'ਲਾਰੈਂਸ ਬਿਸ਼ਨੋਈ ਗੈਂਗ ਤੋਂ ਮਿਲੇ ਪਿਸਤੌਲ ਨਾਲ ਹੋਈ ਸੀ ਅਤੀਕ ਦੀ ਹੱਤਿਆ', ਸ਼ੂਟਰਾਂ ਦਾ NIA ਸਾਹਮਣੇ ਕਬੂਲਨਾਮਾ

Lawrence Bishno : ਲਾਰੈਂਸ ਬਿਸ਼ਨੋਈ ਨੇ ਐਨਆਈਏ ਨੂੰ ਖੁਲਾਸਾ ਕੀਤਾ ਹੈ ਕਿ ਉਸ ਨੇ ਸਾਲ 2021 ਵਿੱਚ ਅਮਰੀਕਾ ਤੋਂ ਗੋਲਡੀ ਬਰਾੜ ਰਾਹੀਂ ਗੋਗੀ ਗੈਂਗ ਨੂੰ 2 ਜਿਗਾਨਾ ਪਿਸਤੌਲ ਦਿੱਤੇ ਸਨ। ਇਸ ਦੇ ਨਾਲ ਹੀ ਅਤੀਕ ਦੀ ਹੱਤਿਆ ਕਰਨ ਵਾਲੇ ਤਿੰਨ ਸ਼ੂਟਰਾਂ ਨੇ

Lawrence Bishnoi

Lawrence Bishno : ਲਾਰੈਂਸ ਬਿਸ਼ਨੋਈ ਨੇ ਐਨਆਈਏ ਨੂੰ ਖੁਲਾਸਾ ਕੀਤਾ ਹੈ ਕਿ ਉਸ ਨੇ ਸਾਲ 2021 ਵਿੱਚ ਅਮਰੀਕਾ ਤੋਂ ਗੋਲਡੀ ਬਰਾੜ ਰਾਹੀਂ ਗੋਗੀ ਗੈਂਗ ਨੂੰ 2 ਜਿਗਾਨਾ ਪਿਸਤੌਲ ਦਿੱਤੇ ਸਨ। ਇਸ ਦੇ ਨਾਲ ਹੀ ਅਤੀਕ ਦੀ ਹੱਤਿਆ ਕਰਨ ਵਾਲੇ ਤਿੰਨ ਸ਼ੂਟਰਾਂ ਨੇ ਯੂਪੀ ਪੁਲਿਸ ਕੋਲ ਕਬੂਲ ਕੀਤਾ ਸੀ ਕਿ ਉਨ੍ਹਾਂ ਨੂੰ ਗੋਗੀ ਗੈਂਗ ਤੋਂ ਜਿਗਾਨਾ ਪਿਸਤੌਲ ਮਿਲਿਆ ਸੀ। ਅਜਿਹੇ 'ਚ ਸਵਾਲ ਇਹ ਉੱਠਦਾ ਹੈ ਕਿ ਕੀ ਅਤੀਕ ਅਤੇ ਅਸ਼ਰਫ ਦੀ ਮੌਤ ਅਮਰੀਕਾ ਤੋਂ ਮੰਗਵਾਈ ਗਈ ਇਸ ਪਿਸਤੌਲ ਨਾਲ ਹੋਈ ਹੈ?

ਲਾਰੈਂਸ ਬਿਸ਼ਨੋਈ ਨੇ NIA ਦੇ ਸਾਹਮਣੇ ਕਈ ਹੈਰਾਨ ਕਰਨ ਵਾਲੇ ਖੁਲਾਸੇ ਕੀਤੇ ਹਨ। ਉਸਨੇ ਦੱਸਿਆ ਕਿ ਉਸਦੀ ਲਿਸਟ ਵਿੱਚ 10 ਟਾਰਗੇਟ ਕੌਣ-ਕੌਣ  ਸਨ ਅਤੇ ਕਿਸ ਵਜ੍ਹਾ ਨਾਲ ਉਹ ਉਨ੍ਹਾਂ ਦੀ ਸੂਚੀ ਵਿੱਚ ਆ ਗਏ ਸੀ।

 

ਪੜ੍ਹੋ, ਲਾਰੈਂਸ ਬਿਸ਼ਨੋਈ ਦੇ ਕਬੂਲਨਾਮੇ 'ਚ ਸਾਹਮਣੇ ਆਏ ਇਹ 10 ਟਾਪ ਟਾਰਗੇਟ

 

ਟਾਰਗੇਟ ਨੰਬਰ 1- ਬਾਲੀਵੁੱਡ ਦੇ ਟਾਪ ਐਕਟਰ ਸਲਮਾਨ ਖਾਨ

ਟਾਰਗੇਟ ਨੰਬਰ  2- ਸ਼ਗਨਪ੍ਰੀਤ, ਮੈਨੇਜਰ, ਸਿੱਧੂ ਮੂਸੇਵਾਲਾ

ਟਾਰਗੇਟ ਨੰਬਰ 3- ਮਨਦੀਪ ਧਾਲੀਵਾਲ, ਲੱਕੀ ਪਟਿਆਲ ਦਾ ਮੈਂਬਰ 

ਟਾਰਗੇਟ ਨੰਬਰ  4- ਕੌਸ਼ਲ ਚੌਧਰੀ, ਗੈਂਗਸਟਰ

ਟਾਰਗੇਟ ਨੰਬਰ 5- ਅਮਿਤ ਡਾਗਰ, ਗੈਂਗਸਟਰ (ਲਾਰੈਂਸ ਨੇ ਦੱਸਿਆ ਕਿ ਵਿੱਕੀ ਮਿੱਡੂਖੇੜਾ ਦੇ ਕਤਲ ਦੀ ਸਾਰੀ ਸਾਜ਼ਿਸ਼ ਅਮਿਤ ਡਾਗਰ ਅਤੇ ਕੌਸ਼ਲ ਚੌਧਰੀ ਨੇ ਰਚੀ ਸੀ)

 

ਟਾਰਗੇਟ ਨੰਬਰ 6- ਬੰਬੀਹਾ ਗੈਂਗ ਦਾ ਮੁਖੀ ਸੁਖਪ੍ਰੀਤ ਸਿੰਘ ਬੁੱਢਾ

ਟਾਰਗੇਟ ਨੰਬਰ 7- ਲੱਕੀ ਪਟਿਆਲ, ਗੈਂਗਸਟਰ

ਟਾਰਗੇਟ ਨੰਬਰ 8- ਗੌਂਡਰ ਗੈਂਗ ਦਾ ਸਰਗਨਾ ਰੰਮੀ ਮਸਾਣਾ। (ਲਾਰੈਂਸ ਦੇ ਅਨੁਸਾਰ ਰੰਮੀ ਮਸਾਨਾ ਨਾਲ ਮੈਨੂੰ ਆਪਣੇ ਚਚੇਰੇ ਭਰਾ ਅਮਨਦੀਪ ਦੇ ਕਤਲ ਦਾ ਬਦਲਾ ਲੈਣਾ ਸੀ, ਜੋ ਮੇਰੇ ਦੁਸ਼ਮਣ ਗੈਂਗ ਦਾ ਸ਼ਾਰਪ ਸ਼ੂਟਰ ਹੈ)

 

ਟਾਰਗੇਟ ਨੰਬਰ 9- ਗੌਂਡਰ ਗੈਂਗ ਦਾ ਲੀਡਰ ਗੁਰਪ੍ਰੀਤ ਸ਼ੇਖੋਂ (ਗੁਰਪ੍ਰੀਤ ਮੇਰੇ ਦੁਸ਼ਮਣ ਗੌਂਡਰ ਗੈਂਗ ਦਾ ਲੀਡਰ ਹੈ ਅਤੇ ਉਸਨੇ ਮੇਰੇ ਚਚੇਰੇ ਭਰਾ ਨੂੰ ਮਾਰਨ ਲਈ ਰੰਮੀ ਮਸਾਣਾ ਨੂੰ ਹਥਿਆਰ ਮੁਹੱਈਆ ਕਰਵਾਏ ਸਨ)

ਟਾਰਗੇਟ ਨੰਬਰ 10 - ਭੋਲੂ ਸ਼ੂਟਰ, ਸੰਨੀ ਲੈਫਟੀ ਅਤੇ ਅਨਿਲ ਲਠ, ਵਿੱਕੀ ਮਿੱਡੂਖੇੜਾ ਦੇ ਕਾਤਲ

 

  ਗੋਲਡੀ ਬਰਾੜ ਦੇ ਸੰਪਰਕ ਵਿੱਚ ਸੀ ਲਾਰੈਂਸ

ਲਾਰੈਂਸ ਨੇ ਆਪਣੇ ਕਬੂਲਨਾਮੇ ਵਿਚ ਕਿਹਾ ਕਿ ਵਿੱਕੀ ਮਿੱਡੂਖੇੜਾ ਦੇ ਕਤਲ ਦਾ ਬਦਲਾ ਲੈਣ ਲਈ ਲਾਰੈਂਸ ਨੇ ਸਿੱਧੂ ਮੂਸੇਵਾਲਾ ਨੂੰ ਮਾਰਨ ਲਈ ਸਤੰਬਰ/ਅਕਤੂਬਰ 2021 ਵਿਚ ਤਿੰਨ ਨਿਸ਼ਾਨੇਬਾਜ਼ ਸ਼ਾਹਰੁਖ, ਡੈਨੀ ਅਤੇ ਅਮਨ ਨੂੰ ਉਸਦੇ ਪਿੰਡ ਭੇਜਿਆ ਸੀ। ਪਿੰਡ ਵਿੱਚ ਰਹਿਣ ਲਈ ਉਸ ਦੀ ਮਦਦ ਮੋਨਾ ਸਰਪੰਚ ਅਤੇ ਜੱਗੂ ਭਗਵਾਨਪੁਰੀਆ ਨੇ ਕੀਤੀ ਪਰ ਬਾਅਦ ਵਿੱਚ ਇਨ੍ਹਾਂ ਸ਼ੂਟਰਾਂ ਨੇ ਦੱਸਿਆ ਕਿ ਸਿੱਧੂ ਮੂਸੇਵਾਲਾ ਨੂੰ ਮਾਰਨ ਲਈ ਕੁਝ ਹੋਰ ਸ਼ੂਟਰ ਸ਼ਾਮਲ ਹੋਣੇ ਸਨ। ਇਸ ਦੌਰਾਨ ਲਾਰੈਂਸ ਕੈਨੇਡਾ ਵਿੱਚ ਗੋਲਡੀ ਬਰਾੜ ਦੇ ਸੰਪਰਕ ਵਿੱਚ ਵੀ ਰਿਹਾ।

ਲਾਰੈਂਸ ਨੇ ਐਨਆਈਏ ਦੀ ਪੁੱਛਗਿੱਛ ਵਿੱਚ ਕਬੂਲ ਕੀਤਾ ਹੈ ਕਿ ਸਿੱਧੂ ਮੂਸੇਵਾਲਾ ਦੀ ਹੱਤਿਆ ਦੀ ਸਾਜ਼ਿਸ਼ ਤਿਆਰ ਕਰਦੇ ਸਮੇਂ ਹਵਾਲਾ ਜ਼ਰੀਏ 50 ਲੱਖ ਰੁਪਏ ਕੈਨੇਡਾ ਵਿੱਚ ਗੋਲਡੀ ਬਰਾੜ ਨੂੰ ਭਿਜਵਾਏ ਸਨ। ਉਸ ਨੇ ਦੱਸਿਆ ਕਿ ਸਾਲ 2018 ਤੋਂ 2022 ਦਰਮਿਆਨ ਲਾਰੈਂਸ ਨੇ ਯੂਪੀ ਦੇ ਖੁਰਜਾ ਤੋਂ ਆਪਣੇ ਕਰੀਬੀ ਗੈਂਗਸਟਰ ਰੋਹਿਤ ਚੌਧਰੀ ਦੀ ਮਦਦ ਨਾਲ ਹਥਿਆਰਾਂ ਦੇ ਸਪਲਾਇਰ ਕੁਰਬਾਨ ਚੌਧਰੀ ਸ਼ਹਿਜ਼ਾਦ ਤੋਂ ਕਰੀਬ 2 ਕਰੋੜ ਰੁਪਏ 'ਚ 25 ਹਥਿਆਰ ਖਰੀਦੇ ਸਨ, ਜਿਨ੍ਹਾਂ 'ਚ 9 ਐੱਮਐੱਮ ਪਿਸਤੌਲ ਅਤੇ ਏਕੇ 47 ਸ਼ਾਮਲ ਹੈ। ਇਹ ਹਥਿਆਰ ਸਿੱਧੂ ਮੂਸੇਵਾਲਾ ਦੇ ਕਤਲ ਵਿੱਚ ਵਰਤੇ ਗਏ ਸਨ।

 

ਲਾਰੈਂਸ ਬਿਸ਼ਨੋਈ ਨੇ ਐਨਆਈਏ ਅੱਗੇ ਇਹ ਵੀ ਕਬੂਲ ਕੀਤਾ ਕਿ ਉਸ ਨੇ ਭਰਤਪੁਰ, ਫਰੀਦਕੋਟ ਅਤੇ ਹੋਰ ਜੇਲ੍ਹਾਂ ਵਿੱਚ ਰਹਿੰਦਿਆਂ ਕਦੇ ਰਾਜਸਥਾਨ ਦੇ ਕਾਰੋਬਾਰੀਆਂ ਤੋਂ, ਕਦੇ ਚੰਡੀਗੜ੍ਹ ਵਿੱਚ 10 ਕਲੱਬ ਮਾਲਕਾਂ, ਅੰਬਾਲਾ ਵਿੱਚ ਮਾਲ ਮਾਲਕਾਂ, ਸ਼ਰਾਬ ਕਾਰੋਬਾਰੀਆਂ ਤੋਂ ਅਤੇ ਕਦੇ ਦਿੱਲੀ ਅਤੇ ਪੰਜਾਬ ਵਿੱਚ ਸੱਟੇਬਾਜ਼ਾਂ ਤੋਂ ਕਰੋੜਾਂ ਰੁਪਏ ਇਕੱਠੇ ਕੀਤੇ।