ਦੀਵਾਲੀ 'ਤੇ Omicron ਦੇ ਦੋ ਨਵੇਂ ਵੈਰੀਐਂਟ ਦੀ ਦਹਿਸ਼ਤ : ਚੀਨ, ਡੈਨਮਾਰਕ, ਇੰਗਲੈਂਡ 'ਚ ਸੰਕਰਮਣ ਤੇਜ਼ , XBB ਜਾਂ BF.7 ? ਭਾਰਤ 'ਚ ਕਿਸ ਤੋਂ ਜ਼ਿਆਦਾ ਖ਼ਤਰਾ
Omicron New Variants : ਭਾਰਤ ਵਿੱਚ ਤਿਉਹਾਰਾਂ ਦਾ ਸੀਜ਼ਨ ਚੱਲ ਰਿਹਾ ਹੈ ਅਤੇ ਠੀਕ 4 ਦਿਨ ਬਾਅਦ ਦੀਵਾਲੀ ਹੈ। ਇਸ ਸਮੇਂ ਬਾਜ਼ਾਰਾਂ 'ਚ ਭਾਰੀ ਰੌਣਕ ਹੈ। ਇਸ ਦੌਰਾਨ ਕੋਰੋਨਾ ਦੇ ਇੱਕ ਨਵੇਂ ਰੂਪ ਨੇ ਭਾਰਤ ਵਿੱਚ ਵੀ ਦਸਤਕ ਦੇ ਦਿੱਤੀ ਹੈ।
Omicron New Variants : ਭਾਰਤ ਵਿੱਚ ਤਿਉਹਾਰਾਂ ਦਾ ਸੀਜ਼ਨ ਚੱਲ ਰਿਹਾ ਹੈ ਅਤੇ ਠੀਕ 4 ਦਿਨ ਬਾਅਦ ਦੀਵਾਲੀ ਹੈ। ਇਸ ਸਮੇਂ ਬਾਜ਼ਾਰਾਂ 'ਚ ਭਾਰੀ ਰੌਣਕ ਹੈ। ਇਸ ਦੌਰਾਨ ਕੋਰੋਨਾ ਦੇ ਇੱਕ ਨਵੇਂ ਰੂਪ ਨੇ ਭਾਰਤ ਵਿੱਚ ਵੀ ਦਸਤਕ ਦੇ ਦਿੱਤੀ ਹੈ। Omicron ਦੇ ਦੋ ਨਵੇਂ ਰੂਪ XBB ਅਤੇ BF.7 ਬਹੁਤ ਸਾਰੇ ਦੇਸ਼ਾਂ ਵਿੱਚ ਫੈਲ ਰਹੇ ਹਨ। ਚੀਨ, ਡੈਨਮਾਰਕ ਅਤੇ ਇੰਗਲੈਂਡ ਵਿਚ ਇਨਫੈਕਸ਼ਨ ਤੇਜ਼ੀ ਨਾਲ ਫੈਲ ਰਹੀ ਹੈ। ਇਸ ਦੇ ਨਾਲ ਹੀ ਭਾਰਤ ਵਿੱਚ ਨਵੇਂ ਵੈਰੀਐਂਟ ਦੇ ਮਾਮਲੇ ਸਾਹਮਣੇ ਆਉਣੇ ਸ਼ੁਰੂ ਹੋ ਗਏ ਹਨ। ਆਓ ਜਾਣਦੇ ਹਾਂ ਕਿ ਇਹ ਦੋ ਵੇਰੀਐਂਟ ਕੀ ਹਨ ਅਤੇ ਇਨ੍ਹਾਂ ਦੋਵਾਂ 'ਚੋਂ ਕਿਹੜਾ ਵੈਰੀਐਂਟ ਸਭ ਤੋਂ ਖਤਰਨਾਕ ਹੈ।
XBB ਵੈਰੀਐਂਟ ਬਾਰੇ ਜਾਣੋ
XBB Omicron ਦੇ ਦੋ ਰੂਪਾਂ BA.2.75 ਅਤੇ BA.2.10 ਦੇ ਪਰਿਵਰਤਨ ਨਾਲ ਬਣਿਆ ਹੈ। ਵਿਗਿਆਨੀਆਂ ਦੇ ਅਨੁਸਾਰ ਇਹ ਹੁਣ ਤੱਕ ਦੇ ਸਾਰੇ ਰੂਪਾਂ ਤੋਂ ਵੱਧ ਸੰਕਰਮਣ ਹੈ। ਖ਼ਤਰਨਾਕ ਗੱਲ ਇਹ ਹੈ ਕਿ ਜ਼ਿਆਦਾ ਟੀਕਾਕਰਨ ਵਾਲੇ ਦੇਸ਼ਾਂ ਵਿੱਚ ਵੀ ਇਹ ਤੇਜ਼ੀ ਨਾਲ ਸਾਹਮਣੇ ਆਇਆ ਹੈ। ਇਹ ਵੈਕਸੀਨ ਤੋਂ ਬਣੀ ਇਮਿਊਨਿਟੀ ਨੂੰ ਵੀ ਚਕਮਾ ਦੇ ਸਕਦਾ ਹੈ। ਇਸ ਦੇ ਨਾਲ ਇਹ ਵੱਡੀ ਗਿਣਤੀ ਵਿੱਚ ਲੋਕਾਂ ਨੂੰ ਸੰਕਰਮਿਤ ਕਰਨ ਦੀ ਸਮਰੱਥਾ ਰੱਖਦਾ ਹੈ। ਹੁਣ ਤੱਕ ਇਸ ਦਾ ਮੁੱਖ ਲੱਛਣ ਸਰੀਰ ਦਾ ਦਰਦ ਹੀ ਦਿਖਾਈ ਦਿੰਦਾ ਹੈ।
BF.7 ਵੈਰੀਐਂਟ ਬਾਰੇ ਜਾਣੋ
ਇਹ Omicron ਦੇ ਵੈਰੀਐਂਟ BA.5 ਤੋਂ ਬਣਿਆ ਹੈ। ਇਸ ਦਾ ਪਹਿਲਾ ਮਾਮਲਾ ਗੁਜਰਾਤ ਵਿੱਚ ਸਾਹਮਣੇ ਆਇਆ ਹੈ। ਇਹ ਪੁਰਾਣੇ ਰੂਪਾਂ ਨਾਲੋਂ ਵਧੇਰੇ ਸੰਕਰਮਣ ਹੈ ਅਤੇ ਇਮਿਊਨਿਟੀ ਨੂੰ ਚਕਮਾ ਦੇਣ ਦੀ ਸਮਰੱਥਾ ਰੱਖਦਾ ਹੈ। BF.7 ਚੀਨ ਵਿੱਚ ਤੇਜ਼ੀ ਨਾਲ ਫੈਲ ਰਿਹਾ ਹੈ ਅਤੇ ਕਈ ਸ਼ਹਿਰਾਂ ਵਿੱਚ ਇਸ ਦੇ ਕੇਸ ਪਾਏ ਗਏ ਹਨ। ਇਸ ਦੇ ਨਾਲ ਹੀ ਇਹ ਵੈਰੀਐਂਟ ਬੈਲਜੀਅਮ, ਜਰਮਨੀ, ਫਰਾਂਸ ਵਿੱਚ ਵੀ ਫੈਲ ਰਿਹਾ ਹੈ। ਹੁਣ ਤੱਕ ਸਰੀਰ ਵਿੱਚ ਦਰਦ ਇਸ ਦੇ ਮੁੱਖ ਲੱਛਣ ਹਨ ਅਤੇ ਖੰਘ, ਦਰਦ, ਥਕਾਵਟ ਇਸ ਦੇ ਲੱਛਣ ਹਨ।
ਕਿਹੜਾ ਵੈਰੀਐਂਟ ਵਧੇਰੇ ਖਤਰਨਾਕ ?
ਮਾਹਿਰਾਂ ਅਨੁਸਾਰ ਬੀ.ਐਫ. 7 ਵੈਰੀਐਂਟ ਦੀ ਲਾਗ ਦੀ ਦਰ ਬਹੁਤ ਜ਼ਿਆਦਾ ਹੈ। ਹਾਲਾਂਕਿ, ਮਾਹਰਾਂ ਨੇ ਇਹ ਵੀ ਕਿਹਾ ਕਿ ਓਮੀਕਰੋਨ ਅਤੇ ਇਸ ਦੇ ਉਪ ਰੂਪਾਂ ਦੇ ਲੱਛਣ ਬਹੁਤ ਹਲਕੇ ਹਨ ਅਤੇ ਘਬਰਾਉਣ ਦੀ ਕੋਈ ਲੋੜ ਨਹੀਂ ਹੈ। ਫਿਰ ਵੀ ਮਾਹਿਰਾਂ ਨੇ ਉਨ੍ਹਾਂ ਲੋਕਾਂ ਨੂੰ ਸੁਚੇਤ ਕੀਤਾ ਹੈ ,ਜੋ ਦਿਲ ਦੇ ਰੋਗ, ਗੁਰਦੇ ਦੇ ਰੋਗ ਅਤੇ ਲੀਵਰ ਦੀਆਂ ਬਿਮਾਰੀਆਂ ਤੋਂ ਪੀੜਤ ਹਨ।
Omicron ਦੇ XBB ਵੈਰੀਐਂਟ ਦੇ ਲੱਛਣ ਹਲਕੇ ਹਨ ਪਰ ਇਸਦੀ ਸੰਕਰਮਣ ਸਮਤਾ ਇੰਨੀ ਜ਼ਿਆਦਾ ਹੈ ਕਿ ਇਹ ਕੋਰੋਨਾ ਦੇ ਮਾਮਲਿਆਂ ਨੂੰ ਵਧਾ ਸਕਦੀ ਹੈ। ਸੰਕਰਮਣ ਦੀਆਂ ਬਿਮਾਰੀਆਂ ਦੇ ਮਾਹਿਰਾਂ ਦਾ ਕਹਿਣਾ ਹੈ ਕਿ ਹਸਪਤਾਲ ਵਿੱਚ ਦਾਖ਼ਲ ਮਰੀਜ਼ਾਂ ਦੀ ਗਿਣਤੀ ਵੀ ਵਧ ਸਕਦੀ ਹੈ।
OMICRON XBB ਵੈਰੀਐਂਟ : ਇਹ ਕਿੰਨਾ ਘਾਤਕ ਹੈ?
ਇਸ ਸਮੇਂ ਤਿਉਹਾਰਾਂ ਦਾ ਸੀਜ਼ਨ ਚੱਲ ਰਿਹਾ ਹੈ ਅਤੇ ਵੱਡੀ ਗਿਣਤੀ 'ਚ ਲੋਕ ਇਕੱਠੇ ਹੋ ਰਹੇ ਹਨ। ਅਜਿਹੇ 'ਚ ਅਗਲੇ 3-4 ਹਫਤਿਆਂ 'ਚ ਕੋਵਿਡ ਪਾਜ਼ੀਟਿਵ ਮਾਮਲਿਆਂ 'ਚ ਵਾਧਾ ਹੋਣ ਦੀ ਸੰਭਾਵਨਾ ਹੈ। ਸੰਕਰਮਕ ਰੋਕ ਮਾਹਿਰਾਂ ਦਾ ਕਹਿਣਾ ਹੈ, "ਹੁਣ ਤੱਕ XBB ਵੈਰੀਐਂਟ ਦੇ ਸਕਾਰਾਤਮਕ ਕੇਸ ਸਾਰੇ ਕੇਸਾਂ ਵਿੱਚੋਂ ਲਗਭਗ 7% ਹਨ। ਇਹ ਬਹੁਤ ਘੱਟ ਸਮੇਂ ਵਿੱਚ ਵੱਡੀ ਗਿਣਤੀ ਵਿੱਚ ਸੰਕਰਮਿਤ ਕਰਨ ਦੇ ਸਮਰੱਥ ਹੈ, ਕਿਉਂਕਿ ਇਸਦੀ ਪ੍ਰਤੀਰੋਧਕ ਪ੍ਰਤੀਕਿਰਿਆ ਤੋਂ ਬਚਣ ਦੀ ਸਮਰੱਥਾ ਬਹੁਤ ਜ਼ਿਆਦਾ ਹੈ।
ਕਿੱਥੇ ਮਿਲਿਆ XBB ?
ਮਹਾਰਾਸ਼ਟਰ ਵਿੱਚ 18 ਮਾਮਲੇ
ਓਡੀਸ਼ਾ ਵਿੱਚ 33 ਮਾਮਲੇ
ਪੱਛਮੀ ਬੰਗਾਲ ਵਿੱਚ 17 ਮਾਮਲੇ
ਤਾਮਿਲਨਾਡੂ ਵਿੱਚ 16 ਮਾਮਲੇ
ਜ਼ਿਕਰਯੋਗ ਹੈ ਕਿ ਕੋਰੋਨਾ ਨੂੰ ਫੈਲਣ ਤੋਂ ਰੋਕਣ ਅਤੇ ਨਵੇਂ ਰੂਪਾਂ ਨਾਲ ਲੜਨ ਲਈ ਸਰਕਾਰ ਵੀ ਗੰਭੀਰ ਹੋ ਗਈ ਹੈ। ਮੰਗਲਵਾਰ ਨੂੰ ਹੋਈ ਇੱਕ ਕੋਵਿਡ ਸਮੀਖਿਆ ਮੀਟਿੰਗ ਵਿੱਚ ਕੇਂਦਰੀ ਸਿਹਤ ਮੰਤਰੀ ਮਨਸੁਖ ਮੰਡਾਵੀਆ ਨੇ ਢੁਕਵੇਂ ਕੋਵਿਡ ਟੈਸਟ ਕਰਵਾਉਣ ਦੀ ਲੋੜ 'ਤੇ ਜ਼ੋਰ ਦਿੱਤਾ। ਇੱਕ ਬਿਆਨ ਵਿੱਚ ਸਿਹਤ ਮੰਤਰਾਲੇ ਨੇ ਕਿਹਾ ਉਨ੍ਹਾਂ ਨੇ ਅਧਿਕਾਰੀਆਂ ਨੂੰ ਕੋਵਿਡ -19 ਕਾਰਨ ਹਸਪਤਾਲ ਵਿੱਚ ਦਾਖਲ ਮਰੀਜ਼ਾਂ ਦੀ ਨੇੜਿਓਂ ਨਿਗਰਾਨੀ ਕਰਨ ਦੀ ਅਪੀਲ ਕੀਤੀ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
