ਕੇਰਲ ਤੇ ਕਰਨਾਟਕ 'ਚ ਕੁਦਰਤ ਦਾ ਕਹਿਰ, ਮੌਤਾਂ ਦੀ ਗਿਣਤੀ 363 ਹੋਈ
ਨਵੀਂ ਦਿੱਲੀ: ਕੇਰਲ ਤੇ ਕਰਨਾਟਕ 'ਚ ਹੜ੍ਹਾਂ ਦਾ ਕਹਿਰ ਲਗਾਤਾਰ ਜਾਰੀ ਹੈ। ਕੇਰਲ 'ਚ ਹੁਣ ਤੱਕ 357 ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ ਜਦਕਿ ਕਰਨਾਟਕ 'ਚ ਮੌਤਾਂ ਦੀ ਗਿਣਤੀ ਛੇ ਹੈ। ਕੇਰਲ ਦੇ 14 ਜ਼ਿਲ੍ਹਿਆਂ 'ਚੋਂ 13 ਪੂਰੀ ਤਰ੍ਹਾਂ ਹੜ੍ਹਾਂ ਦੀ ਮਾਰ ਹੇਠ ਹਨ। ਬਚਾਅ ਦਲਾਂ ਵੱਲੋਂ ਬੱਚਿਆਂ, ਬਜ਼ੁਰਗਾਂ ਤੇ ਔਰਤਾਂ ਨੂੰ ਵੱਡੀ ਗਿਣਤੀ 'ਚ ਇਮਾਰਤਾਂ 'ਚੋਂ ਏਅਰਲਿਫਟ ਕੀਤਾ ਗਿਆ ਹੈ।
#KeralaFloods2018 #KeralaFloodRelief #OpMadad Another precise rescue operation by Naval Seaking North of Alwaye along the flood plains of River Periyar by Capt P Rajkumar Shaurya Chakra pic.twitter.com/DHye1TveVO
— SpokespersonNavy (@indiannavy) August 18, 2018
ਇਸ ਤੋਂ ਇਲਾਵਾ ਜਲ ਸੈਨਾ ਦੇ ਜਵਾਨ ਵੱਖ-ਵੱਖ ਤਰੀਕਿਆਂ ਨਾਲ ਲੋਕਾਂ ਨੂੰ ਸੁਰੱਖਿਅਤ ਕੱਢਣ 'ਚ ਜੁਟੇ ਹੋਏ ਹਨ। ਕੇਰਲ 'ਚ ਐਨਡੀਆਰਐਫ ਦੀ ਟੀਮ ਹੁਣ ਤੱਕ ਦਾ ਸਭ ਤੋਂ ਵੱਡਾ ਰਾਹਤ-ਬਚਾਅ ਕਾਰਜ ਕਰ ਰਹੀ ਹੈ।
#Update #KeralaFloods 2018. A column of 8 Engr Regt led by Lt Anshu Mali rescued 256 civilians including 3 pregnant ladies & a large number of old couples in Chalakudy area. Rescue Operation undertaken in East Chalakudy. We are at it#OpMadad #KeralaFloodRelief @PIB_India pic.twitter.com/UFIZZQbipm
— ADG PI - INDIAN ARMY (@adgpi) August 18, 2018
ਕੇਰਲ ਦੇ ਐਨਰਾਕੁਲਮ ਜ਼ਿਲ੍ਹੇ 'ਚ ਹੁਣ ਤੱਕ 54,000 ਲੋਕਾਂ ਨੂੰ ਬਚਾਇਆ ਗਿਆ ਹੈ। ਪਿਛਲੇ ਦੋ ਦਿਨਾਂ ਤੋਂ ਉੱਥੇ ਹੋ ਰਹੀ ਬਾਰਸ਼ ਦੇ ਚੱਲਦਿਆਂ ਵੱਡੀ ਮਾਤਰਾ 'ਚ ਪਾਣੀ ਇਕੱਠਾ ਹੋ ਗਿਆ ਜਿਸ ਦੇ ਮੱਦੇਨਜ਼ਰ ਅਧਿਕਾਰੀਆਂ ਨੇ ਬਚਾਅ ਅਭਿਆਨ ਲਈ ਨਿੱਜੀ ਕਿਸ਼ਤੀਆਂ ਤੇ ਸਕੂਲੀ ਬੱਸਾਂ ਦੇਣ ਦੇ ਨਿਰਦੇਸ਼ ਜਾਰੀ ਕੀਤੇ ਹਨ।
#OpMadad #KeralaFloodRelief #KeralaFloods2018 Naval Gemini rubberised craft with Divers in rescue operation pic.twitter.com/xd1bbhaETJ
— SpokespersonNavy (@indiannavy) August 18, 2018
ਹੜ੍ਹਾਂ ਕਾਰਨ ਕਈ ਥਾਈਂ ਪੁਲ ਵਹਿ ਗਏ ਤੇ ਲਗਾਤਾਰ ਬਾਰਸ਼ ਦੇ ਕਾਰਨ ਲੈਂਡ ਸਲਾਇਡਿੰਗ ਹੋਣ ਨਾਲ ਸੜਕਾਂ ਤੇ ਭਾਰੀ ਚੱਟਾਨਾਂ ਡਿੱਗਣ ਨਾਲ ਰਾਹ ਬੰਦ ਹੋ ਗਏ ਹਨ। ਕੇਰਲ ਦੇ ਪਾਂਡਾਨਾਦ, ਅਰਾਨਮੁਲਾ ਤੇ ਨੈਨਮਾਰਾ ਸਹਿਤ ਕਈ ਥਾਵਾਂ 'ਤੇ ਲਾਸ਼ਾਂ ਪਾਣੀ 'ਚ ਤੈਰਦੀਆਂ ਦੇਖੀਆਂ ਗਈਆਂ। ਮੌਸਮ ਵਿਭਾਗ ਨੇ 20 ਅਗਸਤ ਤੱਕ ਕੇਰਲ 'ਚ ਭਾਰੀ ਬਾਰਸ਼ ਦੀ ਸੰਭਾਵਨਾ ਜਤਾਈ ਹੈ।
ਕੇਰਲ 'ਚ ਹੜ੍ਹਾਂ ਦੀ ਤਬਾਹੀ ਦੇ ਮੱਦੇਨਜ਼ਰ ਕੇਂਦਰ ਸਰਕਾਰ ਵੱਲੋਂ 500 ਕਰੋੜ ਰੁਪਏ ਦੀ ਵਿੱਤੀ ਸਹਾਇਤਾ ਦਾ ਐਲਾਨ ਕੀਤਾ ਗਿਆ। ਇਸ ਤੋਂ ਇਲਾਵਾ ਅਟਾਰਨੀ ਜਨਰਲ ਵੇਨੂਗੋਪਾਲ ਨੇ ਕੇਰਲ ਲਈ ਇਕ ਕਰੋੜ ਰੁਪਏ ਦਾ ਯੋਗਦਾਨ ਦਿੱਤਾ ਹੈ।
ਕਰਨਾਟਕ ਚ ਵੀ ਬਾਰਸ਼ ਦਾ ਕਹਿਰ:
ਭਾਰੀ ਬਾਰਸ਼ ਤੇ ਹੜ੍ਹਾਂ ਕਾਰਨ ਕੇਰਲ ਤੋਂ ਇਲਾਵਾ ਕਰਨਾਟਕ ਦਾ ਕੋਡਾਗੂ ਜ਼ਿਲ੍ਹਾ ਬੁਰੀ ਤਰ੍ਹਾਂ ਪ੍ਰਭਾਵਿਤ ਹੈ। ਉੱਥੇ ਲਗਪਗ 1500 ਲੋਕ ਵੱਖ-ਵੱਖ ਥਾਵਾਂ 'ਚ ਫਸੇ ਹੋਏ ਹਨ ਜਿਸ ਦੇ ਮੱਦੇਨਜ਼ਰ ਬਚਾਅ ਕਾਰਜ ਜਾਰੀ ਹਨ।
ਕਰਨਾਟਕ ਦੇ ਕੁਰਗ ਜ਼ਿਲ੍ਹੇ 'ਚ ਬੀਤੀ ਰਾਤ ਭਾਰੀ ਬਾਰਸ਼ ਹੋਣ ਨਾਲ ਲੈਂਡ ਸਲਾਇਡਿੰਗ ਕਾਰਨ 6 ਲੋਕਾਂ ਦੀ ਮੌਤ ਹੋ ਗਈ ਜਦਕਿ 15 ਲੋਕ ਲਾਪਤਾ ਹੋ ਗਏ। ਹੁਣ ਤੱਕ 1000 ਤੋਂ ਵੱਧ ਘਰ ਨੁਕਸਾਨੇ ਗਏ ਹਨ। ਸਰਕਾਰ ਵੱਲੋਂ ਬਣਾਏ ਰਾਹਤ ਕੈਂਪਾਂ 'ਚ ਕਰੀਬ 5000 ਲੋਕ ਰਹਿ ਰਹੇ ਹਨ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
