ਵੋਟ ਪਾਓਣ ਵਾਲੇ ਪੈਟਰੋਲ-ਡੀਜ਼ਲ ਖਰੀਦਣ 'ਤੇ ਪਾ ਸਕਦੇ ਖਾਸ ਛੋਟ

ਵੋਟਰ ਜੋ ਮੱਤਦਾਨ ਕਰਕੇ ਪੈਟਰੋਲ ਭਰਵਾਉਣਗੇ ਤੇ ਆਪਣੀ ਉਂਗਲ 'ਤੇ ਲੱਗਾ ਨਿਸ਼ਾਨ ਦਿਖਾਉਣਗੇ ਤਾਂ ਇਸ ਛੋਟ ਦਾ ਲਾਹਾ ਲੈ ਸਕਣਗੇ

ਨਵੀਂ ਦਿੱਲੀ: ਲੋਕ ਸਭਾ ਚੋਣਾਂ 2019 ਵਿੱਚ ਵੱਧ ਤੋਂ ਵੱਧ ਮੱਤਦਾਨ ਕਰਵਾਉਣ ਲਈ ਚੋਣ ਕਮਿਸ਼ਨ ਨਿੱਤ ਨਵੇਂ ਹੰਭਲੇ ਮਾਰ ਰਿਹਾ ਹੈ। ਇਸੇ ਤਹਿਤ ਹੀ ਵੋਟ ਪਾਉਣ ਬਦਲੇ ਪੈਟਰੋਲ ਡੀਜ਼ਲ 'ਤੇ ਛੋਟ ਐਲਾਨੀ ਗਈ ਹੈ। ਪੈਟਰੋਲੀਅਮ ਡੀਲਰਜ਼ ਐਸੋਸੀਏਸ਼ਨ ਨੇ ਇਸ ਛੋਟ ਨਾਲ ਚੋਣ ਕਮਿਸ਼ਨ ਦਾ ਸਾਥ ਦੇਣ ਦਾ ਐਲਾਨ ਕੀਤਾ ਹੈ।

President of All India petroleum dealers association, Ajay Bansal: The association has decided to give discount of 50 paisa/litre on petrol & diesel across India on the day of election. Any voter can avail the discount after showing the voting mark on his/her finger. (05.04.19) pic.twitter.com/PT8WX1OjhY

— ANI (@ANI) April 5, 2019

ਆਲ ਇੰਡੀਆ ਪੈਟਰੋਲੀਅਮ ਡੀਲਰਜ਼ ਐਸੋਸੀਏਸ਼ਨ ਦੇ ਮੁਖੀ ਅਜੈ ਬਾਂਸਲ ਨੇ ਕਿਹਾ ਹੈ ਕਿ ਅਸੀਂ ਵੋਟ ਪਾਉਣ ਵਾਲੇ ਲੋਕਾਂ ਨੂੰ 50 ਪੈਸੇ ਪ੍ਰਤੀ ਲੀਟਰ ਛੋਟ ਦੇਣ ਜਾ ਰਹੇ ਹਨ। ਵੋਟਰ ਜੋ ਮੱਤਦਾਨ ਕਰਕੇ ਪੈਟਰੋਲ ਭਰਵਾਉਣਗੇ ਤੇ ਆਪਣੀ ਉਂਗਲ 'ਤੇ ਲੱਗਾ ਨਿਸ਼ਾਨ ਦਿਖਾਉਣਗੇ ਤਾਂ ਇਸ ਛੋਟ ਦਾ ਲਾਹਾ ਲੈ ਸਕਣਗੇ। ਅਜੈ ਬਾਂਸਲ ਨੇ ਕਿਹਾ ਕਿ ਵੋਟਿੰਗ ਸਵੇਰੇ ਤਕਰੀਬਨ ਅੱਠ ਵਜੇ ਸ਼ੁਰੂ ਹੋ ਜਾਂਦੀ ਹੈ ਤੇ ਪੈਟਰੋਲ 'ਤੇ ਆਫਰ ਰਾਤ ਅੱਠ ਵਜੇ ਤਕ ਜਾਰੀ ਰਹੇਗਾ। ਪੂਰੇ ਦੇਸ਼ ਵਿੱਚ ਲੋਕ ਸਭਾ ਚੋਣਾਂ ਸੱਤ ਪੜਾਵਾਂ ਵਿੱਚ ਹੋਣੀਆਂ ਹਨ। ਪਹਿਲੇ ਪੜਾਅ ਦਾ ਮੱਤਦਾਨ 11 ਅਪਰੈਲ ਨੂੰ ਸ਼ੁਰੂ ਹੋਵੇਗਾ ਅਤੇ ਆਖ਼ਰੀ ਪੜਾਅ ਦੀ ਵੋਟਿੰਗ 19 ਮਈ ਨੂੰ ਹੋਵੇਗੀ। ਨਤੀਜੇ 23 ਮਈ ਨੂੰ ਆਉਣਗੇ।