ਪੰਜਾਬ 'ਚ ਵੀ ਮੰਡਰਾ ਰਿਹਾ ਬਰਡ ਫਲੂ ਦਾ ਖਤਰਾ, ਜਾਣੋ ਪ੍ਰਭਾਵਿਤ ਛੇ ਰਾਜਾਂ 'ਚ ਕੀ ਨੇ ਸਰਕਾਰ ਦੇ ਪ੍ਰਬੰਧ

ਦੇਸ਼ ਵਿੱਚ ਬਰਡ ਫਲੂ ਦੀ ਸਥਿਤੀ ਫੈਲਦੀ ਜਾ ਰਹੀ ਹੈ। ਛੇ ਰਾਜਾਂ ਕੇਰਲ, ਰਾਜਸਥਾਨ, ਮੱਧ ਪ੍ਰਦੇਸ਼, ਹਿਮਾਚਲ ਪ੍ਰਦੇਸ਼, ਹਰਿਆਣਾ ਅਤੇ ਗੁਜਰਾਤ ਵਿੱਚ ਬਰਡ ਫਲੂ ਦੀਆਂ ਘਟਨਾਵਾਂ ਸਾਹਮਣੇ ਆਈਆਂ ਹਨ।

ਰੌਬਟ ਦੀ ਰਿਪੋਰਟ ਚੰਡੀਗੜ੍ਹ: ਦੇਸ਼ ਵਿੱਚ ਬਰਡ ਫਲੂ ਦੀ ਸਥਿਤੀ ਫੈਲਦੀ ਜਾ ਰਹੀ ਹੈ। ਛੇ ਰਾਜਾਂ ਕੇਰਲ, ਰਾਜਸਥਾਨ, ਮੱਧ ਪ੍ਰਦੇਸ਼, ਹਿਮਾਚਲ ਪ੍ਰਦੇਸ਼, ਹਰਿਆਣਾ ਅਤੇ ਗੁਜਰਾਤ ਵਿੱਚ ਬਰਡ ਫਲੂ ਦੀਆਂ ਘਟਨਾਵਾਂ ਸਾਹਮਣੇ ਆਈਆਂ ਹਨ। ਜਿਸ ਤੋਂ ਬਾਅਦ ਕੇਂਦਰ ਨੇ ਇਨ੍ਹਾਂ ਰਾਜਾਂ ਨੂੰ ਆਪਣੇ ਕੰਟੇਨਮੈਂਟ ਪ੍ਰਬੰਧ ਵਧਾਉਣ ਲਈ ਕਿਹਾ ਹੈ।ਹਾਲਾਂਕਿ ਅਜੇ ਤੱਕ ਏਵੀਅਨ ਇਨਫਲੂਐਨਜ਼ਾ ਦਾ ਕੋਈ ਮਨੁੱਖੀ ਕੇਸ ਸਾਹਮਣੇ ਨਹੀਂ ਆਇਆ ਹੈ, ਪਰ ਕੇਂਦਰ ਵਿਗੜਦੇ ਹਾਲਾਤ ਦੀ ਨਿਗਰਾਨੀ ਕਰ ਰਿਹਾ ਹੈ। ਹਾਲਾਂਕਿ ਏਵੀਅਨ ਇਨਫਲੂਐਨਜ਼ਾ (AI)ਤੋਂ ਪ੍ਰਭਾਵਤ ਨਹੀਂ ਹੋਏ ਰਾਜਾਂ ਨੂੰ ਪੰਛੀਆਂ ਵਿੱਚ ਕਿਸੇ ਵੀ ਅਸਾਧਾਰਣ ਮੌਤ ਦਰ ‘ਤੇ ਚੌਕਸੀ ਰੱਖਣ ਅਤੇ ਤੁਰੰਤ ਰਿਪੋਰਟ ਦੇਣ ਲਈ ਕਿਹਾ ਗਿਆ ਹੈ ਤਾਂ ਜੋ ਜਲਦੀ ਤੋਂ ਜਲਦੀ ਸਮੇਂ 'ਤੇ ਜ਼ਰੂਰੀ ਉਪਾਅ ਕੀਤੇ ਜਾਣ। ਪੰਜਾਬ 'ਚ ਵੀ ਬਰਡ ਫਲੂ ਦਾ ਖਤਰਾ ਮੰਡਰਾ ਰਿਹਾ ਹੈ।ਅੱਜ ਬਰਨਾਲਾ 'ਚ 35 ਮੇਰੇ ਹੋਏ ਤੋਤੇ ਮਿਲਣ ਮਗਰੋਂ ਹੜਕੰਪ ਮੱਚ ਗਿਆ ਹੈ।ਗੁਰਦਾਸਪੁਰ ਤੋਂ ਬਾਅਦ ਬਰਨਾਲਾ 'ਚ ਮਿਲੇ ਮ੍ਰਿਤਕ ਪੰਛੀਆਂ ਨੇ ਪ੍ਰਸ਼ਾਸਨ ਅਤੇ ਆਮ ਲੋਕਾਂ ਦੀ ਚਿੰਤਾ ਵੱਧਾ ਦਿੱਤੀ ਹੈ।ਫਿਲਹਾਲ ਮ੍ਰਿਤਕ ਪੰਛੀਆਂ ਦੇ ਨਮੂਨੇ ਟੈਸਟ ਲਈ ਲੈਬ ਵਿੱਚ ਭੇਜੇ ਗਏ ਹਨ।ਉਧਰ ਪੰਜਾਬ ਵਿੱਚ ਦੂਜੇ ਰਾਜਾਂ ਤੋਂ ਚਿਕਨ ਅਤੇ ਅੰਡੇ ਲਿਆਉਣ ਤੇ ਰੋਕ ਲੱਗਾ ਦਿੱਤੀ ਗਈ ਹੈ। ਇਸ ਦੌਰਾਨ, ਦਿੱਲੀ ਦੇ ਹਸਟਲ ਪਿੰਡ ਦੇ ਡੀਡੀਏ ਪਾਰਕ ਵਿੱਚ ਵੀ 16 ਪੰਛੀਆਂ ਦੀ ਮੌਤ ਹੋਣ ਦੀ ਖ਼ਬਰ ਮਿਲੀ ਹੈ ਅਤੇ ਉਨ੍ਹਾਂ ਦੇ ਨਮੂਨੇ ਇੱਕ ਟੈਸਟਿੰਗ ਲੈਬ ਵਿੱਚ ਭੇਜੇ ਗਏ ਹਨ। ਹੁਣ ਤੱਕ ਕੀ ਹੋਇਆ ਹੈ? 1. ਸਰਕਾਰ ਨੇ ਨਿਗਰਾਨੀ ਅਤੇ ਮਹਾਮਾਰੀ ਸੰਬੰਧੀ ਜਾਂਚ ਲਈ ਕੇਰਲ, ਹਰਿਆਣਾ ਅਤੇ ਹਿਮਾਚਲ ਪ੍ਰਦੇਸ਼ ਦਾ ਦੌਰਾ ਕਰਨ ਲਈ ਬਹੁ-ਅਨੁਸ਼ਾਸਨੀ ਟੀਮਾਂ ਤਾਇਨਾਤ ਕੀਤੀਆਂ ਹਨ। 2. ਹਰਿਆਣਾ ਦੇ ਪੰਚਕੁਲਾ ਜ਼ਿਲ੍ਹੇ ਦੇ ਦੋ ਪੋਲਟਰੀ ਫਾਰਮਾਂ ਵਿੱਚ ਏਵੀਅਨ ਇਨਫਲੂਐਨਜ਼ਾ ਪੌਜ਼ੇਟਿਵ ਨਮੂਨਿਆਂ ਦੀ ਪੁਸ਼ਟੀ ਹੋਈ ਹੈ ਜੋ ICAR-NIHSAD ਤੋਂ ਪ੍ਰਾਪਤ ਹੋਏ ਹਨ। ਗੁਜਰਾਤ ਦੇ ਜੂਨਾਗੜ ਜ਼ਿਲੇ ਵਿਚ ਪਰਵਾਸੀ ਪੰਛੀਆਂ ਅਤੇ ਰਾਜਸਥਾਨ ਦੇ ਸਵਾਈ ਮਾਧੋਪੁਰ, ਪਾਲੀ, ਜੈਸਲਮੇਰ ਅਤੇ ਮੋਹਰ ਜ਼ਿਲ੍ਹਿਆਂ ਦੇ ਕਾਂਵਾਂ ਵਿਚ ਵੀ ਪੌਜ਼ੇਟਿਵ ਨਮੂਨੇ ਪਾਏ ਗਏ ਹਨ। 3. ਡੀਡੀਏ ਪਾਰਕ ਹੱਸਟਲ ਪਿੰਡ, ਦਿੱਲੀ ਵਿੱਚ 16 ਪੰਛੀਆਂ ਦੀ ਅਸਾਧਾਰਣ ਮੌਤ ਦੀ ਖਬਰ ਮਿਲੀ ਹੈ। ਦਿੱਲੀ ਦੇ ਐਨਸੀਟੀ ਵਿਭਾਗ ਦੇ ਏਐਚ (ਪਸ਼ੂ ਪਾਲਣ) ਵਿਭਾਗ ਨੇ ਕਥਿਤ ਤੌਰ 'ਤੇ ਸਾਵਧਾਨੀ ਦੇ ਕਦਮ ਚੁੱਕੇ ਹਨ ਅਤੇ ਨਮੂਨੇ ICAR-NIHSAD ਨੂੰ ਭੇਜੇ ਹਨ ਅਤੇ ਟੈਸਟ ਰਿਪੋਰਟ ਆਉਣ ਦੀ ਉਡੀਕ ਕੀਤੀ ਜਾ ਰਹੀ ਹੈ। 4. ਪਸ਼ੂ ਪਾਲਣ ਅਤੇ ਡੇਅਰੀ ਵਿਭਾਗ ਨੇ ਪ੍ਰਭਾਵਿਤ ਰਾਜਾਂ ਨੂੰ ਏਵੀਅਨ ਇਨਫਲੂਐਨਜ਼ਾ ਤੇ ਕਾਰਜ ਯੋਜਨਾ ਅਨੁਸਾਰ ਬਿਮਾਰੀ ਨੂੰ ਰੋਕਣ ਦਾ ਸੁਝਾਅ ਦਿੱਤਾ ਹੈ। 5. ਸਰਕਾਰ ਨੇ ਕਿਹਾ ਕਿ ਪੋਲਟਰੀ ਕਿਸਾਨਾਂ , ਅੰਡਿਆਂ ਅਤੇ ਚਿਕਨ ਦੇ ਖਪਤਕਾਰਾਂ ਵਿਚ ਬਿਮਾਰੀ ਪ੍ਰਤੀ ਜਾਗਰੂਕਤਾ ਸਭ ਤੋਂ ਮਹੱਤਵਪੂਰਨ ਹੈ।ਬਿਆਨ ਵਿੱਚ ਕਿਹਾ ਗਿਆ ਹੈ, “ਪਸ਼ੂ ਪਾਲਣ ਅਤੇ ਡੇਅਰੀ ਵਿਭਾਗ ਦੇ ਸੈਕਟਰੀ ਵੱਲੋਂ ਸੰਚਾਰ ਨੂੰ ਵੀ ਸਿਹਤ ਮੰਤਰਾਲੇ ਨੂੰ ਭੇਜਿਆ ਗਿਆ ਹੈ ਤਾਂ ਜੋ ਚਿਕਨ ਅਤੇ ਅੰਡਿਆਂ ਦੀ ਖਪਤ ਪ੍ਰਤੀ ਖਪਤਕਾਰਾਂ ਦਾ ਵਿਸ਼ਵਾਸ ਬਹਾਲ ਹੋਵੇ। ਪ੍ਰਭਾਵਿਤ ਰਾਜਾਂ ਅਤੇ ਕੇਂਦਰ ਸ਼ਾਸਤ ਪ੍ਰਦੇਸ਼ਾਂ ਵਿੱਚ ਬਰਡ ਫਲੂ ਦੀ ਸਥਿਤੀ ਰਾਜਸਥਾਨ: ਰਾਜਸਥਾਨ ਦੇ ਕੁਝ ਹਿੱਸਿਆਂ ਵਿੱਚ ਪੰਛੀਆਂ ਦੀ ਮੌਤ ਦੇ ਤਾਜ਼ਾ ਮਾਮਲੇ ਸਾਹਮਣੇ ਆਏ ਹਨ, ਜਿਨ੍ਹਾਂ ਦੀ ਗਿਣਤੀ 2,166 ਹੋ ਗਈ ਹੈ। ਹਿਮਾਚਲ ਪ੍ਰਦੇਸ਼: ਕਾਂਗੜਾ ਜ਼ਿਲ੍ਹੇ ਦੇ ਪੌਂਗ ਡੈਮ ਖੇਤਰ ਵਿੱਚ ਬਰਡ ਫਲੂ ਕਾਰਨ ਤਕਰੀਬਨ 3,410 ਪ੍ਰਵਾਸੀ ਪੰਛੀਆਂ ਦੀ ਮੌਤ ਹੋ ਗਈ ਹੈ। ਹਰਿਆਣਾ: ਹਰਿਆਣਾ ਦੇ ਪੰਚਕੁਲਾ ਜ਼ਿਲ੍ਹੇ ਦੇ ਪੰਜ ਪੋਲਟਰੀ ਫਾਰਮਾਂ ਦੇ 1.60 ਲੱਖ ਤੋਂ ਵੱਧ ਪੰਛੀਆਂ ਨੂੰ ਟੈਸਟ ਕੀਤਾ ਜਾਣਾ ਹੈ ਕਿਉਂਕਿ ਕੁਝ ਪੋਲਟਰੀ ਨਮੂਨਿਆਂ 'ਚ ਏਵੀਅਨ ਫਲੂ ਦੀਆਂ ਪੌਜ਼ੇਟਿਵ ਰਿਪੋਰਟਾਂ ਆਈਆਂ ਹਨ। ਮੱਧ ਪ੍ਰਦੇਸ਼: ਮੱਧ ਪ੍ਰਦੇਸ਼ ਦੇ ਇੰਦੌਰ ਸ਼ਹਿਰ ਵਿੱਚ ਤਕਰੀਬਨ 450 ਮੁਰਗੀਆ ਪਾਈਆਂ ਗਈਆਂ ਸਨ ਅਤੇ ਕੁਝ ਮੁਰਗੀਆਂ ਵਿਚ ਬਰਡ ਫਲੂ ਦੀ ਲਾਗ ਲੱਗਣ ਤੋਂ ਬਾਅਦ ਸੂਬਾ ਸਰਕਾਰ ਨੇ ਪਹਿਲਾਂ ਹੀ ਨੀਮਚ ਅਤੇ ਇੰਦੌਰ ਜ਼ਿਲ੍ਹਿਆਂ ਵਿੱਚ ਪੋਲਟਰੀ ਦੀਆਂ ਦੁਕਾਨਾਂ ਬੰਦ ਕਰਨ ਦੇ ਆਦੇਸ਼ ਦਿੱਤੇ ਹਨ। ਗੁਜਰਾਤ: ਗੁਜਰਾਤ ਵਿੱਚ ਜੁਨਾਗੜ੍ਹ ਜ਼ਿਲ੍ਹੇ ਦੇ ਦੋ ਮਰੇ ਪੰਛੀਆਂ ਦੇ ਨਮੂਨੇ ਪੌਜ਼ੇਟਿਵ ਪਾਏ ਜਾਣ ਤੋਂ ਬਾਅਦ ਬਰਡ ਫਲੂ ਦੀ ਲਾਗ ਦੇ ਪਹਿਲੇ ਪੁਸ਼ਟੀ ਕੀਤੇ ਗਏ ਕੇਸ ਦਰਜ ਕੀਤੇ ਗਏ। ਜੰਮੂ: ਜੰਮੂ ਖੇਤਰ ਦੇ ਤਿੰਨ ਜ਼ਿਲ੍ਹਿਆਂ ਵਿੱਚ ਬਰਡ ਫਲੂ ਦੌਰਾਨ 150 ਤੋਂ ਵੱਧ ਕਾਂ ਮ੍ਰਿਤ ਪਾਏ ਗਏ ਸੀ। ਨਮੂਨੇ ਪੰਜਾਬ ਦੀ ਜੰਗਲੀ ਜੀਵ ਲੈਬ ਵਿਚ ਜਾਂਚ ਲਈ ਭੇਜੇ ਗਏ ਹਨ। ਪੰਛੀਆਂ ਦੀ ਮੌਤ ਵੀਰਵਾਰ ਤੋਂ ਉਧਮਪੁਰ, ਕਠੂਆ ਅਤੇ ਰਾਜੌਰੀ ਜ਼ਿਲ੍ਹਿਆਂ ਵਿੱਚ ਹੋਈ ਹੈ। ਪ੍ਰਸ਼ਾਸਨ ਨੇ 14 ਜਨਵਰੀ ਤੱਕ ਜੀਵਤ ਪੰਛੀਆਂ ਅਤੇ ਬੇਹਿਸਾਬੀ ਪੋਲਟਰੀ ਮੀਟ ਦੀ ਦਰਾਮਦ ‘ਤੇ ਪਾਬੰਦੀ ਲਗਾਈ ਹੈ। ਕੇਰਲ: ਪਸ਼ੂ ਪਾਲਣ ਵਿਭਾਗ ਦੇ ਡਾਇਰੈਕਟਰ ਕੇ.ਐਮ. ਦਿਲੀਪ ਨੇ ਕਿਹਾ ਕਿ ਅਲਾਪੂਜਾ ਅਤੇ ਕੋਟਾਯਾਮ ਜ਼ਿਲ੍ਹਿਆਂ ਵਿੱਚ ਏਵੀਅਨ ਇਨਫਲੂਐਂਜ਼ਾ (ਐਚ 5 ਐਨ 8) ਕੰਟਰੋਲ ਵਿੱਚ ਹੈ ਅਤੇ ਰਾਜ ਵਿੱਚ ਕਿਤੇ ਵੀ ਬਰਡ ਫਲੂ ਦਾ ਕੋਈ ਨਵਾਂ ਕੇਸ ਸਾਹਮਣੇ ਨਹੀਂ ਆਇਆ ਹੈ।ਬਰਡ ਫਲੂ ਫੈਲਣ ਕਾਰਨ ਦੋਵਾਂ ਜ਼ਿਲ੍ਹਿਆਂ ਵਿੱਚ 70,000 ਤੋਂ ਵੱਧ ਪੰਛੀ, ਜਿਆਦਾਤਰ ਬਤਖਾਂ, ਦੀ ਮੌਤ ਹੋ ਗਈ।