ਧਰਮਸ਼ਾਲਾ:  ਟੂਰਿਸਟ ਸੀਜ਼ਨ ਸ਼ੁਰੂ ਹੋਣ ਤੋਂ ਪਹਿਲਾਂ ਹੀ ਹਿਮਾਚਲ ਪ੍ਰਦੇਸ਼ ਦੇ ਸ਼ਿਮਲਾ ਤੋਂ ਬਾਅਦ ਹੁਣ ਧਰਮਸ਼ਾਲਾ ਵਿੱਚ ਪੀਣ ਵਾਲੇ ਪਾਣੀ ਦੀ ਕਿੱਲਤ ਵੇਖਣ ਨੂੰ ਮਿਲ ਰਹੀ ਹੈ। ਹਿਮਾਚਲ ਦੇ ਨੇੜੇ ਵਸੇ ਇਸ ਪਹਾੜੀ ਸ਼ਹਿਰ ਵਿੱਚ ਪੀਣ ਵਾਲੇ ਪਾਣੀ ਦੀ ਭਾਰੀ ਕਮੀ ਆ ਗਈ ਹੈ। ਧਰਮਸ਼ਾਲਾ ਗਰਮੀ ਦੇ ਸਤਾਏ ਲੋਕਾਂ ਦਾ ਪਹਿਲੀ ਪਸੰਦ ਹੈ। ਦੇਸ਼ ਦੀ ਰਾਜਧਾਨੀ ਦਿੱਲੀ ਦੇ ਨਜ਼ਦੀਕ ਹੋਣ ਕਾਰਨ ਵੀ ਇੱਥੇ ਲੋਕਾਂ ਦਾ ਆਉਣਾ-ਜਾਣਾ ਲੱਗਾ ਰਹਿੰਦਾ ਹੈ। ਪਾਣੀ ਦੀ ਕਮੀ ਦੀ ਵਜ੍ਹਾ ਕਰ ਕੇ ਹਿਮਾਚਲ ਦੇ ਸੀਐਮ ਜੈ ਰਾਮ ਠਾਕੁਰ ਨੂੰ ਬਿਆਨ ਜਾਰੀ ਕਰਨਾ ਪਿਆ ਕਿ ਪਾਣੀ ਦੇ ਮਾਮਲਿਆਂ ਵਿੱਚ ਸਿੰਜਾਈ ਤੇ ਲੋਕਾਂ ਨੂੰ ਪੀਣ ਦਾ ਪਾਣੀ ਮੁਹੱਈਆ ਕਰਾਉਣ ਵਰਗੀਆਂ ਗੱਲਾਂ ਨੂੰ ਅਹਿਮੀਅਤ ਦਿੱਤੀ ਜਾਵੇਗੀ। ਉਨ੍ਹਾਂ ਕਿਹਾ ਕਿ ਇਸ ਲਈ ਸੂਬਾ ਸਰਕਾਰ ਨੇ 2,572 ਕਰੋੜ ਰੁਪਏ ਦੀ ਰਕਮ ਦਾ ਬੰਦੋਬਸਤ ਕੀਤਾ ਹੈ।

ਪਾਣੀ ਦੀ ਕਮੀ ਦਾ ਵਸਨੀਕਾਂ ’ਤੇ ਅਸਰ

  ਧਰਮਸ਼ਾਲਾ  ਦੇ ਲੋਕਾਂ ਦਾ ਕਹਿਣਾ ਹੈ ਕਿ ਸਾਲ 2005-06 ਤਕ ਸ਼ਹਿਰ ਵਿੱਚ ਪਾਣੀ ਦੀ ਕੋਈ ਕਮੀ ਨਹੀਂ ਸੀ। ਪਰ ਪ੍ਰਦੂਸ਼ਣ ਤੇ ਸੈਲਾਨੀਆਂ ਦੇ ਵਧਣ ਕਰ ਕੇ ਸ਼ਹਿਰ ਦੇ ਪਾਣੀ ’ਤੇ ਗਹਿਰਾ ਅਸਰ ਪਿਆ ਹੈ। ਵਸਨੀਕਾਂ ਮੁਤਾਬਕ ਪਾਣੀ ਦੀ ਅਜਿਹੀ ਕਿੱਲਤ ਹੈ ਕਿ ਖਾਣਾ ਬਣਾਉਣਾ ਵੀ ਮੁਸ਼ਕਲ ਹੋ ਰਿਹਾ ਹੈ। ਹੋਟਲ ਮਾਲਕਾਂ ਦੇ ਕਾਰੋਬਾਰ ’ਤੇ ਵੀ ਪਾਣੀ ਦੀ ਕਮੀ ਦਾ ਅਸਰ ਪੈ ਰਿਹਾ ਹੈ।

 ਜਨਤਕ ਪਖ਼ਾਨੇ ਹੋਏ ਬੰਦ

  ਪਾਣੀ ਦੀ ਕਮੀ ਦੇ ਕਾਰਨ ਸ਼ਹਿਰ ਦੇ ਕਈ ਜਨਤਕ ਪਖ਼ਾਨੇ ਬੰਦ ਕਰ ਦਿੱਤੇ ਗਏ ਹਨ। ਸੂਬਾ ਸਰਕਾਰ ਨੇ ਪਬਲਿਕ ਸਿਹਤ ਵਿਭਾਗ ਅਧਿਕਾਰੀ ਨੇ ਕਿਹਾ ਕਿ ਵਿਭਾਗ ਕੋਲ ਪਾਣੀ ਦੀ ਕਮੀ ਹੈ ਪਰ ਹਾਲੀਤ ਜਲਦੀ ਹੀ ਸੁਧਰ ਜਾਣ ਦੀ ਉਮੀਦ ਹੈ।