Honey Trap: ਕੁੜੀ ਤੇ 2000 ਰੁਪਏ ਦੇ ਚੱਕਰ 'ਚ ਦੇਸ਼ ਦੀ ਸੁਰੱਖਿਆ ਨਾਲ ਖਿਲਵਾੜ! ਪਾਕਿਸਤਾਨ ਭੇਜੀ ਖੂਫੀਆ ਜਾਣਕਾਰੀ

ATS Arrested Kalpesh Baykar: ਪਾਕਿਸਤਾਨ ਭਾਰਤੀ ਜਲ ਸੈਨਾ ਨਾਲ ਸਬੰਧਤ ਖੁਫੀਆ ਜਾਣਕਾਰੀ ਇਕੱਠੀ ਕਰਨ ਲਈ ਹਨੀ ਟਰੈਪ ਦੀ ਵਰਤੋਂ ਕਰ ਰਿਹਾ ਹੈ। ਹਾਲ ਹੀ ਵਿੱਚ, ਮਹਾਰਾਸ਼ਟਰ ਏਟੀਐਸ ਨੇ ਮਜ਼ਗਾਓਂ ਡੌਕ ਵਿੱਚ ਕੰਮ ਕਰਦੇ...

ATS Arrested Kalpesh Baykar

ATS Arrested Kalpesh Baykar: ਪਾਕਿਸਤਾਨ ਭਾਰਤੀ ਜਲ ਸੈਨਾ ਨਾਲ ਸਬੰਧਤ ਖੁਫੀਆ ਜਾਣਕਾਰੀ ਇਕੱਠੀ ਕਰਨ ਲਈ ਹਨੀ ਟਰੈਪ ਦੀ ਵਰਤੋਂ ਕਰ ਰਿਹਾ ਹੈ। ਹਾਲ ਹੀ ਵਿੱਚ, ਮਹਾਰਾਸ਼ਟਰ ਏਟੀਐਸ ਨੇ ਮਾਝਗਾਓਂ ਡੌਕ ਵਿੱਚ ਕੰਮ ਕਰਦੇ ਕਲਪੇਸ਼ ਬਾਯਕਰ ਨਾਮ ਦੇ 30 ਸਾਲਾ ਵਿਅਕਤੀ ਨੂੰ ਪਾਕਿਸਤਾਨੀ ਖੁਫੀਆ ਆਪਰੇਟਿਵ (ਪੀਆਈਓ) ਏਜੰਟਾਂ ਨਾਲ ਸੰਵੇਦਨਸ਼ੀਲ ਜਾਣਕਾਰੀ ਸਾਂਝੀ ਕਰਨ ਦੇ ਦੋਸ਼ ਵਿੱਚ ਗ੍ਰਿਫਤਾਰ ਕੀਤਾ ਸੀ।

ਜਾਂਚ ਦੌਰਾਨ ਸਾਹਮਣੇ ਆਇਆ ਕਿ ਪੀਆਈਓ ਏਜੰਟ ਨੇ ਮੁਲਜ਼ਮ ਕਲਪੇਸ਼ ਦੇ ਖਾਤੇ ਵਿੱਚ 2000 ਰੁਪਏ ਭੇਜੇ ਸਨ ਅਤੇ ਇਹ ਪੈਸੇ ਭੇਜਣ ਲਈ ਕਿਰਨ ਪਾਲ ਸਿੰਘ ਵਾਸੀ ਨਵੀਂ ਦਿੱਲੀ ਦੇ ਬੈਂਕ ਖਾਤੇ ਦੀ ਵਰਤੋਂ ਕੀਤੀ ਗਈ ਸੀ। ਸਿੰਘ ਐਸਬੀਆਈ ਵਿੱਚ ਕੰਮ ਕਰਦਾ ਸੀ ਅਤੇ ਮੌਜੂਦਾ ਸਮੇਂ ਵਿੱਚ ਸੇਵਾਮੁਕਤ ਹੈ, ਸਿੰਘ ਨੇ ਏਟੀਐਸ ਨੂੰ ਦੱਸਿਆ ਕਿ ਉਸਨੇ ਮਸ਼ਹੂਰ "ਬਿਟਕੋਇਨ ਐਕਸਚੇਂਜ ਅਤੇ ਅਲਟਕੋਇਨ ਕ੍ਰਿਪਟੋ  ਐਕਸਚੇਂਜ ਐਪਲੀਕੇਸ਼ਨ" 'ਤੇ ਡਾਲਰ ਖਰੀਦਣ ਲਈ 2000 ਰੁਪਏ ਦਿੱਤੇ ਸਨ ਅਤੇ ਇਹ ਪੈਸੇ ਕਲਪੇਸ਼ ਦੇ ਖਾਤੇ ਵਿੱਚ ਕਿਵੇਂ ਗਏ, ਉਸਨੂੰ ਪਤਾ ਨਹੀਂ ਹੈ।  

25 ਪਣਡੁੱਬੀਆਂ ਅਤੇ ਜੰਗੀ ਜਹਾਜ਼ਾਂ ਦੇ ਸਕੈਚ ਸਾਂਝੇ ਕੀਤੇ

ਜਾਂਚ ਵਿੱਚ ਇਹ ਵੀ ਸਾਹਮਣੇ ਆਇਆ ਹੈ ਕਿ ਕਲਪੇਸ਼ ਨੇ ਗ੍ਰਿਫ਼ਤਾਰੀ ਤੋਂ ਪਹਿਲਾਂ ਪੀਆਈਓ ਦੀ ਮਹਿਲਾ ਏਜੰਟ ਸੋਨਾਲੀ ਸ਼ਰਮਾ ਨਾਲ 25 ਪਣਡੁੱਬੀਆਂ ਅਤੇ ਜੰਗੀ ਜਹਾਜ਼ਾਂ ਦੇ ਸਕੈਚ ਸਾਂਝੇ ਕੀਤੇ ਸਨ। ਇਸ ਜਾਂਚ 'ਚ ਏਜੰਸੀਆਂ ਨੂੰ ਪਤਾ ਲੱਗਾ ਕਿ ਕਿਸ ਤਰ੍ਹਾਂ ਪਾਕਿਸਤਾਨੀ ਆਈਐੱਸਆਈ ਏਜੰਟਾਂ ਵੱਲੋਂ ਬਿਟਕੁਆਇਨ ਐਕਸਚੇਂਜ ਅਤੇ ਅਲਟਕੋਇਨ ਕ੍ਰਿਪਟੋ ਐਕਸਚੇਂਜ ਐਪਲੀਕੇਸ਼ਨ ਦੀ ਵਰਤੋਂ ਕੀਤੀ ਜਾ ਰਹੀ ਹੈ ਤਾਂ ਜੋ ਉਹ ਆਪਣੀ ਪਛਾਣ ਲੁਕਾਉਣ 'ਚ ਕਾਮਯਾਬ ਹੋ ਸਕਣ ਅਤੇ ਭਾਰਤ ਦੀ ਸੰਵੇਦਨਸ਼ੀਲ ਜਾਣਕਾਰੀ ਵੀ ਹਾਸਲ ਕਰ ਸਕਣ।

ਚੀਨ ਨਾਲ ਵੀ ਕਨੈਕਸ਼ਨ

ਏਟੀਐਸ ਨੇ ਚੀਨੀ ਨਾਗਰਿਕ ਦੁਆਰਾ ਬਣਾਈ ਗਈ ਐਪਲੀਕੇਸ਼ਨ ਨੂੰ ਚਲਾਉਣ ਵਾਲੀ ਕੰਪਨੀ ਦੀ ਵੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਪੁੱਛਗਿੱਛ ਦੌਰਾਨ ਕਲਪੇਸ਼ ਨੇ ਦੱਸਿਆ ਕਿ ਉਸ ਦਾ 29ਵਾਂ ਜਨਮ ਦਿਨ ਸੀ ਜਦੋਂ ਉਸ ਨੇ ਸੋਨਾਲੀ ਸ਼ਰਮਾ (ਪੀਆਈਓ ਦੀ ਮਹਿਲਾ ਏਜੰਟ) ਨੂੰ ਕਿਹਾ ਕਿ ਉਹ ਉਸ ਦੇ ਜਨਮ ਦਿਨ ਦਾ ਤੋਹਫਾ ਚਾਹੁੰਦਾ ਹੈ ਅਤੇ ਉਹ ਚਾਹੁੰਦਾ ਸੀ ਕਿ ਉਸ ਦਿਨ ਸੋਨਾਲੀ ਉਸ ਨੂੰ ਨਿੱਜੀ ਤੌਰ 'ਤੇ ਮਿਲੇ।

ਪਰ ਉਸ ਦਿਨ ਸੋਨਾਲੀ ਨੇ ਕਿਸੇ ਬਹਾਨੇ ਉਸ ਨੂੰ ਮਿਲਣ ਤੋਂ ਇਨਕਾਰ ਕਰ ਦਿੱਤਾ ਅਤੇ ਕਿਹਾ ਕਿ ਉਹ ਕਿਸੇ ਹੋਰ ਦਿਨ ਉਸ ਨੂੰ ਮਿਲ ਲਵੇਗੀ ਅਤੇ ਉਸ ਨੇ ਸਿੰਘ ਦੇ ਖਾਤੇ ਵਿੱਚੋਂ 2000 ਰੁਪਏ ਕਲਪੇਸ਼ ਦੇ ਬੈਂਕ ਖਾਤੇ ਵਿੱਚ ਭੇਜ ਦਿੱਤੇ ਅਤੇ ਉਸ ਨੂੰ ਇਸ ਪੈਸੇ ਨਾਲ ਖਰੀਦਦਾਰੀ ਕਰਨ ਲਈ ਕਿਹਾ।

ਨੋਟ :  ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ ABP ਸਾਂਝਾ ਦੇ YouTube ਚੈਨਲ ਨੂੰ Subscribe ਕਰ ਲਵੋ। ABP ਸਾਂਝਾ ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੇ ਉਪਲੱਬਧ ਹੈ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ, ਕੂ, ਸ਼ੇਅਰਚੈੱਟ ਅਤੇ ਡੇਲੀਹੰਟ 'ਤੇ ਵੀ ਫੋਲੋ ਕਰ ਸਕਦੇ ਹੋ। ਸਾਡੀ ABP ਸਾਂਝਾ ਦੀ ਵੈੱਬਸਾਈਟ https://punjabi.abplive.com/ 'ਤੇ ਜਾ ਕੇ ਵੀ ਖ਼ਬਰਾਂ ਨੂੰ ਤਫ਼ਸੀਲ ਨਾਲ ਪੜ੍ਹ ਸਕਦੇ ਹੋ ।