Bird Flu: ਬਰਡ ਫਲੂ ਦਾ ਕਹਿਰ: ਚਿਕਨ ਤੇ ਅੰਡਿਆਂ ਦੇ ਰੇਟ ਬੁਰੀ ਤਰ੍ਹਾਂ ਡਿੱਗੇ, ਦਾਲ ਤੋਂ ਵੀ ਸਸਤਾ ਹੋਇਆ ਮੁਰਗਾ

Poultry sector: ਮੁਰਗੀ ਦਾ ਕਾਰੋਬਾਰ ਕੋਰੋਨਾ ਮਹਾਮਾਰੀ ਤੋਂ ਅਜੇ ਬਾਹਰ ਨਹੀਂ ਆਇਆ ਸੀ ਕਿ ਬਰਡ ਫਲੂ ਨੇ ਇਸ ਕਾਰੋਬਾਰ ਵਿੱਚ ਸੰਨ੍ਹ ਲਾ ਦਿੱਤੀ ਹੈ। ਦੱਸ ਦਈਏ ਕਿ ਦਿੱਲੀ 'ਚ ਤਕਰੀਬਨ 25,000 ਚਿਕਨ ਕਾਰੋਬਾਰੀ ਖ਼ਤਰੇ 'ਚ ਹਨ।

ਸੰਕੇਤਕ ਤਸਵੀਰ

ਨਵੀਂ ਦਿੱਲੀ: ਪੋਲਟਰੀ ਕਾਰੋਬਾਰ (poultry business) ਕੋਰੋਨਾ ਮਹਾਮਾਰੀ ਤੋਂ ਅਜੇ ਬਾਹਰ ਨਹੀਂ ਆਇਆ ਸੀ ਕਿ ਬਰਡ ਫਲੂ (Bird flu) ਨੇ ਇਸ ਕਾਰੋਬਾਰ ਵਿੱਚ ਸੰਨ੍ਹ ਲਾ ਦਿੱਤੀ ਹੈ। ਦੱਸ ਦਈਏ ਕਿ ਦਿੱਲੀ 'ਚ ਤਕਰੀਬਨ 25,000 ਚਿਕਨ ਕਾਰੋਬਾਰੀ ਖ਼ਤਰੇ 'ਚ ਹਨ। ਗਾਜ਼ੀਪੁਰ ਮੰਡੀ ਵਿੱਚ ਪੋਲਟਰੀ ਫਾਰਮ ਮਾਲਕ ਤੇ ਵਪਾਰੀਆਂ ਦਾ ਦਾਅਵਾ ਹੈ ਕਿ ਚਿਕਨ (chicken price) ਵਿੱਚ ਅਜੇ ਤੱਕ ਬਰਡ ਫਲੂ ਦਾ ਪਤਾ ਨਹੀਂ ਲੱਗ ਸਕਿਆ ਪਰ ਇਸ ਦੇ ਬਾਵਜੂਦ ਗਾਹਕਾਂ 'ਚ ਡਰ ਫੈਲ ਗਿਆ ਹੈ ਤੇ ਬਾਜ਼ਾਰ ਵਿੱਚ ਚਿਕਨ ਸਸਤਾ ਹੋ ਗਿਆ ਹੈ। ਦੱਸ ਦਈਏ ਕਿ ਪਿਛਲੇ 2 ਦਿਨਾਂ ਵਿਚ ਚਿਕਨ ਦੀ ਕੀਮਤ ਵਿੱਚ 45 ਰੁਪਏ ਪ੍ਰਤੀ ਕਿੱਲੋ ਦੀ ਕਮੀ ਆਈ ਹੈ। ਏਸ਼ੀਆ ਦੀ ਸਭ ਤੋਂ ਵੱਡੀ ਚਿਕਨ ਮਾਰਕੀਟ ਗਾਜ਼ੀਪੁਰ ਵਿੱਚ ਗਾਹਕਾਂ ਦੀ ਗਿਣਤੀ ਵੀ ਘੱਟ ਗਈ ਹੈ। ਹੋਟਲਾਂ ਨੂੰ ਚਿਕਨ ਦੀ ਸਪਲਾਈ 'ਤੇ ਵੀ ਵੱਡਾ ਫਰਕ ਪਿਆ ਹੈ। ਗਾਜ਼ੀਪੁਰ ਮੰਡੀ ਵਿੱਚ ਰਚਨਾ ਪੋਲਟਰੀ ਦੇ ਨਾਂ ਨਾਲ ਮੁਰਗੀ ਦਾ ਕਾਰੋਬਾਰ ਚਲਾਉਣ ਵਾਲੇ ਜਮੀਲ ਦਾ ਕਹਿਣਾ ਹੈ ਕਿ ਹੁਣ ਤੱਕ ਕਿਸੇ ਵੀ ਪੋਲਟਰੀ ਵਿੱਚ ਪੋਲਟਰੀ ਤੋਂ ਬਰਡ ਫਲੂ ਦਾ ਪਤਾ ਨਹੀਂ ਲੱਗਿਆ ਹੈ ਪਰ ਦੂਸਰੇ ਪੰਛੀਆਂ ਦੀ ਮੌਤ ਤੇ ਮੀਡੀਆ ਰਿਪੋਰਟਾਂ ਕਾਰਨ ਚਿਕਨ ਖਾਣ ਵਾਲਿਆਂ ਵਿੱਚ ਡਰ ਪੈਦਾ ਹੋ ਗਿਆ ਹੈ। ਇਹੀ ਕਾਰਨ ਹੈ ਕਿ ਦੋ ਤੋਂ ਤਿੰਨ ਦਿਨਾਂ ਵਿੱਚ ਚਿਕਨ ਦੀ ਮੰਗ ਘੱਟ ਗਈ ਹੈ। ਚਿਕਨ ਦੀ ਸਪਲਾਈ ਗਾਜ਼ੀਪੁਰ ਤੋਂ ਦਿੱਲੀ-ਐਨਸੀਆਰ ਸਮੇਤ ਕੁਝ ਹੋਰ ਇਲਾਕਿਆਂ ਵਿੱਚ ਕੀਤੀ ਜਾਂਦੀ ਹੈ। ਇਕੱਲੇ ਗਾਜ਼ੀਪੁਰ ਮਾਰਕੀਟ ਤੋਂ ਰੋਜ਼ਾਨਾ 5 ਲੱਖ ਚਿਕਨ ਦੀ ਸਪਲਾਈ ਕੀਤੀ ਜਾਂਦੀ ਹੈ ਪਰ ਹੁਣ ਇਹ ਗਿਣਤੀ ਘਟਣੀ ਸ਼ੁਰੂ ਹੋ ਗਈ ਹੈ। ਦੱਸ ਦਈਏ ਕਿ 6 ਜਨਵਰੀ ਨੂੰ ਚਿਕਨ 80 ਰੁਪਏ ਕਿਲੋ 'ਤੇ ਆ ਗਿਆ। ਇਸ ਦੇ ਨਾਲ ਹੀ 7 ਜਨਵਰੀ ਨੂੰ ਚਿਕਨ ਦੀ ਕੀਮਤ 60 ਰੁਪਏ ਪ੍ਰਤੀ ਕਿੱਲੋ ਤੱਕ ਆ ਗਈ ਜਿਸ ਤਰ੍ਹਾਂ ਬਰਡ ਫਲੂ ਦੀ ਖ਼ਬਰ ਹੋਰ ਵਧ ਗਈ ਹੈ, ਅਜਿਹਾ ਲੱਗਦਾ ਹੈ ਕਿ ਹੁਣ ਚਿਕਨ ਦੀ ਕੀਮਤ ਵਿੱਚ ਹੋਰ ਗਿਰਾਵਟ ਆਵੇਗੀ। ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ: https://play.google.com/store/apps/details?id=com.winit.starnews.hin https://apps.apple.com/in/app/abp-live-news/id811114904