Amroha Marriage News : ਇੱਕੋ ਮੁੰਡੇ ਨਾਲ 3 ਭੈਣਾਂ ਦੇ ਵਿਆਹ ਦਾ ਸੱਚ ਆਇਆ ਸਾਹਮਣੇ, ਜਾਣੋ ਪੂਰਾ ਮਾਮਲਾ
Amroha Marriage News : ਉੱਤਰ ਪ੍ਰਦੇਸ਼ ਦੇ ਅਮਰੋਹਾ ਜ਼ਿਲ੍ਹੇ ਦੇ ਹਸਨਪੁਰ ਇਲਾਕੇ ਵਿੱਚ ਤਿੰਨ ਭੈਣਾਂ ਵੱਲੋਂ ਇੱਕੋ ਨੌਜਵਾਨ ਨਾਲ ਵਿਆਹ ਕਰਨ ਦਾ ਵੀਡੀਓ ਸੋਸ਼ਲ ਮੀਡੀਆ 'ਤੇ ਤੇਜ਼ੀ ਨਾਲ ਵਾਇਰਲ ਹੋਇਆ ਸੀ। ਮਾਮਲੇ ਵਿੱਚ ਬਾਲ ਕਲਿਆਣ ਕਮੇਟੀ
Amroha Marriage News : ਉੱਤਰ ਪ੍ਰਦੇਸ਼ ਦੇ ਅਮਰੋਹਾ ਜ਼ਿਲ੍ਹੇ ਦੇ ਹਸਨਪੁਰ ਇਲਾਕੇ ਵਿੱਚ ਤਿੰਨ ਭੈਣਾਂ ਵੱਲੋਂ ਇੱਕੋ ਨੌਜਵਾਨ ਨਾਲ ਵਿਆਹ ਕਰਨ ਦਾ ਵੀਡੀਓ ਸੋਸ਼ਲ ਮੀਡੀਆ 'ਤੇ ਤੇਜ਼ੀ ਨਾਲ ਵਾਇਰਲ ਹੋਇਆ ਸੀ। ਮਾਮਲੇ ਵਿੱਚ ਬਾਲ ਕਲਿਆਣ ਕਮੇਟੀ (CWC) ਦੇ ਦਖ਼ਲ ਅਤੇ ਤਿੰਨ ਦਿਨਾਂ ਅੰਦਰ ਜਾਂਚ ਰਿਪੋਰਟ ਮੰਗੇ ਜਾਣ ਤੋਂ ਬਾਅਦ ਤਿੰਨਾਂ ਨੌਜਵਾਨ ਕੁੜੀਆਂ ਕਮੇਟੀ ਅੱਗੇ ਪੇਸ਼ ਹੋਈਆਂ ਅਤੇ ਆਪਣੀ ਗਲਤੀ ਕਬੂਲ ਕਰ ਲਈ। ਉਨ੍ਹਾਂ ਲਿਖਤੀ ਬਿਆਨ ਵਿੱਚ ਮੰਨਿਆ ਕਿ ਇਹ ਵੀਡੀਓ ਸਸਤੀ ਲੋਕਪ੍ਰਿਯਤਾ ਹਾਸਲ ਕਰਨ ਅਤੇ ਸੋਸ਼ਲ ਮੀਡੀਆ 'ਤੇ ਫਾਲੋਅਰ ਵਧਾਉਣ ਲਈ ਬਣਾਇਆ ਗਿਆ ਇੱਕ ਪ੍ਰੈਂਕ ਸੀ। ਪੁਲਿਸ ਅਤੇ ਹਿੰਦੂ ਸੰਗਠਨਾਂ ਦੇ ਦਬਾਅ ਅਤੇ ਕਾਰਵਾਈ ਦੇ ਡਰ ਕਾਰਨ ਉਹ ਇਸ ਪ੍ਰੈਂਕ ਨੂੰ ਸੱਚ ਸਾਬਤ ਕਰਨ ਦੀ ਕੋਸ਼ਿਸ਼ ਕਰਦੀਆਂ ਰਹੀਆਂ।
CWC ਅੱਗੇ ਕੁੜੀਆਂ ਨੇ ਕਬੂਲਿਆ ਸੱਚ
ਬਾਲ ਕਲਿਆਣ ਕਮੇਟੀ ਅੱਗੇ ਪੇਸ਼ ਹੋ ਕੇ ਦੇਵਿਕਾ ਉਰਫ਼ ਸਾਵਿਤਰੀ ਨੇ ਦੱਸਿਆ ਕਿ ਯੋਜਨਾ ਮੁਤਾਬਕ ਇੱਕ ਜਾਂ ਦੋ ਦਿਨਾਂ ਵਿੱਚ ਇਸ ਪ੍ਰੈਂਕ ਦਾ ਖੁਲਾਸਾ ਕਰਨਾ ਸੀ ਪਰ ਪੁਲਿਸ ਅਤੇ ਹਿੰਦੂ ਸੰਗਠਨਾਂ ਦੇ ਦਬਾਅ ਕਾਰਨ ਉਹ ਸੱਚ ਦੱਸਣ ਤੋਂ ਡਰਦੀਆਂ ਰਹੀਆਂ। ਉਨ੍ਹਾਂ ਇਹ ਵੀ ਖੁਲਾਸਾ ਕੀਤਾ ਕਿ ਉਹ ਤਿੰਨੇ ਸਕੀਆਂ ਭੈਣਾਂ ਨਹੀਂ, ਸਗੋਂ ਮੌਸੇਰੀ ਭੈਣਾਂ ਹਨ।
ਮੰਦਰ ਨੇ ਵਿਆਹ ਤੋਂ ਕੀਤਾ ਇਨਕਾਰ
ਵਾਇਰਲ ਵੀਡੀਓ ਵਿੱਚ ਹਵਨ, ਸਿੰਦੂਰ ਪਾਉਣ ਅਤੇ ਫੇਰੇ ਲੈਂਦੇ ਦ੍ਰਿਸ਼ ਦਿਖਾਏ ਗਏ ਸਨ। ਵੀਡੀਓ ਨੂੰ ਚਾਮੁੰਡਾ ਮੰਦਰ ਦਾ ਦੱਸਿਆ ਗਿਆ ਸੀ ਪਰ ਮੰਦਰ ਦੇ ਪੁਜਾਰੀਆਂ ਨੇ ਅਜਿਹੇ ਕਿਸੇ ਵੀ ਵਿਆਹ ਤੋਂ ਸਾਫ਼ ਇਨਕਾਰ ਕਰ ਦਿੱਤਾ। ਵੀਡੀਓ ਵਿੱਚ ਹਸਨਪੁਰ ਨਗਰ ਪਾਲਿਕਾ ਦੇ ਚੇਅਰਮੈਨ ਅਤੇ ਕੁਝ ਔਰਤਾਂ ਵੀ ਨਜ਼ਰ ਆ ਰਹੀਆਂ ਸਨ, ਜਿਸ ਕਾਰਨ ਵਿਵਾਦ ਹੋਰ ਵੱਧ ਗਿਆ। ਵਿਰੋਧ ਦੇ ਬਾਵਜੂਦ ਕੁੜੀਆਂ ਪਹਿਲਾਂ ਇਸ ਵਿਆਹ ਨੂੰ ਅਸਲੀ ਦੱਸਦੀਆਂ ਰਹੀਆਂ।
CWC ਅਧਿਆਕਸ਼ ਦਾ ਬਿਆਨ
CWC ਅਮਰੋਹਾ ਦੇ ਅਧਿਆਕਸ਼ ਅਤੁਲੇਸ਼ ਭਾਰਦਵਾਜ ਨੇ ਦੱਸਿਆ ਕਿ ਢੌਰਿਆ ਪਿੰਡ ਨਾਲ ਜੁੜੇ ਇਸ ਵਾਇਰਲ ਮਾਮਲੇ ਵਿੱਚ ਥਾਣੇ ਅਤੇ ਜ਼ਿਲ੍ਹਾ ਪ੍ਰੋਬੇਸ਼ਨ ਦਫ਼ਤਰ ਤੋਂ ਰਿਪੋਰਟ ਮੰਗੀ ਗਈ ਸੀ। ਕੁੜੀਆਂ ਨੇ ਆਪਣੇ ਬਿਆਨ ਵਿੱਚ ਸਪੱਸ਼ਟ ਕੀਤਾ ਹੈ ਕਿ ਉਨ੍ਹਾਂ ਨੇ ਕੋਈ ਵਿਆਹ ਨਹੀਂ ਕੀਤਾ। ਇਹ ਸਿਰਫ਼ ਸੋਸ਼ਲ ਮੀਡੀਆ 'ਤੇ ਫਾਲੋਅਰ ਵਧਾਉਣ ਲਈ ਬਣਾਇਆ ਗਿਆ ਇੱਕ ਪ੍ਰੈਂਕ ਵੀਡੀਓ ਸੀ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
