![ABP Premium](https://cdn.abplive.com/imagebank/Premium-ad-Icon.png)
ਟਰੇਨ 'ਚ ਸਫਰ ਕਰ ਰਹੇ ਯਾਤਰੀ ਦੇ ਗਲੇ 'ਚ ਲੱਗੀ ਲੋਹੇ ਦੀ ਰਾਡ, ਮੌਕੇ 'ਤੇ ਹੀ ਹੋਈ ਮੌਤ
Aligarh Train Passenger Death: ਰੇਲਗੱਡੀ 'ਚ ਸਫ਼ਰ ਕਰ ਰਹੇ 35 ਸਾਲਾ ਵਿਅਕਤੀ ਦੀ ਲੋਹੇ ਦੀ ਰਾਡ ਨਾਲ ਟੱਕਰ ਹੋਣ ਨਾਲ ਦਰਦਨਾਕ ਮੌਤ ਹੋ ਗਈ।
![ਟਰੇਨ 'ਚ ਸਫਰ ਕਰ ਰਹੇ ਯਾਤਰੀ ਦੇ ਗਲੇ 'ਚ ਲੱਗੀ ਲੋਹੇ ਦੀ ਰਾਡ, ਮੌਕੇ 'ਤੇ ਹੀ ਹੋਈ ਮੌਤ aligarh iron rod passed through train passenger died on spot ਟਰੇਨ 'ਚ ਸਫਰ ਕਰ ਰਹੇ ਯਾਤਰੀ ਦੇ ਗਲੇ 'ਚ ਲੱਗੀ ਲੋਹੇ ਦੀ ਰਾਡ, ਮੌਕੇ 'ਤੇ ਹੀ ਹੋਈ ਮੌਤ](https://feeds.abplive.com/onecms/images/uploaded-images/2022/12/02/f5956f89e4bcb97276e3d95a963e04411669976543414438_original.png?impolicy=abp_cdn&imwidth=1200&height=675)
Aligarh Train Passenger Death: ਰੇਲਗੱਡੀ 'ਚ ਸਫ਼ਰ ਕਰ ਰਹੇ 35 ਸਾਲਾ ਵਿਅਕਤੀ ਦੀ ਲੋਹੇ ਦੀ ਰਾਡ ਨਾਲ ਟੱਕਰ ਹੋਣ ਨਾਲ ਦਰਦਨਾਕ ਮੌਤ ਹੋ ਗਈ। ਇਹ ਘਟਨਾ ਨੀਲਾਂਚਲ ਐਕਸਪ੍ਰੈਸ ਵਿੱਚ ਸਫ਼ਰ ਦੌਰਾਨ ਅਲੀਗੜ੍ਹ ਨੇੜੇ ਵਾਪਰੀ। ਮੌਕੇ 'ਤੇ ਮੌਜੂਦ ਲੋਕਾਂ ਦਾ ਕਹਿਣਾ ਹੈ ਕਿ ਜਿਸ ਸਮੇਂ ਇਹ ਹਾਦਸਾ ਵਾਪਰਿਆ ਉਸ ਸਮੇਂ ਰੇਲਵੇ ਟਰੈਕ 'ਤੇ ਮੁਰੰਮਤ ਦਾ ਕੰਮ ਚੱਲ ਰਿਹਾ ਸੀ। ਕਿਸੇ ਨੇ ਲਾਪਰਵਾਹੀ ਨਾਲ ਉੱਥੇ ਲੋਹੇ ਦੀ ਰਾਡ ਪਾ ਦਿੱਤੀ, ਜਿਸ ਕਾਰਨ ਇਹ ਹਾਦਸਾ ਵਾਪਰਿਆ।
ਘਟਨਾ ਦੀ ਸੂਚਨਾ ਮਿਲਦੇ ਹੀ ਮੌਕੇ 'ਤੇ ਪਹੁੰਚੀ ਪੁਲਿਸ ਨੇ ਲਾਸ਼ ਨੂੰ ਕਬਜ਼ੇ 'ਚ ਲੈ ਕੇ ਪੋਸਟਮਾਰਟਮ ਲਈ ਭੇਜ ਦਿੱਤਾ ਹੈ। ਪੁਲਿਸ ਟੀਮ ਮੌਕੇ ਤੋਂ ਜਾਣਕਾਰੀ ਇਕੱਠੀ ਕਰਨ ਦੀ ਕੋਸ਼ਿਸ਼ ਕਰ ਰਹੀ ਹੈ। ਇਸ ਘਟਨਾ ਕਾਰਨ ਕਾਫੀ ਦੇਰ ਤੱਕ ਟ੍ਰੈਕ 'ਤੇ ਟਰੇਨਾਂ ਦੀ ਆਵਾਜਾਈ ਠੱਪ ਰਹੀ। ਇਸ ਕਾਰਨ ਰੇਲਵੇ ਯਾਤਰੀਆਂ ਨੂੰ ਕੁਝ ਸਮੇਂ ਲਈ ਪ੍ਰੇਸ਼ਾਨੀਆਂ ਦਾ ਸਾਹਮਣਾ ਕਰਨਾ ਪਿਆ।
ਪੁਲਿਸ ਦੀ ਸ਼ੁਰੂਆਤੀ ਜਾਂਚ 'ਚ ਸਾਹਮਣੇ ਆਇਆ ਹੈ ਕਿ ਇਹ ਘਟਨਾ ਅਲੀਗੜ੍ਹ ਜ਼ਿਲੇ ਦੇ ਸੋਮਨਾ ਰੇਲਵੇ ਸਟੇਸ਼ਨ ਦੇ ਪਲੇਟਫਾਰਮ ਨੰਬਰ 3 'ਤੇ ਵਾਪਰੀ। ਨੀਲਾਂਚਲ ਐਕਸਪ੍ਰੈਸ ਟਰੇਨ ਦੇ ਦੂਜੇ ਡੱਬੇ ਦੀ ਸੀਟ ਨੰਬਰ 15 'ਤੇ ਸਫਰ ਕਰ ਰਹੇ ਇਕ ਯਾਤਰੀ ਦੀ ਗਰਦਨ 'ਚੋਂ ਲੋਹੇ ਦੀ ਰਾਡ ਲੰਘ ਗਈ, ਜਿਸ ਕਾਰਨ ਉਸ ਦੀ ਮੌਕੇ 'ਤੇ ਹੀ ਮੌਤ ਹੋ ਗਈ। ਮ੍ਰਿਤਕ ਯਾਤਰੀ ਸੁਲਤਾਨਪੁਰ ਦਾ ਰਹਿਣ ਵਾਲਾ ਦੱਸਿਆ ਜਾਂਦਾ ਹੈ। ਸੂਚਨਾ ਮਿਲਣ 'ਤੇ ਆਰਪੀਐਫ, ਸੀਆਰਪੀਐਫ ਅਤੇ ਰੇਲਵੇ ਦੇ ਉੱਚ ਅਧਿਕਾਰੀ ਮੌਕੇ 'ਤੇ ਪਹੁੰਚ ਗਏ ਅਤੇ ਘਟਨਾ ਦੀ ਜਾਣਕਾਰੀ ਇਕੱਠੀ ਕਰਨੀ ਸ਼ੁਰੂ ਕਰ ਦਿੱਤੀ।
ਆਰਪੀਐਫ ਦੇ ਸੀਓ ਕੇਪੀ ਸਿੰਘ ਨੇ ਦੱਸਿਆ ਕਿ ਨੀਲਾਂਚਲ ਐਕਸਪ੍ਰੈਸ ਕਰੀਬ ਸਾਢੇ ਨੌਂ ਵਜੇ ਅਲੀਗੜ੍ਹ ਸਟੇਸ਼ਨ ਦੇ ਪਲੇਟਫਾਰਮ ਨੰਬਰ-3 'ਤੇ ਪਹੁੰਚੀ। ਸੂਚਨਾ ਮਿਲੀ ਸੀ ਕਿ ਅਗਲੇ ਜਨਰਲ ਕੋਚ 'ਚ ਸਵਾਰ ਇਕ ਯਾਤਰੀ ਜ਼ਖਮੀ ਹੋ ਗਿਆ ਹੈ। ਇਸ ਸੂਚਨਾ 'ਤੇ ਆਰਪੀਐਫ ਅਤੇ ਜੀਆਰਪੀ ਦੇ ਨਾਲ ਸਾਰੇ ਰੇਲਵੇ ਕਰਮਚਾਰੀ ਉੱਥੇ ਪਹੁੰਚ ਗਏ। ਇੰਜਣ ਤੋਂ ਬਾਅਦ ਦੂਜੇ ਕੋਚ ਦੀ ਸੀਟ ਨੰਬਰ-15 'ਤੇ ਇਕ ਯਾਤਰੀ ਮ੍ਰਿਤਕ ਪਾਇਆ ਗਿਆ। ਉਸ ਦੇ ਖੱਬੇ ਪਾਸਿਓਂ ਇੱਕ ਡੰਡਾ ਦਾਖਲ ਹੋਇਆ ਸੀ, ਜੋ ਉਸ ਦੇ ਸੱਜੇ ਪਾਸਿਓਂ ਬਾਹਰ ਆ ਗਿਆ ਸੀ। ਇਸ ਕਾਰਨ ਯਾਤਰੀ ਦੀ ਮੌਕੇ 'ਤੇ ਹੀ ਮੌਤ ਹੋ ਗਈ।
ਇਹ ਪਤਾ ਲਗਾਉਣ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ ਕਿ ਇਹ ਘਟਨਾ ਕਦੋਂ ਅਤੇ ਕਿੱਥੇ ਵਾਪਰੀ। ਹੁਣ ਤੱਕ ਮਿਲੀ ਜਾਣਕਾਰੀ ਅਨੁਸਾਰ ਮ੍ਰਿਤਕ ਯਾਤਰੀ ਸੁਲਤਾਨਪੁਰ ਦਾ ਰਹਿਣ ਵਾਲਾ ਸੀ। ਇਸ ਦੇ ਨਾਲ ਹੀ ਮਾਮਲੇ ਦੀ ਅਗਲੇਰੀ ਜਾਂਚ ਜਾਰੀ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
![ABP Premium](https://cdn.abplive.com/imagebank/metaverse-mid.png)