ਭਾਜਪਾ ਨੂੰ ਲੱਗ ਸਕਦਾ ਵੱਡਾ ਝਟਕਾ! 20 ਤੋਂ 25 ਵਿਧਾਇਕ ਤੇ ਦੋ ਸੰਸਦ ਮੈਂਬਰ ਦੇ ਸਕਦੇ ਬੇਦਾਵਾ
ਮੁਕੁਲ ਦੇ ਤ੍ਰਿਣਮੂਲ ਜਾਣ ਦੇ ਬਾਅਦ ਤੋਂ, ਭਾਜਪਾ ਦੀ ਨਜ਼ਰ ਇਸ ਦੇ ਨੇਤਾਵਾਂ ਤੇ ਵਿਧਾਇਕਾਂ 'ਤੇ ਹੈ। ਇਹ ਭਾਜਪਾ ਦੀ ਕੋਸ਼ਿਸ਼ ਹੈ ਕਿ ਉਹ ਆਪਣੇ ਨੇਤਾਵਾਂ ਨੂੰ ਪਾਰਟੀ ਵਿੱਚ ਰੱਖੇ, ਇਸ ਲਈ ਅਜਿਹੇ ਨੇਤਾਵਾਂ ਦੀ ਨਿਗਰਾਨੀ ਕੀਤੀ ਜਾ ਰਹੀ ਹੈ।
ਕੋਲਕਾਤਾ: ਪੱਛਮੀ ਬੰਗਾਲ ਵਿੱਚ ਚੋਣਾਂ ਤੋਂ ਬਾਅਦ, ਦਲ-ਬਦਲੀ ਦੀ ਰਾਜਨੀਤੀ ਨੇ ਬੰਗਾਲ ਵਿੱਚ ਰਾਜਨੀਤਕ ਅੰਦੋਲਨ ਨੂੰ ਤੇਜ਼ ਕਰ ਦਿੱਤਾ ਹੈ। ਭਾਜਪਾ ਵਿੱਚ ਤਕਰੀਬਨ ਚਾਰ ਸਾਲ ਬਿਤਾਉਣ ਤੋਂ ਬਾਅਦ ਮੁਕੂਲ ਰਾਏ ਤ੍ਰਿਣਮੂਲ ਕਾਂਗਰਸ (ਟੀਐਮਸੀ) ਵਿੱਚ ਪਰਤਣ ਤੋਂ ਬਾਅਦ ਦਲ-ਬਦਲੀ ਦੀ ਰਾਜਨੀਤੀ ਹੋਰ ਤੇਜ਼ ਹੋ ਗਈ ਹੈ। ਮੁਕੁਲ ਰਾਏ ਨੇ ਮੀਡੀਆ ਸਾਹਮਣੇ ਦਾਅਵਾ ਕੀਤਾ ਹੈ ਕਿ ਉਹ ਬਹੁਤ ਸਾਰੇ ਲੋਕਾਂ (ਭਾਜਪਾ ਵਿਧਾਇਕਾਂ) ਨਾਲ ਗੱਲਬਾਤ ਕਰ ਰਹੇ ਹਨ।
ਦਰਅਸਲ, ਪੱਛਮੀ ਬੰਗਾਲ ਵਿੱਚ ਵਿਧਾਨ ਸਭਾ ਚੋਣਾਂ ਤੋਂ ਬਾਅਦ, ਭਾਜਪਾ ਵਿੱਚ ਵੱਡੇ ਪੱਧਰ ’ਤੇ ਟੁੱਟਣ ਦੀਆਂ ਖਬਰਾਂ ਆ ਰਹੀਆਂ ਹਨ। ਸੋਮਵਾਰ ਨੂੰ, ਜਦੋਂ ਬੰਗਾਲ ਵਿਧਾਨ ਸਭਾ ਵਿੱਚ ਵਿਰੋਧੀ ਧਿਰ ਦੇ ਨੇਤਾ ਸੁਵੇਂਦੂ ਅਧਿਕਾਰੀ ਰਾਜਪਾਲ ਜਗਦੀਪ ਧਨਖੜ ਨੂੰ ਮਿਲਣ ਪਹੁੰਚੇ, ਤਾਂ ਉਨ੍ਹਾਂ ਵਿੱਚੋਂ 77 ਵਿਧਾਇਕਾਂ ਵਿੱਚੋਂ 51 ਵਿਧਾਇਕ ਹੀ ਉਨ੍ਹਾਂ ਨਾਲ ਰਾਜ ਭਵਨ ਪਹੁੰਚੇ। ਇਸ ਸਾਰੇ ਘਟਨਾਕ੍ਰਮ ਨੇ ਰਾਜ ਭਾਜਪਾ ਵਿੱਚ ਬਗਾਵਤ ਦੇ ਸੰਕੇਤ ਦੇਣਾ ਸ਼ੁਰੂ ਕਰ ਦਿੱਤਾ ਹੈ।
ਮੁਕੁਲ ਰਾਏ ਦੀ ਵਾਪਸੀ ਤੋਂ ਬਾਅਦ ਇਹ ਕਿਹਾ ਜਾ ਰਿਹਾ ਹੈ ਕਿ ਭਾਜਪਾ ਦੇ ਆਗੂ ਤੇ ਹੋਰ ਕਾਰਕੁਨ ਵੱਡੀ ਗਿਣਤੀ ’ਚ ਤ੍ਰਿਣਮੂਲ ਕਾਂਗਰਸ ਵਿੱਚ ਆਉਣਗੇ। ਮੁਕੁਲ ਲਗਾਤਾਰ ਭਾਜਪਾ ਨੇਤਾਵਾਂ ਤੇ ਪ੍ਰਬੰਧਕਾਂ ਦੇ ਸੰਪਰਕ ਵਿੱਚ ਰਹਿ ਰਹੇ ਹਨ। ਸਾਲ 2017 ’ਚ ਤ੍ਰਿਣਮੂਲ ਤੋਂ ਭਾਜਪਾ ’ਚ ਜਾਣ ਵਾਲੇ ਮੁਕੁਲ ਰਾਏ ਆਪਣੇ ਪੁੱਤਰ ਸ਼ੁਭਰਾਂਗਸ਼ੂ ਨਾਲ ਤ੍ਰਿਣਮੂਲ ’ਚ ਪਰਤ ਆਏ ਹਨ। ਮਮਤਾ ਬੈਨਰਜੀ ਨੇ ਉਨ੍ਹਾਂ ਦੀ ਵਾਪਸੀ ਮੌਕੇ ਕਿਹਾ ਸੀ ਕਿ ਉਹ ਮੁਕੁਲ ਨੂੰ ਪਾਰਟੀ ਵਿੱਚ ਕੋਈ ਵੱਡੀ ਭੂਮਿਕਾ ਦੇਣਗੇ।
ਹੁਣ ਸਮਾਂ ਆ ਗਿਆ ਭਾਜਪਾ ਨੂੰ ਜਵਾਬ ਦੇਣ ਲਈ: ਸ਼ੁਭਰਾਂਗਸ਼ੂ
ਬੇਟੇ ਸ਼ੁਭਰੰਗਸ਼ੂ ਨੇ ਮੁਕੁਲ ਦੀ ਯੋਜਨਾ ਨੂੰ ਵਧੇਰੇ ਵਿਸਥਾਰ ਨਾਲ ਦੱਸਿਆ। ਉਨ੍ਹਾਂ ਕਿਹਾ ਕਿ ਘੱਟੋ-ਘੱਟ 20 ਤੋਂ 25 ਭਾਜਪਾ ਵਿਧਾਇਕ ਤੇ ਦੋ ਸੰਸਦ ਮੈਂਬਰ ਤ੍ਰਿਣਮੂਲ ਵਿੱਚ ਸ਼ਾਮਲ ਹੋ ਸਕਦੇ ਹਨ। ਉਨ੍ਹਾਂ ਕਿਹਾ ਕਿ ਹੁਣ ਸਮਾਂ ਆ ਗਿਆ ਹੈ ਕਿ ਇਸ ਗੱਲ ਦਾ ਜਵਾਬ ਦਿੱਤਾ ਜਾਵੇ ਕਿ ਭਾਜਪਾ ਨੇ ਵਿਧਾਨ ਸਭਾ ਚੋਣਾਂ ਤੋਂ ਬਾਅਦ ਕੀ ਕੀਤਾ।
ਸ਼ੁਭਰੰਗਸ਼ੂ ਨੇ ਮੁਕੁਲ ਦੇ ਭਾਜਪਾ ਯੁੱਗ ਦਾ ਜ਼ਿਕਰ ਕੀਤਾ। ਉਨ੍ਹਾਂ ਕਿਹਾ, ‘ਮੇਰੇ ਪਿਤਾ ਉਸ ਸਮੇਂ ਦਬਾਅ ਵਿੱਚ ਸਨ। ਇਸ ਦਬਾਅ ਦਾ ਅਸਰ ਉਨ੍ਹਾਂ ਦੀ ਸਿਹਤ 'ਤੇ ਦੇਖਿਆ ਜਾ ਸਕਦਾ ਹੈ। ਉਨ੍ਹਾਂ ਵਿਧਾਨ ਸਭਾ ਚੋਣ ਮੁਹਿੰਮ ਵਿਚ ਹਿੱਸਾ ਨਹੀਂ ਲਿਆ, ਹਾਲਾਂਕਿ ਉਹ ਪਹਿਲਾਂ ਅਜਿਹਾ ਕਰ ਰਹੇ ਸਨ।
ਮੁਕੁਲ ਦੇ ਤ੍ਰਿਣਮੂਲ ਜਾਣ ਦੇ ਬਾਅਦ ਤੋਂ, ਭਾਜਪਾ ਦੀ ਨਜ਼ਰ ਇਸ ਦੇ ਨੇਤਾਵਾਂ ਤੇ ਵਿਧਾਇਕਾਂ 'ਤੇ ਹੈ। ਇਹ ਭਾਜਪਾ ਦੀ ਕੋਸ਼ਿਸ਼ ਹੈ ਕਿ ਉਹ ਆਪਣੇ ਨੇਤਾਵਾਂ ਨੂੰ ਪਾਰਟੀ ਵਿੱਚ ਰੱਖੇ, ਇਸ ਲਈ ਅਜਿਹੇ ਨੇਤਾਵਾਂ ਦੀ ਨਿਗਰਾਨੀ ਕੀਤੀ ਜਾ ਰਹੀ ਹੈ, ਜੋ ਪਾਰਟੀ ਦੇ ਪ੍ਰੋਗਰਾਮਾਂ ਤੋਂ ਦੂਰੀ ਬਣਾ ਕੇ ਰੱਖ ਰਹੇ ਹਨ।
ਭਾਜਪਾ ਨੇ ਰਾਜ ਭਵਨ ਵਿਖੇ ਵਿਰੋਧੀ ਧਿਰ ਦੇ ਨੇਤਾ ਸ਼ੁਭੇਂਦੂ ਅਧਿਕਾਰੀ ਦੀ ਮੌਜੂਦਗੀ ਵਿੱਚ 25 ਵਿਧਾਇਕਾਂ ਦੀ ਗੈਰ ਹਾਜ਼ਰੀ ਨੂੰ ਵੀ ਗੰਭੀਰਤਾ ਨਾਲ ਲਿਆ ਹੈ। ਇੱਕ ਭਾਜਪਾ ਨੇਤਾ ਨੇ ਕਿਹਾ ਕਿ ਕੁਝ ਵਿਧਾਇਕ ਸਿਹਤ ਦੇ ਕਾਰਨਾਂ ਕਰਕੇ ਨਹੀਂ ਆਏ। ਕੁਝ ਪਹਿਲਾਂ ਤੋਂ ਰੁੱਝੇ ਹੋਏ ਸਨ ਪਰ, ਕੁਝ ਨੇ ਪਹਿਲਾਂ ਤੋਂ ਕੋਈ ਜਾਣਕਾਰੀ ਨਹੀਂ ਦਿੱਤੀ ਸੀ।
ਇਹ ਵੀ ਪੜ੍ਹੋ: IT Sector Layoffs: ਵੱਡੀਆਂ ਕੰਪਨੀਆਂ ਜਲਦ ਕਰਨ ਜਾ ਰਹੀਆਂ ਛਾਂਟੀ, 30 ਲੱਖ ਲੋਕਾਂ ਦੀ ਨੌਕਰੀ ਨੂੰ ਖ਼ਤਰਾ
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
https://play.google.com/store/apps/details?id=com.winit.starnews.hin
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
