ਵਿੱਚ ਉਸ ਜਗ੍ਹਾ ਲਹਿਰਾਇਆ ਜਾਵੇਗਾ 108 ਫੁੱਟ ਲੰਬਾ ਕੌਮੀ ਝੰਡਾ, 70 ਦੇ ਦਹਾਕੇ ਵਿੱਚ ਸੀ ਅੱਤਵਾਦ ਦਾ ਦਬਦਬਾ
Jammu News: ਭਾਰਤ ਸਰਕਾਰ ਹੁਣ ਉਸ ਥਾਂ 'ਤੇ ਸਭ ਤੋਂ ਲੰਬਾ ਭਾਰਤੀ ਤਿਰੰਗਾ ਲਹਿਰਾਉਣ ਜਾ ਰਹੀ ਹੈ, ਜਿੱਥੇ 70 ਦੇ ਦਹਾਕੇ 'ਚ ਅੱਤਵਾਦੀ ਮਕਬੂਲ ਬੱਟ ਫੜਿਆ ਗਿਆ ਸੀ।
108 Fit Long Indian Flag In Kashmir: ਜੰਮੂ-ਕਸ਼ਮੀਰ ਵਿੱਚ ਧਾਰਾ 370 ਹਟਾਏ ਜਾਣ ਤੋਂ ਬਾਅਦ, ਅੱਤਵਾਦ ਨੂੰ ਨੱਥ ਪਾਈ ਜਾ ਰਹੀ ਹੈ। ਕਸ਼ਮੀਰ 'ਚ ਕਈ ਥਾਵਾਂ 'ਤੇ ਵੱਡੇ ਆਕਾਰ ਦੇ ਰਾਸ਼ਟਰੀ ਝੰਡੇ ਵੀ ਲਹਿਰਾਏ ਜਾ ਰਹੇ ਹਨ। 1970 ਦੇ ਦਹਾਕੇ ਵਿੱਚ ਜਿਸ ਥਾਂ ਤੋਂ ਉਸ ਸਮੇਂ ਦਾ ਵੱਡਾ ਅੱਤਵਾਦੀ ਫੜਿਆ ਗਿਆ ਸੀ। ਸ਼ੁੱਕਰਵਾਰ ਨੂੰ ਉਸ ਸਥਾਨ 'ਤੇ 108 ਫੁੱਟ ਉੱਚਾ ਤਿਰੰਗਾ ਲਹਿਰਾਇਆ ਜਾਵੇਗਾ। ਭਾਰਤ ਸਰਕਾਰ ਉਥੋਂ ਦੇ ਨੌਜਵਾਨਾਂ ਵਿੱਚ ਰਾਸ਼ਟਰਵਾਦ ਨੂੰ ਜਗਾਉਣ ਲਈ ਅਜਿਹੇ ਉਪਰਾਲੇ ਕਰ ਰਹੀ ਹੈ।
108 ਫੁੱਟ ਲੰਬਾ ਤਿਰੰਗਾ
ਭਾਰਤ ਸਰਕਾਰ ਕਸ਼ਮੀਰ ਦੇ ਉੱਤਰੀ ਹਿੱਸੇ ਦੇ ਕੁਪਵਾੜਾ ਖੇਤਰ ਵਿੱਚ 108 ਫੁੱਟ ਲੰਬਾ ਤਿਰੰਗਾ ਲਗਾਉਣ ਜਾ ਰਹੀ ਹੈ। ਇਹ ਤਿਰੰਗਾ ਹੰਦਵਾੜਾ 'ਚ ਆਉਣ ਵਾਲੇ ਲੈਂਗੇਟ ਪਾਰਕ 'ਚ ਲਗਾਇਆ ਜਾ ਰਿਹਾ ਹੈ। ਇਸ ਦੀ ਨੀਂਹ 5 ਜੁਲਾਈ ਨੂੰ ਰੱਖੀ ਗਈ ਸੀ। ਦੱਸ ਦਈਏ ਕਿ ਲੰਗੇਟ ਦੇ ਲੋਕਾਂ ਨੇ 1976 'ਚ ਉਸ ਸਮੇਂ ਦੇ ਬਦਨਾਮ ਅੱਤਵਾਦੀ ਮਕਬੂਲ ਬੱਟ ਨੂੰ ਫੜ ਕੇ ਇਸ ਜਗ੍ਹਾ 'ਤੇ ਪੁਲਸ ਹਵਾਲੇ ਕਰ ਦਿੱਤਾ ਸੀ। ਮਕਬੂਲ ਬੱਟ ਕਸ਼ਮੀਰ ਵਿੱਚ ਹਿੰਸਾ ਫੈਲਾ ਰਿਹਾ ਸੀ ਅਤੇ ਭਾਰਤ ਦੇ ਖ਼ਿਲਾਫ਼ ਭਾਵਨਾਵਾਂ ਨੂੰ ਭੜਕਾਉਣ ਦੀ ਕੋਸ਼ਿਸ਼ ਕਰ ਰਿਹਾ ਸੀ।
ਕੌਣ ਸੀ ਅੱਤਵਾਦੀ ਮਕਬੂਲ ਬੱਟ
ਮਕਬੂਲ ਬੱਟ ਨੇ ਨੈਸ਼ਨਲ ਲਿਬਰੇਸ਼ਨ ਫਰੰਟ (ਐੱਨ.ਐੱਲ.ਐੱਫ.) ਬਣਾਈ ਸੀ ਅਤੇ ਪਾਕਿਸਤਾਨ ਦੀ ਮਦਦ ਨਾਲ ਭਾਰਤ 'ਚ ਦਹਿਸ਼ਤ ਫੈਲਾ ਰਿਹਾ ਸੀ। 10 ਜੂਨ 1966 ਨੂੰ ਇਸ ਮੋਰਚੇ ਦੇ ਦੋ ਗਰੁੱਪ ਪਾਕਿਸਤਾਨ ਤੋਂ ਭਾਰਤ ਵਿੱਚ ਦਾਖਲ ਹੋਏ ਅਤੇ ਇੱਕ ਸੀਆਈਡੀ ਪੁਲਿਸ ਇੰਸਪੈਕਟਰ ਨੂੰ ਅਗਵਾ ਕਰ ਲਿਆ, ਜਿਸਦਾ ਬਾਅਦ ਵਿੱਚ ਕਤਲ ਕਰ ਦਿੱਤਾ ਗਿਆ।
ਜਦੋਂ ਫਾਂਸੀ ਦਿੱਤੀ ਗਈ
1976 ਵਿੱਚ ਮਕਬੂਲ ਬੱਟ ਨੂੰ ਪੁਲਿਸ ਨੇ ਫੜ ਲਿਆ ਅਤੇ ਤਿਹਾੜ ਜੇਲ੍ਹ ਭੇਜ ਦਿੱਤਾ। ਉਸ ਦੇ ਸਾਥੀਆਂ ਨੂੰ ਸ੍ਰੀਨਗਰ ਦੀ ਕੇਂਦਰੀ ਜੇਲ੍ਹ ਵਿੱਚ ਰੱਖਿਆ ਗਿਆ ਸੀ। ਬਾਅਦ ਵਿੱਚ ਸੁਪਰੀਮ ਕੋਰਟ ਦੇ ਫੈਸਲੇ ਤੋਂ ਬਾਅਦ 11 ਫਰਵਰੀ 1984 ਨੂੰ ਤਿਹਾੜ ਜੇਲ੍ਹ ਵਿੱਚ ਉਨ੍ਹਾਂ ਨੂੰ ਫਾਂਸੀ ਦੇ ਦਿੱਤੀ ਗਈ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ।ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ ABP ਸਾਂਝਾ ਦੇ YouTube ਚੈਨਲ ਨੂੰ Subscribe ਕਰ ਲਵੋ। ABP ਸਾਂਝਾ ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੇ ਉਪਲੱਬਧ ਹੈ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ, ਕੂ, ਸ਼ੇਅਰਚੈੱਟ ਅਤੇ ਡੇਲੀਹੰਟ 'ਤੇ ਵੀ ਫੋਲੋ ਕਰ ਸਕਦੇ ਹੋ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
