ਦੇਸ਼ ਦੇ 10 ਸੂਬਿਆਂ 'ਚ ਬਰਡ ਫਲੂ ਦੀ ਪੁਸ਼ਟੀ, ਚਾਰ-ਚੁਫੇਰੇ ਮੱਚੀ ਹਾਹਾਕਾਰ

ਕੇਂਦਰ ਨੇ ਪੰਛੀਆਂ ਨੂੰ ਮਾਰਨ ਦੀ ਕਾਰਵਾਈ ਲਈ ਸੂਬਿਆਂ ਨੂੰ ਲੋੜੀਂਦੀ ਸੰਖਿਆਂ 'ਚ ਪੀਪੀਈ ਕਿੱਟ ਤੇ ਹੋਰ ਜ਼ਰੂਰੀ ਉਪਕਰਨਾਂ ਦਾ ਭੰਡਾਰਨ ਯਕੀਨੀ ਬਣਾਉਣ ਦੇ ਵੀ ਨਿਰਦੇਸ਼ ਦਿੱਤਾ ਹੈ।

ਨਵੀਂ ਦਿੱਲੀ: ਦੇਸ਼ ਦੇ 10 ਸੂਬਿਆਂ 'ਚ ਬਰਡ ਫਲੂ ਦੀ ਪੁਸ਼ਟੀ ਹੋ ਚੁੱਕੀ ਹੈ। ਕੇਰਲ, ਰਾਜਸਥਾਨ, ਮੱਧ ਪ੍ਰਦੇਸ਼, ਹਿਮਾਚਲ ਪ੍ਰਦੇਸ਼, ਹਰਿਆਣਾ, ਗੁਜਰਾਤ, ਉੱਤਰ ਪ੍ਰਦੇਸ਼, ਦਿੱਲੀ, ਉੱਤਰਾਖੰਡ ਤੇ ਮਹਾਰਾਸ਼ਟਰ 'ਚ ਬਰਡ ਫਲੂ ਇਨਫੈਕਸ਼ਨ ਦੇ ਨਮੂਨੇ ਮਿਲੇ ਹਨ। ਹੁਣ ਝਾਰਖੰਡ 'ਚ ਵੀ ਬਰਡ ਫਲੂ ਦਾ ਪ੍ਰਕੋਪ ਹੋਣ ਦਾ ਖਦਸ਼ਾ ਵਧ ਗਿਆ ਹੈ।

ਦੁਮਕਾ ਦੇ ਜ਼ਿਲ੍ਹਾ ਪਸ਼ੂਪਾਲਣ ਅਹੁਦਾਅਧਿਕਾਰੀ ਡਾ. ਅਵਧੇਸ਼ ਕੁਮਾਰ ਸਿੰਘ ਨੇ ਦੱਸਿਆ ਕਿ ਪਿੰਡਾਂ ਦੀ ਸੂਚਨਾ 'ਤੇ ਉਹ ਟੀਮ ਦੇ ਨਾਲ ਪੋਖਰਿਆ ਪਿੰਡ ਪਹੁੰਚੇ। ਜਿੱਥੇ 40-50 ਪੰਛੀ ਮ੍ਰਿਤਕ ਪਾਏ ਗਏ। ਪੰਛੀਆਂ ਦੇ ਨਮੂਨਿਆਂ ਨੂੰ ਜਾਂਚ ਲਈ ਰਾਂਚੀ ਭੇਜਿਆ ਗਿਆ ਹੈ। ਜਾਂਚ ਤੋਂ ਬਾਅਦ ਹੀ ਪਤਾ ਚੱਲ ਸਕੇਗਾ ਕਿ ਇਹ ਪੰਛੀ ਬਰਡ ਫਲੂ ਦੇ ਕਾਰਨ ਮਰੇ ਹਨ ਜਾਂ ਇਨ੍ਹਾਂ ਦੀ ਮੌਤ ਦਾ ਕੋਈ ਦੂਜਾ ਕਾਰਨ ਹੈ। ਝੁੰਡ 'ਚ ਪੰਛੀਆਂ ਦੀ ਮੌਤ ਦਾ ਇਹ ਦੁਮਕਾ ਜ਼ਿਲ੍ਹਾ 'ਚ ਪਹਿਲਾ ਮਾਮਲਾ ਹੈ।

ਕੇਂਦਰ ਨੇ ਪੰਛੀਆਂ ਨੂੰ ਮਾਰਨ ਦੀ ਕਾਰਵਾਈ ਲਈ ਸੂਬਿਆਂ ਨੂੰ ਲੋੜੀਂਦੀ ਸੰਖਿਆਂ 'ਚ ਪੀਪੀਈ ਕਿੱਟ ਤੇ ਹੋਰ ਜ਼ਰੂਰੀ ਉਪਕਰਨਾਂ ਦਾ ਭੰਡਾਰਨ ਯਕੀਨੀ ਬਣਾਉਣ ਦੇ ਵੀ ਨਿਰਦੇਸ਼ ਦਿੱਤਾ ਹੈ। ਉੱਥੇ ਹੀ ਦਿੱਲੀ ਸਰਕਾਰ ਨੇ ਸੰਜੇ ਝੀਲ 'ਚ ਬੱਤਖ਼ਾਂ ਦੇ ਬਰਡ ਫਲੂ 'ਚ ਇਨਫੈਕਟਡ ਪਾਏ ਜਾਣ ਤੋਂ ਬਾਅਦ ਸ਼ਹਿਰ ਦੇ ਬਾਹਰ ਚਿਕਨ ਲਾਕੇ ਵੇਚਣ 'ਤੇ ਸੋਮਵਾਰ ਨੂੰ ਪਾਬੰਦੀ ਲਾ ਦਿੱਤੀ।

ਕੀ ਹੈ ਇਨਫੈਕਟਡ ਸੂਬਿਆਂ ਦੀ ਸਥਿਤੀ

ਉੱਤਰਾਖੰਡ ਦੇ ਦੇਹਰਾਦੂਨ ਤੇ ਰਿਸੀਕੇਸ਼ 'ਚ ਕਈ ਕਾਵਾਂ ਸਮੇਤ ਕਰੀਬ 200 ਪੰਛੀ ਮ੍ਰਿਤਕ ਮਿਲੇ ਹਨ। ਦੇਹਰਾਦੂਨ ਦੇ ਵੱਖ-ਵੱਖ ਹਿੱਸਿਆਂ 'ਚ 165 ਪੰਛੀ ਮ੍ਰਿਤਕ ਮਿਲੇ ਹਨ। ਜਿੰਨ੍ਹਾਂ 'ਚ ਇਕੱਲੇ ਭੰਡਾਰੀ ਬਾਗ ਖੇਤਰ 'ਚ 121 ਕਾਂ ਮ੍ਰਿਤਕ ਪਾਏ ਗਏ ਹਨ।

ਉੱਤਰ ਪ੍ਰਦੇਸ਼ ਦੇ ਸ਼ਾਹਜਹਾਂਪੁਰ ਤੇ ਬਲਿਆ ਜ਼ਿਲ੍ਹੇ 'ਚ ਵੱਖ-ਵੱਖ ਪ੍ਰਜਾਤੀਆਂਦੇ ਪੰਛੀਆਂ ਦੀਆਂ ਸ਼ੱਕੀ ਹਾਲਤਾਂ 'ਚ ਮੌਤ ਦੀਆਂ ਤਾਜ਼ਾ ਘਟਨਾਵਾਂ ਸਾਹਮਣੇ ਆਈਆਂ ਹਨ। ਸੂਬੇ 'ਚ ਇਸ ਫਲੂ ਦੀ ਰੋਕਥਾਮ ਲਈ ਸਾਵਧਾਨੀ ਵਧਾ ਦਿੱਤੀ ਗਈ ਹੈ। ਮਹਾਰਾਸ਼ਟਰ ਦੇ ਪਰਭਣੀ, ਮੁੰਬਈ, ਬੀੜ ਤੇ ਦੋਪਾਲੀ 'ਚ ਵੱਖ-ਵੱਖ ਪੰਛੀਆਂ ਦੀ ਮੌਤ ਭੋਪਾਲ ਦੀ ਪ੍ਰਯੋਗਸ਼ਾਲਾ ਦੀ ਜਾਂਚ ਰਿਪੋਰਟ ਦੇ ਆਧਾਰ 'ਤੇ ਏਵਿਅਨ ਇੰਫਲੂਏਂਜਾ ਨਾਲ ਹੋਣ ਦੀ ਪੁਸ਼ਟੀ ਕੀਤੀ ਹੈ।

ਗੁਜਰਾਤ ਦੇ ਸੂਰਤ ਤੇ ਵਡੋਦਰਾ ਜ਼ਿਲ੍ਹੇ 'ਚ ਵੀ ਮ੍ਰਿਤਕ ਕਾਵਾਂ ਦੇ ਨਮੂਮਿਆਂ ਦੀ ਜਾਂਚ 'ਚ ਉਨ੍ਹਾਂ ਦੇ ਏਵਿਅਨ ਇੰਫਲੂਏਂਜਾ ਤੋਂ ਇਨਫੈਕਟਡ ਤੋਂ ਪਾਏ ਜਾਣ ਦੇ ਬਾਅਦ ਦੋਵਾਂ ਜ਼ਿਲ੍ਹਿਆਂ 'ਚ ਬਰਡ ਫਲੂ ਦੀ ਪੁਸ਼ਟੀ ਹੋ ਗਈ ਹੈ। ਕਾਨਪੁਰ ਚਿੜੀਆਘਰ 'ਚ ਮਰੇ ਕੁਝ ਪੰਛੀਆਂ 'ਚ ਬਰਡ ਫਲੂ ਪਾਏ ਜਾਣ ਦੇ ਬਾਅਦ ਲਖਨਊ ਪ੍ਰਸ਼ਾਸਨ ਨੇ ਪੰਛੀਆਂ ਦੇ ਵਾੜਾ ਨੂੰ ਬੰਦ ਕਰ ਦਿੱਤਾ ਹੈ। ਪੰਛੀਆਂ ਦੇ ਆਦਾਨ-ਪ੍ਰਦਾਨ ਪ੍ਰੋਗਰਾਮ ਨੂੰ ਵੀ ਅਸਥਾਈ ਤੌਰ 'ਤੇ ਰੱਦ ਕਰ ਦਿੱਤੇ ਹਨ।

ਯੂਪੀ ਦੇ ਬਰੇਲੀ ਤੋਂ ਪ੍ਰਾਪਤ ਰਿਪੋਰਟ ਦੇ ਮੁਤਾਬਕ ਆਈਵੀਆਰਆਈ 'ਚ ਪੰਛੀਆਂ ਦੇ ਸੈਂਪਲ ਦੀ ਜਾਂਚ ਸੋਮਵਾਰ ਤੋਂ ਵੱਡੇ ਪੱਧਰ 'ਤੇ ਸ਼ੁਰੂ ਕਰ ਦਿੱਤੀ ਗਈ ਹੈ। ਇਕ ਦਿਨ 'ਚ ਲਗਪਗ 1200 ਨਮੂਨਿਆਂ ਦੀ ਜਾਂਚ ਦਾ ਅਨੁਮਾਨ ਹੈ।

ਪੰਜਾਬੀ 'ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਏਬੀਪੀ ਸਾਂਝਾ ਦੀ ਐਪ ਹੁਣੇ ਕਰੋ ਡਾਊਨਲੋਡ