Cigarettes Price Hike: ਸਿਗਰਟ ਪੀਣ ਦੇ ਸ਼ੌਕੀਨਾਂ ਨੂੰ ਵੱਡਾ ਝਟਕਾ! ਇਨ੍ਹਾ ਬ੍ਰਾਂਡਾਂ ਦੀਆਂ ਕੀਮਤਾਂ 'ਚ ਹੋਇਆ ਵਾਧਾ; ਜਾਣੋ ਕਿਉਂ...?

Cigarettes Price Hike: ਸਿਗਰਟ ਪੀਣ ਦੇ ਸ਼ੌਕੀਨਾਂ ਨੂੰ ਵੱਡਾ ਝਟਕਾ ਲੱਗਿਆ ਹੈ। ਦੱਸ ਦੇਈਏ ਕਿ ਦੇਸ਼ ਦੀ ਦਿੱਗਜ ਕੰਪਨੀ ਆਈ.ਟੀ.ਸੀ. ਲਿਮਟਿਡ (ITC Ltd) ਨੇ ਆਪਣੇ ਕਈ ਪ੍ਰਮੁੱਖ ਸਿਗਰਟ ਬ੍ਰਾਂਡਾਂ ਦੀਆਂ ਕੀਮਤਾਂ ਵਿੱਚ ਭਾਰੀ ਵਾਧਾ ਕਰ...

Cigarettes Price Hike

Cigarettes Price Hike: ਸਿਗਰਟ ਪੀਣ ਦੇ ਸ਼ੌਕੀਨਾਂ ਨੂੰ ਵੱਡਾ ਝਟਕਾ ਲੱਗਿਆ ਹੈ। ਦੱਸ ਦੇਈਏ ਕਿ ਦੇਸ਼ ਦੀ ਦਿੱਗਜ ਕੰਪਨੀ ਆਈ.ਟੀ.ਸੀ. ਲਿਮਟਿਡ (ITC Ltd) ਨੇ ਆਪਣੇ ਕਈ ਪ੍ਰਮੁੱਖ ਸਿਗਰਟ ਬ੍ਰਾਂਡਾਂ ਦੀਆਂ ਕੀਮਤਾਂ ਵਿੱਚ ਭਾਰੀ ਵਾਧਾ ਕਰ ਦਿੱਤਾ ਹੈ। ਬੀ ਐਂਡ ਕੇ ਸਕਿਓਰਿਟੀਜ਼ ਅਤੇ ਇਨਕ੍ਰੇਡ ਦੇ ਵਿਸ਼ਲੇਸ਼ਕਾਂ ਦੇ ਅਧਿਐਨ ਮੁਤਾਬਕ, ਕੰਪਨੀ ਨੇ ਨਵੇਂ ਟੈਕਸ ਢਾਂਚੇ ਦੇ ਪ੍ਰਭਾਵ ਨੂੰ ਘੱਟ ਕਰਨ ਲਈ ਕੁਝ ਸ਼੍ਰੇਣੀਆਂ ਵਿੱਚ ਕੀਮਤਾਂ ਵਿੱਚ 41 ਫੀਸਦੀ ਤੱਕ ਦਾ ਵਾਧਾ ਕੀਤਾ ਹੈ।

ਕਿਹੜੇ ਬ੍ਰਾਂਡ ਹੋਏ ਕਿੰਨੇ ਮਹਿੰਗੇ?

ਸਰੋਤਾਂ ਅਨੁਸਾਰ, ਸਭ ਤੋਂ ਵੱਧ ਵਾਧਾ ਪ੍ਰੀਮੀਅਮ ਸ਼੍ਰੇਣੀ ਵਿੱਚ ਦੇਖਣ ਨੂੰ ਮਿਲਿਆ ਹੈ।

- Gold Flake ਅਤੇ Classic (Premium): ਇਹਨਾਂ ਦੀਆਂ ਕੀਮਤਾਂ ਵਿੱਚ 41 ਫੀਸਦੀ ਦਾ ਵਾਧਾ ਹੋਇਆ ਹੈ। ਹੁਣ ਗੋਲਡ ਫਲੇਕ ਦਾ 10 ਸਿਗਰਟਾਂ ਵਾਲਾ ਪੈਕ 170 ਰੁਪਏ ਦੀ ਬਜਾਏ 240 ਰੁਪਏ ਦਾ ਮਿਲੇਗਾ (ਯਾਨੀ 24 ਰੁਪਏ ਪ੍ਰਤੀ ਸਿਗਰਟ)।

- Classic Regular/Mild/Ultra: 20 ਸਿਗਰਟਾਂ ਵਾਲਾ ਪੈਕ ਹੁਣ 340 ਰੁਪਏ ਤੋਂ ਵਧ ਕੇ 480 ਰੁਪਏ ਦਾ ਹੋ ਗਿਆ ਹੈ।

- Classic Connect (Slim): ਇਸ ਦੀ ਕੀਮਤ ਵਿੱਚ 20 ਫੀਸਦੀ ਦਾ ਵਾਧਾ ਹੋਇਆ ਹੈ, ਜਿਸ ਨਾਲ 20 ਸਿਗਰਟਾਂ ਵਾਲਾ ਪੈਕ ਹੁਣ 360 ਰੁਪਏ (ਪਹਿਲਾਂ 300 ਰੁਪਏ) ਦਾ ਹੋਵੇਗਾ।

- Gold Flake Superstar (Value): ਇਸ ਦੀ ਕੀਮਤ 19 ਫੀਸਦੀ ਵਧ ਕੇ 59 ਰੁਪਏ ਤੋਂ 70 ਰੁਪਏ (10 ਦਾ ਪੈਕ) ਹੋ ਗਈ ਹੈ।

ਜਾਣੋ ਕਿਉਂ ਵਧੀਆਂ ਕੀਮਤਾਂ?

ਕੀਮਤਾਂ ਵਿੱਚ ਇਸ ਵਾਧੇ ਦਾ ਮੁੱਖ ਕਾਰਨ ਭਾਰਤ ਸਰਕਾਰ ਵੱਲੋਂ ਸਿਗਰਟਾਂ 'ਤੇ ਟੈਕਸ ਦੇ ਢਾਂਚੇ ਵਿੱਚ ਕੀਤਾ ਗਿਆ ਬਦਲਾਅ ਹੈ। 1 ਫਰਵਰੀ ਤੋਂ ਸਿਗਰਟਾਂ 'ਤੇ GST ਨੂੰ ਵਧਾ ਕੇ 40 ਫੀਸਦੀ ਕਰ ਦਿੱਤਾ ਗਿਆ ਹੈ, ਜੋ ਕਿ 'ਹਾਨੀਕਾਰਕ ਵਸਤੂਆਂ' ਦੀ ਸ਼੍ਰੇਣੀ ਵਿੱਚ ਸਭ ਤੋਂ ਉੱਚਾ ਪੱਧਰ ਹੈ। ਇਸ ਤੋਂ ਇਲਾਵਾ, ਸਿਗਰਟ ਦੀ ਲੰਬਾਈ ਦੇ ਅਧਾਰ 'ਤੇ 2.05 ਰੁਪਏ ਤੋਂ ਲੈ ਕੇ 8.50 ਰੁਪਏ ਪ੍ਰਤੀ ਸਟਿਕ ਤੱਕ ਦਾ ਵਾਧੂ ਉਤਪਾਦ ਸ਼ੁਲਕ (Excise Duty) ਵੀ ਲਗਾਇਆ ਗਿਆ ਹੈ।

ਜਾਣਕਾਰੀ ਮੁਤਾਬਕ ਡਿਸਟ੍ਰੀਬਿਊਟਰਾਂ ਨੂੰ ਪੁਰਾਣੇ ਸਟਾਕ ਮਿਲ ਰਹੇ ਹਨ, ਪਰ ਕੰਪਨੀ ਨੇ ਰੋਜ਼ਾਨਾ ਇਨਵੌਇਸ ਦੀ ਸੀਮਾ 60 ਲੱਖ ਰੁਪਏ ਤੱਕ ਤੈਅ ਕਰ ਦਿੱਤੀ ਹੈ। ਸਿਰਫ਼ ਆਈ.ਟੀ.ਸੀ ਹੀ ਨਹੀਂ, ਸਗੋਂ ਗਾਡਫ੍ਰੇ ਫਿਲਿਪਸ ਇੰਡੀਆ ਨੇ ਵੀ ਆਪਣੇ 'ਮਾਰਲਬਰੋ ਕੰਪੈਕਟ' (Marlboro Compact) ਦੀ ਕੀਮਤ 9.5 ਰੁਪਏ ਤੋਂ ਵਧਾ ਕੇ 11.5 ਰੁਪਏ ਪ੍ਰਤੀ ਸਟਿਕ ਕਰ ਦਿੱਤੀ ਹੈ। ਮਾਹਰਾਂ ਦਾ ਮੰਨਣਾ ਹੈ ਕਿ ਆਉਣ ਵਾਲੇ ਦਿਨਾਂ ਵਿੱਚ ਕੰਪਨੀਆਂ ਟੈਕਸ ਦੇ ਬੋਝ ਨੂੰ ਘਟਾਉਣ ਲਈ ਕੁਝ ਹੋਰ ਬ੍ਰਾਂਡਾਂ ਦੀਆਂ ਕੀਮਤਾਂ ਵਿੱਚ ਵੀ ਵਾਧਾ ਕਰ ਸਕਦੀਆਂ ਹਨ।