ਜਦੋਂ ਵੀ ਤੁਸੀਂ ਫਲਾਈਟ 'ਚ ਸਫਰ ਕਰਦੇ ਹੋ ਤਾਂ ਤੁਸੀਂ ਏਅਰ ਹੋਸਟੈੱਸ ਨੂੰ ਜਹਾਜ਼ 'ਚ ਸਭ ਤੋਂ ਜ਼ਿਆਦਾ ਕੰਮ ਕਰਦੇ ਦੇਖਦੇ ਹੋ। ਦਰਅਸਲ, ਫਲਾਈਟ 'ਚ ਯਾਤਰੀਆਂ ਨੂੰ ਸਰਵਿਸ ਦੇਣ ਦਾ ਕੰਮ ਏਅਰ ਹੋਸਟੈੱਸ ਹੀ ਕਰਦੀ ਹੈ। ਫਲਾਈਟ 'ਚ ਗੇਟ 'ਤੇ ਯਾਤਰੀ ਦਾ ਸਵਾਗਤ ਕਰਨ ਤੋਂ ਲੈ ਕੇ ਸਫਰ ਦੇ ਅੰਤ ਤੱਕ ਸਿਰਫ ਏਅਰ ਹੋਸਟੈੱਸ ਹੀ ਯਾਤਰੀਆਂ ਦੀ ਦੇਖਭਾਲ ਕਰਦੀ ਹੈ। ਅਜਿਹੇ 'ਚ ਲੋਕਾਂ ਦਾ ਮੰਨਣਾ ਹੈ ਕਿ ਏਅਰ ਹੋਸਟੈੱਸ ਦਾ ਕੰਮ ਸਿਰਫ ਯਾਤਰੀਆਂ ਦਾ ਖਿਆਲ ਰੱਖਣਾ ਹੈ ਅਤੇ ਫਲਾਈਟ ਦਾ ਜਿੰਨਾ ਸਫਰ ਹੁੰਦਾ ਹੈ, ਉਨ੍ਹਾਂ ਦੀ ਸ਼ਿਫਟ ਵੀ ਉੰਨੇ ਸਮੇਂ ਤੱਕ ਹੀ ਹੁੰਦੀ ਹੈ।
ਪਰ ਇਦਾਂ ਨਹੀਂ ਹੁੰਦਾ ਹੈ। ਏਅਰ ਹੋਸਟੈੱਸ ਦੇ ਯਾਤਰੀਆਂ ਦਾ ਖਿਆਲ ਰੱਖਣ ਤੋਂ ਇਲਾਵਾ ਵੀ ਕਈ ਕੰਮ ਹਨ। ਤਾਂ ਆਓ ਜਾਣਦੇ ਹਾਂ ਕਿ ਫਲਾਈਟ ਤੋਂ ਪਹਿਲਾਂ ਅਤੇ ਬਾਅਦ ਵਿੱਚ ਏਅਰ ਹੋਸਟੈੱਸ ਦਾ ਕੀ ਕੰਮ ਹੁੰਦਾ ਹੈ ਅਤੇ ਏਅਰ ਹੋਸਟੇਸ ਨੂੰ ਕਿਹੜਾ ਕੰਮ ਕਰਨਾ ਪੈਂਦਾ ਹੈ।
ਫਲਾਈਟ ਤੋਂ ਪਹਿਲਾਂ ਹੁੰਦਾ ਇਹ ਕੰਮ
ਏਅਰ ਹੋਸਟੈੱਸ ਫਲਾਈਟ ਸ਼ੁਰੂ ਹੋਣ ਤੋਂ ਪਹਿਲਾਂ ਜਹਾਜ਼ ਦੀ ਜਾਂਚ ਕਰਦੀ ਹੈ। ਇਸ ਤੋਂ ਇਲਾਵਾ ਏਅਰ ਹੋਸਟੈੱਸ ਲਾਈਫ ਵੇਸਟ, ਆਕਸੀਜਨ ਮਾਸਕ ਅਤੇ ਐਮਰਜੈਂਸੀ ਗੇਟ ਸਮੇਤ ਕਈ ਚੀਜ਼ਾਂ ਦੇਖਦੀਆਂ ਹਨ ਕਿ ਉਹ ਠੀਕ ਕੰਮ ਕਰ ਰਹੀਆਂ ਹਨ ਜਾਂ ਨਹੀਂ। ਇਸ ਦੇ ਨਾਲ ਹੀ ਕੈਬਿਨ ਦੀ ਸਫ਼ਾਈ ਦਾ ਧਿਆਨ ਰੱਖਣ ਦਾ ਕੰਮ ਵੀ ਏਅਰ ਹੋਸਟੇਸ ਵੱਲੋਂ ਕੀਤਾ ਜਾਂਦਾ ਹੈ ਅਤੇ ਉਨ੍ਹਾਂ ਨੂੰ ਇਸ ਗੱਲ ਦਾ ਧਿਆਨ ਰੱਖਣਾ ਹੁੰਦਾ ਹੈ ਕਿ ਫਲਾਈਟ ਵਿੱਚ ਵਰਤੇ ਜਾਣ ਵਾਲੇ ਸਮਾਨ ਦਾ ਪੂਰਾ ਸਟਾਕ ਹੈ ਜਾਂ ਨਹੀਂ।
ਫਲਾਈਟ ਤੋਂ ਬਾਅਦ ਹੁੰਦਾ ਇਹ ਕੰਮ
ਡੀਬ੍ਰੀਫਿੰਗ- ਸਭ ਤੋਂ ਪਹਿਲਾਂ ਏਅਰ ਹੋਸਟੈੱਸ ਬਾਕੀ ਕੈਬਿਨ ਕ੍ਰੂ ਨਾਲ ਫਲਾਈਟ ਬਾਰੇ ਚਰਚਾ ਕਰਦੀ ਹੈ। ਇਸ 'ਚ ਫਲਾਈਟ ਦੀ ਫੀਡਬੈਕ ਅਤੇ ਯਾਤਰੀਆਂ ਬਾਰੇ ਜਾਣਕਾਰੀ ਦੇਣੀ ਹੁੰਦੀ ਹੈ। ਜੇਕਰ ਕਿਸੇ ਨੂੰ ਮੈਡੀਕਲ ਐਮਰਜੈਂਸੀ ਹੋਈ ਹੈ, ਤਾਂ ਉਸ ਦੀ ਜਾਣਕਾਰੀ ਵੀ ਦੇਣੀ ਪਵੇਗੀ।
ਇਹ ਵੀ ਪੜ੍ਹੋ: ਕੀ ਤੁਸੀਂ ਵੀ ਸਬਜ਼ੀ 'ਚ ਹੱਦ ਤੋਂ ਵੱਧ ਲਸਣ ਪਾਉਂਦੇ ਹੋ? ਤਾਂ ਇਸ ਨੁਕਸਾਨ ਲਈ ਹੋ ਜਾਓ ਤਿਆਰ
ਸਫ਼ਾਈ- ਫਲਾਈਟ ਤੋਂ ਬਾਅਦ ਕੈਬਿਨ ਦੀ ਸਫ਼ਾਈ ਕਰਨ ਦੀ ਜ਼ਿੰਮੇਵਾਰੀ ਵੀ ਏਅਰ ਹੋਸਟੈੱਸ ਦੀ ਹੁੰਦੀ ਹੈ। ਉਨ੍ਹਾਂ ਨੂੰ ਪੂਰੀ ਤਰ੍ਹਾਂ ਸਾਫ਼ ਕਰਨਾ ਹੋਵੇਗਾ।
ਰੀਸਟੌਕਿੰਗ - ਏਅਰ ਹੋਸਟੈੱਸ ਅਗਲੀ ਫਲਾਈਟ ਲਈ ਸਿਰਹਾਣੇ, ਕੰਬਲ, ਹੈੱਡਫੋਨ ਅਤੇ ਮੈਗਜ਼ੀਨਾਂ ਵਰਗੀਆਂ ਸਪਲਾਈਆਂ ਦਾ ਰੱਖ-ਰਖਾਅ ਅਤੇ ਸਟੌਕ ਮੇਨਟੇਨ ਕਰਨ ਦਾ ਕੰਮ ਕਰਦੀਆਂ ਹਨ।
ਇਹ ਵੀ ਪੜ੍ਹੋ: World Asthma Day 2023: ਗਰਮੀਆਂ 'ਚ ਵੀ ਹੁੰਦੀ ਹੈ ਸਾਹ ਦੀ ਸਮੱਸਿਆ, ਬਾਹਰ ਜਾਣ 'ਤੇ ਰੱਖੋ ਧਿਆਨ