![ABP Premium](https://cdn.abplive.com/imagebank/Premium-ad-Icon.png)
Assam Flood: ਅਸਾਮ 'ਚ ਦਿਨ-ਰਾਤ ਲੋਕਾਂ ਦੀ ਮਦਦ 'ਚ ਲੱਗੀ ਹਵਾਈ ਸੈਨਾ, ਹੁਣ ਤੱਕ 454 ਲੋਕਾਂ ਨੂੰ ਸੁਰੱਖਿਅਤ ਥਾਵਾਂ 'ਤੇ ਪਹੁੰਚਾਇਆ
ਅਸਾਮ ਵਿੱਚ ਹੜ੍ਹਾਂ ਦੌਰਾਨ 15 ਮਈ ਤੋਂ ਲੈ ਕੇ ਹੁਣ ਤੱਕ ਹਵਾਈ ਸੈਨਾ ਨੇ 454 ਲੋਕਾਂ ਨੂੰ ਸੁਰੱਖਿਅਤ ਥਾਵਾਂ ’ਤੇ ਪਹੁੰਚਾਇਆ ਹੈ। ਇਨ੍ਹਾਂ ਲੋਕਾਂ ਵਿੱਚ 119 ਯਾਤਰੀ ਵੀ ਸ਼ਾਮਲ ਹਨ
![Assam Flood: ਅਸਾਮ 'ਚ ਦਿਨ-ਰਾਤ ਲੋਕਾਂ ਦੀ ਮਦਦ 'ਚ ਲੱਗੀ ਹਵਾਈ ਸੈਨਾ, ਹੁਣ ਤੱਕ 454 ਲੋਕਾਂ ਨੂੰ ਸੁਰੱਖਿਅਤ ਥਾਵਾਂ 'ਤੇ ਪਹੁੰਚਾਇਆ Assam Flood: 454 people evacuated so far in Assam Assam Flood: ਅਸਾਮ 'ਚ ਦਿਨ-ਰਾਤ ਲੋਕਾਂ ਦੀ ਮਦਦ 'ਚ ਲੱਗੀ ਹਵਾਈ ਸੈਨਾ, ਹੁਣ ਤੱਕ 454 ਲੋਕਾਂ ਨੂੰ ਸੁਰੱਖਿਅਤ ਥਾਵਾਂ 'ਤੇ ਪਹੁੰਚਾਇਆ](https://feeds.abplive.com/onecms/images/uploaded-images/2022/05/22/03d5ffd85fb16f4e516215c446012f80_original.webp?impolicy=abp_cdn&imwidth=1200&height=675)
Assam Flood News: ਅਸਾਮ ਵਿੱਚ ਹੜ੍ਹਾਂ ਦੀ ਮਾਰ ਝੱਲ ਰਹੇ ਭਾਰਤੀ ਹਵਾਈ ਸੈਨਾ ਵੀ ਜ਼ੋਰ-ਸ਼ੋਰ ਨਾਲ ਮਦਦ ਕਰਨ ਵਿੱਚ ਲੱਗੀ ਹੋਈ ਹੈ। ਭਾਰਤੀ ਹਵਾਈ ਸੈਨਾ ਨੇ ਰਾਹਤ ਅਤੇ ਬਚਾਅ ਕਾਰਜਾਂ ਲਈ ਆਪਣੇ AN-32 ਜਹਾਜ਼ਾਂ ਦੇ ਨਾਲ ਦੋ Mi-17 ਹੈਲੀਕਾਪਟਰ, ਇੱਕ ਚਿਨੂਕ ਹੈਲੀਕਾਪਟਰ ਅਤੇ ਇੱਕ ALH ਧਰੁਵ ਹੈਲੀਕਾਪਟਰ ਤਾਇਨਾਤ ਕੀਤੇ ਹਨ।
ਅਸਾਮ ਵਿੱਚ ਹੜ੍ਹਾਂ ਦੌਰਾਨ 15 ਮਈ ਤੋਂ ਲੈ ਕੇ ਹੁਣ ਤੱਕ ਹਵਾਈ ਸੈਨਾ ਨੇ 454 ਲੋਕਾਂ ਨੂੰ ਸੁਰੱਖਿਅਤ ਥਾਵਾਂ ’ਤੇ ਪਹੁੰਚਾਇਆ ਹੈ। ਇਨ੍ਹਾਂ ਲੋਕਾਂ ਵਿੱਚ 119 ਯਾਤਰੀ ਵੀ ਸ਼ਾਮਲ ਹਨ ਜੋ ਦਾਮੀ ਹਸਾਓ ਜ਼ਿਲ੍ਹੇ ਦੇ ਡਿਟੋਕਚਰਾ ਰੇਲਵੇ ਸਟੇਸ਼ਨ 'ਤੇ ਫਸੇ ਹੋਏ ਸਨ ਅਤੇ ਜਿਨ੍ਹਾਂ ਲਈ ਹਵਾਈ ਸੈਨਾ ਦੇ ਧਰੁਵ ਹੈਲੀਕਾਪਟਰ ਨੇ ਰੇਲਵੇ ਟਰੈਕ 'ਤੇ ਲੈਂਡਿੰਗ ਕੀਤੀ ਸੀ।
ਭਾਰਤੀ ਹਵਾਈ ਸੈਨਾ ਅਨੁਸਾਰ ਸਥਾਨਕ ਲੋਕਾਂ ਨੂੰ ਸੁਰੱਖਿਅਤ ਥਾਵਾਂ 'ਤੇ ਪਹੁੰਚਾਉਣ ਤੋਂ ਇਲਾਵਾ ਐਮਆਈ-17 ਅਤੇ ਚਿਨੂਕ ਹੈਲੀਕਾਪਟਰਾਂ ਰਾਹੀਂ ਰਾਹਤ ਸਮੱਗਰੀ ਵੀ ਉਨ੍ਹਾਂ ਲੋਕਾਂ ਤੱਕ ਪਹੁੰਚਾਈ ਜਾ ਰਹੀ ਹੈ, ਜੋ ਹੜ੍ਹ ਕਾਰਨ ਅਸਾਮ ਦੇ ਬਾਕੀ ਹਿੱਸਿਆਂ ਤੋਂ ਕੱਟੇ ਹੋਏ ਹਨ। NDRF ਯਾਨੀ ਰਾਸ਼ਟਰੀ ਆਫ਼ਤ ਬਚਾਅ ਬਲ ਦੀ 20 ਮੈਂਬਰੀ ਟੀਮ ਨੂੰ ਵੀ ਰਾਹਤ ਅਤੇ ਬਚਾਅ ਕਾਰਜਾਂ ਵਿੱਚ ਤੇਜ਼ੀ ਲਿਆਉਣ ਲਈ ਅਸਾਮ ਦੇ ਦੀਮਾ ਹਸਾਓ ਅਤੇ ਹੈਫਲਾਂਗ ਖੇਤਰਾਂ ਵਿੱਚ ਭੇਜਿਆ ਗਿਆ ਹੈ।
ਹਵਾਈ ਸੈਨਾ ਮੁਤਾਬਕ ਖ਼ਰਾਬ ਮੌਸਮ ਅਤੇ ਪਹਾੜੀ ਇਲਾਕਿਆਂ ਦੇ ਬਾਵਜੂਦ ਸਾਰੇ ਹੈਲੀਕਾਪਟਰ ਦਿਨ-ਰਾਤ ਬਚਾਅ ਮਿਸ਼ਨ ਵਿੱਚ ਲੱਗੇ ਹੋਏ ਹਨ। ਇਸ ਤੋਂ ਇਲਾਵਾ ਅਸਾਮ ਸਰਕਾਰ ਅਤੇ ਐਨਡੀਆਰਐਫ ਦੇ ਸਹਿਯੋਗ ਨਾਲ ਲੋਕਾਂ ਨੂੰ ਹਰ ਸੰਭਵ ਮਦਦ ਪ੍ਰਦਾਨ ਕਰਨ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ। ਭਾਰਤੀ ਹਵਾਈ ਸੈਨਾ ਦੇ ਅਨੁਸਾਰ, ਹਵਾਈ ਕਾਰਵਾਈ ਉਦੋਂ ਤੱਕ ਜਾਰੀ ਰਹੇਗੀ ਜਦੋਂ ਤੱਕ ਹੜ੍ਹ ਦਾ ਖ਼ਤਰਾ ਪੂਰੀ ਤਰ੍ਹਾਂ ਟਲ ਨਹੀਂ ਜਾਂਦਾ।
ਇਹ ਵੀ ਪੜ੍ਹੋ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
![ABP Premium](https://cdn.abplive.com/imagebank/metaverse-mid.png)